Moz ơưk buô châu Phi tror huôv xênhz ntơưv Lai Châu

           Đhâu thâuv chuôz zis 2, 3 tus buô trâul tuôs, zơưv Lò Văn Sòi nhoz jok Coóc Cuông, xã Nà Tăm, huyện Tam Đường (Lai Châu) chuôz zis tsuv tsi so qêz suô, mfông hmôngr jêz siz, tsuôs yuôx tuô lov caz moz ơưk trâu têx qơư tu zus.

         Zơưv Sòi heik pâuz, hâur hlik hli 9 no, zơưv chuôz zis chor buô trâul moz thiêz tuôs tsi pâuz tsênhz shor zos tiv li chas. Đhâu thâuv muôx têx li heik sâuv, cơ quan muôx vax huôv tưz tuôx qênhz shuôs, đhâu qênhz yuôx tâu pâuz, chor buô ntơư trâul moz ơưk buô châu Phi. “Hnuz xiêz 01/9 nhiv kruôr đhâu txơưv pov chor buô trâul tuôs, chuôz zis tưz heik trâu hâu nov hâur xã pâuz. Xã tưz tso nênhs tuôx fêis seiz thiêz tov kaz no li pâuz tiêk zos buô trâul moz ơưk. Cur chuôz zis tsênhv vêv xênhz, qêz suô, tsuôs yuôx tuô lov caz moz ơưk trơưk li heik kriê chiê thâuv tưs moz đhâu, li tror huôv tsar tu zus đuô”.

         Đhâu hlo thâuv muôx moz ơưk buô châu Phi huôv xênhz ntơưv jok Coóc Cuông, 10 tus buô trâul tuôs, Ủy ban huyện Tam Đường tưz heik trâu sơưr đơưk pâuz, hâur thax tsav xã Nà Tăm muôx moz ơưk buô huôv xênhz txix hnuz xiêz 7/9. Iz chas co, huyện cux chox kriê xã đros cơ quan lês car uô đreiv têx nuv phax tar moz ơưk zênhx max fuô uô tsưr ziv qênhz yuôx, kuôk cêv thax tsav muôx moz chiê phax tir thêir, tuô lov caz moz ơưk tsi chiê siz cik tâu trâu têx qơư txơưr đuô nhoz jê iz ndis. Zơưv Lò Văn Thum, Phưv Chủ tịch Ủy ban xã Nà Tăm, huyện Tam Đường heik pâuz: “Cấp ủy, hâu nov xã chox kriê têx lênhx tsar jok thiêz iz chas co yênhx lix Ban chox kriê 8 tổ, lês uô hâux lưv qênhz yuôx moz ơưk, heik tsôngv pêx xênhv tsi tâu zuôr muôs, fax thâux têx buô muk lol đhâu thax tsav qơư nhoz. Iz chas ntơư, cux yax kriê trâu tsôngv niêv txir lax pêx xênhv gra siêz tsưr ziv jênhv pâuz, zos thâuv tưs muôx buô trâul tuôs mak tsuv heik trâu tsar jok pâuz, tsar jok heik trâu Ủy ban xã đros qênhz yuôx, txar jav tsi chiê huôv xênhz siz cik tâu trâu lưv thax tsav txơưr đuô”.

          Ntơưv xã Sùng Phài, TP Lai Châu, hâur têx hnuz jê lok no moz ơưk buô châu Phi cux tưz tror huôv xênhz. Đhâu thôngz sâu txix hâur shôngk shông txos nhiv no, hâur thax tsav tưz muôx 90 tus buô trâul tuôs tiv moz ơưk buô châu Phi.

          Zơưv Mai Hoàng Nghị, Phưv Giám đốc Tsênhv qơư Dịch vụ Kôngz nuv TP Lai Châu heik pâuz: Qir tiv moz ơưk buô tror huôv xênhz nhoz têx jêx jok hâur xã Sùng Phài zos viv nưk tưz muôx nưk caz moz hâur tênhx qơư txix têx fâuv moz ơưk uô ntêx: “Iz cxiê chuôz zis đhâu thâuv buô trâul tuôs, lơưr khur xiv thiêz cux cxơưx chiê muôs buô. Pêz tsênhv sik đros yax kriê cov sơưr đơưk tsi jêik moz, tsi fax thâux zuôr muôs têx buô trâul tuôs, tsi tuô tsênhr chor buô trâul moz....Iz chas ntơư, yax kriê trâu têx chuôz zis pâuz lok sâuv moz ơưk buô châu Phi têx riêz nênhs chiê lơưr đros hâu nov ntơưv qơư thiêz cơ quan lês car uô têx nuv phax tar moz ơưk phax tir thêir tsi chiê huôv xênhz siz cik đêz đar”.

        Thôngz sâu txix cơ quan sêiz car uô hâux lưv phax tar moz ơưk, xav txix hâur shôngk shông txos nhiv no, moz ơưk buô châu Phi tưz huôv xênhz ntơưv 125 chuôz zis, HTX hâur 18 jok ntơưv 8 xã, thị trấn hâur thax tsav têx huyện li: Nậm Nhùn, Tam Đường, Mường Tè, Phong Thổ, Sìn Hồ thiêz TP Lai Châu, xar muôx iz cxênhz tus buô trâul tuôs. Moz ơưk buô huôv xênhz ntơưv chor huyện Phong Thổ, Tam Đường thiêz TP Lai Châu txos nhiv no tsi tâu đhâu 21 hnuz, viv li zôngx ziv siz cik trâu hâur thax tsav qơư. Pos Lê Thị Hương Nhàn, Phưv Chi cục tsar, Chi cục sêiz car tu zus tsiêx cxu, Sở Kôngz nuv thiêz huôv tsar tox siêz tỉnh Lai Châu heik pâuz: “Pêz tsênhv sir jos uô jông luôs hâux lưv qênhz shuôs lok sâuv tuô tsênhr, fax thâux têx tsiêx cxu thiêz uô jông trơưk tsưr ziv phax tir thêir moz ơưk. Iz chas co, pêz heik tsôngv pêx xênhv tsi so sox seiz njôngr têx tsiêxli đas jos, taz por vêv xênhz qơư tu zus hur si, đu lus, cux iz zav li muôz cxaz têx krâur muôx tsơưr pưr puz tsiêx cxu chiê muôx nzir đas jos phax tir thêir moz ơưk”.

