Phuôx huiz lâul jok, côngv thôngx li pưk txux hâur sêiz car ntus đriv, ndêx chiv ntus đriv

Zos iz hâur chor chuôz zis uô ntêx hlo nhoz xar Sín Thầu, huyện Mường Nhé cir jênhv cxaz chuôz por vêv ntus đriv, ndê chiv ntus đriv đros chinhr quyền ntơưv thax tsav qơư thiêz lưx lươngv bôv đôiv Pênhz phax, tsik so thâuv hâur yênhx hli, zơưv Lỳ Xuyến Phù nhoz jok A Pa Chải, xar Sín Thầu ho tsês six hơưv đros chor tôv qênhz yuôx Zênhx Pênhz phax A Pa Chải muk qênhz yuôx por vêv ntus đriv, ndêx chiv ntus đriv. Đros zơưv Phù, por vêv ntus đriv, ndêx chiv ntus đriv cux zos tiêk por vêv zuk vax tsêr, tsuv sir jos uô cov jông txix tas nro zuk li sir jos, siêz nhiêv têz qơưk:

“Yênhx hli, yênhx quý  pêz puôr lênhx xênhz huôx tas nro jêx jok tsik zos chor chuôz zis tâu phêiz côngz por vêv ntus đriv, ndêx chiv ntus đriv xưz. Txix co chiê chor chuôz zis hâur jêx jok pâuz tâu txos têx ndêx chiv ntus đriv cov sơưr đơưk sik đros por vêv txix txơưx jênhv siêz tiv zix thiêz tsik so uô jông. Pox nhuôs jok A Pa Chải cux tsik so tsưr tsix xênhz huôx côngv thôngx chiê yax kriê lok vênhv thix no, chor chuôz zis tưs tsik tâu pauz tsênhz mak zuôr muk ti gâuk ntơưv tsêr chiê yax kriê trâu lơưr cov lơưr pâuz tâu txos chor ndê chiv ntus đriv li kror tsiv gri”.

Hnuz nhôngs tưz siêz lơưv, taz sik zơưv Hạng Dụ chúng nhoz jok Hồ Chim, xar Ma Thì Hồ, huyện Mường Chà cux zos iz lênhx hâur xar, jêx jok li chor nênhs yax kriê viên sir jos uô hâux lưv, yax kriê Đảng, Têz qơưk têx cêr chêi, hêik pêx xênhv sơưr đơưk sir jos sik tưr khưr uô nox huôv tsar kinh têr-xar hôiv, tuôr truôx ngaz  tuk côx phax-ngaz tuk ntơưv thax tsav qơư. Thôngx cxix, zơưv tsênhv phuôx huiz zuk li pưk txux uô ntêx hlo hâur tso tsês têx phongx cxưx pôngz kaz, tsik tsir qơư nhoz tsik zos chêi, sik txênhz ar têz, paz por vêv truôx tuk trâu thax tsav ntus đriv Việt-Lào qơư zuk tsênhv uô nênhx nhoz:

“Pêz tưz tâu Bôv đôiv Pênhz phax tsưr tsix cơưv ntơưr, kriz uô têx chỉ thị por vev ntus đriv hâur ntu nhiv no. Viv li chor lâul jok li pêz cux zos chor nênhs muôx suôz bê pêz ho tsưr tsix chor jiês cơưv txơưr trâu chor lâul jok, chor chuôz xênhv muôx suôz bê txơưr đuô, tsưr tsix chor tổ thành viên chiê yax kriê trâu pox nhuôs uô jông lơưr côngz xưv ntus đriv, uô truôx jông têx chêi lok ntus đriv”.

Khov muôx chor lâul jok, nênhs muôx suôz bê li zơưv Lỳ Xuyến Phù lok sik zơưv Hạng Dụ Chúng li têx gôngr côngv zov chênhr co viv li txơưv Điện Biên zos tỉnh muôx chor ntus đriv buôs ti đros oz têz qơưk Lào thiêz Trung Quốc ntêr muôx 455 cêik cêr ntâu, taz sik hâur têx shông đhâu, qênhx shênhx ngaz tuk thax tsav ntus đriv tsik so tâu tuôr truôx tuk, hux fênhx. Co zos khov phuôx huiz tâu jông chor lâul jok, tsar jok, nênhs muôx suôz bê li pưk txux hâur hâux lưv sêiz car, por vêv ntus đriv, ndêx chiv ntus đriv. Chênhr lơưr têx luk hêik thiêz uô ntêx hlo co hâur tsôngv box cxuô mênhx cxưx tưz paz muôx ntâu kror hlôngr yiêz jông đhâu hâux lưv pox nhuôs hâur jêx jok chiv chir cxaz chuôz trâu chor tôv sêiz car ntus đriv, ndêx chiv ntus đriv cux xưk li taz por ngaz tuk sâuv thax tsav.

