Chor đêx txiêk nhoz Lào Cai: Zos qơư zôngx ziv huôv tsar uô nox

Txix têx qơư uô nox zâu, nhiv no, tu zus chor njêl đêx txiêk tsênhv zos yênhx nganhx kinh têr chênhr, paz muôx tâu phênhv sâu siêz trâu pêx xênhv. Xưk li tix lâus Chảo Duần Mìn nhoz xar Ngũ Chỉ Sơn zos lênhx nênhs uô tâu li hêik co: “Li nhiv no cur zus 7 luz pak no zos txix 5-6 cxênhz tuk, 9-10 hli mak muôs tâu lơưv. Zos sâu tâu 4 tấn muôs gri 200 cxênhz đêiv mak sâu tâu muôx 800-900 triệu đêiv. Hâur co, têx côngz đas jos uô tas muôx 300-400 triệu đêiv”.

Têx uô tâu jông lok kinh têr no tưz cxơưz cxiz chôngz nênhs kriz uô. Sơưr đơưk njênhs tiêk, sik cơưv shâuv chiê sik đros kriz đar uô nox.

Txix kriz uô zâu, jux juk tưz muôx tâu chor qơư uô nox lox đar, muôs tâu muôx yênhx puô tấn njêl iz shông trâu sâuv ciêz đrôngs, khav tênhv nganhx hax huv yiêz sâuv thax tsav tox siêz no.

Đros huôv tsar qơư tu zus, iz tsưr ziv txix tu zus txos trâu uô cux jux juk tâu yênhx lix. Chor hax huv OCOP xưk li ruốc njêl hồi, nduôr grêix njêl tầm, tưz tsik zos paz gra siêz tsiv gri grêix njêl, mak tsênhv paz muôx nzir ntâu hâux lưv uô. Pos Phạm Thị Mai, Giám đốc HTX zus thiêz uô chor suôz njêl đêx txiêk Thức Mai, nhoz jok Can Hồ Mông, xar Ngũ Chỉ Sơn hêik pâuz: “Chor nduôr grêix njêl hồi, njêl tầm Sa Pa no cur tưz xar uô ntêr lok lơưv. Viv Việt Nam chor njêl hồi, njêl tầm Sa Pa muôx ntâu. Tiv oz zos cur xar uô iz kror txơưr chiê paz muôx tâu têx hax huv kôngz nuv ntơưv thax tsav qơư”.

Taz sik, thâuv kriz uô ziv hnuz ziv ntâu, pêx xênhv sơưr đơưk tsuv njiz trâus iz kror phiv liv tsik tsơưs-co zos muôs sâuv ciêz đrôngs. Gri muôs chor hax huv muôx têx thâuv grêk kik, đros chor hax huv zuôr saz đrâuv tez qơưk lok ntâu tưz uô trâu sơưr đơưk cxơưx hlo, uô trâu ntâu chuôz zis tsuv muôz muôs sêi, muôs gri kik. Txix no muôx yưv phiv liv zuôr uô chak cov paz tu zus, nriêr tâu qơư muôs truôx trâu chor njêl đêx txiêk no.

Zơưv Trần Trung Hưng, iz hâur chor nênhs uô ntêx hlo tu zus njêl hồi, njêl tầm nhoz Sa Pa, nhiv no zos Phưv Chủ tịch Hôiv njêl đêx txiêk tỉnh Lào Cai hêik tiêk: “Têz qơưk tsuv paz chiê yênhx lix iz xar iz hợp tác xã chiê tas nro chor ziv chuôz zis hâur xar lok nhoz hâur iz hợp tác xã thiêz muôx tsưr ziv uô tsêx trung, chiê paz muôx tâu thôngx ziv sâuv tas nro tỉnh Lào Cai thiêz têx jâuv tsênhv tas nro têz qơưk thiêz, tâu muôs lơưr iz kror gri mak zuôr truôx tuk đuô thiêz zuôr zos yênhx iz kror hâux lưv uô truôx”.

Cux zos li, sik côngv uô nox thôngz đhâu tsưr zic sik côngv chênhr zos kror paz cov muôx tâu qơư muôs truôx jông. Đros co, chiê phax tar têx phiv liv li trâus ntux têz ruôr hiêv, chinhr quyền thax tsavq ơư cux tsênhv sir jos uô, qênhz shuôk thiêz cêv kuôk jông têx qơư tu zus chiê paz cov ngaz tuk jông. Zơưv Nguyễn Trung Kiên, Bí thư Đảng ủy Xar Mường Bo puz pâuz: “Pêz cux zuôr tsuv qênhz shuôk, ntâuk gri tsênhz mênhx chiê uô chak muôx tâu iz qơư tu zus njêl huv zos lơưr cui tênhv. Tiv iz zos tsik phiv liv txos ar poz, tiv oz zos tsik trâus đêx cuôr yôngz; tiv pêz zos paz ngaz tuk trâu chor đêx tâu pêx xênhv zôngv chiê tu zus njêl. Txix co, đhâu thâuv muôx cêv kuôk, pêx xênhv tsuv uô jông lơưr tsưr ziv tưz tâu cấp muôx vax huôv tso tơưv, li co thiêx zuôr uô tâu ngaz tuk jông”.

Xav lơưr iz kror txơưr, chênhr têx kror phiv liv no tsênhv paz muôx tâu iz kror tsưr ziv uô yiêz. Iz kror jông chiê nganhx tu zus njêl đêx txiêk Lào Cai hlôngr yiêz đuô tsưr ziv uô nox. Phưv Chủ tịch Hôiv Njêl đêx txiêk tỉnh Lào Cai-zơưv trần Trung Hưng khav tênhv: “Nhiv no tsênhv phiv liv thiêz cux chênhr zos iz kror jông, zos kror chiê nganhx zus njêl đêx txiêk tror tis sêiz têx tsưr ziv uô nox sêz puôk tâu huv đros, cux li nriêr qơư muôs  hax huv”.

Têx hlôngr yiêz co tsênhv tâu chor nênhs li zơưv Hưng kriz uô txix tsưr ziv cxiv tsa tsêr mêir uô chor hax huv cov jông đuô tax ploz tsênhr ntiêx têz, chiê muôs tâu trâu oz chas têz qơưk./.

An Kiên-Lik Thox cxêik nhênhv