Cơưv shâuv thiêz uô lơưr zơưv hloz Hôx, đảng viên Sơn La sir jos uô bluô nux ciês ntơưv zuk qơư nhoz

Têx shông uô ntêx, pêx xênhv nhoz jok Tân Thảo, xar Mai Sơn, tỉnh Sơn La tsuôk zos chos caz tsiz thiêz cxuô zav jâuz tâuv sâuv têx ar têz. Sir jos uô yênhx shông taz sik sâu tâu tsik siêz, pox nhuôs luz nênhx cux tsênhv txov nhêv.

Tsik chưx yêiz pluôs, shông 2014, đảng viên Đỗ Mạnh Cường, xênhz shông 1961, tưz nriêr tsưr ziv uô nox yiêz, uô ntêx hlo muôz tsoz dâu tây lok chos chiê huôv tsar kinh têr ntơưv thax tsav qơư. Zơưv Cường puz pâuz, thâuv ntơưr, chôngz lênhx nênhs hêik tiêk dâu tây zos zav tsoz chos yiêz, tas ntâu pênhr nhiêx uô, kỹ thuật tu cux phiv liv. Taz sik zơưv xar tiêk tsik uô siv, tsik hlôngr yiêz mak zuôr tsik muôx tâu luz nênhx jông đuô; ndo njôngr txos zơưv hloz Hôx têx luk kriê đảng viên tsuv sir jos, uô ntêx hlo hâur huôv tsar kinh têr, txo grêk yêiz pluôs, li chêk zơưv tưz sir jos cê cơưv shâuv, cê chos, cê nriêr pâuz têx chênhz zênhv:

“Dâu tây zos zav tsoz chos zôngx ziv chos taz sik lax tu, tsuv muôx kỹ thuật siêz thiêz tsuv muôx ntux paz. Txơưv tiêk muôx têr siêz, taz sik thâuv piz uô mak pêz uô pêz xưz, tsênhv tsik tâu muôx khoa học kỹ thuật uô”.

Đhâu ntâu shông sir jos uô, đảng viên Đỗ Mạnh Cường li tsưr ziv chos dâu tây côngz nghệ siêz tưz uô tâu nox jông. Nhiv no zơưv chuôz zis 1,2 héc ta dâu tây, muôx 3 luz tsêr tax thêir vor, zưs đêx cxênhx txuôs, uô nox lơưr tsưr ziv VietGAP, paz muôx tâu tsơưr lươngv truôx tuk, iz shông paz sâu tâu muôx 1 tiv đêiv ntâu, paz muôx hâux lưv uô trâu chôngz lôx tôngv ntơưv qơư.

Tưz tsik zos uô bluô nux trâu chuôz zis xưz, zơưv Cường tsênhv sir jos kriê trây pox nhuôs têx kỹ thuật, chênhz zênhv chos, tu chor dâu tây. Zơưv Đỗ Mạnh Cường hêik pâuz:

“Cur cơưv cur chiê uô xưz, thiêz cux kriê trâu pox nhuôs hâur jok đros uô, muôx têx tsưr ziv uô nox tưs uô tâu jông mak pêz zuôr phêiz kênh thiêz kriê trâu pox nhuôs hâur jok pâuz cơưv shâuv uô trơưk, xav mak kinh têr tưz muôx đuô thâuv ntêx lơưv”.

Txix cơưv shâuv, uô trơưk đảng viên Đỗ Mạnh Cường tsưr ziv chos dâu tây, ntâu ziv chuôz zis hâur jok Tân Thảo tưz muôx tâu phênhv sâu oz pez puô triệu đêiv iz shông. Txos nhiv no, tas nro jok muôx 170 ntâu ziv chuôz zis, mak muôx txos 160 ntâu ziv chuôz zis chos dâu tây, phênhv sâu xav lênhx nênhs tâu muôx 55 triệu đêiv iz lênhx nênhs iz shông; tsuôk yuôr 7 ziv chuôz zis pluôs, 1 ziv chuôz zis zuôr xar pluôs.

