Cêr Thanh niên tâu kho đuô- tsôngv box phường Yên Bái li cêr shir phaz lox

          TP Yên Bái kuz li cêr Thanh niên nhoz thax tsav qơư kis niêv đêx Liêz, yênhx châuv shông đhâu cêr yax six trâus đêx ngaz. Thâuv muôx ntux nas lox, đêx pur siêz, tas nro txox cêr no trâus đêx ngaz tas, tas nro thax tsav qơư cux trâus ngaz. Pos Nguyễn Thị Quang, iz hâur têx chuôz zis tsôngv box nhoz uô nênhx ntêr lok no sâuv thax tsav no puz pâuz, muôx têx shông ntu cêr no trâus đêx ngaz 3-5 jiês. Chiê txu grês đêx ngaz, phênhv ntâu têx chuôz zis nhoz uô tsuv cxiv uô plas tsêr siêz đuô cêr 2 đok ntâu txos 1 yiv, uô ntus cêr tsi jông tas, cêr kis đuô thâuv muôx ntux nas mak ntưs lox tsuôk li tul đêx:“Tsuô pov tôngv txos phênhv 2 mak đêx tưz qir ngaz cêr mul lok, yuôr pov tôngv 3 mak đêx pur txos ciês tsêr nhoz. Txox cêr no nhoz toz viv li đêx ngaz thiêz ntưs lox. Thâuv cêr tâu cxiv uô siêz đuô li no mak lênhx tưs cux jông siêz”

          Pos Phạm Thị Liên, Bí thư Chi bộ tuêv jênh phố Hồng Phú puz pâuz, đhâu têx jiês đêx ngaz lox, cêr muôx ntâu têx vuôz tsuôz kiês nênhs, môngr ar, uô kiês nênhs tênhx qơư, uô zênhr shar ntâu txos tsôngv box li xênhz huôx thiêz muôv muôs. Viv li, thâuv têz qơưk uô tsưr ziv kho đuô njưs tso đêx, uô plas cêr siêz đuô, pox nhuôk lok six thôngx ziv siêz. Têx chuôz zis thâuv ntêx tsi thôngx ziv mak nhiv no cux jông siêz đhâu thâuv tâu tuêv jênh phố thiêz chiz coaz muôx txơưx jênhv heik kriê, vênhv tôngv:“Jiês khiêz phêv HĐ tưs, lok sik njiz cử tri pêz puôr lênhx thix ziv kho đuô txox cêr Thanh Niên no chiê pox nhuôk tsi khưr thiêz. Nhiv no tâu kho đuô li no pox nhuôs lênhx tưs cux shir phaz thiêz lok six thôngx ziv siêz”.

          Dự án khưxphưx cêr Thanh niên thiêz têx ntu cêr txơưr muôx: kho đuô, cxiv uô 1,7 cei cêr Thanh niên, đar 7,5 yiv, kho đuô tênhv tênhz, cungz đêx xênhz huôx, chos ntông...tas nro yưv pênhr uô zos 65 tỷ đeiv, zos Công ty CP cxiv tsa zaoz thôngz Yên Bái thiêz công ty CP heik kriê cxiv tsa thiêz muôv muôs Tiến Đạt uô. Côngz tsinhx krêz uô txix hli 6, njuôs xav uô tiêr lok kaz shông no. Tix lâuk Trần Danh Tú, cán bộ kỹ thuật Công ty CP cxiv tsa zaoz thôngz Yên Bái puz pâuz:“Taz viv uô mak pêz tsênhv chêx chôngk cxuô zav meir, chuôz zênhx chiê uô njưs tso đêx thiêz tsênhv krêz uô txos plas cêr. Uô txos tưs cux sir jos uô cov jông txos co chiê tsi uô zênhr shar txos tsôngv box luz nênhx”

          Zơưv Nguyễn Toàn Thắng, cán bộ Ban seiz car dự án yưv pênhr cxiv tsa thax tsav Trấn Yên- taz viv tsưr yưv pênhr puz pâuz, qơư tsov txos lok kho đuô cêr Thanh Niên zos chiê car chêx qênhx shênhx đêx ngaz cêr thâuv đêx sâuv tưs đêx Liêz pur tuôx, kho đuô cxuô zav, tênhx qơư thax tsav no:“Lok tsưr ziv uô, têx taz viv tưz cam kết uô tiêr hâur 180 hnuz, uô tiêr uô ntêx muôx nhos 60 hnuz, lok hnuz 31/12 shông 2025”

          Thâuv uô tiêr, cêr Thanh Niên zuôr yênhx txox cêr zaoz thôngz jông muk lok, gôngr phênhv cxơưz tiês huôv tsar KTXH, taz por txiv ngaz thiêz muôz siêz tsơưr lươngv luz nênhx trâu côngv thôngx tsôngv box phố Hồng Hà, phường Yên Bái. No cux zos côngz tsinhx tsênhv tsênhz uô Nghị quyết đại hội Đảng bộ tỉnh Lào Cai jiês tiv 1, six cxiv 2025-2030 lok huôv tsar cơ sở cxuô zav nhoz niêv đrôngs cov yiêz jông, phưx vưv tsôngv box thiêz doanh nghiệp, paz cxơưz huôv tsar truôx vênhs hâur ntu hlôngr yiêz./.

