Kho đuô têx tsêr đaz tuôs lav nhoz-paz trâu tsôngv box tox siêz muôx cêr shir phaz đuô

           20 shông ntâu đhâu, zơưv Chang Bua Thào nhoz jok Lùng Cúng, xar Nậm Có, huyện Mù Cang Chảy, tỉnh Yên Bái ziv chuôz zis nhoz hâur luz tsêr đaz tuôs lav nhoz uô phiv liv ntâu txos luz nênhx, tiv zix zos têx hnuz muôx ntux nas chuô lox thiêz chêix ntux no. Đhâu nriêr pâuz thiêz jêx jok xêir tsov, shông 2025 no, zơưv Thào chuôz zis tâu paz 60 triệu đêiv txix tsaz yênhx paz kho đuô chor tsêr đaz tuôs lav nhoz trâu chor chuôz zis pluôs.

          Tix lâus Chang A Páo, zơưv Thào tuk nhuôv tuz shir phaz puz pâuz, ciês đhâu pâuz tâu xor mông zos 1 hâur 8 ziv chuôz zis hâur jok tâu paz uô tsêr nhoz, chuôz zis tưz sêi đrơưv paz chuôv tav cxuô zav đros xar muôx 100 triệu đêiv chiê uô đuô luz tsêr nhoz, sir jos cov uô tâu tiêr hâur hli 2:

          Nậm Có zos xar muôx thax tsav đar tiv 2 nhoz huyện Mù Cang Chải đros muôx 1.700 ntâu ziv chuôz zis, hâur co chor chuôz zis pluôs tsav muôx 55% ntâu. Zơưv Chỉnh Xênhv Hơưx, Phưv Chủ tịch Ủy ban xar puz pâuz: Shông no, xar tâu choz kho đuô 109 luz tsêr lav nhoz trâu chor chuôz zis pluôs, hâur co 103 luz tsêr tâu uô yiêz, 6 luz tsêr tâu kho đuô. Chiê uô cov tâu jông côngz xưv kho đuô chor tsêr đaz tuôs lav nhoz cov huv lênhx nênhs, xar tưz muk txos trâu têx jêx jok chiê nriêr pâuz lok six jông. Iz chas co tưz chox kriê chor nênhs hâur cấp ủy sêiz car chor jêx jok hêik, paz trâu chor chuôz zis xêir tsov chuôz lov huv đros chiê uô tsêr cov huv zos lơưr tsưr ziv tưz tso tơưv. Txos six hơưv no, tưz muôx 20 ntâu luz tsêr tâu kriz uô thiêz 2 luz tsêr tưz tâu uô tiêr: “Đhâu muôx huyện li tsưr ziv lok kriz uô vax tsêr mak xar tưz kriz uô, đros chor chuôz zis tsik muôx chuôz lov, cxuô zav chiê uô mak xar muôx tsưr ziv paz trâu chor chuôz zis no cov sêi đrơưv uô kho đuô tâu têx vax tsêr li tsưr ziv tưz tso tơưv. Txos six hơưv no tưz muôx 20 ntâu luz tsêr tâu kriz uô, tsênhv yuôr mak hâur hli 3 no zuôr kriz uô…”.

            Đros tsưr ziv zos uô kho đuô cov tiêr tas nro chor vax tsêr trâu chor chuôz zis pluôs thiêz chuôz zis tâu têz qơưk paz uô ntêx hnuz 30/4/2025, nhiv no ntơưv xar Chế Cu Nha tưz muôx 25 hâur 48 luz tsêr tâu pêx xênhv piz cxiv uô; tiv zix zos 2 ziv chuôz zis tưz tâu yêv lok nhoz hâur tsêr yiêz, paz muôx tâu cêr shir phaz thiêz sir jos đuô hâur luz nênhx.

