Yên Bái sir jos gra siêz “luz nênhx shir phaz” hâur yênhx chuôz zis

Tưz tsik zos thav đros pox niêv mê nhuôv lok kinh têr, mak yênhx hnuz, đhâu thâuv tas six hơưv uô hâux lưv tix lâus Nguyễn Đức Khải, nhoz xar Châu Quế Hạ, huyện Văn Yên (Yên Bái) ho tror lok đros pox niêv mê nhuôv uô jâuz mor nox. Lơưr tix lâus Khải, sik phiêz kênh thiêz sik paz uô têx hâux lưv hâur tsêr chênhr zos paz trâu pox niêv muôx nzir six hơưv txoz cxơưx trâu têx mê nhuôv; thiêz co cux zos iz tsưr ziv chiê paz trâu chuôz zis muôx luz nênhx sor so, lov jêv thiêz shir phaz:“Pox niêv zos nênhs tuôr tsês cxuô zav, yênhx hli cur puôr lênhx muôx nhiêx hli trâu pox niêv tuôr tas hur si, tsuôk tuôr tsês iz kror mê chiê zuk sir zôngv xưz. Muôz nhiêx trâu pox niêv tuôr mak zuk cux tsik cxơưx, zos zuk tuôr xưz mak muôx têx thâuv zuôr zôngx ntâu, uô phiv liv txos kinh têr hâur tas nro chuôz zis”.

Niêv tix Thanh Ngà, nhoz phường Minh Tân, thành phố Yên Bái phêiz kênh: Ziv chuôz zis muôx 3 fâuv nênhs sik đros uô nênhx nhoz uô cê viv li chor nênhs hâur chuôz zis pluôs nox tsik so tâu niêv tix uô huv zos, chiê sơưr đơưk puôr lênhx nox kaz lok, muôx đas jos jông thiêz shir phaz:“Cur lok six txoz cxơưx txos chor nênhs hâur chuôz zis li đas jos đhâu chor pluôs nox yênhx hnuz, viv li thâuv sơưr nzor mak cur muk zuôr zav nox txix thâuv lok six nzor chiê zuôr tâu têx zav nox kaz lok trâu niêv uô pluôs nox thâuv tar su, hok pluôs hmo mak muôx six hơưv ntâu đuô viv li cur uô trâu sơưr đơưk nox. Tiv zix txos thâuv kaz ciêz, cur zuôr uô chor zav nox chuôz zis nhiêv, chiê sơưr đơưk sik đros nox. No cux zos kror shir phaz trâu cur thiêz cur ziv chuôz zis”.

Đros yênhx ziv chuôz zis sir jos uô jông hâur cxiv tsa ziv chuôz zis tsâu sor, vax huôv siz luôs, shir phaz, Hôiv Liên hiệp Pox niêv tỉnh Yên Bái cux tưz kriz uô ntâu huôx tôngv chiê paz gra siêz luz nênhx shir phaz trâu chor ziv chuôz zis, li: Yênhx lix chor tôv yax mông côngv thôngx lok pox niêv txir nênhx vax huôv siz luôs thiêz đơưk kho têx kror hâux lưv phiv liv cik txos pox niêv thiêz chor nhuôs zâu; Tsưr tsix sik thav lok tsênhv chêi nhoz hâu nov cấp ủy, chinhr quyền ntơưv thax tsav qơư đros canr bôv, hôiv viên thiêz cxuô cxênhx pox niêv lok têx vênhv thix pox niêv tsuv pâuz thiêz thav txos; yênhx lix “Chi hội pox niêv 5 tsik uô, 3 hur”, “Chi hôiv pox niêv shir phaz”; chor câu lạc bộ “Ziv chuôz zis shir phaz”, “Ziv chuôz zis uô nênhx jông”, “Tu zus mê nhuôv muôx đas jos jông, kriê mê nhuôv ciêz”, “Tsik chiê chor nhuôs zâu tsik txâuk tsơưr pưr shưz”…. Đros co zos paz huôv tsar tsưr ziv uô nox trâu chuôz zis hôiv viên txov nhêv; paz uô “Tsêr sor siêz jông” trâu pox niêv pluôs, zuôr xar pluôs… Pos Hà Thị Đóa, Phưv Chủ tịch Hôiv liên hiệp pox niêv tỉnh Yên Bái puz pâuz:“Chor câu lạc bộ zuôr tsuv xênhz huôx. Taz sik, đros câu lạc bôv “Chuôz zis shir phaz” mak zuôr xênhz huôx lơưr têx kror hâux lưv tsênhv tsênhz, sir jos txoz cxơưx trâu chuôz zis, têx mê nhuôv; uô lơưr cêr chêi têz qơưk têx cui tênhv lok phax tar têx txiêz nav, phax tar siz zuôr nzor, siz zuôr cxênhz jê… đhâu xênhz huôx mak chor pox niêv sơưr đơưk cux muôx six hơưv chiê sik phêiz kênh lok tsưr ziv tsoz phưz trâu têx mê nhuôv, tsoz phưz zuk, viv chor pox niêv sơưr đơưk muôx đas jos jông mak thiêx tsoz phưz tâu trâu chuôz zis”.