                                                                                                         Thừa Xuân-Txâur Vax cxeik nhênhv

Sơn La sir jos kriz uô tsênhv njiêz shông Ngaz tuk zoz thôngz 2025:

“Uô cov ngaz tuk, paz trâu ntu nênhx tov ntêx”

Tsênhv njiêz shông Ngaz tuk zoz thôngz 2025 zos: “uô cov ngaz tuk, paz trâu ntu nênhx tov ntêx”. Tsênhv njiêz no hêik mênhx txos sir jos txo grêk tsơưs txiêz nanv zoz thôngz, đros co zos paz uô cov tâu jông vênhx huôv zoz thôngz ngaz tuk trâu pêx xênhv, paz muôx tâu iz ntu nênhx tov ntêx no jông đuô.

Tsênhv njiêz chênhr shông ngaz tuk zoz thông 2025:

Phax tar thiêz txo grêk tsơưs txiêz nanv zoz thôngz: Txo grêk tsơưs tas nro lok chor txuz txiêz nanv, chor nênhs tuôs thiêz chor nênhs trâus saz.

Cxiv tsa vênhx huôv zoz thôngz ngaz tuk: Gra siêz pêx xênhv li jênhv pâuz  thiêz uô jông lơưr chêi têz qơưk thâuv cxaz chuôz zoz thôngz.

Đơưk kho qênhx shênhx muôx ntâu yêz uô muk lok tsik tâu: Tsêx trung đơưk kho muk lok tsik tâu ntơưv têx qơưk zoz thôngz chênhr, têx ntu cêr chênhr, thiêz chor đrôngs lox.

Tỉnh Sơn La tưz thiêz tsênhv kriz uô tsênhv njiêz shông ngaz tuk zoz thôngz đhâu ntâu huôx tôngv, muôx tas nro hâux lưv yax kriê, zoz zux paz gra siêz côngv thôngx li jênhv pâuz lok ngaz tuk zoz thôngz, chuôz cxaz sêiz car, sêiz kaz uô lơưr chêi zoz thôngz, thiêz xưv lik chor nênhs uô cxâuv, tiv zix zos chor jiês so ntênhk thiêz thâuv muôx ntâu yêz muk lok. Chor tsưr ziv no zos paz cov txo grêk tsơưs chor txuz, chor nênhs tuôs thiêz trâus saz tiv txiêz nanv zoz thôngz, đros tsưr ziv zos paz txo grêk tsơưs 5-10%  têx kror li hêik sâur pir li shông uô ntêx.

Têx tsưr ziv tâu kriz uô:

Sir jos uô têx huôx tôngv yax kriê, zoz zux chiê gra siêz jênhv pâuz thiêz paz uô jông vênhx huôv zoz thôngz ngaz tuk hâur côngv thôngx.

Chuôz cxaz qênhz yuôx thiêz xưv lik truôx chor nênhs uô cxâuv chêi têz qơưk lok ngaz tuk zoz thôngz.

Tsêx trung trâu chor tsưr ziv sêiz car, tiv zix zos hâur chor huôx tôngv zuôr njiz trâus phiv liv siêz, xưk li sêiz car chor yêz hux thôngx thâux xa chor shux xênhz chiê paz ngaz tuk jông hâur shông cơưv yiêz 2025-2026.

Kriz uô têx tsưr ziv paz ngaz tuk jông zoz thôngz trâu chor hnuz ntênhk lox, so ntênhk ntêr hnuz thiêz chor jiês thik zov chênhr.

Paz trâu sơưr đơưk uô jông lơưr chêi têz qơưk, uô jông lơưr têx cui tênhv lok ngaz tuk zoz thôngz.

Nhiv kruôr đhâu, tỉnh Sơn La tưz tsưr tsix kriz uô yax kriê, qênhz yuôx paz cov ngaz tuk, ngaz tuk zoz thôngz thiêz uô lơưr hli lok Ngaz tuk zoz thôngz. Lưx lươngv muôx vax huôv tưz huiz tôngv tas nro chor nênhs, chuôz zênhx, tsêx trung xưv lik chor nênhs uô cxâuv li hâuk chơưr bia thâuv tsar yêz, muk chênhr, thiêz chuôz cxaz yax kriê chiê gra siêz jênhv pâuz trâu pêx xênhv.

Tỉnh Sơn La sir jos uô cov tâu luôs hâux lưv chênhr hâur shông 2025 no zos: Txo grêk tsơưs txix 5-10% chor txuz, chor nênhs tuôs thiêz nênhs trâus saz tiv txiêz nanv zoz thôngz pir li shông uô ntêx. Tsik chiê muôx yưv chor txuz txiêz nanv zov chênhr, phiv liv./.

                                                                                                                   Bích Thủy-Lik Thox cxêik nhênhv