Sir jos paz trâu “qơư jông jav têz qơưk” zos yênhx huyện du lịch

Nhoz hâur đruôz đraz chor liêx ntêir lok six jông jav ntơưv xar La Pán Tẩn, huyện Mù Cang Chải (Yên Bái), qơư du lịch côngv thôngx muôx bê “Hello Mù Cang Chải” tâu chôngz lênhx kruô hâur thiêz đrâuv têz qơưk pâuz txos. No zos côngz trinhx, qơư du lịch tâu oz niêv txir hluôk mênhx cxưx Hmôngz Dê Xênhv Zax thiêz Lỳ Xênhv Vax sir jos kriz uô.

Tuôx trâu qơư du lịch no tsôngv kruô tưz tsik zos tâu nhoz so, mak tsênhv tâu cxaz chuôz trâu têx kror du lịch jông li: đros chor nênhs nhoz ntơưv qơư uô jâuz mor nox, muk cxov njêl đrav đêx, muk uô liêx, kriê luk Anh trâu chor mê nhuôv hâur têx jêx jok… Niêv tix Nguyễn Hồng Anh, iz lênhx kruô txix Hà Nội tuôx puz pâuz: “Tuôx ntơưv no mak pêz tâu nriêr pâuz txos sơưr đơưk nhoz ntơưv no cêr uô nênhx. Jiês xuz thơưx ciês tâu uô liêx, tâu cxov njêl thiêz cxiêz njêl… Pêz cux pâuz tâu ntâu kror lok vênhx huôv ntơưv no, phưx vưv trâu zuk kror hâux lưv uô”.

Nhiv no, chor huôx tôngv du lịch tâu huyện Mù Cang Chải tsưr tsix tsik so tas nro 4 chêix hâur shông. Co zos chêix pax txir tuôz ziz tơưs, chêix pax đỗ quyên thâuv hâur shôngk shông yiêz; chêix tso đêx uô liêx thâuv hli 5, hli 6; ntênhk hôiv blêx liêx siêr txix hli 8 txos hli 10 thiêz chêix pax txir đuôx kuk thâuv kaz shông.

Đros sir jos uô têx tsưr ziv yax kriê, piêr pâuz du lịch thôngz đhâu chor chuôz zênhx thôngz xor mông thiêz mạng xar hôiv; thôngx cxix, tsêx trung tsưr tsix chor huôx tôngv paz thơưz du lịch, viv li shông 2023, huyện tox siêz Mù Cang Chải tưz tok thiêz phưx vưv muôx 250 cxênhz ntâu lênhx kruô du lịch hâur thiêz đrâuv têz qơưk, phênhhv sâu tâu xar muôx 250 tiv đêiv. Zơưv Vũ Tiến Bình, Trưởng Phòng Vênhx huôv thiêz Thôngz mông, huyện Mù Cang Chải puz pâuz: “Huyện Mù Cang Chải muôx têx tsưr ziv kriz uô têx kror liv lok chiv xênhz, vênhx huôv thiêz lênhx nênhs chiê huôv tsar du lịch, paz trâu huôv tsar kinh têr-xar hôiv sâuv thax tsav huyện cov truôx jông. Huyện cux chox kriê đề anr cxiv tsa huyện Mù Cang Chải yênhx huyện du lịch ntu 2021-2025”.

Lơưr pos Lương Thị Xuyến, Phưv Chủ tịch Ủy ban huyện Mù Cang Chải, chiê zos yênhx huyện du lịch, zos qơư tuôx ndis shuôk “Muôx ntâu kror jông jav, ngaz tuk thiêz sưv jê”, huyện Mù Cang Chải tưz xav jênhv tsưr ziv huôv tsar du lịch đros 4 tsênhv njiêz, zos: Huôv tsar du lịch lơưr saz yiêz jông, “njuôz, muôx ntâu vênhx huôv jông, ngaz tuk, sưv jê”; sir jos cov muôx ntâu zav du lịch jông chiê paz zaz zâuv tsôngv kruô du lịch; sir jos hlôngr yiêz xar hôiv, zaz zâuv cxuô pênhr jos hâur thiêz đrâuv tỉnh chiê yưv pênhr trâu huôv tsar du lịch; phuôx huiz jông têx kror liv lok đrox tsuôs, chiv xênhz, vênhx huôv thiêz lênhx nênhs chiê huôv tsar du lịch… “Zaz zâuv chor doanh nghiệp lox tuôx yưv pênhr trâu Mù Cang Chải hâur uô du lịch, paz muôx tâu têx hax huv jông đros têx vênhx huôv jông muôx nhoz Mù Cang Chải. Tiv oz zos pêz cux kruôz kriê txux chi trâu chor tsưr homestay, tsêr uô jâuz mor nox hâuk thiêz cxaz nzir têx dịch vụ cov uô tâu jông tiv zix”.

