Pênhr tsênhv chei – qơư chiê pêx xênhv tox siêz Điện Biên sir jos huôv tsar uô nox

Sâuv têx ar têz thâuv ntêx tsuôk chos poz cưk, têx vax txir lưk jôngr tơưr njuôz tsênhv ziv hnuz ziv huôv tsar jông, krêz tơưv cêr huôv tsar uô nox yiêz trâu pêx xênhv xã Thanh An, tỉnh Điện Biên.

Zơưv Cao Trọng Quý, tsôngv box xã Thanh An puz pâuz, đhâu oz pêz shông tsoz phưz, têx tsoz txir lưk jôngr tơưr njuôz qir txi txir. Txix phênhv paz xuz thơưx, tsôngv px tsênhv jux juk hlôngr têx ar têz yênhx tsưr ziv huôv tsar uô nox, chuôz tsar phênhv sâu tâu trâu chuôz zis: “Cur chuôz zis tâu têz qơưk paz zuz nôngz. Nhiv no, tsoz txir lưk jôngr tơưr njuôz huôv tsar jông, muôx phênhv sâu tâu trâu chuôz zis”.

 Tsi taz zos paz zuz nôngz, đros ntâu ziv chuôz zis nhoz tox siêz, iz phênhv pênhr paz huv đros cux zuôr paz chiê hlôngr yiêz tsưr ziv uô nox. Ntơưv xã Mường Ảng, txix 100 triệu đeiv nhiêx txiêx txeik txix zênhx hangx tsênhv chei xã hội, niêv lâuk Phạm Thị Mơ chuôz zis tưz yưv pênhr tu zus njêl, zus nhux, đros chos cà phê thiêz ntông nox txir.

Txix trâur nuv uô nox mê, têx pênhr nhiêx puz txeik tsênhv paz chuôz zis krêz đar uô nox, zôngv ar têz thiêz lox tôngv ntơưv qơư, jux juk muôz phênhv sâu tâu truôx tuk đuô. Pos Phạm Thị Mơ heik:  “Cur chuôz zis tâu kir txeik 100 tsov đeiv ntơưv Tsêr nhiêx tsênhv chei chiê zus njêl, zus nhux. Khov co, pêz muôx phênhv sâu truôx tuk, tso siêz huôv tsar uô nox”.

Nhoz tox siêz, chiê chuôz zis pluôs buôk ti thiêz sir zôngv muôx chêx cur têx phênhv pênhr tsi zos kror zôngx ziv. Cêr muk lol, theox chênhv tsiv uô thiêz pênhr xưv pâuz tâu têx xor mông puôr lênhx zos têx kror phiv liv. Viv li, muôz pênhr lok jê pêx xênhv, thôngx cxix heik kriê pêx xênhv sir zôngv pênhr trơưk tsưr ziv tsênhv tâu xav tênhv zos iz hâur têx tsưr ziv zov chênhr chiê têx pênhr puz txeik tâu zôngv muôx chêx cur. Zơưv Nguyễn Xuân Thắng, Giám đốc Phongx Zênhx hangx tsênhv chei xã hội Mường Thanh, tỉnh Điện Biên puz pâuz, têx qơư uô hâux lưv tâu tsưr tsix ciês ntơưv qơư. Chinhr quyênx tiv phaz thiêz têx tsưr tsix lênhk txeik paz, paz pênhr txêik txos lênhx nênhs, reik đros zoz qơưx uô xênhz yar tsênhv tsênhz: “Đros thiêz pênhr puz txeik, đhâu thâuv txeik pênhr, têx chuôz zis pluôs, chuôz zis zuôr xar pluôs, têx lênhx nênhs tâu sơưv cêr chei txơưr đuô tưz muôx pênhr chiê huôv tsar uô nox, uô xênhz yar, muôz hâux lưv uô, truôx tuk luz nênhx”.

Txix iz vax txir ntông, iz paz tsiêx cxu lok sik iz trâur nuv huôv tsar uô nox tâu kriz uô txix têx pênhr nhiêx puz txeik, ntâu chuôz zis tsôngv px tsênhv jux juk hlôngr yiêz luz nênhx txix zuk li đas jos lox tôngv. Đros tas nro pênhr nhiêx kir txêik sâuv thax tsav tỉnh tưz tsar ndê 5.800 tiv đeiv ntâu, pênhr nhiêx no tror paz trâu tsôngv px huôv tsar uô nox, muôx phênhv sâu tâu nhiêx txiêx paz chuôz zis hla đhâu cêr pluôs./.

