Sơn La sir jos fuô uô đêx anr 06

         Uô lơưr jiês yax kriê côngz định danh điện tử thiêz uô têx ntâuz ntơưr huv đros sâuv VNeID trâu tsôngv pêx xênhv, chor công an Sơn La tưz fuô uô ntâu faz tsưr ziv, hu zâuv chôngz nênhs, yêz, chuôz zênhx uz no phưx vưv uô hâux lưv chiê uô tâu jông cxuô luôs hâux lưv zok muôz viv pêx xênhv, paz cxơưz hlôngr yiêz sôr hâur thax tsav.

          Têx hnuz nhiv kruôr đhâu, ntơưv xã tox siêz Co Mạ, tỉnh Sơn La, lok six chôngz tsôngv niêv txir lax pêx xênhv cxuô heir nênhs tưz siz zâuv tuôx trâu ntơưv công  an xã qơư uô hâux lưv chiê uô định danh điện tử thiêz krêz tài khoản VNeID. Công an xã Co Mạ tưz hux jos truôx đros cxuô ban, ngênhx, đoanx thêv, tổ công nghệ số côngv thôngx, sir jos uô jông hâux lưv yax mông, kriê pêx xênhv đas cir uô têx ntâuz ntơưr, sir zôngv định danh điện tử.

          Txos tas hli 5/2026, công an xã Co Mạ tưz uô tiêr luôs hâux lưv côngz tài khoản định danh điện tử phênhv 2 trâu 98% ntâu jênh sôr, uô căn cước trâu 3 cxênhz lênhx nhuôs zâu tsi tâu muôx 14 shông. Zơưv Đruôl Xênhv Vax, Bí thư chi bộ, Tsar jok Txôngx Maz, xã Co Mạ heik pâuz: “Pêz tưz pâuz bê thiêz vênhv tôngv tsôngv box, têx nhuôs zâu tsi tâu muôx 16 shông tsi tâu uô căn cước công dân sir jos muk uô cov tiêr têx ntâuz ntơưr trơưk li cui tinhv”.

            Yuôr ntơưv phường Chiềng Cơi, công an ntơưv qơư tưz fuô uô luôs hâux lưv 30 hnuz hmo sir jos txeik uô têx ntâuz ntơưr định danh điện tử trâu tsôngv pêx xênhv; hux jos đros cxuô luz tsêr cơưv tsưr tsix yax kriê thiêz muôz tài khoản định danh ciês ntơưv qơư trâu pêx xênhv. Khov fuô uô ntâu faz tsưr ziv thiêz truôx jông, txos nhiv no công  an phường Chiềng Cơi tưz uô tâu 1.300 ntâu tài khoản định danh điện tử jiês 2 trâu pêx xênhv, ntâu đuô tỉnh hâux lưv zok muôz. Lèo Thị Hồng Diệp, nhoz jok Nẹ Tở, phường Chiềng Cơi, tỉnh Sơn La heik: “Hnuz no cur tuôx uô định danh điện tử jiês 2 chiê  uô ntâuz ntơưr muk cơưv lớp 10. Chor txir nzơưv công an tưz lok six moz siêz paz cur uô”.

            Đại úy Đỗ Mạnh Dương, Phưv thơưx seiz car công an phường Chiềng Cơi heik pâuz: “Công an phường Chiềng Cơi zuôr tror hlôngr yiêz têx tsưr ziv yax kriê, sir jos uô định danh điện tử hâur thax tsav thiêz kriê tsôngv pêx xênhv đas cir uô têx ntâuz ntơưr định danh điện tử huv đros”.

              Đros thiêz tsưr ziv sir jos uô cov tiêr têx hâux lưv zok muôz, lưv lươngv công an hâur tas nro tỉnh Sơn La tưz huôk njôngr six hơưv, hnuz nhôngs chiê lênhk txeik tsôngv pêx xênhv têx ntâuz ntơưr uô cov tiêr trâu cxuô lênhx cxuô tus pêx xênhv. Txix hli 3 txos hnuz 31/5/2026, tas nro tỉnh tưz sâu jênhv, cir uô 901 cxênhz ntâuz ntơưr, hâur co 822 cxênhz ntâu tài khoản tâu krêz uô huv đros. Têx uô tâu li heik co paz uô tiêr đêx anr 06 thiêz cxơưz cxiz hlôngr yiêz sôr ntơưv qơư./.

Thanh Thủy-Riê Lâux cxeik, nhênhv