Txi jôngr hâur shôngk shông, zos hêir nênhs Cho iz cêr nênhx vênhx huôv jông

          Shông tưs cux li, thâuv txos trâu chêix ntux yiêz hâur shôngk shông, ntơưv têx tsoz hâur pâuk ntông lâuk nhoz thax tsav jos Đông Căm, xã Gia Phú, huyện Bảo Thắng, tỉnh Laox cai, tưz pov lênhx txir nênhz Triệu Hữu Phấu, têk tuôr trơưr fâu ntơưr kuz, sâu hêir nênhs Cho bê ntơưr nhênhv ntuôk ndis tsoz hâur pâuk ntông đros trâu muôx chơưr, grêix, shaz ntơưr  txi côngv tsoz ntông co đros trâu đaz xênhz têz xênhz qơư. Lênhx txir nênhz Triệu Hữu Phấu hêik pâuz: “Chax chêk txi côngv no lês uô đhâu ntâu tiêv lok thiêz cur piz lês uô txix shông 1980 txos trâu nhiv no. Txi côngv ntơưv no zos thor cov đaz xênhz têz xênhz qơư, luz ntux luz têz muôx ntux yar ntux nas paz chiê sđ khưr sâu tâu ntâu kôngz lôngk, jêx jos sđ tsik muôx moz gênhk, uô luz nênhx yar ntux đris”

          Đros txi côngv cux muôx chor lâuk, hluôk hâur jos thiêz trơưk li zơưv Triệu Văn San, tsoz ntông txi côngv, tsuv zos tsoz ntông lâuk chiê jêx jos txi côngv thiêz tsưx phưv têx har jôngr ntông tsik trâus ruôr ntor por tsês cux li por hưv tsôngv px jêx jos njiz ntâu cêr vav mênhx hâur luz nênhx. Zơưv San shir phaz lul hêik pâuz: “Txơưv nhoz trâu thax tsav qơư tưs tsuv muôx iz tsoz ntông lâuk chiê txi côngv, pêz tsuv tuôr tsês zuk hêir nênhs chax chêk txi  côngv cxôngx nzor tsik chiê pôngz plox”

          Trơưk li zơưv Nguyễn Di Ta, Bí thư chi bộ jos Đông Căm, hur si luz jos no muôx 170 chuôz zis, phênhv ntâu zos hêir nênhs Choz tsiz; taz sik, hểi nênhs Cho ntơưv no cux tsênhv tuôr tsês tâu zuk hêir nênhs têx vênhx huôv jông cxôngx nzor trâus pôngz plox thiêz ndax trâu chêix ntux yiêz hâur shôngk shông, thâuv hêir nênhs Cho txi côngv, cxuô chuôz ziv choz tsiz hâur thax tsav cux tuôx đros txi côngv: “Hêir nênhs Cho tsuôk muôx 20 ntâu chuôz zis, taz sik tâu chi bộ, tsar jos chox car tsôngv px sđ siz chos huôv tsar truôx hêir nênhs Cho têx txux chi, cêr nênhx vênhx huôv jông cxôngx nzor đros trâu hêir nênhs choz tsiz sđ siz chos huôv tsar, tsưx phưv truôx jôngr ntông”

          Đros trâu xã hội, têz qơưs hlôngr yiêz, hêir nênhs Cho nhoz jos Đông Căm, tưz muôx têx ar chos tsik jông jôngr ntông chiê hlôngr chos đuô cxuô tsoz chos txơưr. Pir li têx trôngz ntông ciêv fix, vơưs kok ntông hâur thax tsav jos Đông Căm, tưz paz phênhv muôx ntâu jôngr ntông nzôngr têx tox trôngz câuv har nhoz thax tsav huyện Bảo Thắng hâur chêix ntux yiêz./.  

                                       Tsu cxêik nhênhv-An Kiên, VOV Tây Bắc

Hâur shôngk shông yiêz njiz cưk kriê Lý Hồng Quân- Lênhx nênhs paz tuôr tsês kriê kênhx Hmôngz trâu hluôk nênhs