Vũ Lợi- Txâur Vax cxeik nhênhv

Thôngx siêz, siz chos paz trâu thax tsav tox siêz

Tus qox Khe Trang hla đhâu đêx Sùng Đô, hâur jok Khe Trang, xã Sơn Lương, tỉnh Lào Cai tâu sir zôngv muk lol tsi tâu muôx 4 hlik, taz sik đros thiêz tsôngv pêx xênhv nhoz no, tus qox co tưz yênhx cêr shir phaz, jông siêz hâur niêx hnuz. Qox cxiv puôz suôz jêz, xi măng ntêr 27 thiêr, đar zuôr xar 5 thiêr hlôngr trâu tus qox kuz tuôv đhâu đêx iz txưv phiv liv muk lol, tsi truôx khor thâuv txos cheix ntux nas. Zơưv Phùng Xuân Hưng, nhoz jok Khe Trang heik: “Tsi tâu muôx qox mak tsôngv pêx xênhv muk lol lok six phiv liv. Lok nas lox tưz muk tsi tâu đhâu tus qox no hlo, muôx kênh thâuv yêz tsênhv trâus đêx cuôr yôngz hur si, thâux hax huv uz no ziv muk tsi tâu đhâu. Txix thâuv uô tâu qox, tsôngv pêx xênhv muk lol, thâux xa hax huv zôngx ziv đuô”.

Tsơưs lênhx pâuz tsi txos tiêk, chiê muôx tâu qox truôx khor li no zos lok six ntâu shông hâu nov ntơưv qơư thiêz tsôngv pêx xênhv, chor nênhs uô hâux lưv jông siêz tưz sir jos sik côngv têk, siz paz thiêx uô tâu tiêr. Lênhx nênhs sơưr thơưx tuôr hâur, tsưr ziv hu zâuv cxuô cấp, cxuô tsưr tsix, lênhx nênhs siêz jông sik đros paz uô zos zơưv Đặng Phúc Chiêu, Phưv Chủ tịch Ủy ban xã Sơn lương: “Cur tưz chuôs njiz chor nênhs “sik côngv têk paz thax tsav tox siêz” thiêz sik thav, tuôr tsưr ziv đros sơưr đơưk muk qênhz shuôs ntơưv qơư, pov njôngr têx cêr txov, phiv liv hâur thax tsav, thâuv pâuz tsênhz, pov cxuô sơưr đơưk tưz jông siêz, shir phaz hlo sik đros paz pêx xênhv”.

Qox Khe Trang xav hur si cxiv uô tas zuôr xar 4 tyv đeiv, zos chor nênhs uô hâux lưv jông siêz vênhv tôngv sơưr đơưk sik đros paz, đros trâu pêx xênhv ntơưv qơư 1.500 hnuz côngz lox tôngv. Muôx kênh lênhx lơưr paz nhiêx txiêx, têx tus mak paz hnuz côngz đas jos, hur tiz si puôr lênhx xar cov cxiv uô tâu iz tus qox truôx khor trâu tsôngv pêx xênhv sơưr đơưk muk lol zôngx ziv.

Trơưk li tix lâus Nguyễn Văn Ninh, iz hâur têx lênhx “uô hâux lưv jông siêz paz trâu thax tsav tox siêz”, chênhr pêx xênhv thiêz hâu nov ntơưv qơư têx sik thôngx siêz tưz cxơưz paz đas jos chiê chor nênhs uô hâux lưv jông siêz uô tâu tiêr têx côngz trênhx muôx liv: “Iz tus qox mak pêz paz pêx xênhv uô tiêr tưz uô trâu pêz muôx ntâu cêr shir phaz, jông siêz. Thâuv cxiv uô têx côngz trênhx co, pêz thiêz tsôngv pêx xênhv tưz sik thôngx siêz, siz paz sik đros uô cov tiêr”.

Txix shông 2023 txos nhiv no, txix tsưr ziv uô li co, xã Sơn Lương tưz muôx nzir 04 tus qox truôx khor chiê pêx xênhv zôngx ziv muk lol đhâu têx đêx, iz tus qox txơưr đuô cux tsênhv tâu cxiv uô. Đros thiêz zơưv Đặng Phúc Chiêu, têx luôs hâux lưv co cux tsênhv zuôr tâu fuô uô ntêr. Kror uô trâu zơưv xar njôngr zos 2 jok Giàng Pằng thiêz Lành Mảnh cux tsênhv tsi tâu muôx qox trox khor chiê pêx xênhv muk lol: “Hâur ntu zuôr txos, cur cux xar cov “chor nênhs uô hâux lưv jông siêz paz thax tsav tox siêz” zok nriêr qơư, qênhz shuôs tsênhv tsênhz têx thax tsav txov nhêv chiê tror yưv pênhr cxiv uô têx qox trâu pêx xênhv zôngx ziv muk lol đhâu đêx”.

Têx tus qox truôx khor, chênhr zos chor nênhs uô hâux lưv viv pêx xênhv, viv sơưr đơưk cêr moz siêz, hu zâuv cxuô lênhx cxuô tus, cxuô tsưr tsix sik đros paz trâu thax tsav txov nhêv chiê cxiv uô tâu têx tus qox, côngz trênhx truôx khor nhoz tox siêz Tây Bắc./.

Đinh Tuấn-Riê Lâux cxeik, nhênhv