Yên Bái: Cxiv tsa trâur nuv “Tôv tưx seiz car chor nênhs tsar yêz muk lok ntơưv trôngx vas  tsêr cơưv

Ntu cêr Yên Ninh ntêr muôx nhos 100 yiv, nhoz têx tôv jênh phố số 8,9,10 phường Yên Ninh, TP Yên Bái muôx yênhx châuv chiz coaz, taz viv thiêz tsêr cơưv ntơưr. Thax tsav no thâuv txos tas cik sơưr nzor, thâuv zar tar su, zar hnuz keix zaoz thôngz khênhr lax muk lok tâu đhâu, uô cxâuv lok taz por zaoz thôngz ntâu thiêz tưz muôx txiêz nanv zaoz thôngz muôx yưv ntơưv no. Đros hâux lưv seiz shuôk, ntâuk grê qênhx shênhx tsênhv tsênhz nhoz tiv phaz, Công an phường Yên Ninh, TP Yên Bái tưz heik cấp ủy, chính quyênx tiv phaz cxiv tsa trâur nuv “Tôv tưx seiz car zaoz thôngz ntơưv trôngx vas tsêr cơưv cxênhx iz thiêz cxênhx oz Yên Ninh”, đros lưx lươngv cxaz chuôz muôx: dân quân tự vệ, por vêv jênh phố, por vêv tsêr cơưv thiêz hâur co lưx lươngv công an zos lưx lươngv tsênhv. Trung tá Phạm Việt Đức, Phưv tsar Công an phường Yên Ninh, TP Yên Bái puz pâuz: “Tôv seiz car muôx 8 lênhx nênhs. Hnuz tưs cux qir uô hâux lưv ntơưv thax tsav trôngx vas tsêr cơưv uô ntêx iz six thâuv mê nhuôk tuôx cơưv ntơưr, thiêz 1 six uô ntêx thâuv tas six hơưv cơưv, viv no zos ntu shux xênhz li niêv txir chox mê nhuôk tuôx cơưv ntơưr thiêz tos mê nhuôk lok six chôngz, zaoz thôngz khênhr lax muk lok tâu đhâu, tsi taz por”.

          Tsêr cơưv cxênhx 2 Quang Trung nhoz sâuv ntu cêr Quang Trung, TP Yên Bái muôx 1 cxênhz 400 ntâu lênhx shux xênhz. Txơưv trôngx vas tsêr cơưv nhoz ciês sâuv cêr lox, taz sik têx lớp cơưv ho nhoz sâuv ntu cêr ar cxaz 10% ntêr muôx nhos 70 yiv. Hnuz tưs thâuv shux xênhz so ntơưr, yênhx cxênhz lênhx shux xênhz đros trâu yênhx puô lênhx niêv txir tuôx tos mê nhuôk, côngv đros yêz muk lok ntâu, viv li khênhr lax muk lok tâu đhâu ntu cêr no.

          Chiê taz por zaoz thôngz, đrâuv yax mông txos têx lênhx uô niêv uô txir, thiêz heik shux xênhz, cưk kriê cir ntơưr taz por zaoz thôngz txix ciês hâur shôngk shông cơưv yiêz, hnuz tưs Ban giám hiệu tsêr cơưv cux choz hâux lưv đros 2 lênhx nhân viên siz hlôngr jor cov taz por zaoz thôngz ntơưv trôngx vas tsêr cơưv. Cưk kriê Nguyễn Thị Thúy Nga, Phưv hiệu trưởng tsêr cơưv puz pâuz: “Tsêr cơưv tưz yax kriê shux xênhz muk lok lơưr 2 saz cêr, iz saz trâu shux xênhz muk tơư, iz saz trâu shux xênhz muk yêz thiêz heik shux xênhz li niêv txir tos mê nhuôk kuôk trôngx vas tsêr cơưv muôx nhos 20 yiv. Uô taz por zaoz thôngz ntơưv trôngx vas tsêr cơưv, thâuv sơưr nzor muôx Ban giám hiệu, cưk kriê ntơưr, por vêv thiêz shux xênhz đros seiz jor; tar su muôx Ban giám hiệu, cưk kriê, por vêv chiê chor shux xênhz muk đhâu cêr lơưr saz saz xik, thâuv so ntơưr shux xênhz muk tsêr tas cưk kriê thiêx li muk tsêr”.

