Lai  Châu tsoz phưz, txoz cxơưx trâu chor nênhs muôx côngz têz qơưs

Ntu ntâuk tros châuz tưz đhâu lơưv ntêr, taz sik têx trâus saz tiv bôngk, hôngz poz cux tsênhv nhoz trơưr sâuv lênhx saz pênhz Nguyễn Đức Sơn, nhoz phường Quyết Thắng, thành phố Lai  Châu li luz chêr. Trâus saz hov 4/4. Muôx 75 shông, txos thâuv ntux hlôngr chêix, têx trâus saz co ho tror moz tuôx uô trâu zơưv Sơn tsik thor jông nhoz hlo.

Nguyễn Đức Sơn puz pâuz: Xênhz zus thiêz hloz lox nhoz huyện Quảng Xương, tỉnh Thanh Hóa. Shông 1966, zơưv sơưr cêr muk uô tuz lênhv thiêz cxaz chuôz ntâuk tros châuz nhoz faz Nam. Shông 1968, đhâu iz jiês tros châuz châuv ntâuk, zơưv trâus saz ntơưv cxêik têk, ndêx puôz, đraz kâuv thiêz txos shông 1971 tsuv tơưv tsik uô tuz lênhv chiê tror lok tsêr tiv đas jos trâus txo grêk, thiêz đros chuôz zis tuôx trâu Lai Châu uô nênhx nhoz.

Đros zơưv, kror shir phaz tiv zix zos tsik so  tâu cấp ủy, chinhr quyền, đoàn thêv cxuô cấp sâuv thax tsav sêiz nus txos thiêz muôx cxix cxuô têx phênhv paz lơưr cêr chêi tez qơưk. Têx kror paz co zos kror paz trâu zơưv sir jos hâur luz nênhx thiêz sir jos tuôr truôx jông zos lênhx bôv đôiv lâul Hôx thiêz zos lênhx nênhs uô ntêx thiêz uô têx hâux lưv jông chiê têx tuz nhuôs cơưv shâuv thiêz uô trơưk:

“Cxuô cấp chinhr quyền ntơưv thax tsav qơư lok six tsov cưv txos thiêz sir jos paz. Đros pêz zos chor nênhs uô ntêx, paz trâu cách mạng, pêz lok six tso siêz. Viv li tsuv sir jos cov zos yênhx lênhx bôv đôiv lâul Hôx. Tror lok ntơưv qơư nhoz, zos yênhx lênhx nênhs jông, kruôz kriê trâu têx tuz nhuôs uô jông lơưr Đảng, Têz qơưk têx cêr chêi”.

Jênhv pâuz tsênhz côngz xưv ndo txiêx paux njis zos tas nro cxiv luôs chinhr triv thiêz tas nro xar hôiv li kror hâux lưv uô, têx shông đhâu thành phố Lai Châu tsik so tsov cưv txos, tsêx chiê têx kror jông tiv zix paz trâu chor nênhs muôx côngz trâu têz qơưk sâuv thax tsav.

Pos Vũ Thị Thúy, Phưv trưởng Phòng Lox tôngv, Saz pênhz thiêz Xar hôiv thành phố Lai Châu puz pâuz: thax tsav qơư nhiv no muôx zuôr xar 170 lênhx nênhs muôx côngz trâu têz qơưk thiêz chor nênhs cxênhx jê tsênhv tâu paz yênhx hli, 40 ntâu ziv chuôz zis txi côngv chor liệt sĩ, zuôr xar 700 lênhx nênhs huôx tôngv ntâuk tros châuz thiêz uô jênhv vưv ntiêx têz. Chor nênhs muôx côngz puôr lênhx tâu ta viv muôz têx phênhv paz cxix cxuô huv zos lơưr Đảng, têz qơưk têx cêr chêi thiêz cui tênhv:

“Lok tsênhv chêi paz trâu nênhs muôx côngz mak cux tưz tâu uô lơưr ntâu tsênhv njiêz, xưk li tsênhv chêi lok sêiz car, muôz phênhv paz trâu chor nênhs muôx côngz yênhx hli. Hâux lưv txêik jênhv têx ntâuz ntơưr, xưv lik thiêz njuôk xav têx ntâuz ntơưr tâu uô txưv, huv zos lênhx nênhs. Pêz uô cxix cxuô têx hâux lưv paz đas jos, bảo hiểm y têr, phênhv paz lok tsêr nhoz lok sik sêiz nux chor nênhs muôx côngz thâuv muôx moz gênhs, trâus tuôs. Đuô li, yênhx shông txos hnuz 27/7, cux xưk li txos tsiêz têz qơưk thành phố tsik so uô jông côngz xưv sêiz nus, khơưk muôz huv paz”.