           Lok thax tsav qơư li tsưr ziv uô, zơưv Lik Xênhv Zax, Chủ tịch Ủy ban xar Chế Cu Nha, huyện Mù Cang Chảy, tỉnh Yên Bái puz pâuz, chiê uô tâu li tsưr ziv tưz tso tơưv, xar choz jênhv vưv tsênhv tsênhz trâu chor nganhx, đoanx thêv paz ciês trâu chor ziv chuôz zis; đros co zos huiz tôngv têx kror paz xar hôiv thiêz pox nhuôs hâur jêx jok li têx paz txix nhiêx txiêx thiêz hnuz côngz, sik côngv đros paz uô kho đuô têx vax tsêr trâu chor chuôz zis pluôs: “Ciês đhâu huyện chox kriê mak xar tưz tsưr tsix cơưv thiêz yênhx lix Ban chox kriê, phêiz côngz jênhv vưv tsênhv tsênhz. Yênhx canr bôv, công chức, chor tsưr tsix, đoanx thêv sêiz car yênhx ziv chuôz zis hâur bê ntơưr tâu paz kho đuô vax tsêr tưz muk txos ciês trâu chor ziv chuôz zis nriêr pâuz têx kror phiv liv, siêz xar chiê xar muôx tâu tsưr ziv chox kriê kriz uô. Txos nhiv no xar tưz kriz uô tâu muôx 50% ntâu”.

            Pos Lương Thị Xuyến, Phưv Chủ tịch Ủy ban huyện Mù Cang Chải puz pâuz, lơưr tsưr ziv, shông 2025, thax tsav qơư uô yiêz thiêz kho đuô 771 luz tsêr trâu chor ziv chuôz zis pluôs, chuôz zis zuôr xar pluôs, nênhs muôx côngz trâu têz qơưk. Hâur co uô yiêz 616 luz tsêr thiêz kho đuô 147 luz tsêr trâu chor ziv chuôz zis pluôs đros nhiêx txiêx kriz uô muôx 41 tiv đêiv ntâu; 8 luz tsêr trâu chor nênhs muôx côngz trâu têz qơưk, chuôz zis tâu têz qơưk paz đros nhiêx txiêx uô tas muôx 400 triệu đêiv ntâu: “Muôx ntâu ziv chuôz zis lok six txov nhêv, hâur ntu kriz uô zos chiê chor chuôz zis co uô xưz mak zuôr uô tsik tâu viv li ntơưv Mù Cang Chải pêz huiz tôngv pênhr jos ntơưv qơư xưk li huiz tôngv côngv thôngx, jêx jok, cưr tưx nênhx tsa li têx gôngr côngv paz. Muôx têx ziv chuôz zis tsik muôx nênhs cxênhz jêx txov nhêv hênhr lok sik nênhs lâul, nhoz iz lênhx mak pêz choz trâu chor tsưr tsix hôiv paz trâu chor ziv chuôz zis co”./.

Đinh Tuấn-Lik Thox cxêik nhênhv

Điện Biên seiz car jông hâux lưv kriê cơưv cxaz nzir ntơưr

         Zos cưk kriê ntơưr tưz so lâuk đhâu 40 shông ntâu gôngr côngv trâu nganhx zaoz zux tỉnh Điện Biên, hâur co muôx 32 shông uô cán bộ seiz car, zơưv Nguyễn Đức Quyến, nhoz tuêv jênhv phố 11, phường Him Lam, TP Điện Biên Phủ cux tsov cưv seiz njôngr têx chính sách, cui tênhv yiêz muôx lênhx coaz txos zaoz zux. Tiv zix, thâuv Bộ zaoz zux li Thông tư 29 lok hâux lưv kriê cơưv cxaz nzir muox txux zôngv txix hnuz 14/2, zơưv Quyến ntâuk grê siêz têx hlôngr yiêz hâur thông tư no. Lơưr zơưv Quyến zos tâu krêz uô uô cê thiêz muôx chêx cuk, thông tư zuor gôngr phênhv muôz siêz tsơưr lươngv zaoz zux, txu grês qênhx shênhx kriê cxaz nzir ntâu, uô muôx yưv tênhx qơư cơưv ntơưr tsi jông trâu shux xênhz. “Pêz lok six jông siêz thiêz thôngx ziv đros bộ zaoz zux thâuv tso tơưv thông tư 29 chiê heik kriê lok hâux lưv kriê cxaz nzir hâur thiêz đrâuv tsêr cơưv đros têx theox chênhv, ploz tsênhr li chas mak tâu kriê cxaz”

