Sơn La taz por yêz thâux xa kruô muk lol hâur têx hnuz so ntênhs

Hâur têx hnuz so ntênhs shông no, tâu so ntêr 5 hnuz siz lơưr liês, ndax trâu ntu krêz uô ju lix, viv li tsôngv cưr tix nênhx tsa sơưr đơưk thiêz têx lênhx kruô ndis shuôs têz qơưk uô si zuôr muk lol ntâu; trơưk li njuôk xav, chor kruô zuôr tsar ndê txix 25-30% pir li têx ntu uô ntêx hâur shông.

Zơưv Phan Đình Cương, Phưv Giám đốc công ty yêz kruô Sơn La heik pâuz, hâur ntu no, taz viv muôx 150 luz yêz puôr lênhx tâu huiz tôngv chiê phưx vưv thâux xa kruô muk lok cov tâu zos đrêiv luôs hâux lưv tso tơưv. Iz chas ntơư, công ty cux bax iz cxiê luz yêz tsês, thâuv muôx ntâu kruô hênhr thiêx txâuk phưx vưv thâux xa kruô muk lok, txar jav tsi chiê thâux ntâu nênhs tsi trơưk cui tinhv, uô tsi truôx tuk zoz thôngz: “Zos tsi bax cxaz nzir yêz thâux xa kruô, phưx vưv sơưr đơưk zoz qơưx muk lol hâur ntu no, zuôr muôx ntâu kruô tsuv nhoz Hà Nội 2, 3 hnuz tok, li muôx yêz lok Sơn La. Chênhr viv li, pêz Công ty yêz kruô Sơn La tưz hux jos đros sở zoz thôngz Sơn La thiêz thiêz Sở zoz thôngz Hà Nội bax cxaz nzir yêz phưx vưv tsôngv kruô muk lol. Iz chas têx yêz tso thâux xa kruô muk lok, pêz Công ty cux tso nzir iz cxiê luz yêz muk lok chiê txâuk yêz thâux xa kruô hâur ntu no”.

Luôs hâux lưv yax kriê, gra siêz chor nênhs tsar yêz, phưv tsar yêz thiêz nênhs uô hâux lưv phưx vưv tsôngv kruô li tsưr ziv, txơưx jênhv uô nuv cux tsênhv tâu ngênhx zoz thôngz tỉnh Sơn La sir jos fuô uô, zov chênhr zos: Tsi hâuk chơưr bia uô ntêx thâuv zuôr tsar yêz, tsi thâux ntâu lênhx nênhs hênhr, tsi sâu gri yêz siêz đuô pir li cxiê hnuz, uô jông hâux lưv phưx vưv kruô, paz max, muôz jông six hơưv trâu têx lênhx kruô zos nênhs trâul sêv khiz luz chêr, nênhs lâul hnuz nhôngs siêz, nênhs muôx luz nênhx txov nhêv, chuôz zis muôx côngz têz qơưk thâuv cheix yêz muk lol….

Iz chas ntơư, ngênhx cux sir jos heik chor nênhs sêiz car cxuô qơư tsav yêz qênhz shuôs jông chor kruô muk lol hâur qơư tsav yêz; six hơưv đăng kiểm yêz, chor yêz thâux xa kruô li têx meir cxeik đuôz, chuôz zênhx seiz kaz yêz muk lol uô ntêx thâuv yêz zuôr sơưr cêr thâux xa kruô….. Zơưv Nguyễn Văn chính, Phưv Giám đốc Sở Zoz thôngz tỉnh Sơn La heik pâuz: “Chiê taz por phưx vưv tsôngv kruô muk lol tâu zôngx ziv hâur têx hnuz  so ntênhs, Sở Zoz thôngz sir jos uô luôs hâux lưv qênhz shuôs têx qơư muôx yêz thâux xa kruô muk lol, lar heik zos qênhz yuôx đhâu chor yêz kruô co têx chuôz zênhx seiz kaz; sir jos xưv bluô têx lênhx nênhs tsar yêz thâux ntâu lênhx nênhs tsi trơưk cui tinhv, lok sik tsar ndê gri yêz tsi trơưk chei….chiê pêx xênhv muk lol zôngx ziv, truôx tuk hâur têx hnuz so ntênhs zuôr txos”.

Trơưk li sâu jênhv ntơưv qơư tsav yêz kruô tỉnh Sơn La hâur têx hnuz no, chor yêz thâux xa kruô muk lol hâur tỉnh thiêz trâu luôs 2 chas tỉnh puôr lênhx uô jông lơưr ngênhx têx cui tinhv, viv li tsi muôx qênhx shênhx siz chêix txênhz yêz muk lok. Niêv lâul Vũ Như Thủy, lênhx kruô cheix yêz txix Sơn La muk Hà Nội heik: “Nhiv no cheix yêz kruô cux tsi thôngx li thâuv ntêx, lơưr phưx vưv kruô lok six jông, tok xa kruô txos ntuô qơư, txâuk qơư jâuv, qơư pư, tsi siz txênhz, tsi siz truz kruô li uz li no”.