Tỉnh Lai Châu nhiv no tsênhv sêiz car xar muôx 8.000 ntâuz ntơưr lok nênhs muôx côngz trâu tez qơưk, hâur co muôx zuôr xar 650 lênhx nênhs tsênhv tâu sơưv phênhv paz yênhx hli. Hâur 3 shông đhâu, thax tsav qơư tưz thêv têx nhiêx paz yênhx hli, hênhv paz iz jiês trâu zuôr 4.000 lênhx nênhs muôx côngz trâu têz qơưk thiêz chor nênhs cxênhz jê, đros chor nhiêx muôs 56 tiv đêiv ntâu; cxiv tsa thiêz kho đuô 34 luz tsêr, đros chor nhiêx tas muôx 2,7 tiv đêiv ntâu. đuô li, cxuô cấp ủy Đảng, chinhr quyền, đoanx thêv thax tsav qơư cux tsưr tsix chor jiês njuôk shuôk moz, paz đas jos, sêiz nus, khơưk muôz hax huv, kho đuô têx côngz trinhx ndo côngz chor zênhx shôngx liệt sĩ… đros chor nhiêx tas muôx 22 tiv đêiv ntâu.

Zơưv Trần Đỗ Công, Phưv Giám đốc Sở Lox tôngv, Saz pênhz thiêz Xar hôiv tỉnh Lai Châu puz pâuz:

“Sở tror sik côngv đros têx cơ quan, taz viv, thax tsav qơư sir jos uô phongz yaox tas nro pêx xênhv cxaz chuôz Cuiv ndo txiêx pâux njis; huiz tôngv jông têx pênhr hâur xar hôiv chiê kriz uô côngz xưv txoz cxơưx trâu chor nênhs muôx côngz trâu têz qơưk. Thôngx cxix, uô uô cê têx tsênhv chêi huôv stả kinh têr-xar hôiv, cxuô tsa yênhx tsưr ziv têz qơưk txo grêk yêiz pluôs, cxiv tsa jêx jok yiêz, paz trâu chor nênhs muôx côngz trâu têz qơưk thiêz lơưr chor nênhs cxênhz jê tâu cơưv hâux lưv uô, muôx hâux lưv uô chie hlôngr yiêz đuô luz nênhx”.

Txơưv zos iz luz tỉnh nhoz ntus đriv tsênhv yuôr ntâu kror txov nhêv, taz sik cxuô cấp ủy Đảng, Chinhr quyền, đoanx thêv, tsử rtsix chinhr  triv, xar hôiv nhoz Lai Châu tsik so sir jos uô jông côngz xưv ndo txiêx pâux njis, muôx cxix cxuô têx nhiêx txiêx thiêz phênhv paz trâu chor nênhs muôx côngz trâu têz qơưk. Tsik chiê lênhx nênhs muôx côngz tưs tsik tâu sơưv têx tsênhv chêi paz, thax tsav qơư sir jos huiz tôngv cov tâu nâtu tiv zix pênhr nhiêx txiêx têx tsưr tsix, tiz nênhs, côngv thôngx xar hôiv sik đros côngv têk paz chiê tsoz phưz, txoz cxơưx luz nênhx cxuô zav trâu chor nênhs muôx côngz trâu têz qơưk cov lơưr muôx tâu luz nênhx jông đuô./.

Khắc Kiên-Lik Thox cxêik nhênhv

Niêv tix Chảo Thị Cói oz niêv txir li têx hâux lưv siêz jông paz trâu chor nênhs muôx luz nênhx txov nhêv

 “Txix tsưr ziv uô zos zuk muôz chor đuô lok chor nênhs muôx luz nênhx txov nhêv tso trâu sâuv chor mạng xar hôiv cur vav tiêk zuôr tâu sơưr đơưk sik côngv têk đros paz chiê lơưr tsik yuô txov nhêv”.

