Txi côngv hli 7 hli ntux đra muôx liv trâu hêir nênhs Cho Thanh Phán

          Hêir nênhs Cho xêir hnuz 14 hli ntux zos hnuz txi côngv tsênhv; taz sik hêir nênhs Cho Thanh Phán bax cxuô zav chiê  txi côngv txix hli 7 hli ntux xiêz txos trâu hnuz 14 hli 7 đra. Thâuv xêir tsov tâu hnuz nhôngs jông, tsuv uô txi côngv uô ntêx trâu ntơưv tus txir ndâux txir luk tsêr.

          Đhâu co, tâu uô txi côngv trâu iz chuôz zis jux juk tax txos trâu hnuz 14 hli ntux. Lar hêik zos hâur têx hnuz hli 7 hli ntux xiêz, cxuô lênhx hâur chuôz zis tưz muôx njêx muôs cxix cxuô, shir phaz lul sik côngv đros bax cxuô zav trâu hnuz txir côngv. Ntơư zos bax blôngx njê, cxur blâuv chiê krưr mor  txâuv puôz chiê txi côngv pox côngz, zơưv côngz. Ntơư zos hêir nênhs Cho Thanh Phán iz ntênhk txi côngv muôx đros đrêiv hâur luz nênhx. Zơưv Bàn Văn Hương, hêir nênhs Cho Thanh Phán nhoz jos Khe Càn, xã Đồng Sơn, đrôngl Hạ Long, tỉnh Quảng Ninh hêik pâuz: “Txơưv muk uô nox đêz vax tsêr bâuv tưs, taz sik hâur niêx shông thâuv txos luz hli 7 hli ntux, cur tưz đros cxuô sđ tror lok trâu chuôz zis qơư nhoz chiê đros txi côngv, cxuô lênhx sđ lov jêv, shir phaz lul gra cxuô zav tuôx đros txi côngv pox côngz, zơưv côngz uô cê. Co zos hêir nênhs Cho Thanh Phán iz vênhx huôv jông, muôx liv lox trâu zuk hêir nênhs li luz nênhx nox nhoz muk lok hâur niêx hnuz”

          Trơưk li zơưv Bàn Văn Sinh ở  nhoz jos Khe Lương, xã Kỳ Thượng, đrôngl Hạ Long, tỉnh Quảng Ninh: Cxuô zav bax txi côngv zos cxuô lênhx hâur chuôz zis uô chiê ndo txiêx njis txos pox côngz zơưv côngz côngk đas jos, côngz bê. Chuôz zis tưs muôx buô tsuv muôz buô, zos tsik muôx buô tsuv muôz kêiz chox lok txi côngv pox côngz, zơưv côngz, đaz xênhz têz, xênhz qơư: “Chiê kriz uô ntênhk txi côngv co, pêz cux bax cxuô zav uô ntêx ntêr hnuz. Txix tu zus tsiêx cxu, bax cxur blâuv. Đhâu co, chuôz zis ho xêir tsuv têx hnuz nhôngs jông chiê txi côngv. Hâur hnuz txi côngv, cxuô lênhx hâur chuôz zis thiêz têx cưr tix, nênhx tsa cxênhz jê, txơưv lênhx tưs cux shir phaz lul”

          Hâur ntênhk txi côngv hli 7 hli ntux đra, chuôz ziv tsuv bax chơưr, grêix, mor txâuv puôz, shaz, ntơưr. Ntơưv lênhx txir ndâux, txir luk tsêr, tsuv bax ntâu tus krêiz, hâur ntơư tsuv muôx iz tus lâu kêiz lox chiê txi côngv pox côngz zơưv côngz. Ntênhk txi côngv co tsuv muôx 3 tus txir nênhz tuôx đros txi côngv thiêz txi côngv ntêr 2-3 six hơưv.

Hêir nênhs Cho ntênhk txi côngv no zos ndo txiêx njis txos pox côngz zơưv côngz luz côngz bê, côngk đas jos tưz tsưx phưv cxuô lênhx sđ hâur chuôz zis muôx jông đas jos, khưr tâu ntâu kôngz lôngk, muôx luz nênhx tsâu sor. Bàn Văn Hiện, iz lênhx txir nênhz đros txi côngv shir phaz lul hêik pâuz nzir: “Ntênhk txi côngv hâur đraz hli 7 hli ntux đra, zos jiês chiê cxuô lênhx hâur chuôz zis tror ndo txiêx njiês txos pox côngz zơưv côngz thiêz thor pox côngz zơưv côngz tsưx phưv chuôz zis muôx jông đas jos, tsik muôx moz gênhk, khưr tâu nox tâu hnar, uô luz nênhx tsâu sor”

Hêir nênhs Cho Thanh Phán nhoz Quảng Ninh ntênhk txi côngv hâur đraz hli 7 hli ntux đra tưz muôx txix cxôngx nzor lok txos trâu nhiv no cux tsênhv muôx đros đrêiv hâur hêir nênhs co luz nênhx tsik chiê pôngz plox. Thiêz ntơư, cux zos jiês chiê cxuô lênhx hâur chuôz zis, cưr tix, nênhx tsa cxênhz jê siz njiz cov ziv hnuz ziv muôx cêr côngv siêz hâur chuôz zis thiêz côngv thôngx hêir nênhs Cho hâur thax tsav./.