Hêik lok đảng viên Đỗ Manh Cường, zơưv Nguyễn Văn Thêm, Bí thư Chi bôv, Tsar jok Tân Thảo puz pâuz:

“Zơưv Đỗ Mạnh Cường ziv chuôz zis zos chuôz zis sir jos huôv tsar uô nox, zos chuôz zis trâu pox nhuôs hâur jok Tân Thảo cơưv shâuv uô trơưk, muôz chor dâu tây lok chos, uô uô ntêx thiêz phêiz kênh têx chênhz zênhv trâu pox nhuôs hâur jok. Txix tsưr ziv chos dâu tây huôv tsar shông 2016 txos nhiv no, pox nhuôs hâur jok Tân Thảo luz nênhx tưz hlôngr yiêz jông đuô lok six ntâu lơưv”.

Txix đảng viên Đỗ Mạnh Cường li têx sir jos thiêz uô ntêx hlo, jok Tân Thảo, xar Mai Sơn nhiv no tưz hlôngr yiêz ntâu đros muôx chor vax txir dâu tây njuôz xiêz, txix txir ndư; cêr muk lok hâur jêx jok jông jav, pêx xênhv luz nênhx cux tưz muôx đuô thiêz jông đuô thâuv ntêx lok six ntâu./.

Trấn Long-Lik Thox cxêik nhênhv

Sơn La sir jos cxiz cxiv uô sei cêr muk chênhr Hòa Bình-Mộc Châu

Cêr muk lok zos zov chênhr, chiê zôngx ziv muk trâu 2 chas thax tsav thiêz hâur qơư nhoz. Đros thiêz cêr muk chênhr Hòa Bình-Mộc Châu, thâuv uô tiêr zuôr paz hlôngr yiêz txox cêr lox sôr 06, zôngx ziv muk lol txix đrôngs Hà Nội trâu chor tỉnh Tây Bắc thiêz tỉnh Sơn La, paz txo grêk tsơưs têx yêz muk lol ntâu hênhr sâuv txox cêr lox sôr 06, tsi yuô nkhâuk lêv, cxơưz cxiz kinh tế xã hội huôv tsar, taz por côx phax, txiv ngaz hâur thax tsav tỉnh Sơn La thiêz têx tỉnh Tây Bắc.

Hli 5/2025, dưv anr cêr muk chênhr Hòa Bình-Mộc Châu, ntu muk đhâu thax tsav tỉnh Sơn La tưz krêz côngz cxiv uô. Txơưv thâuv uô cêr, yênhx puô chuôz zis pêx ênhv zuôr trâus uô ruôr hiêv txos, viv sâu zuôr ar chiê uô cêr thiêz cxiv qơư nhoz trâu têx chuôz zis pêx xênhv tsuv yêik txar qơư ntơư, taz sik pâuz tsênhz txos têx jông thâuv muôx cêr muk chênhr đhâu, zôngx ziv muk lol huôv tsar uô nox, zuôr muôs hax huv, luz nênhx vav mênhx đuô, kinh tế, xã hội txix co cux zuôr huôv tsar jông đuô, chênhr zos li ntơư, phênhv ntâu tsôngv pêx xênhv puôr lênhx jông siêz, thôngx ziv đros luôs hâux lưv cxiv uô txox cêr no. Tix lâus Vì Văn Đông nhoz jok Páng, xã Chiềng Khoa, huyện Vân Hồ (kuz), nhiv no zos xã Tô Múa, tỉnh Sơn La shir phaz heik pâuz:

“Tsôngv pêx xênhv 100% jông siêz, thôngx ziv lok tsưr ziv uô txox cêr muk chênhr co. Nhiv no sơưr đơưk lênhx tưs vav chiê siêz tok njôngr txox cêr co uô tâu tiêr nzor xưz”.