Co zos niêv tix Chảo Thị Cói, mênhx cxưx Cho, nhoz jok Ban trung, xar Trịnh Tường, huyện Bát Xát, tỉnh Lào Cai-tsưr kênh Youtube nto bê Coi lalin li hêik pâuz. Đhâu chor clíp tâu niêv cơư thiêz tso trâu sâuv mạng xar hôiv tưz tâu chôngz lênhx nênhs pâuz txos thiêz sir jos paz. Đhâu co chôngz lênhx nênhs muôx luz nênhx txov nhêv nhoz chor jêx jok tox siêz ntơưv huyện Bát Xát tưz tâu chor nenhs siêz jông paz trâu lơưr.

Thánh Xênhv Thox, jok Nậm Rang 2, xar Nậm Chạc luz tsêr cxiv uô tas muôx 100 triệu đêiv đêiv ntâu zos iz hâur chor nênhs tâu paz li hêik co. Ciês đhâu jiês thav txos Thánh oz cưr tix muôx luz nênhx txov nhêv uô nênhx nhoz hâur luz tsêr đaz tuôs tâu tso trâu sâuv mạng xar hôiv, chor nênhs siêz jông txix cxuô qơư tưz sik côngv chiê paz trâu Thánh oz cưr tix muôx tâu iz luz tsêr nhoz khor truôx jông. Thánh Xênhv Thox hêik:

“Niêv tix Cói muôz puz luz txax no, muôz nhiêx zuôr cxur, cxiv tsa uô luz tsêr no. Txix thâuv tâu niêv tix Cói thiêz sơưr đơưk paz mak uz oz cưr tix tưz tsik txov nhêv li thâuv ntêx lơưv”.

21 luz tsêr tâu cxiv uô yiêz, 2 txox cêr muk lok tâu kriz uô, yênhx cxênhz kror hax huv muôx tsiv gri tưz tâu muôz txos trâu chor nênhs muôx luz nênhx txov nhêv ntơưv têx jêx jok nhoz tox siêz huyện Bát Xát, tỉnh Lào Cai. Co zos têx kror mak niêv tix Cói oz niêv txir  uô tâu hâur 3 shông đhâu. Hâur kriz uô têx hâux lưv siêz jông co, oz niêv txir hluôk no njiz lok six ntâu kror phiv liv. Tix lâus Đoàn  Văn Thàn, niêv tix Cói tuk txir puz pâuz:

“Muôx têx thâuv oz niêv txir njiz cêr txov, iz tas hmo tsik muôx qơư pư, tsuv muk nriêr qơư, kror tưs jông pư chêik pư xưz; txos kror tưs mak hnox ntơưv co. Hêik pox niêv tiêk tsuv sir jos chiê paz trau pox nhuôs nhoz tox siêz cov muôx tâu luz nênhx tsâu sor, muôx tâu vax tsêr jông nhoz chiê lơưr huôv tsar tâu kinh têr”.

Cê uô cê cơưv, chor clíp tâu oz niêv txir uô ziv hnuz ziv zaz zâuv tâu chôngz lênhx nênhs sâuv mạng sêiz txos. Têx sik côngv paz txix chor nênhs siêz jông hâur thiêz saz đrâuv têz qơưk tau Cói oz niêv txir xa txos ciês trâu pêx xênhv thiêz hêik pâuz tsênhz mênhx sâuv mạng:

“Chor nênhs siêz jông paz mak phênhv ntâu zos nhoz hâur têz qơưk thiêz saz đrâuv têz qơưk. Chor nhiêx paz tâu bâuv li chak mak cur zuôr hêik pâuz tsênhz mênhx txix ciês phênhv paz tsơưs tiv zix”.

Hêik lok cêr shir phaz, têx sir jos chiê tror uô kror hâux lưv siêz jông, siz hluz no, lênhx nxêik mênhx cxưx Cho no hêik pâuz:

“Đros thax tsav tox siêz li pêz no mak txov nhêv lok ntâu kror, viv li thâuv tâu sơưr đơưk paz mak luz nênhx xưk li hla trâu iz ntu yiêz jông đuô thiêz cur xux lok six shir phaz thâuvpaz tâu trâu tsôngv box nhoz tox siêz hlôngr yiêz đuô luz nênhx, zos kror paz trâu cur tror sir jos uô kror hâux lưv no đuô”./.

TTTB-Lik Thox cxêik nhênhv