Cưk kriê ntơưr thax tsav tox siêz Mù Sang li tsiêz

Cưk kriê Vân Anh nhoz huyện Phong Thổ, tỉnh Lai Châu, 13 shông uô đreiv luôs hâux lưv kriê txux chi mak muôx 8 shông  tsuv uô hâux lưv hâur jok ntơưv thax tsav tox siêz Mù Sang. Cưk kriê Vân Anh tus txir cux zos cưk kriê ntơưr uô hâux lưv nhoz uô cê hâur iz tsêr cơưv, vax tsêr nhoz Điện Biên thiêz 2 tus nhuôv tsênhv zâu tsuv đros pos zơưs nhoz txix thâuv mê lok. Muk uô hâux lưv, ndêiv đêz mê tuz mê nhuôv lơưv yênhx shông, taz sik iz shông cưk kriê Vân Anh 2 niêv txir tsuôk tâu muk tsêr thâuv txos tsiêz thiêz luz cheix têx nhuôv shux xênhz so ntơưr xưz. Tsiêz no, viv hâux lưv, hur si gơưk 2 niêv txir tsuv siz hlôngr njo, iz tus muk iz tus nhoz. Cưk kriê Trần Thị Vân Anh heik: “Têx hnuz xuz thơưx nhiv kruôr tuôx, đêz vax tsêr, đêz mê nhuôv mak tưz pư tsi tsâus jos hlo, viv ndo têx mê nhuôv thiêz nhuôv tsênhv zâu. Cux lok six hluz chor nhuôv cơưk, taz sik viv zuk hâux lưv uô nhoz pêv no, zos chox chor nhuôv tuôx lok cux lok six phiv liv. Thâuv tuôx nhoz no đhâu 3 luz hlik, cur tror muk txos tsêr, mê nhuôv tưz tsi pâuz zuk lơưv, thâuv co têx nhuôs tsuôk zuôr thiêz ndơưs pos zơưs xưz, chuôs li pos thiêx zos mê nhuôv niêv. Thâuv chor nhuôv lơưr hloz lox tuôx, muôx têx cux zuôr pâuz, sik pheiz kênh têx phiv liv co, thâuv hur si niêv thiêz txir puôr lênhx uô hâux lưv  hâur ngênhx zoz zux nhoz tox siêz đêz đrôngs, muôx ntâu têx cêr txov”.

Cux iz zav li cưk kriê Vân Anh, cưk kriê ntơưr Lê Ngọc Thắng, vax tsêr nhoz huyện Tân Sơn, tỉnh Phú Thọ cux tưz muôx 10 ntâu shông nhoz đreiv uô luôs hâux lưv kriê txux chi ntơưv têx tsêr cơưv tox siêz ntus đriv Phong Thổ thiêz cux zos iz lênhx muôx bâuv li co shông nhoz đêz vax tsêr. Tsiêz no zos tsiêz tiv 3, cưk kriê Thắng nhoz hâur tsêr cơưv nox tsiêz thiêz tâu choz hâux lưv seiz car, vênhv tôngv têx nhuôs shux xênhz hâur jok Háng Sung tror tuôx tsêr cơưv, cơưv ntơưr đhâu nox tsiêz tas. Nox tsiêz nhoz tox siêz, muôx ntâu tsar zav cêr txov, ndo tsêr, thâuv hmo 30 tsiêz krêz ti vi seiz ziv uô trâu zuk ndo tsêr, ndo chor nênhs cxênhz jê đuô: “Têx lênhx cưk kriê ntơưr hâur tsêr cơưv muôx 20 lênhx canr bôv, cưk kriê, nhân viên, taz sik muôx 14 lênhx vax tsêr nhoz đêz. Chor cưk kriê ntơưr puôr lênhx nhoz uô cê hâur tsêr cơưv kriê txux chi, nhoz đros jok, tsôngv pêx xênhv. Hâur iz shông, khênhr muôx 2 jiês tâu so, co zos so cheix so sor thiêz tsiêz, ntơư zos six hơưv, hnuz nhôngs pêz tâu nhoz đros chuôz zis. Viv li pêz lok six chiê siêz, lar heik zos hâur six hơưv so tsiêz no, chiê siêz, tok njôngr hâur niêx hnuz chiê tâu muk vax muk tsêr chuôs njiz chuôz zis, têx mê nhuôv xưz”.