Đại úy Chua Xênhv Vax, Chinhr triv viên phưv, Zênhx Pênhz phax Mường Mươn, xar Mường Mươn, huyện Mường Chà, tỉnh Điện Biên hêik pâuz:

“Hâur têx shông đhâu taz viv tưz hêik tâu 5 jêx jok nhoz buôs ntus đriv, 283 ziv chuôz zis sâuv thax tsav 3 xar ntus đriv cxaz chuôz chiv chir sêiz car ntus đriv, ndêx chiv ntus đriv; 24 cêik cêr ntâu ntus đriv, 7 tuk ndêx chiv ntus đriv. Đhâu ntu sêiz car yênhx shông, taz viv cux qênhz shuôk chor chuôz zis nhiv kruôr phêiz chuôz chiê hêik lơưr đặng cir sêiz car, por vêv ntus đriv. Đhâu qênhx shênhx kriz uô pêx xênhv 5 jêx jok nhoz ntus đriv đros trâu chor tsêr cơưv ntơưr sâuv thax tsav ntus đriv 3 xar cux tưz paz gra siêz côngv thôngx li jênhv pâuz thiêz txơưx jênhv đros lưx lươngv Pênhz phax cxaz chuôz por vêv tsưr qênhx ngaz tuk ntus đriv têz qơưk”.

Nhiv no tas nro tỉnh Điện Biên muôx 100 ntâu tập thể, xar muôx 12.900 lênhx nênhs đăngk cir cxaz chuôz chiv chir sêiz car 395 cêik cêr ntus đriv; 315 tôv chiv chir sêiz car đros xar muôx 2.200 lênhx nênhs đăngk cir sêiz car lok ngaz tuk jêx jok. No tâu sêiz zos chor nênhs muôx pưk txux zov chênhr hâur paz tuôr truôx tsưr qênhx thax tsav, ngaz tuk ntus đriv têz qơưk hâur qênhx shênhx yiêz ntơưv Điện Biên hêik taz, Tây Bắc thiêz tas nro têz qơưk hêik cxuô./.

(Vũ Lợi-Lik Thox cxêik nhênhv)

Thương binh sir jos hla đhâu cêr txov, sik côngv đas jos cxiv tsa

 jêx jos

   Muôx ntu cxaz chuôz tơưv txênhz por vêv ntus đriv faz Bắc txix shông 1984, shông 1986, txơưv trâus saz uô ruôr hiêv hnhar txos chax kâuv, taz sik zơưv Đèo Văn Hải cux sir jos uô tiêr zuk li jênhv vưv nhoz qơư tsav txênhz. Txos shông 1991, zơưv Hải tror lok kuz têz qơưk nhoz jos Nang Phai, xã Mường Bú, huyện Mường La, tỉnh Sơn La. Zơưv Đèo Văn Hải tsênhv ndo njôngr txos ntu co zơưv chuôz zis luz nênhx lok six txov nhêv, zơưv ho trâus saz hnhar, pluôk muôx nox pluôk tsi muôx, taz sik đros siêz sir jos hla đhâu cêr yeiz pluôk, zơưv thiêz chuôz zis tưz krêz phaz uô liêx têz huôv tsar cêr uô nox:

          “Cur pov thax tsav ar no phaz đrox trâus tso tsês mak cur yưv pênhr uô, thâuv co tsi muôx têx zav meir paz uô, tsuôk zos zôngv zuk cxeik tês uô; cur txeik pênhr txix zênhx hangx tsênhv chêi xã hội thiêz zênhx hangx kôngz nuv, cux txeik lơưr yênhx ntu, thâuv tưs tsi muôx mak txeik chiê huôv tsar cêr uô nox. Thâuv co, cux txeik chiê chos ntông, taz sik txos nhiv no ho tror tsoz phưz huôv tsar lơưr saz sâu tâu kinh têr siêz”