Pos Lương Thị Xuyến cux puz pâuz, ntu zuôr txos, huyện Mù Cang Chải zuôr kriz uô sir zôngv pênhr jos cov huv đros, tuôr tsês chiê têx đrox tsuôs, chiv xênhz, xar hôiv, zaz zâuv côngv thôngx ntơưv thax tsav qơư cxaz chuôz trâu huôv tsar du lịch. Txix co sir jos cxiv tsa Mù Cang Chải yênhx huyện du lịch zos lơưr Nghị quyết Đại hôiv Đảng bôv huyện jiês tiv 19, six cxiv 2020-2025 tưz tso tơưv./.

Đinh Tuấn-Lik Thox cxêik nhênhv-Lưu, in đĩa

Têx lênhx cưk yuôx tuz lênhv nhoz thax tsav faz Bắc pêz têz qơưk

Txox cêr muk trâu lênhx pos Lỳ Lé Pư, nhoz jok Á Di, xã Leng Su Sìn, huyện Mường Nhé, tỉnh Điện Biên tsêr, Thiếu tá Nguyễn Văn Diện, cưk yuôx tuz lênhv, Zênhx pênhz phax Leng Su Sìn tưz lok six sưv. Viv hnuz tưs tix lâus cux  puôr lênhx đros têx lênhx uô hâux lưv uô cê hâur taz viv muk đhâu txox cêr no 2 jiês chiê cxax yuôx, kho moz njưk trâu pos Pư.Heik lol chor tuz lênhv cêr moz siêz tsoz phưz trâu pos, pos Pư heik li no: “Thâuv tưs cur muôx moz, hu txos chor nhuôs puôr lênhx tuôx zênhx max, shông uô ntêx pos moz hnhar, chor nhuôv tuôx lok six ntâu. Nhiv no thâuv tưs xar cxax yuôx, thor yuôx cux hu têx tuz lênhv xưz.  Chor cưk yuôx tuz lênhv pênhz phax paz chuôz zis lok six ntâu cơưk”.

Tix lâus Lỳ Sì Pò, pos Lỳ Lé Pư tus tuz heik pâuz: Lênhx txir zos tuz lênhv tâu tas siv nênhx viv tir ntâuk trol châuz, tsưx phưv têz qơưk nhoz faz Bắc shông 1979. 03 shông jê lok no, niêv Pư trâul moz njưk hnhar, niêv tsuôk muôx iz tus nhuôv xưz, taz sik tix lâus cux tsi yuô nhoz tsêr, viv li hâux lưv tsoz phưz, kho moz gênhk trâu niêv puôr lênhx zos chor canr bôv, chiến sĩ Zênhx Pênhz phax Leng Su Sìn, lar heik zos Thiếu tá Diện. “Tix lâus Diện shông tưs cux tuôx, chuôz zis hu txos thâuv tưs tix lâus tuôx thâuv ntơư chiê kho moz trâu pos, pheiz yuôx thiêz tsoz phưz đas jos trâu pos”.

Cê tsoz phưz đas jos trâu canr bôv, chiến sĩ hâur Zênhx, cê tsoz phưz đas jos trâu tsôngv pêx xênhv, viv li chor cưk yuôx tuz lênhv têx hâux lưv cux lok six ntâu. Txơưv li ntơư, taz sik têx lênhx cưk yuôx tuz lênhv nhoz Bôv đôiv pênhz phax tỉnh Điện Biên thâuv tưs cux sir jos lês uô jông têx luôs hâux lưv zok muôz.