Lok têx hnuz tsiêz, Ban Giám hiệu tsêr cơưv cux tso iz cxiê lênhx cưk kriê ntơưr nhoz hâur tsêr cơưv jor tsiêz, đros tsôngv cưr tix nênhx tsa sơưr đơưk hâur jok nox tsiêz, muk shuôs, phôngv tsiêz têx nhuô shux xênhz li chuôz zis. Đhâu ntơư, uô trâu chuôz zis thiêz tsêr cơưv muôx cêr sik thôngx siêz truôx jông đuô. Têx li heik co tưz uô  hlôngr yiêz shux xênhz li niêv txir thiêz têx nhuôs shux xênhz tsưr ziv, siêz xar, uô trâu chor cưk kriê thiêz shux xênhz muôx cêr siz sưv jông thiêz cux uô têx nhuôv gruôs tuôx cơưv ntơưr jux juk hâur niêx shông đuô. Chẻo Tả Mẩy, shux xênhz lớp 8A2, nhoz jok Lùng Than, xã Mù Sang heik: “Cur lok six jông siêz, shir phaz thâuv tâu cơưv hâur luz tsêr cơưv no, tâu chor cưk kriê ntơưr tsoz phưz thiêz kriê txux chi, cêr uô nênhx jông trâu cur. Cur zuôr sir jos cơưv txux chi cov txơưx chiê tsiv nhos têx côngz đas jos chor cưk kriê sir jos, moz siêz kriê ntâuz ntơưr trâu cur. Shông yiêz cur phôngv chor cưk kriê muôx đas jos jông thiêz uô luz nênhx yar ntux đrik”.

Chor cưk kriê ntơưr tsêr cơưv Phưv thôngz mênhx cxưx niêv txir zus mor cxênhx 2 xã Mù Sang li têx tsưr ziv, côngz đas jos sir jos lês uô jông luôs hâux lưv zok muôz hâur six hơưv đhâu tưz uô tâu trơưk li tsưr ziv xar, thâuv học kỳ 1 nhiv kruôr đhâu, 260 ntâu lênhx shux xênhz hâur tsêr cơưv puôr lênhx cơưv tâu txux chi jông. Zos xưk li thâuv ntêx, shux xênhz khênhr so ntơưr đhâu nox tsiêz tas thiêz tsuôk tror tuôx cơưv thâuv kaz hli 1, mak nhiv no têx nhuôv shux xênhz gruôs thiêz moz siêz tuôx cơưv txux chi đhâu nox tsiêz tas thâuv tưs tưz taz por 95% ntâu. Têx lênhx cưk kriê li sir jos tưz paz gra siêz tsôngv pêx xênhv li tsưr ziv jênhv pâuz, tsơưr lươngv zoz zux hâur thax tsav. Zơưv Dì A Lùng, Phưv Chủ tịch Ủy ban xã Mù Sang, huyện Phong Thổ heik pâuz: “Mù Sang zos thax tsav tox siêz, lok six txov nhêv hâur huyện Phong Thổ, thax tsav no cê kruôr gis, cê txov nhêv. Têx tsênhz tiês nhiv no, six hơưv chor cưk kriê ntơưr nhoz trơưr ntơưv qơư mak Ban chox kriê phổ cập hâur xã cux lok six sir jos đros hu zâuv têx tuz nhuôs tuôx tsêr cơưv, cơưv ntơưr. Cux sik pheiz kênh têx phiv liv đros chor cưk kriê ntơưr, lơưr tưz moz siêz, tsês têx cêr hluz trâu chor nhuôv nhoz tox siêz đêz đrôngs, lar heik zos xã Mù Sang. Cux vav tiêk, txơưv phiv liv thiêz txov, taz sik chor cưk kriê ntơưr zuôr sir jos lês uô têx hâux lưv cov tâu trơưk li tsưr ziv, cux iz zav li tsơưr lươngv zoz zux đhâu tsiêz”.

Tok, nox tsiêz nhoz tox siêz đros tsôngv box sơưr đơưk đros thiêz muôx tsi txâuk cxuô tsar zav, taz sik chor cưk kriê ntơưr thax tsav ntus đriv li tsưr ziv zos viv têx tuz nhuôs shux xênhz, xar cov cxuô lênhx cxuô tus puôr lênhx tâu muk cơưv ntâuz ntơưr cxix cxuô./.

(Khắc Kiên-Riê Lâux cxeik, nhênhv)

Phênhv: Viv lênhx nênhs li vax huôv

Côngv siêz chiê paz uô tâu cxuô luôs hâux lưv

Nền nhạc Tây Nguyên

Txix thâuv piz kriz uô Tsaz yênhx Tsưr ziv têz qơưk cxiv tsa jêx jok yiêz, yênhx ziv chuôz zis hâur jok Kon Hnông Pêng, xar Đắk Hring, huyện Đắk Hà, tỉnh Kon Tum li luz nênhx tưz muôx têx hlôngr yiêz jông. Vax tsêr hur đu, têx tuz nhuôs tâu niêv txir txoz cxơưx jông hâux lưv cơưv ntơưr. Hâur jok tsuôk yuôr chor chuôz zis zos nênhs lâul, nhoz iz lênhx tsik muôx đas jos khưr uô nox zos chuôz zis pluôr, tsênhv yuôr mak zos chor chuôz zis muôx thiêz bluô nux. Hok bê ntơưr chor chuôz zis muôx phênhv sâu txix 100 txos yênhx puô triệu đêiv, li A Phinh, A Cần, A Plo, A Ir…ziv ntêr hnuz mak ziv muôx ntâu, hok bê ntơưr chor chuôz zis pluôs ziv tsơưs đuô. Zơưv Nguyễn Văn Dũng, Bí thư Đảng ủy xar Đăk Hring, huyện Đắk Hà khav tênhv: “Pêx xênhv nhoz no li pưk txux tưz tâu phuôx huiz, tiv zix Bí thư chi bộ li pưk txux tưz chox kriê Ban sêiz car jêx jok thiê chor đoanx thêv hâur jok hêik pêx xênhv cxaz chuôz gôngr côngv uô chor hâux lưv cxiv tsa jêx jok yiêz hâur xar. Đuô li chor chuôz zis cux tưz pâuz tâu txos kror zov chênhr hâur hâux lưv cxiv tsa jêx jok yiêz zos pêx xênhv. Pêx xênhv cux tưz thôngx ziv paz hnuz côngz thiêz đas jos cxiv tsa jêx jok yiêz”.

