Nênhs Poz Ziz đơưz nhoz Phong Thổ li ntênhs phêv hâuk chơưr nox mor blêx yiêz jông

          Txix thâuv sơưr nzor, sâuv cxuô jêx jos nênhs Poz Ziz đơưz nhoz Mường So, huyện Phong Thổ, tỉnh Lai Châu tưz hnor suôz đruôs, suôz nxêz tôngx đror cxuô qơư chuôk li cxơưz cxiz tsôngv box sik đros tuôx đras liêx nhoz jos Huổi Én. Blêx siêr đax vok côngv đros tsôngv box nênhs Poz Ziz li têx tsôngs yo liêz, njuôz lok six jông jav.

          Niêv lâuk Hoàng Thị Thiên, nhoz jos Huổi Én, xã Mường So, huyện Phong Thổ puz pâuz: Ntênhs phêv hâuk chơưr nox mor blêx tsưr tsix đhâu thâuv tsôngv box hâur jos khưr uô lox tôngv tas, viv li lênhx tưs cux lok six shir phaz. No zos jiês tsôngv box hâur jos tâu hnar têx chêr tsôngs yo yiêz jông tiv zix, chiê sik đros cxaz chuôz uô ntênhs phêv thiêz cxaz chuôz zuk mênhx cxưx li têx tsưr ziv uô si trâur lâuk:"Chiê tuôr tsês Poz Ziz đơưz li vênhx huôv chax chês jông, hnuz tưs cur cux muk shâuv vênhx ziv nhoz têx jêx jos, têx xã hâur thax tsav. Lok têx hnuz tsưr tsix ntênhs, cur cux hnar tsôngs yo Poz Ziz đơưz chiê tuôr tsês zuk mênhx cxưx li tsiv grê vênhx huôv jông"

          Ntênhs phêv hâuk chơưr nox mor blêx yiêz muôx 4 txưv zos tos plik blêx, hu plik blêx kôngz, tuôr cxur, phôngv luz nênhx ngaz tul, shir phaz thiêz txi côngv plik blêx. No zos phongz cxưx muôx txix nzor hâur tsôngv box mênhx cxưx Poz Ziz đơưz, hâur co tiv zix zos phongz cxưx tuôr cxur yiêz thiêz thor phôngv luz nênhx ngaz tul. Uô ntêx thâuv gra muk uô ntênhs phêv, blêx mos tâu muôz ciz  nhos hâur 30 phênhz, hluôr tơưk tsuv trâur chis zâu, đo muk đo lok txos thâuv blêx gis jông. Zơưv Nông Văn Náo, zos lênhx nênhs pâuz thôngz lok phongz cxưx vênhx huôv Poz Ziz nhoz xã Mường So puz pâuz: Lơưr nênhs Poz Ziz li siêz xar, no zos  kror jông cov mor kaz lok sik tsi kaz, viv zos hluôr tơưk lox mak mor zuôr tơưr, zos hluôr tơưk zâu mak mor tsi jôngx. Thâuv ciz tas tsuv muôz tso hâur kror chok chiê tuôr, tuôr cov huv mor thiêx li kaz. Tuôr tas muôz tso hâur blôngx njê thiêx li tsư kaz:"Nênhs Poz Ziz đơưz nhoz Phong Thổ li Ntênhs phêv hâuk chơưr nox mor blêx yiêz tưz muôx cxôngx nzor. Shông tưs pox nhuôs sâuv thax tsav no, tiv zix zos tsôngv box nôngx mênhx chos blêx sâuv Mường So no cux tsưr tsix ntênhs phêv. No zos jiês chiê pox nhuôk uô tsâus ntâu txos đaz xênhz têz xênhz qơư, txos pos zơưs tưz paz lơưr muôx tâu chiv cheix jông, phôngv trâu tuz nhuôk muôx jông đas jos, zus tâu tsiêx cxu, chos tâu kôngz tâu lông"

