Tsuv tir thêir têx tuz nxêik nhoz têx jêx jos siz zuôr tsik tâu txưv shông

Tsêr cơưv cxênhx oz Xã Lóng  Luông, huyện Vân Hồ, tỉnh Sơn La, xav txix đhâu ciês tsiêz têz qơưs shông 2022, muôx chôngz lênhx ntâu tus tuz nxêik shuv xênhz cơưv txix lớp 7 txos lớp 9 tưz zuôr pox niêv, zuôr txir. Chor nxêik shuv xênhz, phênhv ntâu txix ciês thâuv muk zuôr txir tưz tso ntơưr tsês tsik cơưv, tsuôk nhoz hâur tsêr khưr uô liêx têz. Yuôr chor tuz shuv xênhz, đhâu zuôr pox niêv thiêx tror tuôx cơưv ntơưr:

“Cur bê hu uô Gô X Zax, shông no cur muôx 17 shông, cơưv ntơưr lớp 9B, shông cur muôx 16 shông tưz zuôr pox niêv; nhiv no cux cux tror tuôx cơưv ntơưr; pox niêv nhoz hâur tsêr khưr uô liêx têz, jor mê nhuôv”

           “Cur bê zos Tsaz x Zax, cur xênhz zus shông 2006, shông no cur tưz zuôr pox niêv; cur pox niêv muôx 16 shông; nhiv no pox niêv nhoz hâur tsêr paz niêv thiêz txir khưr uô liêx têz”

           “Cur zos Tsu x Zax, shông no muôx 16 shông, cur nhiv kruôr zuôr pox niêv shông no, taz sik tsik tâu uô ntâuz ntơưr siz zuôr. Zos muk uô ntơưr siz zuôr mak tsuv trâus bluô nhiêx, viv siz zuôr tsik tâu txưv shông, uô cxâuv chêi têz qơưs”

          Cưk kriê Lương Văn Huyến, thơưx sêiz car tsêr cơưv cxênhx oz Xã Lóng Luông, huyện Vân Hồ, cux hêik pâuz tiêk: Chor shuv xênhz li Tsu x Zax, Tsaz x Zax, Gô x Zax, cux zênhx pâuz tiêk, zuôr pox niêv tsik tâu txưv shông zos uô cxâuv chêi siz zuôr cxiv tsa chuôz zis: “Hâur têx shông đhâu lok no, pêz chor cưk kriê hâur tsêr cơưv cux đros shuv xênhz niêv thiêz txir nhoz cxuô luz jêx jos, hâu nov xã yax kriê, tsik puz têx tuz nxêik siz zuôr tsik tâu txưv shông. Thiêz pêz cux đros Ban mênhx cxưx tỉnh tuôx trâu cxuô luz jêx jos, fuô yax kriê chêi tir thêir siz zuôr tsik tâu txưv shông; zos siz zuôr, tus nxêik tsuv txưv 18 shông, tus tuz tsuv txưv 20 shông”

          Jos Tà Dê, Xã Lóng Luông, huyện Vân Hồ, xav ciês hâur hli 2 thiêz hli 3 shông 2022, tưz muôx txos 13 gơưv tuz nxêik siz zuôr tsik tâu txưv shông. Trơưk li Txôngr x Zax, Bí thư chi Bộ, tsar jos Tà Dê hêik pâuz tiêk: zos tir thêir cov tâu chor gơưv niêv txir siz zuôr tsik tâu txưv shông, hâu nov ntơưv qơư tsuv tâu moz siêz đros tir thêir: “Chor gơưv niêv txir siz zuôr tsik tâu txưv shông nhoz luz jos no, shông tưs cux muôx thiêz cxuô xênhv cux yax kriê trâu cxuô lênhx tuz nxêik pâuz tsênhz lok chêi siz zuôr tsik tâu txưv shông, zos uô cxâuv chêi têz qơưs. Taz sik nhiv no cux tsênhv muôx ntâu gơưv niêv txir siz zuôr tsik tâu txưv shông thiêz”

          Huyện Vân Hồ, tỉnh Sơn La tsênhv taz tov uô truôx jông luôs hâux lưv fuô yax kriê cxuô lênhx tuz nxêik hluôk nhoz cxuô luz tsêr cơưv hâur thax tsav, tsik siz zuôr cxênhz jê, tsik siz zuôr tsik tâu txưv shông thiêz cxuô cơ quan hâur thax tsav tsuv đros tir thêir thiêx txo grêk tsơưs chor gơưv niêv txir siz zuôr tsik tâu txưv shông nhoz huyện Vân Hồ, tỉnh Sơn La./.

Tsu cxêik nhênhv-Thanh Thuỷ-Thào Ly Tây Bắc