Zơưv Yuôk Vưx Xênhv Hơưx, nhoz jok Pá Chả, xã Mường Pồn, huyện Điện Biên heik pâuz: Nhoz thax tsav ntus đriv, tsôngv pêx xênhv luz nênhx tsênhv yuôr ntâu txov nhêv, viv li chor canr bôv cưk yuôx tuz lênhv lơưr tuôx txos ciês ntơưv qơư chiê seiz njuôk shuôs, kho moz thiêz pheiz yuôx tsi zuôr nhiêx trâu tsôngv lax pêx xênhv, no zos iz kro lok six jông. Têx hâux lưv uô co tsi tiêk paz cxuô ziv chuôz zis txo grêk tsơưs têx phiv liv lok nhiêx txiêx, tso siêz huôv tsar uô nox uô hnar, tsênhv uô têx tuz lênhv thiêz tsôngv pêx xênhv ziv hnuz ziv muôx cêr thôngx siêz jông. “Zênhx pênhz phax thâuv tưs tưz moz siêz txos tsôngv box li đas jos, seiz njuôk shuôs kho moz trâu sơưr đơưk lok six jông, pêz tsôngv lax pêx xênhv lênhx tưs cux jông siêz thiêz shir phaz, uô tsâus ntâu hênhr txos chor cưk yuôx tuz lênhv pênhz phax”.

Tuz lênhv li qơư seiz njuôk shuôs, kho moz gênhk D40 nhoz Mường Nhé (hâur Bộ Chỉ huy Quân sự tỉnh Điện Biên) muôx 10 tơưv lênhx canr bôv, cưk yuôx, bác sĩ, 10 luz txax trâu nênhs moz tuôx nhoz pư chơưv kho moz gênhk (taz tsênhz tiês mak muôx txos 40 luz txax) thiêz ntâu zav chuôz zênhx jông phưx vưv seiz njuôk shuôs, kho moz. Ciês shông 2023, taz viv tưz seiz njuôk shuôs, kho moz trâu zuôr xar 400 lênhx canr bôv, chiến sĩ. Đros co, chor cưk yuôx, bác sĩ cux muk yênhx jêx jok seiz njuôk shuôs, kho moz, piêr kriê đas jos thiêz pheiz yuôx tsi zuôr nhiêx trâu xar muôx 300 lênhx pêx xênhv. Thax tsav ntus đriv phiv liv muk lol, muôx ntâu jok nhoz đêz, taz sik chor cưk yuôx tuz lênhv cux sir jos muk txos yênhx ziv chuôz zis tsoz phưz đas jos trâu tsôngv box.Thượng úy Nguyễn Văn Hùng, Tsar ban Quân y, Phongx Hậu cần, Bộ chỉ huy Quân sự tỉnh Điện Biên heik: “Têx canr bôv cưk yuôx, bác sĩ hâur tuz lênhv qơư seiz njuôk shuôs, kho moz gênhk thâuv tưs tưz sir jos uô tiêr tâu jông têx luôs hâux lưv zok muôz, tsoz phưz đas jos, seiz njuôk shuôs moz trâu canr bôv, chiến sĩ, tsôngv lax pêx xênhv. Niêx shông pêz tsưr tsix têx jiês seiz njuôk shuôs kho moz, pheiz yuôx tsi zuôr nhiêx trâu tsôngv pêx xênhv thax tsav tox siêz đêz đrôngs, đhâu ntơư chiê pêx xênhv-tuz lênhv muôx cêr thôngx siêz truôx jông đuô”.

Txơưv njiz trâul ntâu phiv liv, taz sik têx lênhx cưk yuôx tuz lênhv nhoz thax tsav faz Bắc cux niêx hnuz hmo sir jos lês uô jông luôs hâux lưv tsoz phưz đas jos trâu tsôngv pêx xênhv chiê tsiv nhos li zơưv Hloz Hôx luk hêik kriê “cưk yuôx siêz jông li lênhx niêv”./.

Vũ Lợi-Riê Lâux cxeik, nhênhv