Hêir nênhs Cho têx grêix lak njêr shơư txux lov, zos iz zav nox kaz

Hêir nênhs Cho zav grêix buô lak njêx shơư txux lov, tsuv bax uô uô ntêx zuôr xar iz luz hli thâuv zuôr txos tsiêz têz qơưs. Chiê uô cov tâu zav grêix buô lak njêr shơư txux lov, tsuv uô tas ntâu six hơưv thiêx uô tâu tiêr. Têx zav chox lok uô ntơư zos grêix buô, njêr, cxuô zav txux lov li: Txir siêr, blôngx luôv lơưk, kriêr tox grênhz, blôngx pênhz laz …chox lok tsuôr shơư chor grêix buô. Lar hêik zos thâuv tuô tâu tus buô co, tsuv xêir têx grêix nyir shơư tros chox lok cxôngr uô têx đêiv zâu tov thơưx thiêz muôz cxuô zav txux lov tưz bax tâu hêik sâuv chox lok shơư đo cov thơưx chor grêix thiêz thâuv uô tâu tiêr ntơư tsuv muôz chor grêix co chox lok ntiv trâu hâur iz luz huz thiêz muôz blôngx tsơưz lok sik blôngx njê chox lok par vor cov tsik chiê chor grêix co điv pa. Pos Đặng thị Tiện, nhoz xã Tân lĩnh, huyện Lục Yên, tỉnh Yên Bái shir phaz lul hêik pâuz: “Tsiêz 30 shông tưs cur cux uô grêix buô lak njêr shơư txux lov chiê tok têx fôngx zưs cxênhz jê tuôx sêiz shuôk. Zav grêix no zos muôz grêix buô cxôngr shơư cxuô Zav txux lov, njêr. Viv thâuv ntêx mak tsik muôx tủ txiêk tsês grêix li nhiv no; zuk tsuv muôz têx grêix buô chox lok uo lak njêr shơư cxuô zav txux lov thiêx tsês tâu ntêr thiêz chor lâuk cux li mê nhuôv zâu puôr lênhx nhiêv nox”

          Đhâu 3 ciêz lok zos uô tâu tsês ntiv trâu hâur huz zuôr xar iz luz hli, chor grêix co cux thơưv njêr, txux lov tas; thâuv ntơư muôz chox lok ciz uô tâu siêr, nox cux kaz cơưs thiêz. Pos Đặng thị Tiện hêik pâuz nzir: “Zav grêix buô lak njêr shơư txux lov no, muôz chox lok ciz lok sik muôz ciz shơư njuôs cux tâu hur tiz si. Taz sik thâuv muôz chor grêix co chox lok ciz, tsuv trâur tơưk chis tov thơưx, chor grêix co thiêx tsik cuz hnhiêz”

          Chênhr zos li hêik ntơư, tsôngv px hêir nênhs Cho nhoz Yên Bái, txơưv têx tuz nxêik nhiv no muk khưr uô nox đêz vax tsêr, thâuv tưs tưz ndo txos zuk hêir nênhs zav nox kaz cxôngx nzor. Pos triệu Thị Hương, muk uô hâux lưv đêz vax tsêr shir phaz lul hêik pâuz: “Pêz chor hluôk nhiv no muk uô hâux lưv đêz vax tsêr thiêz thâuv tưs tror lok txos tsêr, cux tror tâu nox zuk hêir nênhs zav grêix lak njêr shơư txux lov, cux uô trâu zuk shir phaz, jông siêz hênhr”

          Cxuô chuôz zis hêir nênhs Cho trôngx mor sor siêz lul, cux chênhr zos muôx zav grêix buô lak njêr shơư txux lov huv đros hêir nênhs Cho luz nênhx nox nhoz muk lok cxôngx nzor, tsênhv tuôr tâu txos trâu nhiv no tsik chiê pôngz plox./.

                              Tsu cxêik nhênhv-Triệu Biên-VOV Tây Bắc

Hâur shôngk shông yiêz njiz cưk kriê Lý Hồng Quân- Lênhx nênhs paz tuôr tsês kriê kênhx Hmôngz trâu hluôk nênhs

Xênhz zus thiêz hloz lox ntơưv jos Bản Nghè, xã Cổ Linh, huyện Pác Nặm, tỉnh Bắc Kạn, cux xưk li ntâu lênhx mê nhuôs nênhs Hmôngz txơưr, txix ciês thâuv tsênhv zâu, suôz kênhx Hmôngz tưz muôx đros đreiv đros cưk kriê Lý Hồng Quân luz nênhx. Cưk kriê lok six nhiêv thiêz lok six xar tâu shâuv yuôz thiêz đhiê kênhx li cxuô lênhx hluôk tuz nhoz hâur zuk jêx jos. Taz sik viv tsuv muk cơưv ntơưr viv li cưk kriê tưz tso tsês siêz xar njôngr co. Tov kaz no, thâuv cơưv tiêr ntơưr thiêz lok uô côngz xưv kriê ntơưr ntơưv Tsêr cơưv cxênhx I Nghiên Loan II, xã Nghiên Loan, huyện Pác Nặm cưk kriê thiêx muôx six hơưv shâuv yuôz thiêz đhiê kênhx.

