Sei đrơưv kho đuô têx ntux nas uô puôk tsuôx, chiê  tok shux xênhz trâu shông cơưv yiêz

Tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xar Hồ Bốn, huyện Mù Cang Chải zos iz hâur chor tsêr cơưv trâus ruôr hiêv ntâu hâur jiês ntux nas đêx ngaz cuôr nhiv kruôr đhâu. Ciês đhâu trâus đêx ngaz cuôr ruôr hiêv, chor xưk kriê ntơưr đros yênhx puô cản bôv chiến sĩ Trung đoàn 174, sư đoàn 316, Quân khu 2 thiêz chor lưx lươngv Công an, hluôk nênhs, dân quân tự vệ… tưz sir jos khưx phưx têx trâus hiêv ntơưv luz tsêr cơưv no. Cưk kriê ntơưr Nguyễn Xuân trường, Hiệu trưởng tsêr cơưv puz pâuz: “Tsêr cơưv tưz hêik côngv thôngx, chor đoanx thêv, tsưr tsix sik côngv têk đros paz tsêr cơưv thoz hok, uô vêv xênhz; kho đuô chor trôngx tos thiêz têx chuôz zênhx tsênhv sir zôngv tâu. Tiv oz thiêz zos hêik sơưr đơưk sik côngv têk paz trâu tsêr cơưv cov muôx txâuk cxuô zav chiê kriê ntơưr trâu chor shux xênhz, cov chor nhuôs tso siêz cơưv ntơưr”.

Đrâuv tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xar Hồ Bốn, hâur jiês ntux nas đêx ngaz cuôr nhiv kruôr đhâu, Tsêr cơưv cxênhx iz Xéo Dì Hồ, xar Lao Chải, huyện Mù Cang Chải, cux  trâus ruôr hiêv ntâu.

Zơưv Nguyễn Anh Thủy, Trưởng phòng Zoz zux huyện Mù Cang Chải puz pâuz, nganhx tưz huiz tôngv canr bôv, cưk kriê ntơưr txix ntâu taz viv tsêr cơưv sâuv thax tsav paz trâu chor tsêr cơưv trâus ruôr hiêv. Lơưr co, xav iz hnuz muôx txix 70 txos 120 lênhx cưk kriê ntơưr sir jos đros paz. Đros co, chor cưk kriê ntơưr sâuv thax tsav cux sik côngv paz ntâu kror trâu chor cưk kriê ntơưr muôx vax tsêr trâus ruôr hiêv tiv ntux nas đêx ngaz cuôr, paz trâu chor cưk kriê ntơưr co nzor hla đhâu têx phiv liv chiê tso siêz kriê ntơưr hâur shông cơưv yiêz: “Pêz qêz suôz tas nro têx qar cơưv ntơưr, qơư nhoz, suôr têx trôngx tos, chuôz zênhx trâus ruôr hiêv, hêik trâu thênhv siêz pâuz thiêz paz. Đros muôx chinhr quyền thiêz nganhx zoz zux paz mak chor shux xênhz zuôr tuôx cơưv ntơưr tâu trơưk li tsưr ziv tưz tso tơưv”.

Khov muôx tỉnh, huyện sir jos chox kriê, chiê nênhs tuôx paz, txos six hơưv no, chor tsêr cơưv ntơưr trâus ruôr hiêv sâuv thax tsav huyện Mù Cang Chải tưz uô tiêr hâux lưv khưx phưx. Nganhx zoz zux huyện tưz chox kriê chor tsêr cơưv ntơưr sir jos kriz uô côngz xưv bax trâu shông cơưv yiêz lơưr tsưr ziv muôx txâuk cxuô kror  trâu côngz xưv kriê thiêz cơưv ntơưr.

Xor mông txix Sở Zoz zux tỉnh Yên Bái puz pâuz, tưz muôx taz viv paz tas nro têx ntơưr cơưv trâu Tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xar Hồ Bốn chiê chor shux xênhz nhoz ntơưv no muôx txâuk ntơưr cơưv chiê cơưv ntơưr.

Chox kriê ciês côngz xưv khưx phưx têx trâu ruôr hiêv ntơưv huyện tox siêz Mù Cang Chải, Bí thư Tỉnh ủy Yên Bái-Đỗ Đức Duy ntâuk gri siêz cxuô cấp, cxuô nganhx li têx sik côngv, sir jos paz trâu chor tsêr cơưv ntơưr khưx phưx têx trâus ruôr hiêv. Bí thư Tỉnh ủy Yên Bái cux hêik Nganhx Zoz zux huiz tôngv pênhr jos paz cov muôx txâuk têx chuôz zênhx kriê thiêz cơưv ntơưr, uô jâuz mor nox thiêz chuôz zênhx cơưv ntơưr trâu chor shux xênhz niêv txir zus mor; chox kriê chor nganhx muôx vax huôv kho cov sêiz vax tsêr cxuô zav, cxaz nzir iz cxiê kror tsuv muôx trâu chor tsêr cơưv ntơưr ntơưv Mù Cang Chải…:“Kriz uô ciês hâux lưv qênhz yuôx, hêik chor shux xênhz tuôx tsêr cơưv cov huv zos lơưr tsưr ziv kriz cơưv shông cơưv yiêz; hêik chor nhuôs tuôx mak tsuv muôx txâuk cxuô kror hok muôx tsik tâu txâuk mak tsik tâu hêik chor nhuôs tuôx cơưv ntơưr”./.

Đinh Tuấn-Lik Thox cxêik nhênhv