“Hnuz kaz ciêz paz pêx xênhv” Yên Bái uô cxuô luôs hâux lưv muôx liv trâu pêx xênhv

7 six zar tas cik kaz ciêz hâur hli 6, chor canr bôv, đảng viên, công chức, viên chức cxuô phongx ban, taz viv hâur huyện Trạm Tấu, tỉnh Yên Bái tưz siz zâuv tuôx cxix cxuô trâu ntơưv Chòm Cu Vai, jok Háng Xê, xã Xà Hồ, huyện Trạm Tấu chiê đros paz pêx xênhv uô têx hâux lưv uz no hâur kaz ciêz. Têx hâux lưv chênhr hâur jiês no zos cxiv kho cêr chiê tsôngv box Hmôngz nhoz no zôngx ziv muk lol đhâu hâur cheix ntux nas chuô shông no. Zuôr xar 90 shông, jiês xuz thơưx tâu chuôs njiz ntâu lênhx canr bôv, hâu nov huyện thiêz tâu seiz pov chor canr bôv đros paz pêx xênhv li no, pos Myv Xênhv Thox, nhoz hâur jok shir phaz heik:“Cur cux tsênhv mul tâuk uô liêx, muk seiz nhux tưv thiêz êv đra, iz zav li êv poz cưk, kok ntông, uô cav zuk cux sưv lơưv, hnuz no muôx canr bôv hâur huyện tuôx đros paz pêx xênhv, pêz lok six jông siêz thiêz shir phaz hênhr”.

Chòm Cu Vai muôx 50 ntâu chuôz zis uô nênhx nhoz, puôr lênhx zos Hmôngz hur si. Nhoz no muôx jông qơư chiê huôv tsar ju lix, viv nhoz pêv tox siêz no sơưr đơưk muôx têx cxeik tâu đuôz đros têx tox trôngz câuv har, cxeik tâu têx huôz ha sơưr…. Chênhr zos heik co, tsôngv box lok six shir phaz thâuv tâu chor canr bôv tuôx paz uô cêr muk lol zôngx ziv, zos iz kro jông chiê ziv hnuz ziv hu zâuv tâu ntâu tus chôngz lênhx đuô tuôx ndis seiz têz qơưk uô si. Niêv Dầu Xênhv Zax heik:“Uô tâu tiêr cêr jông muk lol mak têx hnuz ntux yar lok sik lol nas cux tsi cxơưx trâu chor nhuôs muk tsêr cơưv thiêz cux zôngx ziv trâu tsôngv niêv txir cưr tix nênhx, chor kruô tuôx ndis shuôs têz qơưk uô si muk lol”.

Hnuz kaz ciêz đros paz pêx xênhv uô nuv nhoz huyện Trạm Tấu heik taz, tỉnh Yên Bái heik cxuô tâu fuô uô nhoz phênhv ntâu têx hnuz kaz ciêz. Cux seiz ciêz ntơư, cxuô thax tsav qơư, taz viv xeir uô têx hâux lưv tưs thiêz uô li chas cov huv đros tsênhv tsênhz.

Ntơưv huyện tox siêz Trạm Tấu, thax tsav cêr muk lol phiv liv, viv li têx nuv uô khênhr zos cxiv uô, kho cêr muk lol jêx jok thiêz paz pêx xênhv uô mê njik têx liêx têz. Zơưv Sáy Xênhv Zax, Chủ tịch Ủy ban xã Xà Hồ, huyện Trạm Tấu heik pâuz:“Đảng ủy, HĐND tsưr tsix đros pêx xênhv uô nuv phênhv ntâu zos cxiv uô têx cêr muk lol jêx jok, đros qêz suô, cxiv kho cêr. Ciêz no uô ntơưv luz jok nor, ciêz tov kaz uô lưv luz jok txơưr đuô, yưx têx hnuz ntux nas fuô uô tsi tâu xưz”.

Huyện Trạm Tấu muôx 11 heir nênhs uô nênhx nhoz uô cê, phênhv ntâu zos heir nênhs tsơưs, tsôngv pêx xênhv sơưr đơưk luz nênhx tsênhv yuôr ntâu txov nhêv. Chênhr viv li, fuô uô luôs hâux lưv li heik sâuv ziv muôx liv tsênhv tsênhz đuô. Zơưv Tsuô Xênhv Khang, Phưv Chủ tịch Ủy ban huyện heik pâuz:“Đhâu fuô uô “Hnuz kaz ciêz đros paz pêx xênhv uô nuv”, cur pov kror jông đuô zos tâu mnôngs pêx xênhv heik lơưr têx tsưr ziv, siêz xar; tâu chuôs njiz, sưv jê đros pêx xênhv. Đhâu ntơư pêz cux tưz zênhx max đơưk uô tâu iz cxiê hâux lưv pêx xênhv tsi jông siêz, tsi thôngx ziv. Chênhr zos li co, têx ntâuz ntơưr siz pênhr phiv liv, cux iz zav li têx hâux lưv siz zâuv chôngz nênhs uô tsi truôx tuk hâur thax tsav tưz txo grêk tsơưs, tsi yuô muôx yưv”.

