Pêx xênhv Lai Châu njiz phiv liv tiv muôx tsik txâuk đêx xênhz huôx

Jok Khoa San, xar Mù Sang, huyện Phông Thổ (Lai Châu) – qơư muôx 80 ziv chuôz zis tsongv box Hmôngz uô nênhx nhoz 1 hli ntâu lok no tsik muôx ntux nas. Jiês yar ntux cuz sor no tưz uô trâu jok luz kror đêx trâus kruôr tas. Yar ntux cuz sor, kruôr gis truz ntêr cux uô trâu cxuô chuôz zis chor qơư tsês chiê đêx tsik muôx đêx. Tix lâus Ki Xênhv Thox – lênhx nênhs nhoz hâur jok puz pâuz: “Đêx xênhv huôx muôx tsik txâuk, njiz phiv liv lok six ntâu. Nhiv no đêx nzuôr têk tơư, uô jâuz mor nox lok cux tsik muôx pox nhuôs luz nênhx njiz lok six ntâu txov nhêv. Chiê muôx đex sir zôngv, pox nhuôs tsuv muk thâux yênhx thôngz hâur têx cưx ha lok zôngv, uô jâuz mor nox, hok nzuôr têk tơư, đa đêx mak muôx tsik txâuk đêx”.

Txơưv tiêk muôx 3 luz kror tsês chiê đêx lox, taz sik Tsêr cơưv nhuôs zâu xar Mù Sang ntu no cux muôx tsik txâuk đêx. Đêx hâur têx bể đêx cux tưz gris zuôr tas, viv li cưk kriê thiêz shux xênh tsuv sir zôngv đêx cxênhx txuôs tiv zix. Chor nhuôs têx đêx nzuôr muôs, nzuôr têk mak tâu chor cưk kriê ntơưr sir zôngv chiê zưs trâu chor pax, jâuz hâur tsêr cơưv ntơưr.

Cưk kriê Đồng Thị Thuận, Nênhs sêiz car tsêr cơưv puz pâuz: Chor đêx muôx tsơưs nhiv no tsênhv tâu tsêr cơưv tsês chiê tsoz phưz trâu chor nhuôs. Cưk kriê mak tsuôk tâu zôngv đêx chiê phưx vưv trâu nox hâuk, hok đa đêx, nxuô khâuz ndơưk mak tsuv muk trâu đrav kror đêx lok sik muk gra lok zôngv. Oz pêz hnuz thiêz chor kror đêx kruôr đêx tas, mak hâux lưv vêv xênhz, uô jâuz mor nox trâu chor nhuôs tsuv khov trâu yênhx thôngz đêx zos chor kriê ntơưr thiêz shux xênhz niêv txir muk gra lok xưz: “Tsêr cơưv tưz huiz tôngv chor cưk kriê ntơưr sik côngv đros shux xênhz niêv txir chiê muôx đêx vêv xênhz uô jâuz mor nox trâu chor nhuôs; shux xênhz niêv txir iz lênhx nênhs iz ciêz paz oz thôngz đêx, iz thôngz 20 lir trâu thâuv hnuz thưr 2 thiêz thưr 4 yênhx ciêz. Taz sik cux tsik txâuk hlo, tsêr cơưv tsuv khov txos shux xênhz niêv txir muôx yêr ô tô paz muk thâux đêx lok trâu hâur bể chiê muôx txâuk đêx tsoz phưz trâu chor nhuôs. Ntơưv têx jêx jok mak tsêr cơưv cux tưz bax qơư trâu đêx trâu chor cưk kriê ntơưr chiê tok ntux nas lok mak chus đêx nas trâu”.

Xar Mù Sang muôx zuôr xar 600 ziv chuôz zis uô nênhx nhoz ntơưv 10 jêx jok, hâur co muôx 7 jêx jok tsênhv muôx tsik txâuk đêx xênhz huôx phiv liv. Qir tiv zos pox nhuôs uô nênhx nhoz ntơưv têx qơư siêz; chêix ntux kruôr, tiv zix zos kruôr gris truz ntêr hnuz, chor đêx kruôr tas viv li chiê tok tâu đêx ntơưv têx qơư kik muk sir zôngv zos kror lok six lax uô tâu.