Uô Tsaz yênhx Tsưr ziv têz qơưk lok cxiv tsa jêx jo yiêz, txix shông 2011 txos nhiv no, pêx xênhv jok Dơk Rơng (xar Glar, huyện Đak Đoa, tỉnh Gia Lai) tưz muôx têx gôngr côngv lox. Hâur co, huiz tôngv pêx xênhv txix phênhv cuiv cxuô hâur jêx jok chiê cxiv uô tsêr xênhz huôx côngv thôngx cux xưk li cxiv uô cêr cxuô zav hâur jêx jok thiêz têx hâux lưv txơưr. Kror no tưz paz trâu xar uô tiêr cxiv tsa jêx jok yiêz. Uô tâu li no zos muôx pêx xênhv jok Dơk Rơng li têx gôngr côngv lox. Zơư Bùi Quang Thoại, phưv chủ tịch Ủy ban xar Glar, huyện Đak Đoa, tỉnh Gia Lai hêik: “Đhâu ntâuk gri, jok Đơk Rơng cux tưz tâu ủy ban huyện côngz jênhv zos jok uô tiêr cxiv tsa jêx jok yiêz. Tiv zix pêx xênhv hâur jok tưz paz hnuz côngz lox tôngv, nhiêx txiêx, ar thiêz pêx xênhv muk lok zôngx ziv đuô. Pêx xênhv tưz pâuz tâu txos kror zov chênhr hâur cxiv tsa jêx jok yiêz, uô trâu têx jêx jok ziv hnuz ziv jông đuô, luz nênhx ziv hnuz ziv huôv tsar đuô”.

Nền nhạc dân tộc vui tươi

Đros pêx xênhv nhoz Tây Nguyên, pox nhuôs uô nênhx nhoz tox siêz, đêz đrôngs sâuv tas nro têz qơưk tưz zênhx njênhs njôngr thiêz sik côngv đas jos chiê uô trơưk têx cêr chêi txix Trung ương txos thax tsav qơư, xav tas nro hâur têx ntu luz nênhx njiz phiv liv, xưk li moz Covid-19 uô phiv liv txos. Thiêz têx njiê pov tâu nhiv no ho paz muôx siêz njênhs trâu cêr sik côngv siêz têx kror uô tâu co. Bí thư Trung ương Đảng, Chủ tịch Ủy ban Trung ương Mặt trận Têz qơưk Việt Nam-zơư Đỗ Văn Chiến tưz hêik tiêk: “Cêr sik côngv siêz mênhx cxưx paz trâu pêz têz qơưk hla đhâu têx phiv liv. Têx uô tâu hâur ntu đhâu lok phax tar moz covid-19 zos iz kror hêik pâuz li co. Hâur iz ntu lur xưz , têx uô tâu cux tưz lok six lox lơưv. Tưz muôx yênhx triệu kror hax huv sik côngv siêz, hax huv ngaz tuk,  yênhx van tấn kôngz krâur, zav nox, yênhx cxênhz kror chuôz zênhx tâu thâux tuôx trâu ntơưv TP Hồ Chí Minh thiêz têx tỉnh faz Nam chiê phêiz kênh đros têx phiv liv mak tsôngv box nhoz ntơưv no njiz trâus. Têx kror co tưz uô trâu sơưr đơưk sir jos đuô. Tsuv khav tênhv tiêk, phax tir tar  tâu caz moz hâur ntu đhâu zos pêx xênhv li zênhx liv, zos cêr sik côngv siêz mênhx cxưx uô tâu”.

Nhiv kruôr no, Thủ tướng Chính phủ tưz muôx cuêz tênhv tso tơưv Tsaz yênhx Tsưr ziv têz qơưk txo grêk cêr pluôs truôx đênhk ntu 2021-2025. Uô ntêx co, 2 Tsaz yênhx Tsưr ziv Têz qơưk: Huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz; thiêz Cxiv tsa jêx jok yiêz, cux tưz tâu thủ tướng Chính phủ tso tơưv chiê kriz uô. Iz phênhv lok six ntâu txix nhiêx txiêx têz qơưk zuôr tâu tsês trâu uô 3 tsaz yênhx zov chênhr no lơưr yênhx ntu, đros tsưr ziv uô zos: Txo grêk chor chuôz zis pluôs cov kik tiv zix, uô grêiv jux juk sik cêv kuôk nhoz tox siêz thiêz tiêx đras, pêx xênhv tâu sơưv cxuô kror huôv tsar hâur têz qơưk./.

(VOV4-Lik Thox cxêik nhênhv)