Chos tsoz chos yuôx đrox njuôz, tsôngv px nhoz thax tsav tox siêz Lai Châu zôngx ziv uô bluô nux

          Ntơưv xã Tung Qua Lìn, huyện Phong Thổ, tỉnh Lai Châu, zos thax tsav qơư zôngx ziv chos cxuô zav tsoz chos yuôx đrox njuôz thiêz tâu huyện paz max txos. Nhiv no tsôngv px hâur thax tsav xã tsênhv tu tsưx phưv 6ha tsoz chos yuôx đrox njuôz. Hâur shông 2018, iz cxiê chuôz zis tưz chos siv, sâu muôs tâu grê siêz đuô pir li tsêz chos blêx, chos poz cưk. Zơưv Của x Vax, chủ tịch uy ban xã Tung Qua Lìn hêik pâuz: “Nhiv no iz cxiê ziv chuôz zis tsênhv taz tov chos tsoz chos yuôx đrox njuôz, hloz lox jông thiêz zuk tưx uô zuz kriz đar ar têz tsêz chos. Zav tsoz chos yuôx đrox njuôz no, chos tâu hâur yênhx shông thiêz muôs tâu grê, zuôr paz tâu trâu tsôngv px txo grêk yêiz pluôs”

          Hâur 3 shông đhâu, zơưv Thi x Lux, nhoz jos Căn Tý, xã Tung Qua Lìn, tưz muôz têx ar têz tsêz chos cxuô zav kôngz lôngk chiê hlôngr chos tsoz chos yuôx đrox njuôz, tsoz chos Tam thất. Hâur ntu nhiv kruôr đhâu no, Zơưv Thi tưz sâu 4 luz hâur pâuk kok yuôx đrox njuôz muôs tâu 8 triệu nhiêx, zos xav mak tâu yax 3-4 bâus pir li tsêz chos kôngz lôngk: “Chor yuôx đrox njuôz co, luz kok hnhar xar muôx iz cir, chuôz zis muôs tâu iz triệu nhiêx; zos chor kok mê mê njik mak muôs tâu txix 700-800 cxênhz đêiv iz luz. Viv hâur thax tsav no, zôngx ziv nziv chos cxuô zav yuôx đrox njuôz”

          Chor nhiêx sâu tâu txix muôs kok yuôx đrox njuôz thất diệp nhất chi hoa, cux uô trâu tsôngv px hâur thax tsav huyện Phong Thổ truôx siêz huôv tsar, kriz đar ar têz chos. Thiêz muôx ntâu chuôz zis tưz muôz chor nhiêx sâu tâu txix muôs yuôx đrox njuôz chox muk uô zuôr nzir zuz lok chos.

          Ntơư cux zos iz faz tsưr ziv cxơưz cxiz trâu px nhoz thax tsav qơư co huôv tsar cêr uô nox, iz thênhv jux juk txo grêk tâu yêiz pluôs. Zơưv Lò Văn Tập, uô hâux lưv hâur xã Tung Qua Lìn hêik pâuz nzir: “Txix thâuv tso tơưv luôs hâux lưv chos tsoz chos no, shông 2018, tsôngv px cux pov tâu tsoz chos co zuôr muôs tâu grê, txix ntơư thiêx muk zok nriêr nôngz thiêz zuz pêv têx har jôngr chox lok tsêz chos, huôv lox hloz jông”

          Tsoz chos yuôx đrox njuôz hâur têx ar têz nhoz thax tsav xã Tung Qua Lìn, huyện phong Thổ, tỉnh Lai Châu, zos iz faz tsưr ziv  huôv tsar cêr uô nox yiêz paz trâu px hâur thax tsav qơư co. Đros ntơư, hâu nov xã cux yax kriê tsôngv px sđ kriz đar ar têz tsêz chos  zav yuôx đrox njuôz co cov ziv hnuz ziv muôx ntâu muôs trâu tuz luôv ciêz đrôngl, tsôngv px muôx phênhv sâu tâu nhiêx txiêx chox lok cxiv kho chuôz zis muôx luz nênhx bluô nux jux juk. Zơưv Vương Thế Mẫn, chủ tịch uỷ ban huyện Phong Thổ, tỉnh lai Châu hêik pâuz: “Cxuô luôs hâux lưv huôv tsar cêr uô nox shông no, hâu nov huyện yax kriê tsôngv px uô txuôk đros cxuô doanh nghiệp. Pêz xêir tsov iz cxiê thax tsav qơư chiê hêik têx doanh nghiệp muôz pênhr nhiêx, kriê tsưr ziv trâu  tsôngv px, sik côngv đros px huôv tsar uô nox cov muôx liv trâu tsôngv px sđ, muôx luz nênhx bluô nux jux juk”./.