Phưv Chủ tịch huyện Tsuô Xênhv Khang cux heik pâuz, đhâu zuôr xar 4 shông fuô uô, “hnuz kaz ciêz đros paz pêx xênhv uô nuv” tưz paz jông trâu cxiz txo grêk cêr yeiz pluôs ntơưv qơư; muôz cêr jông siêz, shir phaz chiê tsôngv pêx xênhv sik thôngx siêz, sik đros cxiv tsa jêx jok, qơư nhoz ziv hnuz ziv vav mênhx, tsâu sor./.

                                                     Thừa Xuân-Riê Lâux cxeik, nhênhv

Tsôngv box Hmôngz txơưx huôv tsar cêr uô nox

          Tâu xênhz zus thiêz hloz lox hâur chuôz zis khưr uô kôngz, têx hnuz nhiv kruôr cxiv tsa chuôz thênhx, tix lâuk Páo 2 niêv txir khưr uô liêx têz, taz sik luz nênhx cux tsi txu grês phênhv tưs têx phêv liv. Jênhv pov ar têz huv đros hâux lưv chos ntông keo, shông 2013, tix lâuk chuôz zis tưz muôz chor ar pos zơưs puz chiê chos tâu 6 hecta ntông keo. Tix lâuk pheiz kênh, têx shôngk xuz thơưx nhiv kruôr chos, tsi tâu muôx phênhv sâu, pôngz cxaz nhiêx txiêx thôngz côngz tsoz phưz viv li njiz ntâu phêv liv, taz sik đros siêz sir jos thiêz gruôs uô hâux lưv, tix lâuk thâuv tưs cux nriêr pâuz, cơưv shâuv chênhz zênhv huôv tsar kinh têr, tix lâuk yưv pênhr cxiv tsa guôx tu zus cxaz 10 txos 15 tul buô, hnuz tưs cux muk têx jêx jos sâu zuôr buô chiê tuô muôs greix muôx cxaz phênhv sâu trâu chuôz zis.

  Shông 2017, jênhv pov tsôngv box li zoz qơưx thâux chuôz zênhx cxiv tsa, ntor ntông pêv har jôngr ziv hnuz ziv siêz, tix lâuk truôx siêz txeik pênhr zênhx hangx kôngz nuv, côngv đros chor nhiêx txiêx cxênhx txuôk tâu đhâu 2,3 shông zuôr tâu luz yêz ô tô teiv chiê thâux chuôz zênhx cxiv tsa li: hlâu, poz jêz, môngr jêz siz, xi măng...thâux ntông trâu tsôngv box, muôz hâux lưv uô trâu 2 lênhx nênhs lox tôngv, muôx têx thâuv ntâu hâux lưv mak tsuv ntiêr cxaz 5-7 lênhx nênhs lox tôngv xav côngz lơưr hnuz uô hâux lưv. Tas nro phênhv sâu fênhx pheiz tax 200 tsov đeiv ntâu iz shông thâuv tưz xav tas nhiêx txiêx yưv chiê huôv tsar uô nox.

Shông 2021, tix lâuk pâuz tâu muôx Hội đồng tỉnh li Nghị quyết 03 lok chính sách paz txưv huôv tsar tsiv uô kôngz jôngr đêx nuv yênhx hax huv; xiv huv OCOP thiêz cxiv tsa nôngx cxênhz yiêz sâuv thax tsav tỉnh Tuyên Quang ntu 2021-2025, tix lâuk tưz krêz phaz 6hecta jôngr chos txix shông 2013 thiêz chos cxaz 20 hecta ntông keo txuôv tsơưr lươngv siêz, nhiv no tix lâuk chuôz zis muôx zuôr xar 30 hecta ar, jôngr xav tsiv grê zos 1 tỷ đeiv ntâu.

          Tix lâuk Páo tsi taz txơưx huôv tsar cêr uô nox, tix lâuk tsênhv zos lênhx txir ndâux txir luk, lênhx nênhs uô ntêx nyuôk hâur cxuô phongz yaox zos tiv phaz phuôx tôngv. Hâur ntu đhâu, tix lâuk tưz đros yax mông, vênhv tôngv tsôngv box hâur jos sik côngv tês, gôngr đas jos cxiv tsa nôngx cxênhz yiêz, txu yeiz cxuôv pluôs txix hlôngr yiêz tsoz chos, huôv tsar tu zus tsiêx cxu.

Zơưv Đỗ Ngọc Ước, Phưv chủ tịch UB xã Hùng Lợi ntâuk grê siêz, tix lâuk Sầm Văn Páo tsi taz zos lênhx nênhs txơưx huôv tsar cêr uô nox, mak tsênhv sir jos hâur yax mông, vênhv tôngv tsôngv box sik đros huôv tsar kinh têr, cxiv tsa nôngx cxênhz yiêz, txu grês cêr yeiz pluôs, tuôr truôx txiv ngaz jêx jos. Đros têx chêx cuk co, tưz gôngr phênhv cxơưz tiês huôv tsar KTXH nhoz hâur jos ziv hnuz ziv huôv tsar, txiv ngaz chính trị tâu tuôr truôx, tsôngv box luz nênhx ziv hnuz ziv tâu hlôngr yiêz.

          Phênhv “Nôngx mênhx zuôr tsuv pâuz” hnuz no, zos chiz coaz Đeix nta suôz VN thax tsav faz Bắc đros tsênhv qơư cxiz kôngz têz qơưk uô./.

Báo Tuyên Quang-Txâur Vax cxeik nhênhv