Tsôngv box, đôngx chir, chiến sỹ thiêz pêz tsôngv box nhoz saz đrâuv têz qơưk hmor yuô!

Iz chêix ntux yiêz-Tsiêz Naz Shông tưz lok txos, muôx đros cêr shir phaz, vav njôngr thiêz têx kror siêz xar jông. Hâur six hơưv piz hla trâu shông yiêz, hlôngr njêx muôs hâux nov Đảng, têz qơưk, cur xa txos trâu tsôngv box, đôngx chir, chiến sỹ hur si têz qơưk thiêz pêz tsôngv box nhoz saz đrâuv têz qơưk lo luk phôngv shông yiêz jông tiv zix. Cur cux xa txos têx fôngx zưs, pêx xênhv cxuô têz qơưk sâuv ntiêx têz têx luk phôngv jông hux fênhx, shir phaz, thôngx ziv thiêz huôv tsar.

Shông đhâu, pêz tưz hla đhâu ntâu kror phiv liv lox, taz sik cux zos iz shông uô tâu ntâu kror lok six jông. Hâur cêr txov, phiv liv, pêz mênhx cxưx li cêr sik côngv siêz, siz hluz, siz paz thiêz sir jos hax zav tâu khav tênhv đuô. Tas nro đảng, tas nro pêx xênhv, tas nro quân tưz sir jos uô tax tâu thiêz siêz đuô tas nro 15 luôs hâux lưv huôv tsar kinh têr-xar hôiv, chuôz ndê kinh têr nhoz hâur têx têz qơưk sơưr thơưx sâuv ntiêx têz; pêx xênhv luz nênhx cxuô zav tsik so tâu hlôngr yiêz thiêz gra siêz đuô; chinhr triv-xar hôiv truôx tuk, côx phax thiêz ngaz tuk tâu chuôz cxaz, đối ngoại tâu kriz đar đuô, tâu têx fôngx zưs ntiêx têz sêiz tsiv gri, ntâu gri siêz. Iz lênhx nênhs Việt Nam, nhoz hâur têz qơưk lok sik saz đrâuv têz qơưk, txix công nhân, pêx xênhv, doanh nhân, chor nênhs muôx txux chi txos chor chiến sỹ nhoz ntus đriv, poz hiêr đêz đrôngs puôr lênhx muôx vax huôv tso siêz lok zuk têx gôngr côngv cxuô trâu têz qơưk li têx uô tâu.

Shông 2025, zos shông muôx têz qơưk li ntâu xor xưv lok six zov chênhr, shông “sir jos cov chuôz ndê, huôv tsar”, paz trâu têz qơưk hla trâu ntu yiêz-ntu hlôngr yiêz thiêz huôv tsar; Đảng tsưr ziv huv đros pêx xênhv siêz zos mênhx cxưx li kror huv zos. Txơưv tsênhv yuôr ntâu txov nhêv, phiv liv, taz sik, Việt Nam zuôr tsik so sir jos, tsik muôx kror tưs zuôr uô phiv liv tâu txos pêz Mênhx cxưx li sir jos cov muôx tâu luz nênhx jông đuô trâu ntu tov ntêx no. Tas nro Đảng, tas nro pêx xênhv, tas nro quân tror sik côngv iz siêz, thôngx siêz, côngv jos, sir jos, khov trâu cxuô kror hla cov đhâu têx cêr txov, phiv liv chiê huôv tsar hênhr đuô, cxiv tsa têz qơưk Việt Nam pêx xênhv bluô nux, têz qơưk hênhr, dân chuv, siz bâus, vav mênhx; cxuô lênhx nênhs puôr lênhx muôx tâu luz nênhx tsâu sor, tự do, shir phaz; gôngr côngv ziv hnuz ziv ntâu trâu hux fênhx, truôx tuk, huôv tsar hâur thax tsav thiêz ntiêx têz.

Hâur ntu shir phaz txêik tok shông yiêz, iz jiês thiêz cur phôngv trâu tas nro tsôngv box, đôngx chir, chiến sỹ hur si têz qơưk thiêz pêz tsôngv box nhoz saz đrâuv têz qơưk iz shông yiêz muôx đas jos, cêr nênhx jông, huôv tsar. Shông yiêz zuôr tax tâu ntâu zênhx liv yiêz.

Thor phôngv sơưr đơưk nhoz jông!

Lik Thox cxêik nhênhv

Tsôngv box Thái Tây Bắc li siêz xar vav njôngr đhâu phongx cxưx phôngv Tsiêz hâur shông yiêz

