Xiv huv OCOP thiêz cêr chiê siêz lok “têx hlôngr yiêz” trâu tox siêz Sơn La

Têx qơư jông đros trâu txux chi vênhx huôv thâuv nzor, jông siêz, nhiêv kruô....uô qơư txeik tok kruô tuôx nhoz so uô si A Tsu ntơưv jok Hua Tạt, xã Vân Hồ, huyện Vân Hồ, tỉnh Sơn La yênhx qơư jông trâu tsôngv kruô sơưr đơưk hâur thiêz đrâuv luôs 2 chas têz qơưk tuôx nhoz so ndis shuôs têz qơưk uô si. Shông 2022, qơư no tưz txeik tok zuôr xar 10 cxênhz lênhx kruô tuôx ndis seiz têz qơưk uô si, hâur ntơư muôx 20% zos kruô ntiêx têz. Shông no, A Tsu qơư txeik tok kruô co tưz đas cir chiê cxiv tsa yênhx tỉnh Sơn La li qơư jông txeik tok chôngz kruô tuôx nhoz so ndis seiz têz qơưk uô si đros ntâu cêr chiê siêz. Tsu Xênhv Tsaz, tsưr qơư txeik tok kruô tuôx nhoz so uô si heik:

“Xar njôngr tâu cxaz chuôz trâu tsaz yênhx OCOP chiê piêr kriê tâu têx txux chi vênhx huôv, huôv tsar uô ju lix iz zav li: Uô mor cuôv, ntok ntâuz uô xor, xơưs tsôngk yo tiêz.... Đhâu ntơư, tsôngv kruô pâuz tâu txos têx li heik sâuv zos qir cxiv uô txix têx txux chi cêr nênhx vênhx huôv ntơưv Hua Tạt, iz chas co chiê paz tâu ntâu tus chôngz lênhx nênhs Hmôngz muôx qơư txeik tok kruô tuôx nhoz so ndis shuôs ntux uô si hâur jok muôx phênhv sâu tâu ntâu đuô thiêz tsưr ziv uô nox tsi thôngx li luôs lưv tus”.

Zos iz hâur têx xiv huv chênhr tâu tỉnh Sơn La moz siêz, cxiv tsa uô xiv huv OCOP cấp têz qơưk, Công ty yuôx zêx thiêz têx zav kaz Tây Bắc, huyện Bắc Yên li chor yuôx zêx tsênhv jux juk khav tinhv tsơưr lươngv, suôz bê.

Pos Nguyễn Thị Thắm, Giám đốc công ty yuôx zêx heik sâuv vav chiê siêz, tsaz yênhx OCOP zuôr zos six hơưv jông chiê têx yuôx zêx san tuyết yênhx puôk shông nhoz tox siêz Tà Xùa tâu ntâu tus chôngz lênhx hâur têz qơưk thiêz sâuv ntiêx têz pâuz txos:

“Chor yuôx zêx co zos têx yuôx zêx tsiv uô tsi zôngv meir ciz, kra hlo, muôz jiêz yar nưk kruôr nưk xưz. Chênhr viv li, muôx iz tsok tsư ha, hâuk kaz hur siêz đuô. Pêz vav chiê siêz, ntâu tus chôngz lênhx nênhs Vịêt, tsôngv fôngx zưs sâuv ntiêx têz zuôr pâuz txos zav yuôx zêx kaz co, zav yuôx zêx no zôngx ziv zôngv, txơưv lâul hluôk lol cux hâuk tâu, hâuk tas lok tsi gênhk”.

Uô lơưr tsaz yênhx OCOP ntu 2018-2020 li têx hâux lưv uô tâu jông, ntu 2021-2025 tưz cxiv kho, cxaz nzir iz cxiê tsênhv njiêz huv đros trâu tsênhv tsênhz thiêz tsưr ziv huôv tsar hâur ntu yiêz.

Iz hâur têx yiêz zos ntâuk grê, phênhz xiv huv tâu uô txix ciês cấp xã, hlôngr viv txix cấp huyện li thâuv ntêx. Iz chas ntơư, Uỷ ban cấp huyện zuôr côngk nhav têx xiv huv OCOP jông ntơư, tsi zos cấp tỉnh li thâuv ntêx. Luôs hâux lưv uô co tâu cxuô thax tsav qơư jông siêz, thôngx ziv, khov têx zôngx ziv thiêz bax xeir tsov xiv huv jông, paz cxênhx txuôs tâu six hơưv, hnuz nhôngs thiêz nhiêx txiêx trâu lênhx nênhs uô.