Zơưv Phàn A Tỏn, Chủ tịch Ủy ban xar Mù Sang, huyện Phong Thổ puz pâuz: Luz nênhx tưz zênhx txov nhêv, muôx tsik txâuk đêx xênhz huôx hax zav uô trâu pox nhuôs luz nênhx njiz cêr txov nhêv đuô. Tas nro xar muôx 2 jêx jok zos Khoa San thiêz Mù Sang muôx car tok đêx lok, taz sik tiv đêx pêv hâur muôx tsơưs, mêir gruk đêx puôk tsik jông tas, viv li pêx xênhv nhoz oz luz jok no cux tsuv yênhx hnuz muk thâux đêx chox lok sir zôngv: “Qênhx shênhx muôx tsik txâuk đêx sâuv thax tsav xar mak txix thâuv ntêx lok zênhx njiz li no lơưv. Pêz tsênhv yax kriê trâu pox nhuôs txêik pênhr hâur zênhx hangx lok chiê chiv chir cxiv uô bể đêx. Chor chuôz zis muôx mak chiv chir huôv tsar kinh têr chuôz zis, tsês mê njil nhiêx txiêx chiê cxiv uô bể đêx chus đêx nas chiê sir zôngv. Xar cux hêik Đảng, Têz qơưk muôx tsênhv chêi paz têx thungz trâu đêx trâu pox nhuôs chus têx đêx nas chiê zôngv xênhz huôx yênhx hnuz”.

Txix têz qơưk têx tsênhv chêi paz, têx shông đhâu, pêx xênhv nhoz ntus đriv Mù Sang, huyện Phong Thổ thiêz pêx xênhv nhoz ntâu xar ntơưv tỉnh Lai Châu tưz tâu paz tsik tsơưs têx chuôz zênhx tsês chiê đêx. Taz sik, tiv cxiv luôs tok đêx xênhz huôx lok tsik tâu yưv pênhr uô ntâu; chêix ntux kruôr truz ntêr, muôx ntux nas tsơưs, viv li pêx xênhv cux tsik so njiz truâs muôx tsik txâuk đêx sir zôngv. No zos iz kror phiv liv, lok six tsuv tâu cxuô cấp, nganhx, cux xưk li chinhr quyền tỉnh Lai Châu sir jos uô ntâu tsưr ziv đuô chiê paz trâu pêx xênhv./.

Khắc Kiên-Lik Thox cxêik nhênhv

Lâm Đồng: lênhx Bí thư chi bộ jos thâuv tưs cux muôx txơưx jênhv đros jêx jos

Tâu nhoz hâur Đangv thâuv muôx 26 shông hnuz nhôngs, uô Bí thư chi bộ jos txix thâuv muôx 30 shông hnuz nhôngs thiêz txix co txos nhiv no, zơưv K’Boer Bí thư chi bộ jos B’Dơr, xã Lộc An, huyện Bảo Lâm (Lâm Đồng) cux iz siêz viv tsôngv box pêx xênhv. Zơưv tưz đros têx đồng chí hâur Chi bộ thiêz pox nhuôk hâur jos sir jos hlôngr yiêz tsoz chos, tsiêx tu zus, huôv tsar kinh têr, cxiv tsa luz nênhx vênhx huôv.

          Lơưr zơưv K’Đèo, iz lênhx txir ndâux txir luk nhoz jos B’Dơr, hlôngr yiêz li nhiv no zos muôx zơưv K’Boer- Bí thư chi bộ jos li đas jos gôngr côngv jông: “Pov tâu jêx jos li huôv tsar lok six shir phaz. Cux khov muôx cấp xã li chox kriê, tiv zix zos đ/c Bí thư chi bộ K’Boer, hluôk nênhs li ntơưv taz sik lok six muôx pênhr xưv...pêz lok six njênhs njôngr txos”.

