Phax tar chor nênhs phamv cxâuv zuôr muôs zax zênhz sâuv thax tsav ntus đriv Sơn La

Ntus đriv ntêr xar muôx 27 cêik cêr đros 13 tuk ndêx cxok chiv ntus đriv, canr bôv, chiến sĩ Zênhx Pênhz phax Chiềng Khương, Bôv đôiv Pênhz phax Sơn La tsênhv yênhz hnuz hmo sir jos qênhz yuôx thiêz sêiz jor. Ntơưv no, qênhx shênhx chor nênhs phamv cxâuv sâuv thax tsav ntus đriv cux tsênhv phiv liv, chor nênhs nhoz saz đrâuv ntus đriv thâux gra zax zênhz txix thax tsav Tam giác vàng đhâu Lào, lơưr co sik côngv đros chor nênhs phamv cxâuv zuôr muôs zax zênhz hâur têz qơưk nhoz jê ntus đriv chiê thâux gra zax zênhz co lok trâu Việt Nam chiê muôs. Trung tá Trịnh Văn Dương, Zênhx Tsar Zênhx Pênhz phax trôngx đriv Chiềng Khương puz pâuz:“Đros chor nênhs phamv cxâuv li têx huôx tôngv, taz viv tưz kriz uô cxix cxuô têx tsưr ziv, hâur co sir jos uô jông côngz xưv qênhz yuôx, sêiz jor ntus đriv; sik côngv jông đros Lào chor lưx lươngv por vêv ntus đriv, tsik so tsưr tsix cơưv, sik thav tsik so, sêiz lax sêi ntơưv ntus đriv cux li sik thav chiê sik côngv tsav txênhz đros chor nênhs phamv cxâuv, tiv zix zos phamv cxâuv lok zax zênhz”.

Zos thax tsav qơư thâuv ntêx zuôr muôs ntâu zax zênhz, lưx lươngv tsav txênhz phax tar nênhs phamv cxâuv zax zênhz Zênhx Pênhz phax trôngx đriv Lóng Sập, huyện Mộc Châu tưz sir jos uô truôx jông hâux lưv tir tar chor nênhs nhiês thâux gra zax zênhz lok đhâu ntus đriv, tsik chiê muôx yưv têx qơư phiv liv lok zax zênhz sâuv thax tsav ntus đriv. Thượng úy Hà Văn Tiến, Đội trưởng Đội phax tar zax zênhz thiêz nênhs phamv cxâuv, Zênhx Pênhz phax trôngx đriv Lóng Sập, huyện Mộc Châu, tỉnh Sơn La hêik:“Lưx lươngv phax tar zax zênhz tưz tsik so sir jos uô hâux lưv, xar tơưv, uô cov tiêr tâu jông têx jênhv vưv tâu choz. Tiv zix, zos uô jông côngz xưv nriêr pâuz qênhx shênhx sâuv thax tsav, sêiz shuôk jông chor nênhs muk lok đhâu ntus đriv, kriz uô jông têx hâux lưv hâur tsav txênhz phax tar chor nênhs phamv cxâuv, sik côngv truôx jông đros chor lưx lươngv muôx vax huôv trơưk Chinhr phuv li Nghị định 03”.

Tsuôk hâur shông 2023, lưx lươngv phax tar zax zênhz thiêz nênhs phamv cxâuv Bôv đôiv Pênhz phax tỉnh Sơn La tưz sik côngv đros chor lưx lươngv qênhz yuôx, cxov tâu 140 txuz, 163 lênhx nênhs, sâu tsês 11 cir ntâu zênhz đơưz; 228.000 njiêr yuôx shơư zax zênhz, 3,97 g yuôx zax zênhz; cxuô zav zênhz đuz, zênhz đơưz, zênhz poz jêz đros ntâu zav chuôz zênhx cik txos. Hâur 6 luz hli hâur shôngk shông no, ntâu txuz, ntâu lênhx nênhs phamv cxâuv lok zax zênhz tror trâus têx lưx lươngv muôx vax huôv ntêk cxov tâu đros ntâu zav cik txos.