Shâuv yuôz kênhx tưz tsi zôngx ziv, chiê đhiê tâu kênhx cov txơưx mak ziv lax thiêz tsuv lok six truôx siêz cơưv shâuv thiêx li đhiê tâu jông. Txos nhiv no cưk kriê Lý Hồng Quân tsi taz txơưx đhiê kênhx mak cưk kriê tsênhv xar tơưv ntâu tsưr ziv đhiê kênhx yiêz, jông thâuv đhiê kênhx Hmôngz li: đhiê kênhx sâuv hluô, sâuv ntông siêz…

          Tsi taz sir jos xar tơưv tsưr ziv đhiê kênhx, chiê paz hluôk nênhs Hmôngz nhiêv yuôz kênhx, đhiê kênhx thiêz tror phuôx huiz, tuôr tsês kênhx Hmôngz, đrâuv six hơưv muk kriê ntơưr, cưk kriê Lý Hồng Quân tsênhv ndaz ndơưv six hơưv so muk vênhv tôngv têx mê nhuôs zâu shâuv yuôz thiêz đhiê kênhx. Txos nhiv no, cưk kriê tưz kriê tâu trâu 2 tul mê nhuôs txơưx yuôz thiêz đhiê kênhx, yax six đros cưk kriê muk piêr kriê nhoz ntâu qơư đros siêz xar heik kriê thiêz tror paz cxênhx hluôk nênhs nhiêv kênhx đuô.

          Tul mê nhuôv Dương Văn Minh, 10 shông, zos cưk kriê Quân li iz hâur 2 lênhx shux xênhz txơưx yuôz thiêz đhiê kênhx heik lok zuk tul cưk kriê.

          Cưk kriê Lý Hồng Quân xar njôngr hâur ntu zuôr txos tsênhv zuôr yuôz kênhx côngv đros têx cưr lok yiêz nhiv no chiê kênhx Hmôngz muôx têx hlôngr yiêz huv đros thiêz cxênhx hluôk nênhs tưz sik tuôr truôx têx muôx thâuv nzor. Đros siêz xar co, cưk kriê Lý Hồng Quân đros têx lênhx nênhs moz siêz đros vênhx huôv mênhx cxưx nhoz xã tưz yênhx lix CLB kênhx Hmôngz nhoz tiv phaz thiêz tror chuôz cxaz siêz nhiêv kênhx Hmôngz trâu têx hluôk nênhs nhoz zuk têz qơưk txơưx yuôz kênhx, đhiê kênhx. Cưk kriê têx sir jos co tâu sâu jênhv đhâu ntâu giải, ntâu huy chương ntơưv ntâu jiês piêr đhiê kênhx txix cấp tỉnh txos Trung ương.

          Zơưv Lâm Ngọc Du, Giám đốc Tsênhv qơư vênhx huôv tỉnh Bắc Kạn puz pâuz: "Tix lâuk Quân tưz đros têx lênhx nênhs txơưx kênhx Hmôngz nhoz xã Cổ Linh yênhx lix CLB kênhx Hmôngz, tix lâuk Quân zos lênhx nênhs kriê kênhx trâu tsôngv box hâur xã thiêz têx hluôk nênhs. Tix lâuk li têx uô tâu co tâu sâu jênhv đhâu ntâu giải đros têx gôngr côngv hâur huôx tôngv vênhx huôv nênhs Hmôngz heik cxuô thiêz huôx tỉnh vênhx huôv tỉnh Bắc Kạn heik taz"

          Cưk kriê Lý Hồng Quân li têx luôk hâux lưv uô tâu jông co lok six muôx ziz njiêz, gôngr phênhv paz trâu cxênhx hluôk nênhs mênhx cxưx pâuz thiêz ziv moz siêz đuô txos hâux lưv tuôr tsês kênhx Hmôngz./.

(Vàng Lan-Txâur Vax cxeik nhênhv)