            Pos Nhàn cux heik lênhx nênhs tu zus thâuv muôx buô trâul moz, trâul tuôs, tsuv heik trâu hâu nov ntơưv qơư lok sik cơ quan muôx vax huôv pâuz chiê zênhx max đros qênhz shuôs, tsuôs yuôx tuô lov caz moz ơưk. Zos lênhx nênhs tưs jêik têx tsiêx trâus moz ơưk, lok sik txoz txưv uô cxâuv cui tinhv chiê moz ơưk cik đêz đar trâu ntâu thax tsav qơư, tsuv trâul bluô nhiêx thiêz thiêz tik cêr cxâuv zos đrêiv chei têz qơưk tso tơưv/.

Khắc Kiên-Riê Lâux cxeik, nhênhv

Nus têz lok BHYT shông 2023

             Pok zuôv zuôr BHYT?

          Viv BHYT tâu uô đros tas nro lênhx nênhs lơưr Chei BHYT li cui tênhv, viv li hâux lưv cxaz chuôz BHYT iz cxiê lênhx nênhs thiêx zuôv zuôr, tsi zos zuôv cxuô lênhx zuôr.

          Taz sik, no zos iz chế độ muôx liv trâu cxuô lênhx nênhs thâuv cxaz chuôz BHYT, viv li zos hmôngr tsi jông trâus moz gênhs cxuô lênhx nênhs txơưv tsi zos nênhs zuôr trâus zuôr BHYT cux tsuv zuôr chiê paz txu grês phênhv tưs phêv liv thâuv muôx moz gênhs. Nhiv no, têx tiv phaz cux chuôz tsar yax mông thiêz tso tơưv têx tsênhv chêi paz txưv đros têx lênhx nênhs cxaz chuôz BHYT chiê ndar txos uô BHYT tas nro tsôngv box.

          Phênhv nhiêx zuôr BHYT txưv zênhv shông 2023 pês tsơưs?

       Ntu 1 Grê 7 Chính phuv li Nghị định 146/2018 tưz cui tênhv tsênhz mênhx lok phênhv nhiêx zuôr BHYT.

          Lơưr co, thâuv lênhx nênhs cxaz chuôz BHYT txưv zênhv mak zuôr tâu cxaz chuôz lơưr ziv chuôz zis lơưr Chính phuv li Grê 5 Nghị định 146/2018. Thâuv co phênhv nhiêx zuôr BHYT txưv zênhv tâu uô lơưr điểm e ntu 1 Grê 7 nghị định 146.

           Lênhx nênhs tiv 1 thêv bâuv 4,5% phênhv nhiêx shar cơ sở;

         Lênhx nênhs tiv 2, tiv 3, tiv 4 thêv bâuv 70%, 60%, 50% lênhx nênhs thêv xuz thơưx li phênhv nhiêx thêv.

         Txix lênhx tiv 5 tror sau phênhv nhiêx thêv bâuv 40% lênhx nênhs xuz thơưx li phênhv nhiêx thêv.

          Hâux lưv txu grês phênhv nhiêx zuôr BHYT lơưr cui tênhv ntơưv điểm no tâu uô thâuv têx lênhx nênhs cxaz chuôz BHYT lơưr ziv chuôz zis sik đros cxaz chuôz hâur shông tài chính.

          Li ntơư, phênhv nhiêx zuôr BHYT ziv chuôz zis shông 2023 zos tâu xav tsov lơưr hệ số thiêz phênhv nhiêx shar cơ sở. Viv shông 2023 nhiêx shar ndê txix 1 tsov 490 cxênhz đeiv iz luz hlik ndê 1 tsov 800 cxênhz đeiv iz luz hlik, viv li phênhv nhiêx zuôr BHYT ziv chuôz zis cux muôx têx hlôngr yiêz li đrav kaz:

          Lênhx nênhs tiv iz, phênhv nhiêx thêv yênhx hli txos hnuz 30/6/2023 zos 67 cxênhz 050 đeiv; txix hnuz xiêz 1/7/2023 zos 81 cxênhz đeiv;

           Lênhx nênhs tiv oz, phênhv nhiêx thêv yênhx hli txos hnuz 30/6/2023 zos 46 cxênhz 936 đeiv; txix hnuz xiêz 1/7/2023 zos 56 cxênhz 700 đeiv

           Lênhx nênhs tiv pêz, phênhv nhiêx thêv yênhx hli txos hnuz 30/6/2023 zos 40 cxênhz 230 đeiv; txix hnuz xiêz 1/7/2023 zos 48 cxênhz 500 đeiv.

         Lênhx nênhs tiv plâuz, Phênhv nhiêx thêv yênhx hli txos hnuz 30/6/2023 zos 33 cxênhz 525 đeiv; txix hnuz xiêz 1/7/2023 zos 40 cxênhz 500 đeiv.

           Lênhx nênhs tiv tsiz, phênhv nhiêx thêv yênhx hli txos hnuz 30/6/2023 zos 26 cxênhz 820 đeiv; txix hnuz xiêz 1/7/2023 zos 32 cxênhz 400 đeiv./.

Thu Thùy-Txâur Vax cxeik nhênhv