Lào Cai: Têx tuêv qêz suô, thâux têx vuôz tsuôz kiês nênhs li pưs txux hâur por vêv tênhx qơư tox siêz

Txơưv yar ntux lok sik lok nas, têx lênhx nênhs hâur tuêv qêz suô, thâux têx vuôz tsuôz kiês nênhs hâur xênhz huôx nôngx cxênhz ntơuv thị trấn Nông trường Phong Hải, huyện Bảo Thắng, tỉnh Lào Cai cux muk uô hâux lưv qêz suô têx vuôz tsuôz kiês nênhs ntơưv tas nro têx qơư tsôngv box nhoz uô nênhx nhoz thị trấn Nông trường Phong Hải, lơưr txox cêr 70 thiêz jos 2 niêv cêr 157, thiêz thâux muk qơư tso têx vuôz tsuôz kiês nênhs chêx chôngk ntơưv jos Làng My, xã Xuân Quang. Txox cêr muk lok ntêr muôx 60 ntâu cei cêr, iz ciêz tuêv côngz xưv tsuv thâux yênhz châuv jiês li ntơưv.

          Tas nro chor nhiêx txiêx thị trấn thêv trâu tuêv qêz suô têx vuôz tsuôz kiês nênhs zos 14 tsov đeiv iz luz hlik. Hâux lưv mak khưr, kiês nênhs, phênhv sâu kis viv li ntâu lênhx nênhs tsuôk uô tâu iz ntu ho thor so. Zơưv Lê Văn Quân, Tuêv tsar tuêv qêz suô thiêz thâux têx vuôz tsuôz kiês nênhs thị trấn Nông trường Phong Hải, huyện Bảo Thắng puz pâuz: "14 tsov đeiv mak pheiz trâu 12 jiês thâux, iz jiês tâu 1 tsov 160 cxênhz đeiv. Hâur co, tsi xav txos têx phênhv nhiêx txiêx li 270 cxênhz nhiêx côngz trâu 2 nênhs lox tôngv, pôngz lơưv 400 cxênhz nhiêx txiêx zuôr trox yêz, mul 60 cei cêr, tuêv tsar li cur cux tsuôk tâu 400 cxênhz ntâu, lok six kis, muk yênhx tas cik tsi muôx hnuz tưs tâu so"

          Cux xưk li thị trấn Nông trường Phong Hải, xã Xuân Quang nhiv no muôx 2 tuêv qêz suô têx vuôz tsuôz kiês nênhs huôx tôngv txix shông 2010 txos nhiv no. Têx lênhx nênhs hâur tuêv uô hâux lưv hâur tênhx qơư kiês nênhs, khưr taz sik phênhv sâu kis. Lơưr thôngx ziv, thâuv ntêx phênhv sâu nhiêx phí tênhx qơư zos 7 cxênhz đeiv iz ziv chuôz zis. Viv tsi taz por nhiêx txiêx huôx tôngv, viv li pox nhuôs tưz thôngx ziv chuôz ndê txos 10 cxênhz đeiv iz ziv chuôz zis. Taz sik, viv zos thax tsav nôngx cxênhz tox siêz, têx ziv chuôz zis tsi nhoz chêx chôngk thiêz jê uô cê, tsuv muk qêz suô thiêz thâux đar đuô, khưr đuô, lơưr co zos chuôz cxaz têx phênhv nhiêx txiêx txơưr, uô trâu lênhx nênhs hâur tuêv côngz xưv li phênhv nhiêx shar kis. Tix lâuk Nguyễn Văn Thực, Tuêv tsar Tuêv qêz suô têx vuôz tsuôz kiês nênhs nhoz jos Bắc Ngầm, xã Xuân Quang, huyện Bảo Thằng pheiz kênh lok zuk li côngz xưv li no: "Tsênhz mak uô hâux lưv no lok six khưr, cur uô zos viv no zos iz hâux lưv uô muôx liv trâu xã hôiv, trâu tênhx qơư tâu hur đu thiêz jông đuô. Txơưv khưr lok cur cux sir jos uô"

          Nhiv no, hâux lưv qêz suô têx vuôz tsuôz kiês nênhs xênhz huôx niêx hnuz ntơưv têx ziv chuôz zis nhoz huyện Bảo Thắng nhiv kuôr uô tâu nhoz tsênhv qơư têx xã, thị trấn. Iz chuôz zis gôngr nhiêx txiêx tsi đhâu 10 cxênhz đeiv iz luz hlik. Chor tsênhv yuôr zos chính quyênx tiv phaz thêv, paz txưv cxaz trâu tuêv qêz suô, thâux têx vuôz tsuôz kiês nênhs. Tsênhz mênhx, phênhv nhiêx txiêx ntoưv têx xã cux tsi ntâu, viv li ntâu qơư tuôr truôx tsi tâu hâux lưv paz txưv no.

          Ntơưv huyện Bảo Thắng, txix têx tuêv qêz suô, yưr lir têx vuôz tsuôz kiês nênhs li huôx tôngv muôx chêx cuk, njuôs xav muôx 80 phênhv puô têx vuôz tsuôz kiês nênhs sâuv thax tsav tâu qêz suô lok thax tsav yưr lir. Zơưv Phùng Ngọc Hoàng, Phưv Chủ tịch UB thị trấn Nông trường Phong Hải, huyện Bảo Thắng thix ziv: "Chiê yưr lir tênhx qơư tâu muôx chêx cuk, tax chêx cuk siêz đuô thiêz hâur ntu đhâu, cux thix ziv iz cxiê njiêz luv, uô ntêx zos têx cấp, têx nganhx nhênhz chơưv muôx tsưr ziv car chêx paz txưv nhiêx txiêx trâu tuêv qêz suô têx vuôz tsuôz kiês nênhs chiê lơưr muôx phênhv sâu, truôx siêz uô jông hâux lưv qêz suô têx vuôz tsuôz kiês nênhs".

Têx tuêv qêz suô têx vuôz tsuôz kiês nênhs nhoz huyện Bảo Thắng li sir jos huôx tôngv tưz paz trâu tênhx qơư nôngx cxênhz ziv hur đu, txix co gôngr phênhv uô yênhx côngz Tsaz yênhx têz qơưk li qơư tsov txos lok cxiv tsa nôngx cxênhz yiêz nhoz tỉnh Lào Cai./.

CTVVOV-Txâur Vax cxeik nhênhv