Piêr kriê têx pax ntâuz jông jav nhoz Tây Nguyên

          Tsuôk đros iz luz meir điện thoại thông minh, lok sik iz luz meir tính muôx mạng internet, nriêr sâuv mạng luz bê “Ka Thuân Minz” pêz zuôr pov muôx lok six ntâu têx heik kriê lok pax ntâuz jông jav. Co zos iz suôz bê tax giải 2 hâur jiês thik huôv tsar uô nox yiêz nhoz tỉnh Lâm Đồng shông 2024. Tsưr qơư xơưk pax ntâuz co zos Ka Thuân Minz iz lênhx hluôk nxeik nênhs K’Ho muôx luz bê hu Ka Thuân, Bí thư Chi đoàn hluôk nênhs jos 5, xã Hòa Ninh (Lâm Đồng) heik:“Cur pov lok six shir phaz thâuv pêz tuêv sik hux jos li xiv huv pax ntâuz uô tâu mak tâu chôngz lênhx ntâu tus nhiêv txos. Thâuv pêz heik kriê xiv huv sâuv mạng xã hội chiê sđ pâuz, li Fb, zalo, tik tok mak cux muôx ntâu lênhx nênhs nriêr chiê zuôr”

          Ka Thuân puz pâuz, tuêv sik hux jos nhiv no muôx 5 lênhx nênhs uô hâux lưv thiêz iz qơư muôv muôs xiv huv. Đros hâux lưv muôv muôs đhâu têx kênh thôngz xor mông, pax ntâuz tsênhv tâu heik kriê thiêz muôv muôs đhâu mạng xã hội. Chor hax huv muôs tâu txix hâur shôngk shông txos nhiv no chuôz ndê siêz đuô 2 jiês pir đros tsêz no, hâur co muôx têx tsôngv tiêz tsôngs yo dưv ntênhs phêv tsav 70%. Têx lênhx hluôk nênhs khênhr zuôr têx pax ntâuz xơưk lơưr tsưr ziv yiêz, huv đros zoz qơưx nhiv no li muk uô si, muk uô côngz xưv, muk dưv phênhv phêv, thuôr uô cêr lov jêv...Phênhv ntâu lơưr xeir pax ntâuz uô txix ntâuz max, thun, coton:“Pax ntâuz tsi taz zos têx tsôngs tiêz tsôngs yo khênhr hnhar hâur hniêx hnuz mak nhiv no tâu uô yênhx ntâu xiv huv txơưr, huv đros lênhx nênhs sir zôngv li zoz qơưx. Têx lênhx nênhs tsiv uô tưz zôngv pax ntâuz uô tâu têx chuôz zênhx cux lok six jông li hnaz, cà vạt, hâur ndông....”

          Đros Ka Thuân li têx xar tơưv jông hâur tsiv uô thiêz muôv muôs xiv huv pax ntâuz, tsi taz tuôv zênhv tsôngv kruô li zoz qơưx mak tsênhv chox lok phênhv sâu gôngr phênhv paz heik kriê đêz đar têx vênhx huôv mênhx cxưx jông thôngz đhâu pax ntâuz trâu cxuô lênhx ntâu tul pâuz txos, tiv zix zos cxênhx hluôk nênhs. Ka Thuân shir phaz puz pâuz:      “Thâuv shux xênhz tâu hnar tsôngs yo tâu xơưk txix pax ntâu cur pov lok six jông. Txix co zuôr paz heik kriê têx mê nhuôk shux xênhz nhiêv đuô thiêz pâuz tuôr tsês zuk mênhx cxưx li chax chês vênhx huôv jông. Têx shux xênhz zuôr jông siêz thiêz txưv haox đuô lok zuk li vênhx huôv thôngz đhâu têx pax ntâuz tâu xơưk sâuv zuk li têx tsôngs yo”

          Tsôngv box têx mênhx cxưx tsơưs nênhs nhoz Tây Nguyên li têx pax ntâuz muôx lok six ntâu têx txeix pax jông jav. Nhoz jos Bu Dak, xã ntus đriv Thuận An, tỉnh Lâm Đồng, niêv lâuk H’Her (mênhx cxưx M’Nông) cux tsênhv sir jos heik kriê têx vênhx huôv jông no sâuv không gian mạng. Xiv huv pax ntâuz niêv lâuk uô tâu muôx ntu tâu giải 3 hâur jiês thik pox niêv huôv tsar uô nox tỉnh Đăk Nông shông 2023.

