Sơn La khưx phưx tox xưz poz, taz por têx cêr muk lol tâu thôngz

Hâur 2, 3 coz nas lox nhiv kruôr đhâu, chor yêz muk lol sâuv txox cêr lox 37 ntu muk đhâu thax tsav têx huyện Phù Yên, Bắc Yên, tỉnh Sơn La njiz trâul lok six ntâu phiv liv. Muk đhâu ntu cêr ndê tox, tsi so pov muôx têx ntu trâul xưz poz lox, têx shôngz ntông vâu lor lok tsuôv cêr tas…. Iz cxiê ntu mak xưz poz saz kaz cê, cêr muk lol mê grêiv, nkhâuk lêv, zôngx ziv uô tsi truôx tuk trâu yêz muk lol đhâu. Tix lâus Trịnh Tiến Dậu nhoz Phú Thọ, lênhx tsar yêz thâux hax huv đhâu ntu cêr no heik: “Pêz muk đhâu txox cêr lox 37 no tsi so njiz trâul tox xưz poz, muk lol lok six phiv liv, lok six riêz nênhs trâu chor nênhs tsar yêz thâuv muk đhâu. Vav chiê siêz têx cơ  quan muôx vax huôv nzor cxiv kho têx ntu cêr xưz poz chiê pêz têx lênhx tsar yêz zôngx ziv muk lol”.

Đros thiêz ntêr zuôr xar 140 cêik, cêr lox 37 ntu đhâu hâur thax tsav tỉnh Sơn La zos txox cêr zov chênhr muk txix Sơn La trâu Yên Bái, Phú Thọ thiêz têx tỉnh Đông Bắc; yuôv trâu ntâu txox cêr zov chênhr li: Cêr lox sôr 6, cêr lox 43….Tiv muk đhâu têx thax tsav phiv liv, qơư tsi truôx tuk; viv li txos cheix ntux nas sâuv têx txox cêr no khênhr muôx tox xưz poz, lar heik zos ntơưv thax tsav đơưv trôngz Chẹn, Cao Đa thiêz đơưv Phiêng Ban hâur huyện Bắc Yên….

Trơưk li Ban seiz car cxiv kho cêr, Sở zoz thôngz tỉnh Sơn La thôngz sâu, txix hnuz xiêz 01-13/9, sâuv têx cêr lox, cêr muk lol hâur tỉnh zos Ban seiz car tưz muôx 6.100 ntâu qơư trâul xưz poz, đêx nas lox cuôr yôngz ar, poz jêz cxuz, kơưx tas ntâu ntu cêr…. Sâuv txox cêr lox 37, ntu muk đhâu thax tsav huyện Phù Yên, Bắc Yên tưz muôx zuôr xar 50 qơư trâul xưz poz.

Zơưv Nguyễn Văn Lợi, Phưv Ban seiz car cxiv kho cêr ar tỉnh Sơn La heik pâuz: Ciês hâur cheix ntux nas chuô, taz viv tưz cxiv uô tsưr ziv, hux jos đros cxuô taz viv seiz car, qênhz yuôx, qênhz shuôs, phênhz lênhx nênhs, yêz nhoz têx qơư zôngx ziv trâul xưz poz sâuv cxuô cêr lox, cêr muk lol hâur tỉnh….. Taz sik, đros thiêz thax tsav tox siêz, luôs hâux lưv taz por yêz muk lol đhâu khênhr njiz trâul ntâu phiv liv: “Tiv iz zos ntux txơưr txar ntâu, tsi pâuz shor thâuv tứ lok nas lok yar ntux, txơưv têx qơư zôngx ziv trâul xưz poz tưz tso yêz, lênhx nênhs nhoz trơưr ntơưv co, taz sik viv zos tox siêz, tox trôngz hâur pêk nxaz, khênhr muôx yưv têx tsi jông li heik sâuv. Thâuv muôx têx li co, tsuv hu zâuv lênhx nênhs, têx yêz uz no tuôx đros thoz huk, cxiv kho, uô ruôr hiêv txos taz por zoz thôngz. Iz kro thiêz, ntux nas lox tox xưz poz khênhr muôx trâu thâuv hmo ntux, lok six phiv liv trâu chor qơư uô hâux lưv cxiv kho”.

Zơưv Cao Viết Thịnh, Phưv Giám đốc Sở Kôngz nuv thiêz huôv tsar tox siêz, Chánh văn phongx thường trực Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Sơn La heik pâuz: “Cheix ntux nas shông 2022 tỉnh Sơn La trâul uô ruôr hiêv lok six ntâu. Txix đhâu coz nas chuô sôr 02, sôr 03 thiêz lar heik zos coz nas lox txix hnuz xiêz 09-12/9 nhiv kruôr đhâu, tưz uô ruôr hiêv tas ntâu têx côngz trênhx, cêr muk lol. Ban seiz car tưz chox kriê, hux jos đros cxuô ngênhx, sir jos uô lơưr tsưr ziv 4 ntơưv qơư chiê khưx phưx, taz por yêz muk lol tâu đhâu, moz siêz hu zâuv sơưr đơưk ntơưv qơư paz tsôngv pêx xênhv cxiv kho têx trâul nas chuô uô ruôr hiêv”.