Xênhz zus thiêz hloz lox ntơưv jos Bản Nghè, xã Cổ Linh, huyện Pác Nặm, tỉnh Bắc Kạn, cux xưk li ntâu lênhx mê nhuôs nênhs Hmôngz txơưr, txix ciês thâuv tsênhv zâu, suôz kênhx Hmôngz tưz muôx đros đreiv đros cưk kriê Lý Hồng Quân luz nênhx. Cưk kriê lok six nhiêv thiêz lok six xar tâu shâuv yuôz thiêz đhiê kênhx li cxuô lênhx hluôk tuz nhoz hâur zuk jêx jos. Taz sik viv tsuv muk cơưv ntơưr viv li cưk kriê tưz tso tsês siêz xar njôngr co. Tov kaz no, thâuv cơưv tiêr ntơưr thiêz lok uô côngz xưv kriê ntơưr ntơưv Tsêr cơưv cxênhx I Nghiên Loan II, xã Nghiên Loan, huyện Pác Nặm cưk kriê thiêx muôx six hơưv shâuv yuôz thiêz đhiê kênhx. Cưk kriê Quân pheiz kênh:

Shâuv yuôz kênhx tưz tsi zôngx ziv, chiê đhiê tâu kênhx cov txơưx mak ziv lax thiêz tsuv lok six truôx siêz cơưv shâuv thiêx li đhiê tâu jông. Txos nhiv no cưk kriê Lý Hồng Quân tsi taz txơưx đhiê kênhx mak cưk kriê tsênhv xar tơưv ntâu tsưr ziv đhiê kênhx yiêz, jông thâuv đhiê kênhx Hmôngz li: đhiê kênhx sâuv hluô, sâuv ntông siêz. Tsi taz sir jos xar tơưv tsưr ziv đhiê kênhx, chiê paz hluôk nênhs Hmôngz nhiêv yuôz kênhx, đhiê kênhx thiêz tror phuôx huiz, tuôr tsês kênhx Hmôngz, đrâuv six hơưv muk kriê ntơưr, cưk kriê Lý Hồng Quân tsênhv ndaz ndơưv six hơưv so muk vênhv tôngv têx mê nhuôs zâu shâuv yuôz thiêz đhiê kênhx. Txos nhiv no, cưk kriê tưz kriê tâu trâu 2 tul mê nhuôs txơưx yuôz thiêz đhiê kênhx, yax six đros cưk kriê muk piêr kriê nhoz ntâu qơư đros siêz xar heik kriê thiêz tror paz cxênhx hluôk nênhs nhiêv kênhx đuô.         

Tul mê nhuôv Dương Văn Minh, 10 shông, zos cưk kriê Quân li iz hâur 2 lênhx shux xênhz txơưx yuôz thiêz đhiê kênhx heik lok zuk tul cưk kriê: Cưk kriê Lý Hồng Quân xar njôngr hâur ntu zuôr txos tsênhv zuôr yuôz kênhx côngv đros têx cưr lok yiêz nhiv no chiê kênhx Hmôngz muôx têx hlôngr yiêz huv đros thiêz cxênhx hluôk nênhs tưz sik tuôr truôx têx muôx thâuv nzor. Đros siêz xar co, cưk kriê Lý Hồng Quân đros têx lênhx nênhs moz siêz đros vênhx huôv mênhx cxưx nhoz xã tưz yênhx lix CLB kênhx Hmôngz nhoz tiv phaz thiêz tror chuôz cxaz siêz nhiêv kênhx Hmôngz trâu têx hluôk nênhs nhoz zuk têz qơưk txơưx yuôz kênhx, đhiê kênhx. Cưk kriê têx sir jos co tâu sâu jênhv đhâu ntâu giải, ntâu huy chương ntơưv ntâu jiês piêr đhiê kênhx txix cấp tỉnh txos Trung ương.  Zơưv Lâm Ngọc Du, Giám đốc Tsênhv qơư vênhx huôv tỉnh Bắc Kạn puz pâuz:   "Tix lâuk Quân tưz đros têx lênhx nênhs txơưx kênhx Hmôngz nhoz xã Cổ Linh yênhx lix CLB kênhx Hmôngz, tix lâuk Quân zos lênhx nênhs kriê kênhx trâu tsôngv box hâur xã thiêz têx hluôk nênhs. Tix lâuk li têx uô tâu co tâu sâu jênhv đhâu ntâu giải đros têx gôngr côngv hâur huôx tôngv vênhx huôv nênhs Hmôngz heik cxuô thiêz huôx tỉnh vênhx huôv tỉnh Bắc Kạn heik taz"

          Cưk kriê Lý Hồng Quân li têx luôk hâux lưv uô tâu jông co lok six muôx ziz njiêz, gôngr phênhv paz trâu cxênhx hluôk nênhs mênhx cxưx pâuz thiêz ziv moz siêz đuô txos hâux lưv tuôr tsês kênhx Hmôngz./.

(Vàng Lan-Txâur Vax cxeik nhênhv)