Pâuz tâu yuôr ntâu qơư zuôr muôs, thâux gra ntâu zax zênhz,  uô muôx yưv ntâu kror phiv liv, lưx lươngv Pênhz phax tỉnh Sơn La tsuv kriz uô ntâu tsưr ziv chiê tir tar cov tâu chor nênhs zuôr muôs, thâux gra zax zênhz sâuv thax tsav ntus đriv. Thượng tá Phạm Thái Hòa, Trưởng phòng phax tar zax zênhz thiêz nênhs phamv cxâuv, Bôv đôiv Pênhz phax tỉnh Sơn La puz pâuz:“Têx taz viv sir jos uô côngz xưv yax kriê trâu pêx xênhv nhoz thax tsav ntus đriv, chiê pêx xênhv uô truôx jông lơưr chêi têz qơưk têx cui tênhv, tsik paz trâu chor nênhs phamv cxâuv lok zax zênhz, cux li paz trâu bôv đôiv Pênhz phax tsav txênhz phax tar chor nênhs phamv cxâuv no; đros phax tar, yax kriê zos tsuv sir jos uô hêik pâuz têx xor mông, qênhx shênhx chiê phax tar tâu chor nênhs phamv cxâuv txix đêz. Đros lưx lươngv muôx vax huôv 2 tỉnh Hủa Phăn thiêz Luông Pha Băng, cux li sik thav đros chor lưx lươngv muôx vax huôv li Hải quan, công an chiê uô jông sik côngv, tsav txênhz tâu truôx jông đuô chor nênhs phamv cxâuv zuôr muôs, thâux gra zax zênhz txix thax tsav ntus đriv lok trâu hâur têz qơưk”./.

                                                                                                                      Lê Hạnh-Lik Thox cxêik nhênhv

Taz por vêv xênhz truôx tuk zav nox hâur cheix ntux sor

Xeir têx zav nox truôx tuk:

Xeir têx jâuz tâuv, txir ntông nhôngk tsi lưx, tsi tsư pưv, tsi tsư nxiêz

-Xeir zuôr têx grêix nhôngk yiêz thiêz shuôz njêl tsênhv chiêx lok sik nhiv kruôr tuô, tsi tsư nxiêz, tsi tsư pok.

-Kê: Xeir zuôr têx luz kê jông gâux, yiêz, tsi đuz, tsi tơưs.

-Xeir têx zav nox ntiv hâur têik, hâur hnaz tsuv muôx ntơưr lo chiv cxix cxuô, pâuz tsênhz qơư uô, tâu por hưv jông, tsi tâu tas hax sir zôngv.

Têx zav nox tsi tâu sir zôngv:

-Têx zav nox kruôr tưz tuôx pưv, lar heik zos têx nôngz tâuv, tâuv cuôz xênhz.

-Têx tsơưr por hưv, thax hóa học ntiv hnaz tsi muôx ntơưr lo chiv lok sik krưr ntơưr muôs hâur têx ciêz đrôngs thiêz têx qơư tsi muôx đas cir chiê tsiv uô zav nox.

-Zav nox tsi pâuz tsênhz qơư tsiv uô, tâu xav zôngx ziv zos têx zav nox tsi hur, tsi taz por truôx tuk.

Uô jông lơưr cui tinhv por hưv, tsiv uô zav nox:

-Por hưv zav nox hâur tuv txiêk

-Uô siêr thiêz nzuôr têk hur si

-Têx jâuz mor nhôngk thiêz siêr mak nhiêk tso nhiêk iz kro, tsi tso uô cê

-Txơưv têx zav nox muôz tsês hâur tuv txiêk taz sik cux tsi tâu tso ntêr hênhr đhâu 2 six hơưv thiêz zos tso saz đrâuv mak tsi tâu tso đhâu iz six hơưv.

-Uô ntêx thâuv zuôr uô têx jâuz mor nox tsuv muôz xaz phôngx nzuôr têk hur si thiêz nzuôr đêx sor.

Thâuv uô têx zav nox tsuv uô lơưr 10 cui tinhv tsiv uô zav nox truôx tuk

-Xeir zav nox truôx tuk.

-Têx jâuz mor tsuv uô cov siêr jông, uô tâu siêr tsuv nox ciês.

-Por hưv jông têx zav nox tưz uô tâu siêr.

-Uô ntêx thâuv zuôr nox tsuv muôz têx jâuz râuz cov sor.

-Nzuôr têk hur si thâuv uô têx jâuz mor.

-Qơư uô jâuz mor, kror chuz tsuv hur si, kruôr krơưr.

-Por hưv, khơưk tsês jông têx jâuz mor tsi chiê caz, zôngr uz no tsơưk, njâur.

-Zôngv đêx hur uô têx jâuz mor nox.

Chiê phax txar jav tsi trâul kâus tưx zav nox, lar heik zos moz trơưk plaz, cxuô lênhx cxuô tus tsuv gra siêz tsưr ziv jênhv pâuz lok vêv xênhz truôx tuk zav nox, tiv zix sơưr đơưk tsi tâu nox têx zav nox nhôngk, tsuv uô cov siêr li nox./.

                                                                                                     Hồng Việt-Riê Lâux cxeik, nhênhv