          Têx tôv seiz car taz por zaoz thôngz zos luôs hâux lưv uô paz trâu shux xênhz thiêz shux xênhz li niêv txir uô trơưk chei zaoz thôngz, paz shux xênhz tso siêz đuô thâuv muk cơưv ntơưr, txu grês qênhx shênhx zaoz thôngz muk lok tsi tâu. Shux xênhz Bùi Lương Nguyên, cơưv tsêr cơưv cxênhx oz Yên Ninh, TP Yên Bái pheiz kênh: “Nhoz pêz tsêr cơưv cux tâu zaoz zux lok taz por zaoz thôngz li yêz mak tsuv ntông mov por vêv, đros ntâu cui tênhv txơưr thiêz pêz cux uô tâu jông. Thâuv muk cơưv ntơưr, cur pov têx cưk kriê, têx  txir nzơưv công an heik kriê cêr mak ntơưv trôngx vas tsêr cơưv cux zôngx ziv muk lok, cur tso siêz đuô”.

          Sâuv thax tsav TP Yên Bái nhiv no muôx 35 luz tsêr cơưv ntơưr, đros 22 cxênhz ntâu lênhx shux xênhz, hâur co chor tsêr cơưv muôx cêr muk lok greiv, ar cxaz mak ntâu….Viv li, nganhx zaoz zux TP Yên Bái yax six muôx ntâuz ntơưr chox kriê, heik têx taz viv tsêr cơưv chuôz tsar taz por txiv ngaz zaoz thôngz trâu shux xênhz. Zơưv Hà Yên Thái, Phưv Tsar phongx zaoz zux thox cxov TP Yên Bái, tỉnh Yên Bái puz pâuz: “Phongx zaoz zux thox cxov TP yax six sik côngv jông đros Ban taz por zaoz thôngz tỉnh chiê yax mông Chei zaoz thôngz txos shux xênhz; chox kriê têx tsêr cơưv ntu shux xênhz muk cơưv ntơưr thiêz so ntơưr tsuv muôx tuêv cờ đỏ sơưr ntơưv trôngx vas tsêr cơưv pheiz côngz cêr muk lok trâu shux xênhz, tiv zix zos ntơưv têx trôngx vas tsêr cơưv ar cxaz shux xênhz tsuv chaz yêz grês tâus txơưv zos cheix yêz tuôv lok sik yêz tênhv”.

          Lơưr thôngz sâu, txix hâur shông cơưv 2023-2024 txos nhiv no tsi tâu muôx txuz txiêz nanv zaoz thôngz zov chênhr tưs muôx yưv ntơưv thax tsav trôngx vas tsêr cơưv nhoz TP Yên Bái. Taz sik txix qênhx shênhx ziv hnuz ziv muôx ntâu yêz, tiv zix zos yêz ô tô, cxuô cơ sở zaoz thôngz nhoz thax tsav tsêr cơưv tsi tâu tuôv zênhv tâu zoz qơưx tsênhv tsênhz, tsênhv muôx shux xênhz uô cxâuv Chei taz por zaoz thôngz, viv li đrâuv tsêr cơưv, têx lưx lươngv muôx txơưx jênhv li sir jos, cxuô lênhx uô niêv uô txir cux tsuv muôz siêz siêz xar uô trơưk chei zaoz thôngz; yax six tsov cưv, heik tuz nhuôk uô trơưk têx cui tênhv lok taz por zaoz thôngz chiê txu grês kis tiv zix têx hâux lưv tsi jông muôx yưv./.