Nhiv no, têx cêr muk lol chênhr ntơưv Sơn La phênhv ntâu puôr lênhx muk tâu thôngz. Taz sik, tiv iz cxiê ntu trâul xưz poz ntâu, nas lox uô ruôr hiêv, puôk tsuôx hnhar, iz cxiê qơư tsênhv bluô, muôx ar, poz jêz tsi tâu thoz huk đu…. Chor lưv lươngv muôx vax huôv cux tsênhv tror hu zâuv lênhx nênhs, têx yêz thoz huk ar, cxiv uô cêr tuôx đros kho, cov cxuô luz yêz muk lol tâu zôngx ziv./.

(Lê Hạnh-Riê Lâux cxeik, nhênhv)

Tu zus buô Hmôngz tsik txâuk muôs trâu niêv ciêz

          Đros 30 tsov đeiv qir thơưx, zơưv Tsaz Chu Thức, nhoz jos Ngam Lâm, xã Nấm Lư, huyện Mường Khương, tỉnh Lào Cai cuiz tênhv yưv pênhr tu zus buô Hmôngz tiv phaz. Tsuôk hâur iz ntu tsi ntêr, khov tu zus buô Hmôngz, zơưv chuôz zis li kinh têr ziv hnuz ziv ngaz tul, muôx nox muôx tsês. Zơưv Thức cux zos iz ziv chuôz zis xuz thơưx uô trâur nuv tu zus buô Hmôngz tiv phaz ntơưv Ngam Lâm thiêz zos iz hâur têx đeiv iêr chi cax luk hâur phongz yaox huôv tsar kinh tế nhoz tiv phaz. Chi nhánh zênhx hangx chính sách xã hội huyện Mường Khương tưz puz zơưv Tsaz Chu Thức kir txeik pênhr chiê huôv tsar tu zus buô Hmôngz tiv phaz. Txix phênhv pênhr kir txeik tâu côngv đros thiêz cưr tix nênhx tsa li paz max, côngv đros iz phênhv chuôz zis cxênhx txuôk tâu, chuôz zis zơưv Thức qir cxiv tsa guôx truôx jông, pheiz uô 2 qơư zos tu zus niêv buô sha nhuôv thiêz tu zus buô  muôs greix. Buô tâu puz nox krâur poz cưk, tsơưz thiêz kok liêz…tsi zôngv krâur công nghiệp.

          Chiê chor buô co hloz lox sei, zơưv Thức cxax cxix cxuô têx zav yuôx phax moz trâu buô, thôngx cxix uô vêv xênhz guôx hur đu, uô trơưk têx tsưr ziv tu zus buô. Zơưv yax six qêz suô, uô vêv xênhz guôx tu zus thiêz seiz njuôs đas jos trâu buô, pâuz tsênhz tsưr ziv tu zus chiê uô cov jông. Chênhr viv li, zơưv chuôz zis jas buô tưs cux tsi trâus moz thâuv moz ơưk buô châu Phi huôv xênhz phêv liv.

Nhạc cắt

          Nhiv no, zơưv Thức tưz cxiv tsa tâu 4 qơư tu zus buô, hâur co muôx 2 qơư cơư buô lox zus buô muôs greix, 2 qơư txơưr tu zus niêv buô sha nhuôv thiêz nhuôv buô chiê cungz trâu niêv ciêz. Ntu nhiv no, zơưv chuôz zis muôx 8 tul niêv buô sha nhuôk, 70 ntâu tul buô muôs greix, tso lok phênhv sâu yênhx shông txix 300- 400 tsov đeiv. Zơưv Thức puz pâuz, đrâuv tu zus buô muôs greix, zơưv tsênhv yưv pênhr tu zus niêv buô chiê muôs buô uô nôngz. Muôx têx ntu xưk li shông 2021, zơưv chuôz zis li jax buô ndê txos yênhx puôk tul, muôx niêv buô, buô muôs greix thiêz buô uô nôngz. Đrâuv tu zus buô, zơưv Thức tsênhv chos blêx, poz cưk, chos jôngr chiê chuôz cxaz phênhv sâu.

Nhạc cắt

          Tsi taz txơưx huôv tsar uô nox, sir jos cxaz chuôz têx huôx tôngv xã hội ntơưv tiv phaz, zơưv tsênhv yax six pheiz kênh, tôngv vênhx têx ziv chuôz zis hâur jos truôx siêz yưv pênhr, tsi tos txos têz qơưk li têx phênhv paz txưv.

          Phênhv "Nôngx mênhx zuôr tsuv pâuz" hnuz no tsuôk muôx xâuk li no xưz, phênhv no zos Đeix nta suôz VN nhoz thax tsav Tây bắc sik côngv đros Tsênhv qơư cxiz kôngz têz qơưk uô./.

Riê Lâux- Txâur Vax cxeik nhênhv