Dưv anr yưv pênhr cxiv uô cêr muk chênhr Hòa Bình-Mộc Châu, ntu đhâu thax tsav tỉnh Sơn La nhoz txox cêr lox muk chênhr Hà Nội-Hòa Bình-Sơn La-Điện Biên. Dưv anr xav hur si pênhr yưv uô tas muôx 4.445 tyv đeiv zos T.Ư thiêz tỉnh Sơn La nhiêx txiêx yưx uô, ntêr 32 cêik ntâu, zuôr tâu cxiv uô hâur 03 shông, txix shông 2025 txos shông 2028. No zos txox cêr zov chênhr, muôx liv jông cxơưz cxiz uô tiêr têx cêr muk lol hâur thax tsav Tây Bắc trơưk tsưr ziv tso tơưv. Thâuv cêr uô tiêr zuôr zôngx ziv trâu huôv tsar kinh tế-xã hội, ju lix, muôv muôs, zos hâu cêr huôv tsar yiêz, zos đas jos cxơưz Sơn La thiêz chor tỉnh Tây Bắc huôv tsar, lơưr chuôs cxuô thax tsav hâur tas nro têz qơưk. Dưv anr tâu pheiz uô 3 ntuk cxiv uô; hâur co ntu iz qir txix cêik cêr 74+500 txos cêik cêr 85+300; ntu 2 zos txix cêik cêr 53 txos cêik cêr 63+500 thiêz ntu 3 zos txix cêik cêr 63+500 txos cêik cêr 74+500. Plas cêr thâuv nhiv kruôr cxiv uô zuôr đar 12 thiêr, uô tâu tiêr mak đar muôx 22 thiêr. Txos trâu têx ntu muôx cêr yuôv muk lol hâur thax tsav qơư, têx jêx jok mak zuôr cxiv uô qox hla đhâu cêr chiê taz por truôx tuk, zôngx ziv muk lol. Dưv anr tsênhv tâu tỉnh Sơn La sir jos fuô uô.

Zơưv Hoàng Mạnh Thắng, Phưv Giám đốc Ban seiz car Dưv anr yưv pênhr cxiv uô têx côngz trênhx zoz thôngz tỉnh Sơn La-taz viv uô tsưr yưv pênhr dưv anr cxiv tsa côngz trênhx zoz thôngz, nhoz Dưv anr yưv pênhr uô cêr muk chênhr Hòa Bình-Mộc Châu, ntu đhâu thax tsav tỉnh Sơn La heik pâuz:

“Pêz zuôr tror đros Ủy ban tỉnh têx tổ côngz xưv thiêz chor xã Vân hồ, Tô Múa, phường Vân Sơn Ban chox kriê dưv anr cxiz uô sei luôs hâux lưv zuôr ar têz chiê choz trâu têx lênhx nênhs yưv pênhr cxiv uô cêr. Tiv 2, uô cov tiêr hâux lưv xeir tsov lênhx nênhs yưv pênhr uô. Đhâu thâuv cir hux thôngx tas, pêz zuôr uô têx ntâuz ntơưr uz no trơưk cui tinhv thiêz heik nênhs yưv pênhr fuô uô têx luôs hâux lưv sâuv têx ntu tưz zuôr tâu ar, choz qơư uô cêr. Đros trâu têx li heik co, zos sâu jênhv têx hâux lưv tưz uô tâu chiê thêv nhiêx trơưk cui tinhv choz uô dưv anr hâur shông 2025”.

Nhiv no tỉnh Sơn La cux tsênhv tror heik trâu T.Ư tror fuô uô têx luôs hâux lưv txuôk nzir chiê cxiv uô cêr muk chênhr Mộc Châu trâu đrôngs Sơn La thiêz tỉnh Điện Biên trơưk txox cêr lox sôr 06 thiêz cêr muk chênhr Sơn La-Yên Bái kuz, nhiv no zos Sơn La-Lào Cai hâur ntu 2026-2030; tror fuô uô iz cxiê dưv anr txơưr đuô./.

Thu Thùy-Riê Lâux cxeik, nhênhv