Qơư yênhx lix tsưr tsix hluôk nênhs chơưv paz têz qơưk xuz thơưx ciês ntơưv Sơn La

Zơưv Lò Văn Mộc, muôx 88 shông, nhoz jok Đen, xar Mường Chanh tsênhv ndo txos, kuôk no muôx 70 ntâu shông, Mường Chanh zos qơư tros châuz txênhz nhoz, pêx xênhv trâus kuôz zuôv thiêz trâus tros châuz huôz px cxuô zav nox, pêx xênhv luz nênhx lok six txov nhêv: “Ntu thâuv co hâu nov hâur jok xar ndê têx nhiêx sê siêz bâuv li chak chêk ndê xưz. Ntu co tsik muôx lênhx tưs txoz cxơưx txos pêx xênhv luz nênhx, muôx siz txênhz, huôz nox chuôs tsi. Pêx xênhv tsuv muk uô jos lok six ntâu, muôx jiês cur tsuv muk uô jos 3 luz hli mav li tâu lok. Ntu thâuv co luz nênhx txov nhêv hênhr”.

Kaz shông 1943, muôx chi bôv Tsêr tux sơn La chox car, tsưr tsix cách mạng hluôk nênhs chơưv paz têz qơưk tâu yênhx lix ntơưv xar Mường Chanh. Txix co, phongz yaox cách mạng tâu kriz uô txos ntâu thax tsav qơư txơưr hâur tỉnh Sơn La li: Mường Lầm, Mường La, Mai Sơn… Hnuz 23/8/1945, đôiv vũ trang txix Mường Chanh gra đros qix lok tir thêir ntâuk tros châuz trôngz Khau Cả, đros đôiv vũ trang Mường La sơưr ntâuk châuv tros châuz Pháp txênhz chính quyền. Sơưr ntâuk tros châuz txênhz tâu chinhr quyền shông 1945 thiêz hnuz 26/8/1945, Ủy ban Cách mạng lâm thời tâu yênhx lix, hêik pâuz tir ntâuk tros châuz ntơưv Sơn La tưz tax tâu zênhx liv.

Đhâu thâuv tir ntâuk zênhx tros châuz txênhz tâu chính quyền, pox nhuôs sơưr đơưk lok six shir phaz, sir jos cxiv tsa luz nênhx yiêz. Thax tsav qơư thâuv ntêx co nhiv no tưz huôv tsar ntâu đros muôx têx vax tsêr tâu cxiv uô khor truôx, muôx cêr bê tông lox jông.

Tas nro xar nhiv no muôx zuôr xar 450 héc ta cà phê, zuôr xar 150 héc ta blêx liêx; 80 ntâu héc ta ntông nox txir cxuô zav thiêz chor tsiêx cxu muôx 27.000 ntâu tuk; ntâu ziv chuôz zis muôx phênhv sâu tâu txix 200-300 triệu đêiv; chor ziv chuôz zis pluôs tâu txo grêk tsơưs yuôr 2,5%. Zơưv Lò Mạnh Quyết, nhoz jok Cang Mường, xar Mường Chanh hêik: “Cur chuôz zis chos cà phê thiêz ntông nox txir txix shông 2010, hur si muôx 7 héc ta. Kuôk no 5 shông têx txir ntông tưz tâu sâu đê, tas nro phênhv sâu hâur shông muôx 300-400 triệu đêiv. Cur chuôz zis sir zôngv têx tsưr ziv kỹ thuật jông lok uô, mfông  qir cxix cxuô trâu chor txir ntông. Cur zuôr sir jos yax kriê pox nhuôs tsưr ziv chos ntông, tu têx txir ntông chiê paz trâu pox nhuôs muôx nzir phênhv sâu tâu nhiêx txiêx”.

Phuôx huiz chax chês cách mạng, chính quyền thiêz pêx xênhv Mường Chanh nhiv no cux tsênhv tuôr tsês chiê uô hâux lưv tsiv uô huz cxôngx nzor; tsêx trung tuôr tsês thiêz huôv tsar nôngz blêx blâuv “Tan nhe” zos yênhx hax huv kôngz nuv kaz jông ntơưv thax tsav qơư.

Zơưv Lò Văn Liêm, Chủ  tịch Ủy ban xar Mường Chanh puz pâuz”: Nhiv no xar tsênhv hêik pêx xênhv tror gôngr côngv paz uô thiêz kriz đar chor cêr bê tông hâur jêx jok, muk trâu têx liêx têz… txix 3 thiêr ndê muôx 5 thiêr ntâu, 7 thiêr ntâu, chiê paz trâu pox nhuôs muk lok, thâux xa têx hax huv kôngz nuv cov zôngx ziv đuô; sir jos shông 2025 tâu côngz jênhv uô tiêr luôs hâux lưv cxiv tsa jêx jok yiêz jông jav thiêz phênhv sâu xav lênhx nênhs tâu 52 triệu đêiv iz lênhx iz shông: “Hâur ntu zuôr txos, Đảng ủy tưz tso tơưv tsưr ziv tsênhv tsênhz, tiv iz zos tror khưx phưx têx qơư di tích lịch sử hâur thax tsav qơư cách mạng no đros du lịch lịch sử vênhx huôv sâuv thax tsav. Tror chox kriê pêx xênhv huôv tsar kinh têr thiêz huôv tsar tsoz chos chênhr zos cà phê, blêx liêx; phuôx huiz tsiv gri hax huv, cxiv tsa hax huv OCOP trâu chor blêx Tan nhe”.

Phuôx huiz chax chêx thax tsav qơư cách mạng thâuv ntêx, Đảng bôv, Chính quyền đros pêx xênhv xar Mường Chanh tsênhv tror sik côngv đas jos tsưr ziv cxiv tsa xar, jêx jok ziv hnuz ziv jông jav cov huv đros chax chês cách mạng nto bê thax tsav faz Bắc pêz têz qơưk./.

Trấn Long-Lik Thox cxêik nhênhv