Sơn La: Tsêx trung ntâu tsưr ziv paz gra siêz tsơưr lươngv dân sôr

Mường Trai zos xar tox siêz thax tsav 2 nhoz huyện Mường La, tỉnh Sơn La. Txix tsêiz no txos nhiv no, sâuv thax tsav xar tsik yuôr siz zuôr nzor, siz zuôr cxênhz jêx; tsik muôx nênhs xênhz zus tuk nhuôs tiv pêz tror sâur. Quàng Thị Duyên, Bí thư Đảng ủy xar hêik pâuz: “Yênhx shông, Đảng ủy xar muôz tsênhv njiêz côngz xưv dân sôr tso trâu hâur Đảng bôv xar li tsưr ziv huôx tôngv. Đros co, chox kriê chor tôv đoanx thêv xar, chi bộ chor jêx jok uô đros yax kriê hâur chor jiês xênhz huôx, jiês cơưv jêx jok trâu chor hôiv viên, hluôk nênhs thiêz pêx xênhv pâuz lok têx phiv liv txix nhuôv tuz nhuôv nxêik tsik siz bâus, siz zuôr nzor thiêz siz zuôr cxênhz jê, zus nhuôv tuôz, zus chôngz mê nhuôv”.

Kriz uô lơưr Nghị quyết sôr 21-NQ/TW, Ban Thường vụ Tỉnh ủy tưz tso tơưv Tsưr ziv chox kriê kriz uô. Hôiv đôngx tỉnh tso tơưv Nghị quyết cui tenhv lok chor nênhs, phênhv nhiêx paz trâu chor côngv tác viên dân sôr jêx jok sâuv thax tsav tỉnh; cui tênhv iz cxiê tsênhv chêi khơưk kruôk, paz trâu tập thể, tiz nênhs uô jông lơưr têx tsênhv chêi dân sôr-Tsưr ziv xênhz zus nhuôs hâur chuôz zis sâuv thax tsav. Ủy ban tỉnh cux tưz tso tơưv ntâu ntâuz ntơưr chox kriê uô côngz xưv dân sôr, li: Tsưr ziv uô lơưr Tsaz yênhx kriz đar njuôk xav, chơưv kho iz cxiê zav moz uô ntêx xênhz zus thiêz đhâu zus tâu mê nhuôv txos shông 2030 thiêz uô lơưr Đề anr phax tar chor nhuôv tuz nhuôv nxêik xênhz zus tsik siz bâus ntu 2 (2021-2025). Iz chas co, cấp ủy, chinhr quyền cxuô cấp hâur tỉnh tưz muôz côngz xưv dân sôr tso trâu hâur tsaz yênhx, tsưr ziv huôv tsar kinh têr-xar hôiv nhoz yênhx thax tsav qơư. Tsov cưv txos yax mông zoz zux gra siêz jênhv pâuz, hlôngr yiêz lok dân sôr trâu pêx xênhv, uô ntâu zav tsưr ziv yax kriê lok Chêi siz zuôr thiêz chuôz zis, Pháp lệnh dân sôr, Chêi pox niêv txir nênhx vax huôv siz luôs, Trung ương, tỉnh li chor ntâuz ntơưr chox kriê lok côngz xưv dân sôr thiêz huôv tsar. Tỉnh tsênhv chox kriê yênhx lix chor đoanx liên nganhx qênhz yuôx, sêiz kaz côngz xưv dân sôr-Tsưr ziv xênhz zus nhuôs hâur chuôz zis ntơưv têx huyện, thành phố thiêz chox xar, phường, thị trấn.

Ciês nganhx Y têr tỉnh Sơn La hâur ntâu shông no tưz sik côngv đros cxuô thax tsav qơư, chor nganhx uô jông têx huôx tôngv lok tsưr ziv paz phax tar siz zuôr nzor, siz zuôr cxênhx jê ntơưv 9 xar, 1.042 jêx jok txov nhêv tiv zix thiêz 11 tsêr cơưv ntơưr phôv thông mênhx cxưx nội trú. Yênhx shông, chor tsưr ziv no tưz tsưr tsix yênhx cxênhz jiês xênhz huôx, thav pêv chuyên đề, đros muôx chor nênhs lâul, nênhs muôx suôz bê, tsar jok, tsưr chuôz xênhv, hluôk nênhs… cxaz chuôz. Đuô li, tsênhv uô jông chor tsưr ziv njuôk shuôk đas jos trâu mê nhuôv uô ntêx thâuv zuôr xênhz zus mê nhuôv thiêz mê nhuôv nhiv kruôr xênhz zus; moz lok nyar tsik tu, têx phiv liv txos đas jos uô ntêx thâuv zuôr siz zuôr… paz txo grêk tsơưs chor mê nhuôv xênhz zus tâu trâus muôx moz, trâus sêv khiz luz chêr; tsưr tsix chor jiês yax kriê, hêik pâuz đros têx dịch vụ tsoz phưz đas jos xênhz zus mê nhuôv, tsưr ziv xênhz zus nhuôs hâur chuôz zis ntơưv 90-100 xar txov nhêv, xar muôx xênhz zus mê nhuôv chôngz nhoz 11 huyện hâur tỉnh. Lơưr co, yênhx cxênhz lênhx nênhs hâur hnuz nhôngs xênhz zus tâu yax kriê chiê dân sôr-tsưr ziv xênhz zus nhuôs hâur chuôz zis; tâu hêik kriê xêir tsov têx tsưr ziv paz tsik muôx mê nhuôv huv đros thiêz tâu buôs ti têx dịch vụ tsoz phưz đas jos xênhz zus.

