Đhâu tsiêz têz qơưs, ntâu doanh nghiệp lax nriêr tâu nênhs uô lox tôngv

          Txơưv muôx hôx thôngx thiêz đăng cir xeir zuôr nênhs lox tôngv đros Tsênhv qơư jix vuv hâux lưv uô tỉnh Yên Bái txix ntâu luz hlik no, taz sik qar qơư ntâuk golf Ngôi sao Yên Bái cux tsi tâu xeir txâuk nênhs lox tôngv uô hâux lưv; hâur co xeir zuôr ntâu tiv zix zos lênhx nênhs phưx vưv kruô tuôx ntâuk golf. Zơưv Nguyễn Văn Hưng, giám đốc seiz car qar ntâuk golf Ngôi sao Yên Bái puz pâuz: Njuôs xav txos hnuz 30/4 zuôr txos no, qar golf Ngôi sao Yên Bái zuôr qir huôx tôngv; ntu 1 zuôr sir zôngv 18 luz kror chiê ntâuk golf uô si, viv li tsuv xeir zuôr txix 100 txos 200 lênhx nênhs lox tôngv chiê taz por huôx tôngv phưx vưv kruô. Uô ntêx, têx lênhx nênhs lox tôngv tâu xeir zuôr, công ty zuôr tsưr tsix thox cxov ntơưv qơư, paz muôx qơư uô hâux lưv jông tiv zix, đros phênhv sâu tsov cưv. No zos hâux lưv uô lok six jông trâu nênhs lox tôngv tsi tâu muôx chênhz zênhv sâuv thax tsav tỉnh: "Zoz qơưx xeir zuôr txix nênhs lox tôngv phổ thôngz txos nênhs lox tôngv muôx chuyên môn siêz, phênhv ntâu zos nênhs lox tôngv phổ thôngz, cơưv tiêr cxênhx 3 txơưv tâu uô hâux lưv".

          Đhâu nox tsiêz tas, ntâu doanh nghiệp sâuv thax tsav tỉnh Yên Bái cux muôx zoz qơưx xeir zuôr ntâu nênhs lox tôngv, thâuv cxuô huôx tôngv tror tâu uô fênhx yax. Muôx txos 5 công ty tsênhv muôx zoz qơưx xeir zuôr nênhs lox tôngv chôngz.Taz sik, nhiv no, nênhs lox tôngv muôx zoz qơưx nriêr hâux lưv uô ntơưv têx doanh nghiệp hâur tỉnh tsi ntâu. Zơưv Lưu Mạnh Dũng, Giám đốc Tsênhv qơư jix vuv hâux lưv uô tỉnh Yên Bái puz pâuz:  "Phêv liv tiv zix zos nênhs lox tôngv li xeir tsov viv phênhv sâu  pir đros têx doanh nghiệp đrâuv tỉnh mak tsi tâu zaz zâuv tâu nênhs lox tôngv, tiv 2 zos iz cxiê hâux lưv zuôr trâus xeir zuôr nênhs lox tôngv muôx pênhr xưv siêz, taz sik nênhs lox tôngv phổ thôngz nhoz têx xã tox siêz mak tuôv zênhv tsi tâu…"

          Nhiv no muôx ntâu doanh nghiệp nhoz têx tỉnh hâur thax tsav faz Bắc cux tưz thôngz pov txos têx tiv phaz sâuv thax tsav tỉnh Yên Bái chiê xeir zuôr nênhs lox tôngv uô hâux lưv xơưk pax ntâuz công nghiệp, đhok điện tử, cxiv tsa, uô têx hâux lưv txơưr…Hâur co, muôx 14 doanh nghiệp cir hôx thôngx chiê xeir zuôr nênhs lox tôngv đros ntâu zav hâux lưv uô huv đros ntâu yênhx tưv txix lox tôngv phổ thôngz txos lox tôngv kỹ thuật, đros phênhv nhiêx shar txix 7-10 tsov đeiv iz luz hlik. Thâuv tâu xeir zuôr tsênhv tâu thox cxov hâux lưv uô, cir hôx thôngx lox tôngv, gôngr bảo hiểm cux xưk li têx qênhx liv txơưr. Zơưv Nguyễn Văn Hải, Phưv giám đốc Công ty muôv muôs Green Worl nhoz tỉnh Bắc Giang puz pâuz:       "Chor nênhs lox tôngv tsênhv tsi tâu muôx hâux lưv uô tsênhv yuôr ntâu, cux xar njôngr tsênhv qơư heik kriê hâux lưv uô muôx têx tsưr ziv thôngz xor mông txos nênhs lox tôngv tsi tâu pâuz lok têx công ty muôz hâux lưv uô trâu tas nro têx nênhs lox tôngv co".

          Zơưv Lưu Mạnh Dũng, Giám đốc Tsênhv qơư jix vuv hâux lưv uô tỉnh Yên Bái puz pâuz: Njuôs xav hâur 3 luz hlik zuôr txos, Tsênhv qơư zuôr tsưr tsix têx phêv ziv heik kriê hâux lưv uô txos têx jêx jos, paz têx lênhx nênhs tsênhv nhoz hov hnuz nhôngs lox tôngv nzor nriêr tâu hâux lưv uô huv đros./.

(Đinh Tuấn- Txâur Vax cxeik nhênhv)