Thâuv “qơư khov txos”zos bộ đội pênhz phax

Nhiv kruôr nto 11 shông hnuz nhôngs, bax muk cơưv lớp 6, Lý A Giờ tâu Zênhx pênhz phax Trịnh Tường jênhv uô mê nhuôv puôs chiê cxaz nzir cêr hluz trâu lênhx nhuôk uô njuôs txir, niêv ho muk uô hâux lưv đêz tsi lok tsêr. Giờ tul txir nzơưv zos Lý A Sắc pheiz kênh: “Cux lok six hluz taz sik mak chuôz zis txov nhêv cux uô tsi tâu tul tsi, cux xar paz mak paz tsi tâu, zos zênhx pênhz phax jênhv tsoz phưz, paz max mak jông cơưs”.

          Paz tul nhuôv Lý A Giờ tsuôk zos iz hâur yênhx puôk hâux lưv uô jông mak cán bộ, chiến sĩ Zênhx pênhz phax Trịnh Tường uô hâur ntu đhâu. Sâuv thax tsav tox siêz Trịnh Tường ar cxaz, yax six trâus ntux nas uô ruôr hiêv, muk tưs cux njiz têx lênhx nênhs zuôr trâus tâu paz txưv, đrâuv paz têx mê nhuôv njuôs nos, têx lênhx nênhs lâuk tsi muôx qơư khov vav...têx cán bộ, chiến sĩ tsênhv cxaz chuôz paz txar qơư nhoz trâu tsôngv box nhoz thax tsav riêz nênhs, muôx đêx cuôr yôngz, cxuôv tsêr lav uô, paz nôngz zuz tsoz chos, heik kriê tsưr ziv tsêz chos trâu pox nhuôk.

          Lơưr zơưv Vừ A Chả, Tsar jos Nà Lặc, qir thơưx cux tsi xar thor zênhx pênhz phax paz txưv, taz sik thâuv pov têx cán bộ, chiến sĩ lok six jông siêz paz mak tsôngv px thiêx li jông siêz đuô: “Pox nhuôk đros zênhx pênhz phax mak lok six siz jê. Muôx tul phêv liv zuk hu ciês lơưr txơưv tuôx paz, muôx têx jiês tsi hu cux tuôx paz. Viv li tsôngv box cux lok six njênhs njôngr, tso siêz thâuv muôx têx cán bộ, chiến sĩ pênhz phax”.

          Lơưr niêv lâuk Phàn Thị Mẩy, Bí thư Chi bộ jos Tân Giang, pox nhuôk nhoz tiv phaz phênhv ntâu zos nênhs Hmôngz, Cho, iz cxiê lênhx tsi pâuz luk choz tsiz, taz sik tas nro puôr lênhx muôx siêz xar por vêv ntus đriv. No cux zos iz hâux lưv uô cê paz zuk, cê hlôngr trâu luk uô tsâus ntâu txos cán bộ, chiến sĩ pênhz phax, xar njôngr têx cán bộ chiến sĩ thâuv tưs cux uô tiêr jông jênhv vưv: “Chi bộ yax mông trâu cán bộ, đảng viên hâur jos chiê pâuz tâu têx vênhv thix muôx yưv nhoz ntus đriv. Yênhx hli, pêz cux huiz tôngv đoanx hluôk nênhs thiêz têx ziv chuôz zis hâur jos sik côngv đros lưx lươngv zênhx paz phax qênhz yuôx, taz por tsi chiê muôx yưv qênhx shênhx muk đhâu ntus đriv thiêz nhiês zuôr muôs hax huv đhâu ntus đriv tsi trơưk chei”.

          Lơưr trung tá Phạm Quang Thảo, Chính trị viên phó Zênhx pênhz phax Trịnh Tường, chiê seiz car chêx cuk thax tsav 2 xã Cốc Mì thiêz Trịnh Tường huyện Bát Xát kuz, đros 16 cei cêr ntus đriv, zos tsi khov txos tsôngv box mak zuôr tsi uô tiêr jông jênhv vưv. Chênhr viv li, “3 sik côngv; 4 sik đros” thâuv tưs cux zos tsưr ziv yax six uô, côngv đros tas nro têx luôk hâux lưv uô tsênhv tsênhz mê tiv zix, nzor lis cux zuôr tâu tsôngv px sđ njênhs njôngr txos: “Thâuv pêz muk uô hâux lưv, paz tsôngv px mak lơưr ho pâuz txos pêz ntâu đuô. Khov co, tas nro têx hâux lưv muôx yưv hâur jos pox nhuôk puôr lênhx thôngz pov trâu bộ đội pênhz phax xuz thơưx. No zos iz hâur têx lok six jông pir đros thâuv ntêx”

          Têx cán bộ, chiến sĩ zênhx pênhz phax Trịnh Tường li têx hâux lưv uô tâu tsênhv tsênhz mak muôx ziz njiêz tưz paz cxuôv por tsês têx cêv kuôk hâur tsôngv px thiêz bộ đội, paz bộ đội thiêz tsôngv px sđ sik côngv uô jông cxuô luôk hâux lưv cxiv tsa iz thax tsav ntus đriv truôx tul  đuô, por vêv jông trâu têz qơưk./.