          Cưk kriê Phạm Quốc Cường, Hiệu trưởng Tsêr cơưv cxênhx 3 TP Điện Biên Phủ puz pâuz, hâux lưv uô Thông tư 29 jênhv tâu tập thêv cán bộ, cưk kriê li thôngx ziv. Chiê krêz uô muôx chêx cuk, tsêr cơưv tưz chuv tôngv hlôngr yiêz tsưr ziv kriê cxaz trâu shux ênhz lơưr Thông tư li chinhz yênhx. Thôngx cxix chuôz tsar côngz xưv seiz car đros cưk kriê cxaz chuôz kriê cxaz nzir hâur thiêz đrâuv tsêr cơưv, taz por huôx tôngv no tâu uô tsênhz mênhx, trơưk cui tênhv. “Tsêr cơưv cux thix ziv đros Sở zaoz zux, đros UB tỉnh nzor tso tơưv cui tênhv lok kriê cơưv cxaz sâuv thax tsav tỉnh. Txix co uô trâu tsêr cơưv heik taz thiêz têx tsêr cơưv txơưr sâuv tas nro tỉnh uô muôx chêx cuk Thông tư 29 reik đros tsơưr lươngv kriê thiêz cơưv ntơưr. Tiv zix zos taz por trâu jiês thik cơưv tiêr cxênhx 3 shông 2025”.

          Zơưv Cù Huy Hoàn, Phưv Giám đốc Sở zaoz zux tỉnh Điện Biên puz pâuz, chiê krêz uô muôx chêx cuk Thông tư 29, Sở tưz cxiv tsa tsưr ziv tsênhz mênhx, đros heik trâu UB tỉnh tso tơưv têx cui tênhv lok kriê cơưv cxaz nzir. Đrâuv co, Sở cux heik kriê, tsưr tsix uô têx cui tênhv no trâu têx tsêr cơưv, tsưr tsix thiêz lênhx nênhs muôx lênhx coaz, taz por uô trơưk cui tênhv, gôngr phênhv seiz car jông thiêz muôz siêz tsơưr lươngv zaoz zux: “Sở zaoz zux tưz tsưr tsix krêz uô Thông tư 29 txos têx phongx zaoz zux, têx qơư zaoz zux, hâur co chêx chôngk chox kriê cxơuz tiế côngz xưv yax mông, heik kriê thông tư 29 li chinhz yênhx chox kriê. Thôngx cxix, tsưr tsix krêz uô chox kriê têx tsêr cơưv krêz uô trâu cán bộ, cưk kriê nhênhz chơưv jông Thông tư 29 li cui tênhv lok kriê cơưv cxaz nzir”

          Chiê chuôz tsar seiz car jông huôx tôngv kriê cxaz trơưk Thông tư 29 li chinhz yênhx, Sở zaoz zux tỉnh Điện Biên cux zuôr sik côngv đros têx chiz coaz muox lênhx coaz cxiv tsa tsưr ziv qênhz yuôx lơưr six hơưv lok sik thâuv zuôr trâus. Hâux lưv no chiê taz por têx huox tôngv kriê thiêz cơưv cxaz tâu uô trơưk pháp luật li cui tênhv, uô tsênhz mênhx muôx chêx cuk, gôngr phênhv muôz siêz tsơưr lươngv zaoz zux sâuv thax tsav./.

Vũ Lợi-Txâur Vax cxeik nhênhv