Tsu cxêik nhênhv-Thanh thuỷ-VOV Tây Bắc

Tox siêz Sơn La bax tok tsiêz sor so, phax tar jông caz moz

Lơưr pêx xênhv nhoz ntơưv no hêik pâuz, thâuv tsik tâu muôx caz moz, hâur tsôngv box Hmôngz jiês tsiêz thiêz tsiêz têz qơưk, pox nhuôs zuôr hnar têx tsôngk yo yiêz jông, sik njiz, sik thav đros sơưr đơưk ntơưv têx hnuz hôiv vênhx huôv, sik tưr tuôr nduôr, hnar tsôngk yo jông, zav nox kaz cxôngx nzor…

Shông no, chiê cov taz por ngaz tuk phax, tar caz moz, pox nhuôs tsik nhoz uô cê chôngz nênhs. Têx phongx cxưx cxôngx nzor cux tâu tsưr tsix taz sik uô zôngx ziv đuô, thiêz uô zâuv xưz. Txơưv li lok cêr lov jêv shir phaz tok tsiêz cux muôx yưv ntơưv cxuô jêx jok, yênhx chuôz zis. Zơưv Hạng A Sáu, xar Xím Vàng hêik pâuz:

Băng tiếng Mông

Xím Vàng zos huyện Bắc Yên luz xar tox siêz tsênhv yuôr ntâu txov nhêv, 100% zos tsôngv box mênhx cxưx Hmôngz uô nênhx nhoz. Lơưr zơưv Nênh Xênhv Zax, Chủ tịch Ủy bạn xar Xím Vàng, shông nhiv kruôr đhâu, qiv hơưv huv đros, pox nhuôs chiv blêx siêr jông, sâu tâu ntâu, chor tsưr ziv uô nox, tu zus lơưr saz hax huv cux huôv tsar jux juk, đros muôx cxuô cấp li tsov cưv, txoz cxơưx txos, viv li pox nhuôs luz nênhx ziv hnuz ziv hlôngr yiêz jông đuô. Jê tsiêz xar cux sir jos yax kriê, paz trâu chor chuôz zis txov nhêv, chiê pêx xênhv tok tsiêz sor so, ngaz tuk: “Tsiêz shông no tiv phiv liv txix caz moz xar tsik tsưr tsix ntuôr uô cêr lov jêv xưk li cxiê shông, sir jos yax kriê chiê pox nhuôs tok tsiêz shir phaz, ngaz tuk. Xar cux tưz hêik chor nênhs siêz jông sik côngv paz trâu iz cxiê ziv chuôz zis txov nhêv chiê lơưr muôx tâu tsiêz nox”.

Tsiêz shông no, huyện Bắc Yên chox kriê cxuô thax tsav qơư tsưr tsix têx cêr lov jêv cov taz por, tsênhv tsênhz thiêz muôx tsiv gri, đros trâu ngaz tuk hâur phax tar caz moz. Thôngx cxix, tror sir jos uô têx hâux lưv siêz jông, ngaz tuk xar hôiv, tsov cưv txos chor chuôz zis pluôs, chuôz zis tâu sơưv cêr chêi, njiz trâus phiv liv tiv moz Covid-19, taz por cxuô lênhx nênhs, cxuô chuôz zis puôr lênhx muôx tsiêz nox. Huyện tưz chox kriê têx xar, thị trấn, phongx lox tôngv, saz pênhz thiêz xar hôiv qênhz yuôx chor nênhs, tiv zix zos tsôngv box cxuô mênhx cxưx nhoz tox siêz, đêz đrôngs zos lox tôngv txix têx tỉnh faz Nam tror lok. Tror qênhz yuôx nriêr pâuz nzir chiê muôx tsưr ziv paz cov cxuô lênhx nênhs muôx tâu tsiêz nox, tiv zix zos uô truôx jông côngz xưv phax tar caz moz Covid-19 chiê tsiêz tâu tsưr tsix ngaz tuk thiêz shir phaz./.

(Lê Hạnh-Lik Thox cxêik nhênhv)