Ntơưv Đại hôiv Đảng bôv tỉnh jiês tiv 19, ntu 2020-2025, Yên Bái tưz jiês xuz thơưx ciês tso tơưv tsưr ziv lok luz nênhx shir phaz trâu pêx xênhv. Txos nhiv no, pêx xênhv nhoz Yên Bái luz nênhx shir phaz tưz tax tâu muôx 65% ntâu. Ndar txos cov muôx tâu luz nênhs shir phaz jông tiv zix, Yên Bái zuôr tror sir jos kriz uô cxiv tsa ziv chuôz zis shir phaz. Iz chas co zos tsêx trung kriz uô 3 kror luôs hâux lưv lok luz nênhx shir phaz zos: tso siêz lok luz nênhx; tso siêz lok tênhv qơư; pêx xênhv li hnuz nhôngs thiêz chor shông uô nênhx nhoz./.

                                                                                                                  Thừa Xuân-Lik Thox cxêik nhênhv

Têx cui tinhv yiêz lok muôz nhiêx hli so lâul thiêz nhiêx paz BHXH

Trơưk li BHXH fuô kriê  ntơưv Quyết định 166/QĐ-BHXH mak muôz nhiêx hli so lâul, nhiêx paz BHXH niêx hli qir txix hnuz tiv 2 hâur hli. Six hơưv muôz nhiêx hli so lâul, nhiêx paz BHXH li đrav kaz:

Muôz nhiêx hli so lâul, nhiêx paz BHXH hli 6/2024 txix hnuz tiv 2 txos tas hnuz 25 hâur hli.

Txix hnuz tiv 2 txos hnuz xiêz 10/6 muôz nhiêx hli so lâul, nhiêx paz BHXH trâu ntơưv têx qơư muôz nhiêx; tsuôk muôz hur si têx nhiêx li heik sâuv trâu têx lênhx nênhs lơưr cơ quan BHXH sâu bê xa tuôx.

Muôz nhiêx hli so lâul, nhiêx paz BHXH ntơưv têx qơư bưu điện huyện: Txix hnuz 11/6, tror muôz têx nhiêx hli so lâuk heik co ntơưv têx qơư muôz nhiêx hâur bưu điện txos tas hnuz 25 hâur hli.

Lok sâuv tso chei gra têx nhiêx hli so lâul: Seiz lok yôngx 6 Grê 18 Chei BHXH 2014 cui tinhv nênhs lox tôngv li vax huôv:

1.Tâu cxaz chuôz thiêz sơưv têx chei BHXH lơưr Chei no cui tinhv.

2.Tâu côngz thiêz seiz car sổ BHXH.

3.Tâu gra nhiêx hli so lâul thiêz nhiêx paz BHXH cxix cxuô, zênhx max, lơưr iz hâur têx li đrav kaz:

a)Buôk ti muk gra ntơưv cơ quan BHXH lok sik tsưr tsix dịch vụ tâu cơ quan BHXH tso chei;

b)Thôngz đhâu nênhs lox tôngv thẻ gra nhiêx krêz uô ntơưv tsêr nhiêx;

c)Thôngz đhâu lênhx nênhs sir zôngv lox tôngv.