          Đhâu thâuv tsưr tsix ntênhs tas, tsôngv box Poz Ziz đơưz nhoz Mường So zuôr đros tsôngv kruô tuôx ndis shuôk uô si tsưr tsix têx tsưr ziv uô si trâur lâuk , đhiê pax vuôs li: sik truz hluô, leiv poz đhiê pax vuôs xòe. Têx huôx tôngv paz chuôz cxaz cêr sik côngv siêz hâur tsôngv box thiêz tsôngv kruô, tso pov mênhx cxưx Poz Ziz li vênhx huôv jông hâur côngv thôngx têx mênhx cxưx VN.Pos Mai thị Hồng Sim, phưv Chủ tịch UB huyện Phong Thổ, tỉnh Lai Châu puz pâuz: Tsôngv box Poz Ziz đơưz tsav 20 phênhv puô jênh số thiêz nhoz uô nênhx chês chôngk ntơưv 6 xã, thị trấn sâuv thax tsav huyện. Thax tsav Mường So, Khổng Lào tâu xav tênhv zos qơư muôx vênhx huôv mênhx cxưx Poz ziz jông nhoz Lai Châu. Txos nhiv no, huyện tưz muôx ntâu tsưr ziv tuôr tsês, phuôx huiz vênhx huôv mênhx cxưx Poz Ziz reik đros huôv tsar uô ju lix:     "Ntênhs phêv hâuk chơưr nox mor blêx yiêz zos mênhx cxưx Poz Ziz nhoz Mường So huyện Phong Thổ li iz hâur têx ntênhs phêv jông. Ntênhs phêv tưz tâu hôx phưx thiêz tuôr tsês, no cux zos iz vênhx huôv chax chês jông tsuôk muôx hâur tsôngv box mênhx cxưx Poz Ziz thax tsav Mường So; chiê cxơưz  tsôngv box sir jos huôv tsar uô kôngz lôngk. Hâur ntu zuôr txos huyện tror chox kriê xã, cux xưk li pox nhuôk thax tsav Mường So tuôr tsês vênhx huôv chax chês no reik đros huôv tsar uô ju lix"

          Đrâuv zos iz phongz cxưx chax chês jông hâur côngv thôngx mênhx cxưx, nênhs Poz Ziz  đơưz nhoz Mường So, huyện Phong Thổ li ntênhs phêv hâuk chơưr nox mor blêx yiêz tsênhv zos jiês chiê têx mênhx cxưx sâuv thax tsav tâu sik njiz, sik côngv cêr lov jêv. Txix co, muôz siêz siêz xar cxiv tsa luz nênhx yiêz, phuôx huiz đas jos cêr niêv côngv siêz tas nro mênhx cxưx, gôngr phênhv cxiv tsa thiêz huôv tsar vênhx huôv Việt Nam hlôngr yiêz jông./.

Khắc Kiên-Txâur Vax cxeik nhênhv

Huôv tsar truôx hêir nênhs Cho nhoz têx jêx jos

  “Hêir nênhs Cho ndo Đảng, ndo zơưv hloz Hôx”

          Muôx đảng thiêx muôx li hnuz no, sir jos cov xã hội ziv hnuz ziv huôv tsar truôx jông”

          Ntơư zos hêir nênhs Cho suôz sênhr cưr cxiêx muôzz njiêz luk “ndo Đảng, ndo zơưv hloz Hôx”, zos chor tuz nxêik hluôk nhoz jos Piềng Sàng, Xã Phiêng Luông, huyện Mộc Châu, tỉnh Sơn La sênhr suôz hêik nthuôr uô cêr lov jêv. Ntơư zos jax cưr cxiêx tưr tâu hov oz hâur hnuz kriz hội vênhx huôv hêir nênhs Cho hur si têz qơưs jiês tiv II shông 2022 trâu ntơưv tỉnh Thái Nguyên hâur ntu nhiv kruôr đhâu tsik ntêr no. Zơưv Bàn Văn Thuận, zos iz lênhx tuôx đros nthuôr uô cêr lov jêv shir phaz lul hêik:“Hâur ntu đhâu, pêz chor tuz nxêik nthuôr uô cêr lov jêv nhoz jos Piềng Sàng tưz tâu xêir tsov tuôx đros tưr nthuôr uô cêr lov jêv hâur hnuz kriz hội vênhx huôv hêir nênhs Cho hur si têz qơưs jiês tiv II trâu ntơưv tỉnh Thái Nguyên thiêz hâur ntu zuôr txos no, pêz cux tok njôngr cxuô ngênhx, hâu nov têz qơưs tsuv moz siêz txos hêir nênhs Cho têx txux chi, vênhx huôv jông cxôngx nzor”