          Pos Ka Thủy, iz lênhx đảng viên hâur chi bộ puz pâuz, hâur têx jiês xênhz huôx đảng, zơưv K’Boer khênhr heik cxaz cán bộ jêx jos, têx lâuk jos, tsar jos, txir ndâux txir luk hâur côngv thôngx tuôx sik đros cxaz chuôz, thôngz xor mông, sik seiz lax tsưr ziv car chêx têx côngz xưv zuôr trâus, txix co thôngx ziv siêz thiêz uô cov muôx chêx cuk tiv zix. Tsênhz mênhx, tsuv heik txos hâux lưv vênhv tôngv tsôngv box gôngr ar, gôngr hnuz côngz, nhiêx txiêx đros têz qơưk cxiv tsa tiêr 20 cei cêr muk lok hâur jêx jos... “Bí thư chi bộ K’Boer zos đangv viên uô ntêx nyuôk, truôx siêz muk njiz tsôngv box chiê yax mông, vênhv tôngv tsôngv box pâuz, thâuv tưs cux cxaz chuôz gôngr côngv ntâu ziv chênhv chiê cxiv tsa, chox chi bộ huôv tsar đuô”.

          Jos B’Dơr muôx 98% ntâu zos tsôngv box mênhx cxưx K’Ho. Thâuv ntêx, đrâuv hâux lưv tsiv uô kôngz nuv tsênhv pôngz kaz, ntâu phongz cxưx pôngz kaz cux tsênhv muôx nhoz no, luz nênhx lok six txov nhêv. Nhiv no, tsôngv box li siêz xar hlôngr yiêz, tsưr ziv uô kôngz tâu hlôngr yiêz, tsêz chos yênhx côngz têx zav nôngz yuôx zêx, cà phê, chos shơư txir bơ, sầu riêng....Khov co, phênhv sâu fênhx pheiz chuôz ndê 150 tsov đeiv iz hecta iz shông, chor ziv chuôz zis pluôs txix 30% grês tsuôk yuôr tsi nto 2%.

          Lơưr pos Trịnh Thị Vân, Phưv bí thư Đảng ủy xã Lộc An, huyện Bảo Lâm (Lâm Đồng) puz pâuz: m“Đ/c K’Boer zos đảng ủy viên, Bí thư chi bộ jos B’Dơr, zos iz lênhx nênhs sei đrơưv, uô ntêx nyuôk, car xar car uô car muôx txơưx jênhv. Muôz siêz pưs txux lênhs tov,chox kriê, pox nhuôk hâur jos uô jông Đảng, têz qơưk li chủ trương, cêr chei thiêz tiv phaz li têx cui tênhv. Nhoz uô nênhx jông”.

          Zơưv K’Boer, Bí thư Chi bộ jos B’Dơr puz pâuz, đros zuk li txơưx jênhv, zơưv zuôr tror sir jos uô ntâu đuô thiêz, truôx siêz gôngr côngv trâu tiv phaz li huôv tsar: “Cur tsov cưv tiv zix txos vênhv thix kinh têr, uô li chas cov zuk jêx jos txu grês chor ziv chuôz zis pluôs, chuôz ndê chuôz zis bluô nux. Hâux lưv co mak pêz tsuv cxiv tsa têx nghị quyết huv đros thiêz tiv phaz li qênhx shênhx tsênhv tsênhz”.

          Đros thiêz sir jos hâur côngz xưv cxiv tsa cxix luôk chính trị, sir tas đas jos trâu côngv thôngx li hâux lưv huôv tsar, zơưv K’Boer ntâu shông tsi so jênhv tâu Ban chox kriê Tây Nguyên li ntơưr kruôk lok yênhx tix hâur côngz xưv cxiv tsa Đảng. Zơưv K’Boer tsênhv tâu Chủ tịch UB tỉnh Lâm Đồng khơưk muôz ntơưr kruôk viv yênhx tix jông hâur cơưv shâuv thiêz uô lơưr chủ tịch HCM li siêz xar, cêr uô nênhx jông ntu 2016-2022./.

VOVTN-Txâur Vax cxeik nhênhv