Khov co, tsơưr lươngv dân sôr jux juk tâu hlôngr yiêz jông, Chor nênhs uô nênhx nhoz hnuz nhôngs siêz xav luz đraz sâuv tas nro tỉnh ndê txix 70,7 shông shông 2017 muôx 71 shông trâu shông no. Chuôz ndê dân sôr, siz zuôr nzor grêk tsơưs, tsik yuôr siz zuôr cxênhz jê. Chor pox niêv xênhz zus hâur chêr njuôk shuôk đas jos trâu mê nhuôv uô ntêx thâuv zuôr zus chuôz ndê; chor nhuôs tuz nhuôs nxêik thâuv xênhz zus zos 118 lênhx nhuôs tuz sâuv 100 lênhx nhuôs nxêik.

Tror uô truôx jông Nghị quyết sôr 21-NQ/TW, zơưv Nguyễn Hữu Hùng, Phưv Giám đốc Sở Y têr, puz pâuz: “Ntu zuôr txos, cấp ủy, chinhr quyền cxuô cấp hâur tas nro tỉnh chuôz cxaz lênhx tov côngz xưv dân sôr, tâu pêx xênhv thôngx ziv siêz. Hlôngr yiêz tsênhv njiêz, tsưr ziv yax kriê, huv đros trâu yênhx hov nênhs, yênhx thax tsav, yênhx mênhx cxưx. Hlôngr tsênhv njiêz tsênhv chêi txix tsêx trung trâu tsưr ziv xênhz zus nhuôs hâur chuôz zis trâu đơưk kho cxix cxuô lok tsơưr lươngv dân sôr đros trâu huôv tsar kinh têr, xar hôiv, côx phax, ngaz tuk”.

Tỉnh Sơn La sir jos txos shông 2025, chor nhuôs tuz, nhuôs nxêik thâuv xênhz zus tâu txo grêk txox muôs 113,4 lênhx nhuôs tuz sâuv 100 lênhx nhuôs nxêik; siz zuôr nzor grêk txos muôx 17%; tsik muôx gơưv niêv txir tưs siz zuôr cxênhz jê; Hnuz nhôngs uô nênhx nhoz xav luz đraz muôx 72,7 shông; huôv tsar lênhx nênhs (HDI) bâuv phênhv xav luz đraz hâur tas nro têz qơưk./.

Bích Thủy-Lik Thox cxêik nhênhv

Tox siêz Sa Pa uô jông hâux lưv phax tar ntux no njiv trâu tsiêx cxu

Tâu cxiv uô truôx jông, their cov tsi trâus chuô njơưx zos zơưv Má A Páo chuôz zis li guôx cơư tưv nhoz tuêv 1, phường Hàm Rồng, thị xã Sa Pa. Txix thâuv uô guôx cơư, cheix ntux no tưs, zơưv Páo cux tsi tsuv lơưr nhux muk đreiv ntux no thiêz. Zơưv Páo pheiz kênh: “Cur chuôz zis muôx 4 tul tưv, ntux no mak cơư hâur guôx, ntux no njiv tsi muk hleik tâu jâuz mak txiêr kuôr njuôk trâu tưv nox. Yuôr cur chuôz zis cux chos tâux, hnuz fênhx yax mak cux muk hleik lok puz tưv nox”

          Sa Pa zos tiv phaz muôx qiv hơưv no njiv tiv zix nhoz Lào Cai. Chiê por vêv paz tsiêx cxu muôx 13 cxênhz ntâu tul phênhv ntâu zos nhux tưv, chính quyênx tiv phaz txix ciês thâuv zuôr txos cheix ntux no tưz chuv tôngv cxiv tsa tsưr ziv phax tar ntux no trâu paz tsiêx cxu.

          Lơưr zơưv Trần Mạnh Hùng, Tsar phongx kinh têr thị xã Sa Pa, txos nhiv no tas nro thị xã tưz muôx 94% ntâu ziv chuôz zis cxiv uô guôx cơư taz por; 84% ntâu chor ziv chuôz zis bax cxix cxuô jâuz tâux cxênhx tsês trâu tsiêx cxu; hâux lưv cxax yuôx phax moz cux tâu uô cxix cxuô.

          Đrâuv co, thâuv têx tiv phaz txơưr heik tsi cxoz tso nhux têx thâuv jêx tưv grês kis đuô 13 tưv mak Sa Pa uô jông luôk hâux lưv no. Zơưv HÙng puz pâuz: “Đros Sa Pa mak thâuv jêx tưv kis đuô 7 tưv mak tsi tso nhux muk nos jâuz thiêz mak cơư hâur guôx thiêz tsuv their guôx cơư cov jông chiê sor si; thôngx cxix, chuôz tsar puz nox krâur chiê chuôz cxaz đas jos trâu tsiêx cxu. Pêz cux yax six chox kriê têx xã heik cán bộ muk vênhv tôngv yax kriê tsôngv box phax tar ntux no trâu tsiêx cxu”.

          Đros iz pưv phênhv ziv chuôz zis muôx guôx cơư tsi taz por, chính quyênx tiv phaz cux heik kriê, paz lơưr  tsiêx cxu muk qơư kis đuô hâur têx hnuz ntux no njiv chiê taz por đas jos trâu paz tsiêx cxu./.

An Kiên-Txâur Vax cxeik nhênhv