Shông yiêz lok txos, têx jâuv cux xưk li côngv thôngx cxuô mênhx cxưx txơưr, hâur tsôngv box Thái ziv chuôz zis tưs cux xar cov lênhx nênhs tuôx phôngv tsiêz xuz thơưx ciês hâur shông yiêz zos lênhx nênhs muôx đas jos jông, chuôz zis uô nênhx shir phaz, uô tâu nox tâu hnar thiêz tâu chôngz lênhx nênhs nhiêv txos, paz trâu zuk chuôz zis muôx tâu luz nênhx shir phaz, cêr nênhx jông tiv zix hâur shông yiêz. Zơưv Tòng Văn Xôm, lênhx nênhs pâuz txos tsôngv box Thái nhoz jok Mòng, xar Hua La, thành phố Sơn La, tỉnh Sơn La puz pâuz: “Txix thâuv ntêx txos nhiv no, mênhx cxưx Thái cux xưk li cxuô mênhx cxưx txơưr puôr lênhx xar tiêk: Shông yiêz zos tưz suôv câuv shông kuz, chênhr viv li cxuô kror fêv, tsik jông, yêiz pluôs… zuôr tas muk đros shông kuz, vav tok iz shông yiêz muôx ntâu đas jos, uô tâu ntâu kror jông, shir phaz. Chênhr viv liv hâux lưv muk phôngv chêix ntux yiêz, tiv zix zos hnuz xiêz 1 tsiêz, kriz thơưx trâu hnuz yiêz, hli yiêz, shông yiêz zos kror lok six zov chênhr. Thiêz tsưr tsêr thâuv tưs cux xar cov lênhx nênhs xuz thơưx ciês tuôx phôngv tsiêz shông yiêz trâu zuk chuôz zis zos lênhx nênhs muôx jông đas jos, chuôz zis uô nênhx shir phaz, muôx kinh têr huôv tsar, têx tuz nhuôs gruôs, ciêz, cơưv ntơưr txơưx. Viv lênhx tưs cux xar tiêk, lênhx nênhs tuôs phôngv tsiêz xuz thơưx ciês trâu chuôz zis zos nênhs jông li chak mak zuk chuôz zis cux zuôr muôx tâu têx kror jông li co”.

Txix ciês thâuv sơưr nzor hnuz xiêz 1 Tsiêz, chor cưr tix, nênhx tsa sơưr đơưk zuôr siz muk phôngv Tsiêz thiêz muk phôngv tsiêz jux juk txos trâu yênhx ziv chuôz zis, têx thâuv tsênhv muk trâu chor jêx jok txơưr thiêz. Cxuô lênhx nênhs zuôr muk phôngv tsiêz trâu pos zơưs, niêv txir vax tsêr uô ntêx, thiêx txos trâu cxênhx nênhs tov kaz, têx fôngx zưs sơưr đơưk… Lo luk hêik thiêz luk phôngv tsiêz xuz thơưx ciês thâuv tuôx phôngv tsiêz hnuz xiêz 1 Tsiêz, thâuv tưs cux zos lo luk nus thiêz luk phôngv muôx đas jos jông, đhâu co thiêx phôngv cov uâ tâu nox tâu hnar. Zơưv Cầm Vui, nhoz thị trấn Ít Ong, huyện Mường La, tỉnh Sơn La; niêv tix Lò Thị Yến, tix lâus Lường Văn Phái, nhoz jok Phiêng Phát, xar Trung Đồng, huyện Tân Uyên, tỉnh Lai Châu li têx luk phôngv Tsiêz zuôr hêik tsênhz mênhx txos tsênhv njiêz no.

Tsôngv box Thái lok six nhiêv kruô, tiv zix tâu tok lênhx kruô xuz thơưx ciês tuôx phôngv tsiêz trâu chuôz zis hax zav uô trâu chuôz zis shir phaz đuô. Tsưr tsêr zuôr zâuv ciês kruô jâuv thiêz sêi đrơưv têx nduôr txâuv puôz cxôngx nzor hâur hnuz tsiêz tso trâu hâur fax, thiêz trâu khoz chơưr chiê zâuv chor nênhs tuôx đros hâuk, nox têx zav jâuz, grêix buô, grêix nhux, tưv kruôr-iz zav nox cxôngx nzor tsuv muôx chiê tiêv kruô thâuv txos Tsiêz. Lơưr cê hâuk đêx, hâuk chơưr thiêz siz phôngv têx lo luk jông tiv zix hâur luz nênhx. Zơưv Tòng Văn Xôm, nhoz jok Mòng, xar Hua La puz pâuz nzir: Zos têx tuz nhuôs hâur chuôz zis muk phôngv tsiêz trâu cxênhx nênhs uô ntêx, mak lơưr zuôr thor tsưr tsêr chiê tâu muk hlơưr shaz trâu pox côngz zơưv côngz ndax trâu shông yiêz, thor pox côngz zơưv côngz paz cov zuk muôx đas jos, uô tâu nox tâu hnar: “Lơưr phongx cxưx txix cxôngx nzor tsês chiê lok, chuôz zis tưs cux muôx pox côngz zơưv côngz. Viv li txos chêix ntux yiêz lok, têx tuz nhuôs hax zav tsuv txi côngv chiê ndo txos pox côngz zơưv côngz, pos zơưs, niêv txir têx côngz đas jos lox tưz paz trâu zuk muôx tâu li hnuz no. Tưz tsik zos hlơưr shaz txi côngv, têx tuz nhuôs zuôr tso mê njil nhiêx txiêx trâu sâuv thax đaz vav tiêk pox côngz zơưv côngz zuôr paz trâu chuôz zis, paz trâu zuk uô tâu nox tâu hnar, têx tuz nhuôs muôx đas jos jông, nox tsiêz lov jêv thiêz shir phaz”.

Phôngv tsiêz txix chuôz zis no txos chuôz zis tor, thâuv tưz txos tar su, lok sik hla trâu zar hnuz kêix, pox nhuôs sơưr đơưk ho tror lok trâu ntơưv iz chuôz zis nox hâuk, thav pêv, siz phôngv têx lo luk jông, tror tis njiê têx uô tau hâur shông kuz, phêiz kênh têx tsưr ziv, hâux lưv zuôr uô hâur shông yiêz, siz paz, siz cxơưz cov sir jos khưr uô nox. Nhoz cxuô jêx jok, suôz đruôk đror nxê ntưk đros têx suôz gâux Thái, suôz thav pêv, suôz luôs txêik tok iz shông yiêz đros muôx ntâu cêr lov jêv thiêz shir phaz./.

Tòng Anh-Lik Thox cxêik nhênhv