Tsu cxêik nhênhv-Chẻo Thu-VOV Tây Bắc

Sa Pa xeir tsov vênhx huôv ntơưv qơư huôv tsar qơư ndis uô si, sêiz shuôk têz qơưs

Nhoz kuôk đêz tsênhv qơư thị xã Sa Pa zuôr xar 3 cêik, Cát Cát zos tsôngv box Hmôngz iz hâur têx jok lâul. Nhoz no tsênhv tuôr tâu tsês têx txux chi cêr nênhx phôngz cxưx jông thâuv nzor.

Hâur têx hnuz kaz ciêz, tsôngv kruô tuôx ndis uô si trâu thax tsav qơư co zuôr tâu 130 ntâu lênhx nhuôs zâu hnar nênhs Hmôngz têx tsôngk yo nthuôr uô txux chi cêr lov jêv jông. Nhoz no tsi tiêk chor tuz nxeik hluôk mak hur si têx lênhx tsar jok cux tâu nthuôr uô lov jêv, cê por hưv, tuôr tâu tsês têx txux chi vênhx huôv tsi chiê pôngz plox, cê muôx phênhv sâu tâu truôx. Zơưv Nguyễn Trung Kiên, Phưv giám đốc Công ty sêiz car, cxiv uô qơư ndis uô si Cát Cát heik pâuz: “Pêz por hưv, khưx phưx nênhs Hmôngz têx txux chi vênhx huôv jông thâuv nzor chiê xeir tsov huôv tsar uô qơư ndis uô si truôx. Tsôngv kruô tuôx jok Cát Cát zuôr seiz pov tâu tsôngv box sơưr đơưk hâur jok têx hâux lưv uô, cêr xênhz huôx nox nhoz hâur niêx hnuz, luôs hâux lưv kriê têx txux chi cêr uô nênhx trâu chor tuz nhuôs, kriê nênhs Hmôngz têx ntơưr sâu chiê sơưr đơưk pâuz tsênhz lok tsôngv box cêr nênhx vênhx huôv”.

Xeir tsov vênhx huôv chiê huôv tsar, qơư ndis uô si li Cát Cát tưz cxiz tsôngv box sơưr đơưk ntơưv qơư huôv tsar uô têx muôx jông chiê hu zâuv tsôngv kruô tuôx uô si ndis shuôs têz qơưk. Nhiêv Cát Cát, Jason iz lênhx hluôk tuz nhoz têz qơưk Anh tưz chiv chir hlôngr bê Choz Tsiz hu uô Sơn thiêz thor tâu nhoz ntơưv no chiê uô hâux lưv hâur thax tsav qơư ndis uô si co. Sơn tsiv uô nduôr thax, zuôr muôs huv ntơưv no tâu 2 hlik heik: “Nhoz no lok six lov jêv cơưk thiêz tâu heik lul, sik thav đros ntâu lênhx heir nênhs tsơưs cur lok six shir phaz. Viv lơưr siêz jông, nhiêv kruô”.

Xã Tả Phìn, thị xã Sa Pa-suôv qơư tuôr tâu tsês nênhs Cho thiêz Hmôngz ntâu txux chi vênhx huôv jông. Tix lâus Trần Chí Thành, Giám đốc HTX Tả Phìn Xanh tưz xeir tsov qơư chiê huôv tsar qơư ndis uô si côngv thôngx. Shông 2019, thax tsav qơư ndis uô si chiv xênhz đrox tsuôs Tả Phìn zos qơư huôv tsar uô tâu jông trơưk cui tinhv xuz thơưx hâur tas nro têz qơưk. Tix lâus Thành heik: “Pêz tsưr ziv zos xeir tsov têx muôx jông ntơưv qơư huôv tsar uô ju lix côngv thôngx, nthuôr đêz đar chiê lưv lênhx lưv tus, têx thax tsav txơưr đuô cơưv shâuv, uô trơưk chiê ju lix Sa Pa thiêz Tả Phìn huôv tsar, tâu côngk nhav pêz tưz huôv tsar tâu suôz bê, ziv hnuz ziv muôx ntâu tus chôngz lênhx kruô tuôx ndis seiz uô si thiêz muôz hâux lưv uô, cxaz nzir phênhv sâu tâu trâu tsôngv box ntơưv qơư”.

Zos iz hâur 10 qơư jông yax sâuv ntiêx têz trâu tsôngv kruô tuôx ndis shuôs uô si tâu ntơưr pov tsir Anh thiêz Mỹ côngk nhav. “Qơư ndis uô si vênhx huôv jông đuô hur si sâuv ntiêx têz”, “qơư ndis uô si muôx chiv xênhz đrox tsuôs jông yax sâuv ntiêx têz”. Têx uô trâu thax tsav qơư ndis uô si Sa Pa tâu côngk, kruôs txos li co, zos viv suôv qơư no tưz uô tâu lok six jông luôs hâux lưv xeir tsov têx muôx jông, txux chi vênhx huôv ntơưv qơư chiê cxiv uô cxuô zav hax huv cov huv đros tsôngv kruô tuôx ndis uô si, sêiz shuôk têz qơưs siêz nhiêv./.

CTVVOVTB-Riê Lâux cxeik, nhênhv