Cxơưz tiês huôv tsar KTXH nhoz tox siêz ntus đriv Yên Châu

Khôngz qiv uô hâux lưv nhoz côngz tsinhx tsêr vênhx huôv xã Chiềng Khoi, huyện Yên Châu, tỉnh Sơn La têx hnuz kaz shôngk shông lok six ntâu hâux lưv. Nhiv kruôr krêz côngz tâu 2 luz hlik, njuôs xav uô hâur 6 luz hlik, taz sik khov chêx chôngk uô, viv li côngz tsinhx cxiv tsa truôx jông sâuv mênhv chêx 280 yiv ndis, đros tas nro 2 tỷ đeiv ntâu txos nhiv no tưz uô tiêr 50%. Zơưv Nguyễn Vũ Long Quân, hlôngr njêx muôs Công ty TNHH cxiv tsa Quân Huyền- taz viv uô côngz tsinhx puz pâuz: “Lok tsưr thâux pêz cxơưz tiês uô, taz sik thâuv tưs cux taz por tsơưr lươngv côngz tsinhx. Tas nro têx chuôz zênhx uô tsuv yưv pênhr thiêz Ban seiz car xã sâu jênhv thix li uô, uô tiêr luôk hâux lưv tưs mak sâu jênhv hâux lưv co, tas nro puôr lênhx uô trơưk tsưr ziv tso tơưv”

          Lơưr zơưv Nguyễn Văn Hưởng, Giám đốc Ban seiz car dự án yưv pênhr cxiv tsa huyện Yên Châu, chiê paz jông tiv zix trâu hâux lưv cxiv tsa têx côngz tsinhx, dự án sâuv thax tsav, hâux lưv muôz pênhr nhiêx tâu têx taz viv tsov cưv jông.

          Shông 2023, ntâuk grê tsưr ziv yưv pênhr côngz huyện tâu choz 220 tỷ đeiv ntâu chiê cxiv tsa 81 côngz tsinhx. Txos tas hnuz 30/11, huyện tưz muôz 167 tỷ đeiv, tax zuôr xar 76% tsưr ziv choz pênhr. Zơưv Hưởng heik: “Hâur luz hli no, Ban tsênhv sik côngv jông đros têx taz viv cxiv tsa, têx côngz tsinhx tưs uô kênhz mak muôx tsưr ziv chuôz tsar uô, chiê taz por uô tiêr hâux lưv. Đhâu co, thiêx taz por muôz pênhr lơưr tsưr ziv mak tỉnh, huyện tso tơưv”.

          Chiê muôx pênhr jos, Yên Châu thâuv tưs cux tsov cưv txos côngz xưv sâu nhiêx txiêx sâuv thax tsav.

          Lơưr pos Nguyễn Thị Bích Ngọc, Phưv phongx nhiêx txiêx-tsưr ziv huyện, njuôs xav tỉnh choz thiêz HĐ huyện cuiz nghị sâu sâuv thax tsav 93,5 tỷ đeiv; chêx cuk uô txos hnzu 15/11 zos zuôr xar 50 tỷ đeiv; njuôs xav uô tas nro shông zos 94 tỷ đeiv, tax 100% tsưr ziv tso tơưv: “UB huyện sir jos uô tiêr siêz tiv zix jênhv vưv sâu nhiêx txiêx hâur shông tưz tso tơưv; krêz uô txos qơư, muôx chêx cuk hâux lưv sâu nux grê nhiêx sê, sir jos tsi chiê muôx yưv nux grê yiêz, yax six seiz shuôk, pâuz tâu phênhv sâu, tiv zix zos vênhv thix, daonh nghiệp muôx zi cxiê phênhv sâu lox chiê muôx tsưr ziv sâu huv đros, sâu txâuk têx phênhv nhiêx txiêx têz qơưk”.

          Shông 2023 no, huyện Yên Châu sir jos tas nro pênhr yưv tax 1 cxênhz 985 tỷ đeiv, tsiv grê xiv huv tax 52 tsov đeiv/ha ar chos, tsiv grê hax huv kôngz nuv cxaz chuôz muôs tơưv tax 5 tsov USD, chor ziv chuôz zis pluôk txu grês yuôr 22,13%...

          Zơưv Lù Văn Cường, Chủ tịch UB huyện puz pâuz, chiê uô tiêr têx tsưr ziv no, đrâuv uô jông tiv phaz li têx muôx ntơưv qơư li huôv tsar ntông nox txir lơưr tsiv grê; taz por thiêz phuôx huiz cêr chax chês vênhx huôv tsôngv box mênhx cxưx tsơưs nênhs, Yên Châu cux tsênhv sik côngv uô ntâu pênhr jos txix têx tsaz yênhx, dự án chiê tror cxơưz tiês huôv tsar KTXH tiv phaz huôv tsar. Zơưv Cường puz pâuz: “Vênhv thix kôngz nuv tsênhv tâu huyện xav tênhv zos jông thiêz muôx jos. Hâur vênhv thix no, pêz tsov cưv xuz thơưx trâu hâux lưv cxơưz cxiz, heik kriê tsôngv box tsiv uô lơưr saz hữu cơ chiê muôz siêz tsiv grê. Nhiv no pêz tsênhv chox kriê têx phongx, ban tsưr tsix têx lớp kriê cxaz trau têx HTX, heik lơưr chuv tôngv cxiv tsa bê, mã xiv huv chiê heik kriê sâuv têx phaz pênhv thôngz xor mông, cux xưk li têx trang mạng xã hội, uô li chas cov ntâu lênhx nênhs pâuz txos xiv huv Yên Châu, txix co paz tsôngv box muôz siêz phênhv sâu, cxuôv yeiz thiv pluôk truôx tul”.

