Canr bôv, đảng viên thiêz pêx xênhv Lai Châu gôngr côngv ziv chênhv trâu dưv thảo văn kiện Đại hôiv Đảng XIV

Ntu đhâu, Đảng ủy xar Tả Lèng, tỉnh Lai Châu tưz hcox kriê tas nro 39 chi, đảng bôv, chor cơ quan, taz viv kriz uô ntâu tsưr ziv yax kriê tsênhv njiêz dưv thảo chor văn kiện muôz trâu Đại hôiv Đảng XIV. Txix iz đraz hli 10 txos nhiv no, xar tưz tsưr tsix xar muôx 20 jiês cơưv, xênhz huôx, paz trâu chor canr bôv, đảng viên thiêz pêx xênhv sêz lax, gôngr côngv ntâu ziv chênhv trâu tsênhv njiêz dưv thảo văn kiện. Zơưv Hoàng Văn Trinh, Bí thư Đảng ủy xar Tả Lèng puz pâuz:

“Văn kiện Đại hôiv Đảng jiês tiv 14 heik txos têx tsưr ziv huv đros trâu têz qơưk tsênhv hlôngr yiêz. Xar Tả Lèng vav tiêk đros têx tsưr ziv, chủ trương co, zuôr txos no Trung ương zuôr sir jos chox kriê chiê kriz uô cov txos trâu têx tỉnh ntus đriv, nhoz đêz, tox siêz li Lai Châu cov  tâu sơưv nzir têx tsênhv chêi no”.

Hâux lưv zuôr ziv chênhv trâu chor dưv thảo văn kiện muôz trâu Đại hôiv đại biểu Đảng tas nro têz qơưk jiês tiv XIV tâu tỉnh Lai Châu kriz uô txos tas nro chor đảng bôv, tsưr tsix đảng hâur tas nro tỉnh, zaz zâuv chôngz canr bôv, đảng viên thiêz pêx xênhv cxaz chuôz. Sơưr đơưk tưz sik đros hêik têx ziv chênhv gôngr côngv trâu chor văn kiện. Zơưv Vũ Huyến, muôx 55 shông nhoz hâur đảng, nhoz ntơưv phường Tân Phong hêik pâuz:

“Cur pov văn kiện bax trâu Đại hôiv Đảng XIV lok six jông thiêz huv đros pêx xênhv siêz xar, huv đros trâu pêz têz qơưk zos yênhx têz qơưk huôv tsar truôx đrênhk, cxiv tsa têz qơưk vav mênhx, pêx xênhv shir phaz”.

Ntâuk gri siêz txos sir jos hlôngr yiêz thiêz sir jos chinhr triv hâur dưv thảo văn kiện Đại hôiv Đảng XIV, chôngz canr bôv, đảng viên thiêz pêx xênhv vav tiêk đảng zuôr muôx ntâu tsưr ziv uô jông chiê paz gra siêz uô lox tôngv, tsơưr lươngv tsar ndê, hlôngr yiêz sôr, huôv tsar kinh têr hur jông tuần hoan, moz siêz đuô paz trâu tsôngv box mênhx cxưx tsơưs nênhs nhoz đêz, tox siêz luz nênhx. Zơưv Chu Xênhv Cưr, Bí thư chi bôv jok Lao Chải 1, xar Khun Há, tỉnh Lai Châu hêik:

“Cur thiêz pox nhuôs sơưr đơưk vav tiêk Đảng, Têz qơưk tror sir jos paz trâu pox nhuôs nhoz tox siêz lok têx tsưr ziv uô du lịch, tok kruô du lịch, chox kriê tsôngv kruô ndis shuôk, uô si tuôx txos jok Lao Chải chiê paz trâu pox nhuôs luz nênhx cov ziv hnuz ziv huôv tsar đuô”.

Hâux lưv zuôr pêx xênhv ziv chênhv thôngz đhâu ứng dụng VneID zos kror zov chênhr hâur ntu hlôngr yiêz đuô tsưr ziv phuôx huiz dân chủ. Đros ứng dụng no, txơưv nhoz kror tưs pêx xênhv, sơưr đơưk cux zuôr hêik pâuz tâu têx ziv chênhv. Pos Nguyễn Thị Minh, nhoz tôv dân phố 2, phường Tân Phong, tỉnh Lai Châu puz pâuz:

“Cur tưz sêiz chor văn kiện, pêz puôr lênhx thôngx ziv thiêz vav tiêk pêx xênhv luz nênhx, kinh têr zuôr muôx ntâu hlôngr yiêz, Đảng thiêz têz qơưk zuôr tror sir jos paz chiê pêx xênhv luz nênhx ziv hnuz ziv huôv tsar thiêz shir phaz đuô”.