          Têx txeix pax sâuv têx pax ntâuz puôr lênhx reik đros têx jax pêv lok trôngz jôngr chiv xênhz, lok nênhs M’Nông li têx phongz qơưx vênhx huôv thiêz luz nênhx. Khov txơưx sir zôngv công nghệ yiêz paz max, H’Her li xiv huv uô tâu tsi taz tâu nênhs lâuk nhiêv txos mak tsênhv tâu chôngz lênhx hluôk nênhs lok six nhiêv txos đros têx luz hnaz, têx đeiv tiêz tâu xơưk lơưr tsưr ziv yiêz, têx tul đei zơưv six, fuôv ntông....puôr lênhx tâu uô lơưr nênhs M’Nông li vênhx huôv jông. ĐRos H’Her hâux lưv muôs hax huv online tsi taz zos muôv muôs mak tsênhv zos tsưr ziv heik kriê zuk mênhx cxưx li vênhx huôv jông txos cxuô lênhx nênhs nhoz cxuô thax tsav qơư pâuz txos./.

                                                                                                                    Ka Yến-Thị Đoắt-Txâur Vax cxeik nhênhv

Du lịch Lai Châu tâu kriz uô txix têx kror jông muôx nhoz chor jêx jok

Muôx qơư jông jav, lênhx nênhs sưv jê thiêz tiv zix zos tâu nriêr pâuz đê chor yuôx zêx, ciz yuôx zêx… Co zos kror paz trâu chor kruô tuôx txix tỉnh Bắc Ninh pov shir phaz thâuv tuôx txos xar Tân Uyên-qơư kriz uô du lịch hur jông nhoz Lai Châu. Zơưv Nguyễn Tuấn Dương, txix Bắc Ninh tuôx hêik pâuz:“Pêz pov nhoz thax tsav qơư no muôx ntâu kror jông, viv cxuô kror ntơưv no lok six jông uô trâu pêz lok six nhiêv, muôx chor jêx jok jông jav thiêz chor trôngz yuôx zêx njuôz xiêz”.

Nhoz hâur tơư trôngz Hoàng Liên, xar Tân Uyên tâu pâuz txos tưz tsik zos muôx chor yuôx zêx lâul ntâu muôx 1.400 ntâu héc ta, mak tsênhv zos muôx chor liêx ntêir Hua Cưởm jông gâux, tuk đêx sor, đros 10 mênhx cxưx nhoz ntơưv no li têx vênhx huôv jông. Hâur têx shông đhâu, xar Tân Uyên tâu pâuz txos xưk li zos iz kror qơư yiêz jông lok du lịch têx đrox tsuôs chiv xênhz côngv thôngx jông. Zơưv Dương Đình Đức, Bí  thư  Đảng ủy xar Tân Uyên hêik:“Thường trực, Ban Thường vuv Đảng ủy xar tưz xav jênhv Tân Uyên zos qơư zuôr huôv tsar tâu kôngz nuv thiêz du lịch jông. Pêz cux tưv dưv thảo iz nghị quyết chuyên đề lok tsưr ziv huôv tsar kôngz nuv đros du lịch hur jông thiêz truôx đrênhk”.

Tsôngv kruô tuôx trâu Tân Uyên tưz tsik zos tâu ndis sêiz têx qơư jông jav, mak tsênhv tâu đa đêx sor, nhoz so ntơưv chor qơư chiv xênhz jông li Tân Uyên Paradise, trôngz chiêz, nox têx zav nox kaz muôx nhoz tox siêz li mor trax, mor blâuv liêz xiêr, đax, grêix njêl cxiêz… tâu ndis sêiz uô si têx ntênhk hôiv vênhx huôv cxôngx nzor.