          Chiê Yên Châu nhiv no, lênhx tưs cux pov tâu têz qơưk no têx hlôngr yiêz jông. Ntơưv thị trấn, iz niêv đrôngs vav mênhx, hlôngr yiêz jux jus pov tsênhz zos têx côngz tsinhx tar đêx Vạt uô tiêr, niêv đrôngs jông jav. Đrâuv co, cêr tâu krêz đar; têx côngz tsinhx ntus cêr tâu kho đuô, cxix luôk njưk tso đêx txos tênhv tênhz tơưk pov cêr jông, ntông njuôz tâu yưv pênhr chos, jông jav. Ntơưv têx xã tox siêz, ntus đriv, têx cấp chính quyênx tưz thiêz tsêhv chêx chôngk yưv pênhr cxix luôk cxuô zav; car chêx qênhx shênhx muôx tsi txâuk ar nhoz, ar uô kôngz, tsưr ziv uô nox chiê tsôngv box huôv tsar kinh têr, cxuôv yeiz thiv pluôk./.

Thu Thùy-Txâur Vax cxeik nhênhv

Sa Pa phax tar no trâu shux xênhz hâur têx hnuz no njiv hênhr

Ntux pok huôz thiêz no njiv hênhr, 400 ntâu lênhx shux xênhz hâur tsêr cơưv cxênhx 2 Phan Si Păng, thị xã Sa Pa cux tuôx muk cơưv ntơưr, sir jos đros uô têx hâux lưv xưk li cxiê hnuz. Nzông Xênhv Thox, shux xênhz lớp 9A heik: “Niêx hnuz tuôx cơưv, cur tâu chor cưk kriê ntơưr heik kriê cov hnar tril yo sor, trâu khâu thov khưv, khâu ntâuz hur si. Hâur tsêr lớp cux muôx meir ntê sor hur si, viv li pêz tso siêz tuôx nhoz cơưv ntơưr”.

Cxuô lớp cơưv puôr lênhx muôx kror trôngx ntov thêir chuô txiêk thiêz saz hâur tsêr cux muôx meir ntê sor hur si. Lơưr cưk kriê Phạm Thúy Hà, phưv thơưx seiz car tsêr cơưv cxênhx 2 Phan Si Păng, ntơưv tsêr cơưv tsênhv muôx 170 ntâu lênhx shux xênhz nox nhoz hâur tsêr cơưv niêv txir zus mor, chênhr viv li iz chas taz por kriê thiêz cơưv txux chi, tsêr cơưv tsênhv sir jos txoz cxơưx pluôk nox, qơư pư trâu chor nhuôs hâur têx hnuz no njiv thiêz: “Têx qar tsêr pư pêz puôr lênhx bax muôx meir ntê sor hur si chiê têx jiês no njiv hênhr chor nhuôs thiêx tâu ntê. Pêz cux muôz cxaz nzir iz luz txax 2 đeiv pav sor. Iz chas co, chor nhuôv têx pluôk nox, pêz bax uô txâuk têx jâuz mor cxix cxuô, thâuv zuôr txos six nox mor li pheiz têx jâuz mor trâu nhuôv shux xênhz nox thiêx sor”.

Đros thiêz thax tsav tox siêz Sa Pa, lơưr cui tinhv, hâur têx hnuz no njiv hênhr, tsuv tso shux xênhz so ntơưr. Taz sik, zơưv Trần Ngọc Cừ, Phưv tsar Phongx zoz zux thị xã Sa Pa heik pâuz, viv Sa Pa zos thax tsav qơư phiv liv, ntux txơưr txar ntâu, chênhr zos li heik co, tsi zos thâuv tưs cux uô trơưk đreiv cui tinhv, tsuv seiz yênhx luz tsêr cơưv bax uô têx hâux lưv phax tar no njiv li chas trâu shux xênhz cuv huv đros. Muôx kênh thax tsav qơư no njiv hênhr hâur ntâu hnuz, zos tso shux xênhz so ntêr li ntơư cux tsi jông: “Viv nhoz no tsi thôngx li luôs 2 chas thax tsav, zos tso shux xênhz so ntơưr, pêz cux tsi muôx six hơưv, hnuz nhôngs kriê nzir têx txux chi trâu chor nhuôs. Chênhr viv li, pêz tsuv khưx phưx txix taz por muôx qơư nhoz truôx tuk, tril yo sor trâu shux xênhz hnar đros trâu têx tsưr ziv phax tar no xưz”.

Shông cơưv 2023-2024, Sa Pa muôx 64 luz tsêr cơưv, 25 cxênhz ntâu lênhx shux xênhz. Thax tsav tox siêz muôx ntâu tsôngv box heir nênhs tsơưs no cux tsênhv yuôr ntâu qơư txov nhêv, hâu nov ntơưv qơư thiêz ngênhx zoz zux thâuv tưs txos cheix ntux no, puôr lênhx hu lơưk chor nênhx siêz jông sik đros paz têx pav vor, tsôngk tril yo sor, thov khưv, zav nox uz no....tuôx trâu shux xênhz chiê têx nhuôs tso siêz tuôx cơưv ntâuz ntơưr./.

An Kiên-Riê Lâux cxeik, nhênhv