An Kiên –Txâur Vax cxeik nhênhv

Phênhv cui tinhv yiêz thêv nhiêx BHXH txưv zênhv txix hnuz xiêz 01/07/2025, yênhx tsov lênhx nênhs cxaz chuôz tsuv pâuz txos

BHXH txưv zênhv zos li chas?

BHXH txưv zênhv zos zav BHXH têz qơưk tsưr tsix mak lênhx nênhs cxaz chuôz bảo hiểm tâu chei xeir tsov chiê thêv huv đros trâu zuk thiêz chuôz zis phênhv sâu tâu.

Cxaz chuôz BHXH txưv zênhv, pêx xênhv tâu sơưv têx chei paz, muôx liv li chas?

Thâuv cxaz chuôz BHXH txưv zênhv, pêx xênhv zuôr tâu tơưv chei li đrav kaz:

-Tâu nhiêx hli so lâul hâur niêx hli thâuv ntu lâul, zos lênhx nênhs cxaz chuôz muôx txâuk hnuz nhôngs thiêz six hơưv thêv BHXH.

-Tâu muôz thẻ BHYT tsi tas nhiêx txiêx hâur ntu tâu sơưv nhiêx hli so lâul. Lênhx nênhs cxaz chuôz zuôr tâu paz lok sik txo grêk tsơưs nhiêx thêv seiz njuôk shuôs, kho moz gênhk ntơưv têx qơư y tế têz qơưk.

-Tâu sơưv nhiêx paz uô đaz uô kruô thiêz nhiêx BHXH paz trâu chor nênhs hâur tsêr thâuv trâus tuôs. Lênhx nênhs cxaz chuôz li chor nênhs hâur tsêr zuôr tâu BHXH paz iz jiês thâuv trâus tuôs, tâu xav trơưk li shông tưz thêv BHXH, iz shông mak xav bâuv 1,5-2 hlik xav kror đruôz đraz phênhv sâu tâu hâur hli thêv BHXH.

-Iz cxiê lênhx nênhs tâu sơưv BHXH iz jiês, co zos têx lênhx: Tsi xar tror cxaz chuôz BHXH, muk nhoz uô nênhx saz têz qơưk đrâuv, lok sik trâus muôx moz hnhar, zôngx ziv kho tsi tâu jông.....

Têx phênhv thêv BHXH txưv zênhv uô lơưr txix hnuz xiêz 01/7/2025 zos pêk tsơưs?

Chei BHXH 2024 qir uô trơưk txix hnuz xiêz 01/7/2025, hâur co cui tinhv yiêz lok thêv BHXH txưv zênhv. Trơưk li chei no cui tinhv, phênhv thêv BHXH txưv zênhv tsơưs yax zos 330 cxênhz đeiv iz hlik; Phênhv thêv ntâu yax zos 10 tsov 296 cxênhz đeiv iz hlik.

Têx cui tinhv ca chuôz BHXH txưv zênhv zos li chas?

Trơưk li cui tinhv nhiv no, chiê cxaz chuôz BHXH txưv zênhv, pêx xênhv tsuv muôx thiêz zos têx lênhx li đrav kaz:

-Zos nênhs Việt Nam, txưv txix 15 shông tror zar sâuv.

-Tsi zos lênhx nênhs tsuv cxaz chuôz BHXH.

-Xar cxaz chuôz thiêz muôx têx thêv tâuk nhiêx BHXH txưv zênhv.

Tsưr ziv thêv BHXH txưv zênhv

Lênhx nênhs cxaz chuôz BHXH txưv zênhv tâu xeir thêv trơưk iz hâur têx li đrav kaz: Thêv hâur yênhx hli, 03 luz hlik thêv iz jiês, 06 luz hlik thêv iz jiês, 12 luz hlik thêv iz jiês lok sik thêv ntâu shông iz jiês đros thiêz phênhv thêv tsơưs đuô thêv hâur yênhx hli (tsi tsênhr đhâu 5 shông iz jiês thêv), lok sik thêv iz jiês trâu têx shông tsênhv yuôr (tsi tsênhr đhâu 10 shông) chiê tâu sơưv nhiêx hli so lâul siêz đuô phênhv thêv niêx hli pir li cui tinhv./.

Thu Thùy-Riê Lâux cxeik, nhênhv