Tsôngv px nhoz tox siêz tỉnh Laox cai tuô buô nox tsiêz

           Têis cik sơưr nzor nhiv kruôr pov cêr đơưz liêk, tsênhv pok huôz niêz sâuv thax tsav trôngz Nàng Cảng, đrôngl Si ma Cai, huyện Si ma Cai, cxuô lênhx tuz hluôk tưz muôx njêx muôs trâu ntơưv zơưv Thox Seo Phù tsêr đros paz zơưv chuôz zis tuô buô nox tsiêz. Hur si têx lâuk hluôk, mê nhuôv zâu, txơưv lênhx tưs cux shir phaz lul tok njôngr đhâu ntâu hnuz lok, zơưv Thox Seo Phù nhoz đrôngl si ma cai shir phaz lul hêik pâuz: “Cur chuôz zis khưr tu iz shôngk, tsuôk tu zus tâu 1-2 tus buô tuô nox tsiêz  xưz. Tus buô shông no tuô nox tsiêz lox đuô cxiê shông thiêz pêz hêir nênhs Hmôngz, thâuv tưs tuô buô nox tsiêz, tsuv muk hu cưr tix nênhs tsa hâur jos tuôx đros paz đros côngv uô thiêz muôx cêr shir phaz hâur shôngk shông yiêz”

Pêz hêir nênhs Hmôngz nox tsiêz, chuôz zis co tsuv sir jos khưr tu cov tâu iz tus buô tros chox lok tuô nox tsiêz, txơưv lox zâuv cux zos. Thâuv tuô ntơư, tsôngv tuz nxêik hluôk hâur jos tuôx đros paz uô grêix, đros chuôz zis co nox hâuk cov huôv tsar truôx cêr côngv siêz đros cxuô chuôz zis hâur thax tsav. Zơưv Quáng x Zax nhoz xã Thanh Bình, huyện Mường Khương, tỉnh Laox Cai hêik pâuz nzir: “Hnuz no cur chuôz zis tuô buô nox tsiêz, cur hu têx cưr tix nênhx tsa cxênhz jê hâur jêx jos tuôx đros nox đros hâuk cov ziv hnuz ziv muôx cêr siz hluz siz paz”

Chiê cov muôx chôngz lênhx tsôngv cưr tix nênhx tsa cxênhz jê tuôx đros zuk chuôz zis côngv nox hâur têx hnuz tuô buô tsiêz, chor chuôz zis hâur jos tsuv tuô cêv kuôk iz txos oz hnuz, tsôngv cưr tix nênhx tsa cxênhz jê thiêx tuôx tâu đros zuk chuôz zis nox. Zơưv Lồ Củi Dùng, Chủ tịch uỷ ban xã Thanh Bình, huyện Mường Khương hêik pâuz nzir: “Pêz hêir nênhs Hmôngz tuô buô nox tsiêz cux li tsôngv px hêir nênhs txơưr hâur thax tsav xã Thanh bình, đhâu iz shông khưr, tsuv muôx iz txos oz tus buô chox lok tuô nox tsiêz. Tus buô tuô nox tsiêz no cur chuôz zis tưz tu zus tâu iz shông ntâu”

Pêz hêir nênhs Hmôngz tuô buô nox tsiêz, cux chênhr zos huôv tsar cêr côngv siêz ntơưv zuk chuôz zis đros trâu tsôngv px cxuô chuôz zis hâur jêx jos cux li tsôngv cưr tix nênhx tsa cxênhz jê hâur thax tsav tsav cov ziv hnuz ziv muôx cêr côngv siêz, siz hluz siz paz lok cêr uô nênhx jông./.

                                      Tsu cxêik nhênhv-An VOV Tây Bắc

Ntux yiêz txos nzor hâur shôngk shông yiêz

Xã xà Hồ muôx 680 chuôz zis, hâur co 60% ntâu zos chuôz zis pluôs, tsôngv box luz nênhx thiêz têx cêr muk lol tsênhv yuôr lok six ntâu txov nhêv, phiv liv.

Zơưv Sáy Xênhv Zax, Chủ tịch Ủy ban xã Xà Hồ heik pâuz: Shông 2021, ciês thâuv tâu têz qơưk paz têx chuôz zênhx, suôz jêz, xi măng, tsôngv box cxuô jêx jok tưz sir jos sik côngv paz hnuz côngz, muôz ar chiê uô cêr muk lol luôv suôz jêz, xi măng. Txos nhiv no, phênhv ntâu têx ntu cêr phiv liv muk lol trâu cxuô luz jok tưz tâu cxiv uô jông thiêz krêz đar đuô; ciês shông 2021, xã muôx nzir 3 txox cêr muk lol jêx jok tâu luôv suôz jêz, xi măng, ntêr muôx 3 cêik ntâu: “Tsôngv lax pêx xênhv tsuôk xar njôngr cov muôx cêr luôv xuôz jêz, xi măng jông muk lol trâu cxuô jêx jok xưz, viv li thâuv heik sơưr đơưk uô cêr mak pêx xênhv lơưr siz zâuv tuôx lok six chôngz thiêz nzor, lar heik zos jok Tà Đàng, thâuv yêz lox thâux xuôz jêz tuôx txos đrav kaz jok, pêx xênhv siz huôk mul gra têx hnaz tsax uz no lok ntiv xuôz jêz, poz jêz chiê thâux xa muk pêv jok uô cêr”.