Vov4-Txâur Vax cxeik nhênhv 

Piêr pâuz tsaz yênhx hlôngr yiêz năng lượng hur nganhx zoz thôngz

Hlôngr yiêz năng lượng hur zos jênhv vưv zov chênhr tiv zix hâur ntu kriz uô chuôz ndê cux li uô trơưk Việt Nam têx ntâuz ntơưr tưz cir ntơưv Jiês cơưv tiv 26 cxuô tos cxaz chuôz Công ước khung Liên hợp quốc lok qiv hơưv txơưr txar (COP 26); đros co cux zos chiê nganhx zoz thôngz vận tải muôx huôv tsar cxix cxuô lơưr tsưr ziv hlôngr yiêz jông thiêz truôx đrênhk, châuv chuôs trâu huôv tsar sâuv ntiêx têz.

Hlôngr yiêz năng lượng hur trâu hâur nganhx zoz thôngz vận tải zos kror sir jos hlôngr yiêz công nghệ, tsuv khov trâu têx chêi thiêz sêiz car yiêz, khoa học thiêz công nghệ jông, pênhr jos tsơưr lươngv siêz.

Hâux lưv kriz uô hlôngr yiêz nganhx zoz thôngz vận tải li năng lượng hur tsuv muôx tsưr ziv kriz uô cov huv đros trâu tsưr ziv huiz tôngv pênhr jos, paz uô cov tâu jông thiêz truôx hâur kriz uô thôngz đhâu chor tsaz yênhx, tsưr ziv huôx tôngv tsênhv tsênhz.

Huiz tôngv ntâu tiv zix têx pênhr jos chiê kriz uô hlôngr yiêz năng lượng hur hâur nganhx zoz thôngz vận tải. Sêi đrơưv cxaz nzir, kho đuô têx chêi chiê paz zôngx ziv trâu txêik jênhv têx pênhr yưv paz, công nghệ yiêz jông; paz huiz tôngv tas nro xar hôiv đros cxaz chuôz cux li zaz zâuv pênhr saz đrâuv têz qơưk paz trâu kriz uô hlôngr yiêz năng lượng hur hâur nganhx zoz thôngz vận tải.

- Chuôz cxaz sik côngv ntiêx têz chiê kriz uô tsưr ziv hlôngr yiêz năng lượng hur hâur nganhx zoz thôngz vận tải khov trâu tsưr ziv buôs ti tas nro sâuv ntiêx têz đros muôx tas nro têx têz qơưk sik côngv, khov cov tâu ntâu tiv zix trâu ntiêx têz li têx paz.

- Tsaz yênhx li tsưr ziv cxuô zos huôv tsar cxiv luôs zoz thôngz vận tải hur ndar txos trâu tsưr ziv tsik muôx têx pa tsik hur trâu shông 2050.

- Tsưr ziv tsênhv tsênhz: + Ntu txos shông 2030: Sir zôngv tâu truôx jông têx năng lượng, sir jos hlôngr yiêz sir zôngv tênhv, năng lượng hur hâur nganhx zoz thôngz vận tải tưz bax tâu lok công nghệ, chêi, pênhr jos chiê kriz uô lơưr têx cir jênhv gôngr côngv zos têz qơưk cuêz tênhv thiêz tsưr ziv txo grêk Việt Nam têx pa mê-tan.

+ Ntu txos shông 2050: Huôv tsar huv đros cxuô zav tsưr ziv vận tải, sir jos kriz uô hlôngr đuô tas nro chor yêz, chuôz zênhx, cêr muk lok trâu sir zôngv tênhv, năng lượng hur, ndar txos tsik muôx chor pa tsik hur tâu tso tơưv trâu shông 2050.

Hâur phênhv zuôr txos pêz zuôr tror xa trâu pox nhuôs sơưr đơưk mnôngs tsưr ziv hlôngr yiêz năng lượng hur trâu zoz thôngz cêr ar. Zâuv tsôngv fôngx zưs sơưr đơưk đros tok mnôngs./.

Hồng Việt-Lik Thox cxêik nhênhv