4.Tâu sơưv BHYT zos iz hâur têx lênhx li đrav kaz:

a) Tsênhv tâu sơưv nhiêx hli so lâul;

b)Tsênhv so hâux lưv tâu sơưv nhiêx paz xênhz zus nhuôs thâuv  xênhz zus mê nhuôv lok sik lênhk nhav tu zus mê nhuôv puôs;

c)So hâux lưv tâu sơưv nhiêx paz muôx moz gênhk tiv uô hâux lưv trâul...;

d)Nênhs lox tôngv tsênhv tâu sơưv nhiêx paz muôx moz gênhk tsuv chơưv kho moz ntêr hnuz zos Bộ Y tế tso tơưv.

5.Tâu muk seiz njuôk shuôs đas jos lox tôngv zos têx lênhx cui tinhv ntơưv điểm b yôngx 1 Grê 54 Chei no thiêz tsênhv nduô tsês six hơưv, hnuz nhôngs gôngr BHXH; tâu paz thêv nhiêx seiz njuôk shuôs đas jos zos muôx txâuk ntâuz ntơưr chiê tâu sơưv BHXH.

6.Tso chei luôs lưv tus txơưr đuô tâu gra nhiêx hli so lâul, nhiêx paz BHXH....

Tiv 2 zos nhiv no gra nhiêx hli so lâul thiêz nhiêx paz BHXH zuôr gra li chas?

Uô lơưr cui tinhv ntơưv yôngx 3 Grê 18 Chei BHXH 2014, hâur ntu đhâu, ngênhx BHXH Việt Nam tưz fuô uô ntâu faz tsưr ziv muôz nhiêx hli so lâul thiêz nhiêx paz BHXH huv đros lênhx nênhs tâu sơưv li tsưr ziv, siêz xar.

Lênhx nênhs tâu sơưv muôx chei xeir gra nhiêx hli so lâul thiêz nhiêx paz BHXH cxix cxuô, zênhx max, lơưr iz hâur têx li đrav kaz: Buôk ti muk gra ntơưv cơ quan BHXH lok sik tsưr tsix dịch vụ tâu cơ quan BHXH tso chei; thôngz đhâu nênhs lox tôngv li thẻ gra nhiêx krêz uô ntơưv tsêr nhiêx; thôngz đhâu lênhx nênhs sir zôngv lox tôngv. Zơưv Nguyễn Văn Tĩnh-Phưv Vụ tsar Vụ nhiêx txiêx-tuôr nhiêx (BHXH Việt Nam) heik pâuz, chiê taz por muôz tâu cxix cxuô, zênhx max têx nhiêx BHXH txos trâu yênhx lênhx nênhs cxaz chuôz thiêz tâu sơưv tsênhv chei, iz chas muôz nhiêx đhâu nênhs lox tôngv li thẻ gra nhiêx ntơưv tsêr nhiêx, cơ quan BHXH cux tror uô lơưr muôz nhiêx hli so lâul thiêz nhiêx paz BHXH trâu nênhs lênhx nênhs tâu sơưv trơưk lơưr tsưr ziv xar.

Đros thiêz lênhx nênhs tâu sơưv nhiêx hli so lâul, nhiêx paz BHXH niêx hli zos chor lâul nênhs tsi muôx đas jos, tsi muôx qơư khov vav, trâul moz gênhk tuôx gra tsi tâuk têx nhiêx hli so lâul, nhiêx paz BHXH, mak cơ quan BHXH zuôr gra muk txos lênhx nênhs tâu sơưv chor nhiêx co qơư nhoz.

Tsôngv box....! Hâur ntu đhâu, ngênhx BHXH Việt Nam tưz sir jos fuô uô luôs hâux lưv muôz têx nhiêx hli so lâul, nhiêx paz BHXH trâu nênhs lox tôngv đhâu thẻ gra nhiêx, đhâu luôs lưv tus.... Muôz nhiêx hli so lâul, nhiêx paz BHXH li no, paz lênhx nênhs tâu sơưv zôngx ziv đuô, tsi tsuv muk gra nhiêx thiêz cir ntơưr ntơưv têx qơư muôz nhiêx; taz por lênhx nênhs tâu sơưv gra nhiêx BHXH tâu cxix cxuô, zênhx max, huv đros  thiêz truôx tuk, trơưk six hơưv, hnuz nhôngs cui tinhv...../.

                                                                                                                   VOV4-Riê Lâux cxeik, nhênhv