Muôx txâuk lênhx nênhs, yêz phưx vưv thâux xa kruô thiêz taz por têx tsưr ziv dưv phax, ngênhx zoz thôngz Sơn La tsênhv uô jông hâux lưv phưx vưv thâux xa kruô muk lol zôngx ziv hâur têx hnuz so ntênhs./.

Trấn Long-Riê Lâux cxeik, nhênhv

Puôk zos tsưr jôngr tsuv muôx txơưx jênhv hêik pâuz sêi ciês thâuv pov muôx cuz tox cuz jôngr trâu Hạt Kiểm lâm pâuz lok tsik zos?

Grê 9 Bôv Kôngz nuv thiêz Huôv tsar jêx jok tox siêz li Thông tư sôr 25/2019/TT-BNNPTNT hnuz 27 hli 12 shông 2019 cui tênhv lok phax cuz thiêz tuô cuz jôngr cui tênhv li đrav kaz:

1. Pov nzor cuz tox cuz jôngr

a) Cục Kiểm lâm uô jông tsik so qơư nriêr pâuz đhâu vệ tinh chiê pov tâu nzor muôx cuz tox cuz jôngr thiêz têx xor mông txơưr đuô; nriêr pâuz xor mông qơư muôx cuz tox cuz jôngr zos qơư nriêr pâuz đhâu vệ tinh pov sâuv Website, Cục Kiển lâm li cổng thôngz mông điện tử.

b) Chi cục Kiểm lâm thax tsav sêiz shuôk qơư muôx cuz jôngr nzor, hêik trâu Chi cục Kiểm lâm têx tỉnh hâur thax tsav tâu phêiz côngz pâuz chiê qênhz yuôx, xav jênhv, sêiz kaz qênhx shênhx xưv lik, hêik trâu Cục Kiểm lâm pâuz lok hâux lưv qênhz yuôx, xav jênhv.

c) Chi cục Kiểm lâm tỉnh sêiz shuôk têx qơư muôx cuz jôngr nzor pov tâu đhâu vệ tinh, đros trâu nriêr pâuz cuz jôngr nzor ntơưv têx qơư sêiz jor chiê pov tâu nzor chor qơư muôx cuz tox cuz jôngr; chox kriê Hạt Kiểm lâm, chor tsưr jôngr qênhz yuôx, xav jênhv thiêz tsưr tsix tuô hluôr tơưl.

d) Tsưr jôngr tsưr tsix qênhz yuôx; sir zôngv khoa học, công nghệ thiêz sir zôngv têx chuôz zênhx chiê sêiz kaz, pov tâu nzor muôx cuz tox cuz jôngr; hêik pâuz xor mông thâuv pov muôx cuz tox cuz jôngr thiêz tsưr tsix tuôx hluôr tơưl chis cuz har jôngr cov sêi; tsưr tsix sêiz jor, qênhz yuôx têx nênhs muk lok trâu hâur har jôngr.

đ) Chor cơ quan Kiểm lâm, tsưr jôngr, chinhr quyền cxuô cấp tsuv muôx sôr tênhv, thôngz đhâu chor mạng xar hôiv chiê txêik têx xor mông tâu pêx xênhv hêik pâuz muôx cuz tox cuz jôngr.

2. Txơưx jênhv hêik pâuz thâuv muôx cuz tox cuz jôngr

a) Tsưr jôngr, Kiểm lâm thax tsav muôx txơưx jênhv hêik pâuz sêi ciês thâuv pov muôx cuz tox cuz jôngr txos trâu Hạt Kiểm Lâm pâuz; Hạt Kiểm lâm hêik pâuz sêi txos trâu Chi cục Kiểm lâm cấp tỉnh; Chi cục Kiểm lâm cấp tỉnh nriêr pâuz xor mông, hêik trâu Cục Kiểm lâm pâuz.

b) Tsênhv njiêz hêik pâuz zos: six hơưv, qơư muôx yưv cuz tox cuz jôngr; zav jôngr, ntông trâus cuz; qênhx shênhx hluôr tơưl chis cuz jôngr; nriêr pâuz têx qênhx shênhx phiv liv; côngz xưv tsưr tsix tuô hluôr tơưl cuz jôngr.

c) Hêik pâuz sêi tâu uô txix têx tsưr ziv: đhâu ntâuz ntơưr, đhâu điện thoại, tin nhắn, ntơưr điện tử, đhâu lưx lươngv kiểm lâm li phần mềm hêik pâuz sêi lok sik txix têx chuôz zênhx xa mông txơưr đuô cov sêiz tiv zix.

Li co, khov lơưr cui tênhv hêik tas sâur, tsưr jôngr, kiểm lâm thax tsav muôx txơưx jênhv hêik pâuz sêi thâuv pov muôx yưv cuz tox cuz jôngr txos trâu Hạt Kiểm lâm pâuz; Hạt Kiểm lâm nriêr pâuz xor mông, hêik trâu Chi cục Kiểm lâm cấp tỉnh pâuz; Chi cục Kiểm lâm cấp tỉnh hêik txos trâu Cục Kiểm lâm pâuz cov sêi./.

Tuyết Lan-Lik Thox cxêik nhênhv