Pos Hoàng Thị Thu Hiền, Phưv Chánh Văn phongx (điều phối) jêx jok yiêz tỉnh Sơn La heik:

“Hâur shông 2023, iz huyện, TP tsuv côngk nhav tâu tsơưs tsơưs txix 5 xiv huv OCOP tror zar sâuv, li ntơư hâux lưv lok six ntâu. Pêz cux njuôk xav, sir jos cov muôx txix 70-80 xiv huv tâu côngk nhav zos xiv huv hur jông hâur shông no”.

Shông no zos shông xuz thơưx tỉnh Sơn La sâu tsês ntơưr côngk nhav 7 xiv huv OCOP uô tsi tâu trơưk tsưr ziv tso tơưv. Co zos hâux lưv zuôr trâul txos, huv đros ntơưv qơư tsưr ziv huôv tsar uô têx xiv huv OCOP, tsi lav tâuk lav uô tsi trơưk cui tinhv.....

Sơn La cux tso tơưv tsưr ziv, têx xiv huv tâu xeir tsov, tâu njuôk xav uô yênhx xiv huv OCOP zuôr uô tâu jông đuô, tsar ndê gri; tâu trơưk li tsaz yênhx OCOP cui tinhv, paz cxiz huôv tsar kinh tế tox siêz, hlôngr yiêz tsưr ziv siêz xar huôv tsar uô nox, gra siêz phênhv sâu tâu thiêz cxơưz tsôngv box luz nênhx vav mênhx, tsâu sor đuô thiêz tsênhv tsênhz zos kror hlôngr yiêz trâu tox siêz Sơn La./.

Lê Hạnh-Riê Lâux cxeik, nhênhv

PHÊNHV NRIÊR PÂUZ CÊR CHÊI TÊZ QƠƯK

Tsôngv fôngx zưs sơưr đơưk hmor yuô! Hnuz no pêz xa trâu sơưr đrơưk mnôngs iz cxiê grê hâur Chêi siz zuôr thiêz chuôz zis hêik txos têx ntâuz ntơưr siz đrâux.

Grê 51. Vax huôv hêik cov đơưk tu siz đrâux

1. Niêv, txir lok sik tas nro oz lênhx puôr lênhx muôx vax huôv hêik cov Tòa anr đơưk tu siz đrâux.

2. Niêv, txir, nênhs cxênhz jê txơưr muôx vax huôv hêik cov Tòa anr đơưk tu siz đrâux thâuv iz tos zos tuk pox niêv lok sik tuk txir trâus moz vưv lok sik moz têx zav moz txơưr phênhz tsik mênhx lok zos tsik mênhx pêv, uô tsưr tsik tâu zuk tuk khênhx, thôngx cxix zos nênhs trâus ntâuk tsiv hâur chuôz zis uô phiv liv txos lênhx nênhs co đas jos thiêz txox siê.

3. Tuk txir tsik muôx vax huôv hêik cov siz đrâux thâuv tuk pox niêv tsênhv xênhz nhuôs hâur chêr, xênhz zus mê nhuôv lok sik tu zus mê nhuôv tsik tâu muôx 12 hli hnuz nhôngs.

Grê 52. Cxơưz cxiz đơưk tu ntơưv qơư nhoz

Têz qơưk thiêz xar hôiv cxơưz cxiz đơưk tu siz đrâux ntơưv qơư nhoz thâuv oz niêv txir xar siz đrâux. Hâux lưv đơưk tu siz đrâux tâu uô lơưr cêr chêi têz qơưk lok sik sêiz lax, đơưk tu siz đrâux ntơưv qơư nhoz li têx cui tênhv.

Grê 53. Txêik jênhv têx ntâuz ntơưr hêik siz đrâux

1. Tòa anr txêik jênhv têx ntâuz ntơưr hêik siz đrâux lơưr cêr chêi têz qơưk lok tố tụng dân sự li têx cui tênhv.

2. Zos tiêk tsik đăngk cir siz zuôr taz sik xar siz đrâux mak Tòa anr đơưk tu thiêz hêik pâuz tsik côngz jênhv zos niêv txir lơưr Chêi no li cui tênhv ntơưv ntu 1 Grê 14; zos xar tâu phêiz têx mê nhuôv thiêz vax tsêr cxuô zav mak đơưk tu lơưr Chêi no li cui tênhv ntơưv Grê 15 thiêz Grê 16./.

Tuyết Lan-Lik Thox cxêik nhênhv