Uô lơưr Ban Chấp hành Đảng bôv tỉnh li Nghị quyết 04 lok tuôr tsês, phuôx huiz têx vênhx huôv jông cxuô mênhx cxưx cxôngx nzor đros trâu huôv tsar du lịch ntu 2021-2025, tsưr ziv uô txos shông 2030, hli 3/2021, Tỉnh ủy Lai Châu tưz tso tơưv tsưr ziv sôr 24 lok lênhx tov, chox kriê côngz xưv hêik pâuz, cơưv shâuv, yax kriê, kriz uô Ban Chấp hành Đảng bôv tỉnh khoar 14 li chor nghị quyết chuyên đề, đề anr, kết luận. Lơưr zơưv Trần Mạnh Hùng, Giám đốc Sở Vênhx huôv, Thể thao thiêz Du lịch tỉnh Lai Châu, six cxiv đhâu, tỉnh Lai Châu tưz tok muôx 5 triệu ntâu lênhx kruô, hâur co muôx zuôr xar 1 triệu lênhx kruô ntiêx têz. Ciês du lịch vênhx huôv đros ndis sêiz têx qơư jông jav, hâur co muôx xar Tân Uyên tưz gôngr côngv tâu jông trâu kror no khov huôv tsar cxix cxuô lok tas nro cêr, vax tsêr cxuô zav thiêz tsơưr lươngv dịch vuv du lịch:“Sở Vênhx huôv, Thể thao thiêz Du lịch tsênhv sik côngv đros Tân Uyên thiêz têx cơ quan cik txos hêik trâu Ủy ban tỉnh pâuz huôv tsar thax tsav trôngz yuôx zêx no zos yênhx iz kror qơư du lịch têx đros tsuôs, chiv xênhz jông”.

Lơưr zơưv Lâm Văn Thuận, Chủ tịch Hôiv đồng Quản trị Công ty Cổ phần Xâu chua mỹ tửu Sa Pa, tỉnh Lào Cai, Lai Châu nhiv no tưz tâu chor kruô hâur têz qơưk thiêz ntiêx têz pâuz txos. Chor doanh nghiệp lữ hành xêir Lai châu chiê kriz uô tour viv ntơưv no cê muôx têx qơưk jông jav, cê muôx têx vênhx huôv jông thiêz pêx xênhv lok six nhiêv kruô:“Nênhs Việt Nam nhiv no xar ndis shuôk, uô si ntơưv têx qơư muôx chiv xênhz đrox tsuôs jông jav, muôx têx hax huv jông pâuz tsênhz qơư. Kror zov chênhr đuô zos tsôngv kruô xar tsuv tâu nriêr pâuz mak ntơưv Lai Châu tsuv kriz uô tâu têx no, muôx sik côngv chor hax huv jông thiêx zuôr siz paz tâu, cungz trâu tsôngv kruô txix ndis sêiz txos nriêr pâuz”.

Đros ntu cêr txuôk trâu txox cêr muk chênhr Nội Bài-Lào Cai tsênhv tâu uô cov tiêr, chor cêr zoz thôngz txuôk đros trâu têx thax tsav zôngx ziv đuô tsênhv zos kror paz trâu Lai Châu zaz zâuv nzir chor doanh nghiệp yưv pênhr trâu du lịch têx đrox tsuôs chiv xênhz, nhoz so thiêz muôx đros têx dịch vuv. Đros muôx chinhr quyền, doanh nghiệp thiêz pêx xênhv li têx paz, sir jos đros uô, Lai Châu nhiv no tsênhv sir jos uô cov zos yênhx qơư tuôx ndis shuôk, uô si jông, muôx nhoz sâuv bản đồ du lịch têz qơưk thiêz ntiêx têz./.

                                                                                                 Khắc Kiên-Lik Thox cxêik nhênhv-Lưu, in đĩa