          Txix hâux lưv cơưv shâuv chênhz zênhv txix têx trâur nuv huôv tsar kinh têr txơưr thiêz yax six cxaz chuôz têx lớp kriê cxaz, choz KHKT hâur tsêz chos thiêz tu zus, chuôz zis tưz huôv tsar uô trâur nuv kinh têr kôngz nuv sâuv mênhv chêx đar 3 hecta, chos têx zav ntông nox txir lơưr saz hữu cơ, muôx tsiv grê siêz li: txir lưv tsiz zâu, txir trâuv nhux Đài Loan, Úc...khov tsơưr lươngv txir kaz, tuz luôv tuôx txos ciês tsêr chiê sâu zuôr thiêz muôs tơưv trâu têx niêv ciêz lox hâur têz qơưk thiêz niêv ciêz saz Trung Quốc.

          Đros co, 7 cxênhz yiv ndis pas đêx tu zus njês thiêz 10 tul nhux đas sha nhuôs cux tso lok phênhv sâu ngaz tul hâur yênhx shông. Phênhv sâu txix zơưv Hải chuôz zis li trâur nuv tsêz chos thiêz tu zus tax 350 tsov đeiv ntâu iz shông, thâuv tưz xav tas nhiêx txiêx yưv uô. Đrâuv co, zơưv Hải cux truôx siêz pheiz kênh chênhz zênhv, paz txưv nôngz zuz tsoz chos, tsiêx tu zus trâu têx chuôz zis txov nhêv hâur jos, hâur xã yênhx trus huôv tsar cêr uô nox thiêz sir jos đuô hâur luz nênhx:

          “ Thâuv xênhz huôx Chi bộ, tuz lênhv lâuk cur cux heik kriê lơưr tsưr ziv uô, tsưr ziv chos cov tsoz chos muôx phênhv sâu tâu nhiêx txiêx siêz thiêz lơưr cux uô lơưr; lênhx tưs muôx pas njês mak cur paz nôngz njês chiê tu zus”

          Nhiv no, xênhz huôx ntơưv Chi hội bộ đội lâuk jos Nang Phai, thương binh Đèo Văn Hải thâuv tưs cux uô ntêx nyuôk hâur tiv phaz li têx phongz yaox. Zos lênhx txir ndâux txir luk hâur côngv thôngx, zơưv yax six yax mông, vênhv tôngv tsôngv box cxaz chuôz cxiv tsa luz nênhx vênhx huôv, taz por qênhx shênhx txiv ngaz sâuv thax tsav; sir jos hlôngr yiêz tsoz chos, tsiêx tu zus, uô bluô nux ciês sâuv zuk têz qơưk, gôngr phênhv chox xã Mường Bú yênhx iz hâur têx xã xuz thơưx tax ploz tsênhr nôngx cxênhz yiêz nhoz huyện Mường La shông 2017 thiêz jos Nang Phai yênhx jos nôngx cxênhz yiêz muôz siêz hâur xã shông 2022. Zơưv Đặng Huy Toàn, Chủ tịch Hội bộ đội lâuk huyện Mường La puz pâuz: Thương binh Đèo Văn Hải zos iz hội viên jông, thâuv tưs cux phuôx huiz jông lênhx “Bộ đội zơưv Hloz Hôx” li têx siêz jông:

          “Chiê paz têx tuz lênhv lâuk txơưr hâur jos, hâur xã, zơưv Đèo Văn hải shông tưs cux uô lơưr tsênhv chêi 3+1, zos 3 lênhx hội viên muôx zơưv Hải thiêz 2 lênhx  txơưr paz nhiêx txiêx, chuôz zênhx trâu iz lênhx hội viên tuz lênhv lâuk hâur txeik thiêz heik kriê tsưr ziv huôv tsar cêr uô nox txo grêk yêiz pluôk trâu chuôz zis hội viên co”

          Đros têx sir jos co, thương binh Đèo Văn Hải tâu têz qơưk khơưk muôz Huân chương chiến sĩ vẻ vang đros thiêz UB têx cấp li ntâu ntơưr kruôk./.

(Trấn Long-Txâur Vax cxeik nhênhv)