Canr bôv, đảng viên thiêz pêx xênhv tỉnh Lai Châu li têx ziv chênhv gôngr côngv, thôngx ziv đros têx tsênhv njiêz dưv thảo văn kiện Đại hôiv Đảng XIVzuôr paz uô tiêr têx văn kiện, hêik txos tsênhv tsênhz hâur luz nênhx, paz uô tâu lý luận đros trâu tsênhv tsênhz./.

Thanh Thủy-Lik Thox cxêik nhênhv

Tu zus buô đuz tiv phaz, pox niêv mênhx cxưx Thái nhoz Sơn La sâu tâu xar muôx yênhx tỷ đeiv iz shông

         Uô tsar uô nox txix shông 2023, đros chuôz zis thiêz hội LHPN xã li paz max, niêv lâuk Hoàng Thị Thủy txix ciês thâuv qir uô tưz truôx siêz yưv pênhr muôx yênhx puôk tsov đeiv thiêz 2 hecta ar tox trôngz chiê huôv tsar uô qơư tu zus njês, buô, keiz ok thiêz 500 ntâu tsoz txir lưv tsiz sôngz. Niêv lâuk Thủy puz pâuz: Đros paz buô đuz, chuôz zis yax six zus txix 400 txos 500 tul, tâu muôs trâu têx tiv phaz hâur thiêz đrâuv tỉnh li: Tam Đảo, Nghệ An, Hà Nội...thôngx cxix muôz hâux lưv uô trâu zuôr xar 10 lênhx nênhs lox tôngv chiv cheix thiêz yax six:

          “ Thâuv nhiv kruôr uô trâur nuv, chuôz zis njiz ntâu phêv liv, tiv iz zos cơ sở cxuô zav tsi muôx, tiv oz zos tsi muôx pênhr nhiêx, tiv pêz zos tsi muôx chênhz zênhv; taz sik zuk cê uô, cê cơư shâuv, jux jus cux muôx tâu chênhz zhênhv thiêz muôx tâu chêx cuk xưk li nhiv no”.

          Txix chênhz zênhv tsênhv tsênhz muôx tâu, niêv lâuk Thủy pheiz qơư tu zus đar 2 hecta ntâu yênhx 2 thax tsav txơưr, taz por vêv xênhz tênhx qơư thiêz phax tar tar moz huôv xênhz. Têx vuôz tsuôz kiês nênhs tâu vâuv, tror sir zôngv uô qir zuôv trâu vax chos ntông, yênhx iz trâur nuv vax-pas-guôx jông, por vêv tâu tênhx qơư.

          Khov tsưr ziv uô jông, iz shông, trâur nuv tso lok phênhv sâu muôx nhos 500 tsov đeiv đhâu thâuv yưx tas nhiêx txiêx tưz yưv, yênhx qơư chi cax lus hâur phongz yaox pox niêv txơưx huôv tsar uô nox nhoz tiv phaz. Niêv lâuk Thủy pheiz kênh:

          “ Đros trâur nuv nhiv no, cur cux tso siêz thiêz jông siêz pheiz kênh trâu cxuô lênhx nênhs sik đros uô lơưr, chiê lênhx tưs cux tu zus tax chês cuk kinh têr siêz, tiv zix zos têx pox niêv”.

          Tsi taz txơux huôv tsar cêr uô nox, niêv lâuk Thủy tsênhv sir jos cxaz chuôz côngz xưv hội, truôx siêz pheiz kênh chênhz zênhv đros têx ziv chuôz zis txơưr thâuv lơưr tuôx ndis seiz, cơưv shâuv trâur nuv. Đros chinhz yênhx uô ntêx nyuôk, xar tơưv jông, niêv lâuk tâu Chủ tịch Ub tỉnh Sơn La khơưk muôz ntơưr kruôk viv tax tâu yênhx tix jông hâur huôv tsar kinh têr ziv chuôz zis. Zơưv Lò Văn Sáng, Bí thư Chi bộ, tsar jos Thèn Luông puz pâuz:

          “ Niêv lâuk Hoàng Thị Thủy krêz uô trâur nuv nhoz no lok six jông; tiv zix zos trâur nuv tu zus buô, keiz ok tâu tsôngv kruô, tuz luôv lok six nhiêv txos viv trâur nuv hur jông, zos nôngz buô, keiz ok nhoz tiv phaz”.

          Txix siêz truôx bo thiêz sir jos huôv tsar uô nox, niêv lâuk Hoàng Thị Thủy li trâur nuv tu zus buô đuz tsi taz chox lok phênhv sâu truôx mak tsênhv krêz tơưv iz tsưr ziv huôv tsar uô nox yiêz trâu ntâu ziv chuôz zis nôngx mênhx nhoz tiv phaz, gôngr phênhv huôv tsar kinh têr, xã hôiv, cxiv tsa jêx jos ziv hnuz ziv bluô nux, vêv mênhx./.

(Trấn Long-Txâur Vax cxeik nhênhv)