Txox cêr mê muk txix jok Lừu 2, xã Hát Lừu trâu jok Tà Chử, xã Bản Công, huyện Trạm Tấu phưx vưv trâu nhos 500 chuôz zis tsôngv box Hmôngz, Poz Ziz hâur 2 xã muk lol, thâuv ntêx tsuôk zos yêz meir thiêx muk tâu hâur cheix ntux kruôr; zos muk lok hâur cheix ntux nas mak muk tơư xưz.

Kaz shông nhiv kruôr đhâu, lênhk txeik tâu têx pênhr paz, thâuv tưz zuôr luôs tas shông, taz sik xã thiêz tsôngv lax pêx xênhv sơưr đơưk cux sir jos uô tiêr tâu sei 2 cêik ntâu cêr luôv suôz jêz, xi măng, đar muôx 6 thiêr uô ntêx tsiêz.

Chủ tịch Ủy ban xã Hát Lừu Lò Văn Tiếp heik pâuz, hâur xã li seiz kaz, tsôngv pêx xênhv tưz pheiz uô têx paz, iz paz muôx nhos 70 lênhx nênhs chiê sik đros khơưz, thâux xa têx xuôz jêz, xi măng uô cêr muk lol: “Iz chas paz hnuz côngz, tsôngv pêx xênhv tưz chiv chir muôz têx ar liêx têz nhoz jê ntus cêr chiê krêz uô cêr đar jông muk lol, sik đros paz tâu 300 ntâu tsov đeiv nhiêx chiê uô cêr jêx jok hur si, cov sơưr đơưk zôngx ziv muk lol thâux xa têx kôngz, uô si hâur têx hnuz ntênhs, hnuz tsiêz ntơưv qơư”.

Tâu muk lol sâuv txox cêr luôv xuôz jêz, xi măng, zơưv Lò Văn Khẹ, nhoz jok Lừu 2, xã Hát Lừu shir phaz heik: “Pêz tưz sir jos sik đros uô txox cêr no cov tiêr uô ntêx tsiêz chiê zôngx ziv muk lol. Thâuv uô tiêr txox cêr no, lênhx tưs cux shir phaz luk”.

Trơưk li zơưv Trần Văn Long, Tsar Phongx kinh tế-cxiv uô têx côngz trênhx huyện Trạm Tấu, txos nhiv no, phênhv ntâu têx cêr muk lol txix tsênhv qơư huyện trâu tsênhv qơư xã tưz taz por muk lol tâu zôngx ziv hâur 4 cheix.

Taz sik, têx cêr muk lol trâu jêx jok cux tsênhv lok six phiv liv, nhiv kruôr muôx 250 cêik cêr tâu luôv suôz jêz, xi măng, hâur co muôx 31 cêik tâu uô hâur shông 2021, tax 27%. Nhiv no tsênhv yuôr nhos 700 cêik cêr jêx jok tsuv tâu cxiv uô cov jông muk lol. Chênhr viv li, niêx shông huyện zuôr tror tsov cưv têx pênhr nhiêx chiê cxiv uô cxix luôs cêr muk lol jêx jok trơưk Đại hội Đảng bộ huyện jiês tiv 16 li Nghị quyết tso tơưv:“Huyện tsưr ziv, iz shông muôx 25-30 cêik muk lol jêx jok tâu cxiv uô jông, tsơưs yax txos shông 2025, 100% jok muôx cêr jông muk lol, 50% cxuô txox cêr taz por trâu tsôngv pêx xênhv zôngx ziv muk lol đhâu. Chiê uô tâu têx li heik co, niêx shông huyện zuôr qênhz shuôs đuô têx tsưr ziv, hâux lưv, phênhz nhiêx txiêx tsov cưv uô ntêx trâu uô têx cêr muk lol. Iz chas ntơư, hu zâuv cxuô doanh nghiệp, tsôngv pêx xênhv sik đros paz pênhr nhiêx, đas jos chiê uô cêr muk lol hâur huyện”.

Têx txox cêr tâu cxiv uô tiêr zôngx ziv muk lol hâur shông yiêz tưz uô trâu tsôngv pêx xênhv huyện Trạm Tấu, tỉnh Yên thiêz tsôngv pêx xênhv cxuô heir nênhs nhoz faz Bắc muôx cêr shir phaz./.

                                   (Thừa Xuân-Riê Lâux cxeik, nhênhv)