Tsênhv chêi Mênhx cxưx thiêz pox niêv txir nênhx vax huôv siz luôs: Sir jos uô txix têx tsưr ziv txos tsênhv tsênhz

Lơưr Phưv Giáo sư, Tiến sĩ Lê Ngọc Thắng, kuz Viện trưởng Viện Dân tộc học Việt Nam, Cuêz tênhv 1719 tso tơưv Têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz zos iz tsênhv chêi jông. Tưz paz tso tsês tâu 181 têx tsênhv chêi zâu, chiê hlôngr trâu iz đề anr cov cxix cxuô đuô. Hâur co, hâux lưv uô têx tsênhv chêi cux muôx ntâu kror txơưr đuô:

“Jiês xuz thơưx hâur lịch sử, pêz chor tsênhv chêi mênhx cxưx muôx iz dưv anr paz trâu pox niêv thiêz nhuôv zâu-co chênhr zos Dưv anr 8”.

PGS.TS Lê Ngọc Thắng hêik mênhx, đros chor pênhr nhiêx xuz thơưx chiê uô tsaz yênhx ndê txos muôx 137 cxênhz tiv đêiv ntâu, no zos iz kror pênhr yưv uô lok six ntâu pir li thâuv ntêx, hêik txos Đảng, Têz qơưk li têx sir jos Chinhr triv. Dưv anr 8, zos Hôiv Liên hiệp Pox niêv Việt Nam sêiz car, tưz muôx tâu iz kror pênhr jos chir kriz uô cov ziv hnuz ziv uô tâu truôx jông đuô lok pox niêv txir nênhx muôx vax huôv siz luôs thiêz đơưk kho têx vênhv thix cik txos pêx niêv thiêz nhuôv zâu.

Chiê phuôx huiz têx uô tâu thiêz uô tâu jông đuô hâur ntu 2 (2026-2030), PGS.TS Lê Ngọc Thắng hêik txos 4 kror phiv liv tsuv tâu đơưk kho uô cov jông.

Kror xuz thơưx, lơưr zơưv Lê Ngọc Thắng hêik:

“Cur xar tiêk, vênhv thix pox niêv txir nênhx muôx vax huôv siz luôs zos tas nro xar hôiv kror hâux lưv… Ziv tsơưs uô đros têx tsưr ziv, luôs hâux lưv txơưr mak ziv tâu sêiz muôx tsiv gri đuô, viv pox niêv txir nênhx muôx vax huôv siz luôs zos kror hâux lưv tsuv tâu yưv pênhr chiê paz uô, tsik zos paz cov muôx xưz”.

Kror tiv oz zos sưv đros trâu hlôngr yiêz hành chính. Iz kror thiêz zos lok tổng kết khoa học. Thiêz kror phiv liv tiv plâuz mak zơưv Lê Ngọc Thắng hêik tiêk, co zos txuôk đros trâu têx vênhv thix xar hôiv tsuv muôx. Pox niêv txir nênhx vax huôv siz luôs tsuv tâu uô jông đros têx kror li siz zuôr nzor, siz zuôr cxênhz jê, siz đrâux thâuv pox niêv muk uô nox đêz, zuôv uô đaz uô tuôs lok sik nziêk đas muôs lênhx nênhs. Dưv anr 8 tsuv xav jênhv thiêz đơưk kho têx vênhv thix no cov cxix cxuô, sêiz co zos iz phênhv hâur qênhx shênhx choz vax huôv trâu chor pox niêv.

Txix têx hêik pâuz co, PGS.TS Lê Ngọc Thắng hêik ntu zuôr txos tsuv tror sir jos uô cov cxuô nro taz sik tsuv muôx tsênhv njiêz. Tsuv tror uô jông lơưr têx tsưr ziv chênhr: paz cov jênhv pâuz ntâu đuô, por vêv zênhx liv huv chêi, txoz cxơưx luz nênhx cxuô zav, tiv zix zos sir jos muôz nzir vax huôv trâu chor pox niêv:

“Tsênhv chêi mênhx cxưx zos uô sik côngv ntâu nganhx, ntâu kror hâux lưv, cik txos lênhx nênhs-tưz tsik zos 53 mênhx cxưx tsơưs nênhs xưz mak tas nro côngv thôngx nênhs tsoz tsiz. Co zos têx hâux lưv lok y têr, vênhx huôv, zoz zux, txo grêk yêiz pluôs. Viv li, chor dưv anr hâur têz qơưk tsaz yênhx tsuv tâu sêiz shuôk kriz uô cov cxuô nro. Lok tsưr ziv kriz uô, cur thôngx ziv đros sir jos uô jông têx hâux lưv, huv lênhx nênhs thiêz thax tsav tưz tâu xav jênhv hâur tsaz yênhx, tiv zix zos paz trâu chor thax tsav txov nhêv tiv zix”.

Têx luôs hâux lưv uô tsênhv yuôr ntêr thiêz tsuv sir jos, muôx tsưr ziv uô jông. Dưv anr 8 tưz tsik zos iz tsaz yênhx huôx tôngv mak tsênhv zos Đảng thiêz Têz qơưk li têx sir jos chinhr triv lox. Đros Hôiv Liên hiệp Pox niêv Việt Nam li uô ntêx hlo, kror tsêx trung trâu têx hâux lưv tsênhv tsênhz, đơưk kho têx vênhv thix tsuv muôx thiêz jux juk uô cov pox niêv txir nênhx muôx vax huôv siz luôs zos iz hâur têx hâux lưv yưv pênhr ciês zuôr zos kror paz muôx tâu têx hlôngr yiez truôx đrênhk, paz muôx tâu xar hôiv vax huôv siz luôs, qơư pox niêv thiêz nhuôv zâu nhoz tox siêz tưz tsik tiêk zos chor nênhs tsuv tâu paz, mak tsênhv zos chor nênhs paz trâu huôv tsar ntơưv zuk thax tsav qơư nhoz./.

Bảo Thái VOV2-Lik Thox cxêik nhênhv