          Hâur ntu uô ntêx, chor tuz nxêik hluôk nthuôr uô cêr lov jêv nhoz jos Piềng Sàng, tsuôk muôx 10 lênhx, hur si têx tsôngk tiêz, tsôngk yo sđ tưx xơưk chiê hnar nthuôr uô cêr lov jêv. Chiê cxơưz cxiz chor tuz nxêik hluôk nhoz têx jêx jos nthuôr uô cêr lov jêv trâu tsôngv kruô ndis shuôk têz qơưs  sêiz thiêz pâuz txos; hâu nov xã tưz paz cxươz chor tuz nxêik hluôk ntơư cơưv shâuv nthuôr uô lov jêv, đhiê pax vuôs. Đhâu 22 shông cxiv tsa thiêz huôv tsar, txos trâu nhiv no, chor tuz nxêik hluôk co tưz muôx txos 30 lênhx, tsik so nthuôr uô cêr lov jêv trâu sđ sêiz.Pos Triệu thị hương, sêiz car chor tuz nxêik nthuôr uô cêr lov jêv nhoz jos Piềng Sàng shir phaz lul hêik pâuz:“Pêz tưz xêir tsov zuk hêir nênhs Cho cxuô jax cưr cxiêx huv đros hâur luz nênhx nthuôr uô cêr lov jêv trâu sđ sêiz. Hur si têx njiêz luk suôz sênhr cưr cxiêx co muôx njiêz luk hêik txos hêir nênhs Cho têx cêr đaz cêr kruô, cêr nênhx vênhx huôv jông cxôngx nzor tsik chiê pôngz plox”

          Chor tuz nxêik nthuôr uô cêr lov jêv nhoz jos Piềng Sàng cxuô jax suôz sênhr cưr cxiêx, đhiê pax vuôs nthuôr uô cêr lov jêv huv đros sđ  siêz nhiêv. Chênhr zos li hêik ntơư, txos trâu têx hnuz tsiêz thiêz têx hnuzkriz ntênhk hội hâur niêx shông, chor tuz nxêik hluôk hêik sâu tưz muôz zuk hêir nênhs Cho têx txux chi, vênhx huôv jông cxôngx nzor chox muk nthuôr uô cêr lov jêv, đhiê pax vuôs trâu tsôngv kruô sđ sêiz. Trơưk li zơưv Bàn Văn Lợi, Bí thư đảg uỷ Xã Phiêng Luông, nthuôr uô cêr lov jêv, đhiê pax vuôs, cux chênhr zos paz cxơưz cxiz sđ huôv tsar truôx cxuô hêir nênhs sđ têx txux chi, vênhx huôv jông cov muôx đros đrêiv hâur luz nênhx: “Hâur ntu đhâu, hâu nov ntơưv qơư tưz yax kriê, cxươz cxiz tsôngv px cxuô hêir nênhs nhoz cxuô luz jêx jos hâur thax tsav khơưk tsês thiêz huôv tsar truôx sđ têx txux chi, vênhx huôv jông cxôngx nzor tsik chiê pôngz plox”

Zos muk txos trâu huyện Mộc Châu, tsôngv kruô sđ cux zênhx sêiz pov njôngr hêir nênhs chor tuz nxêik hluôk hnar têx tsôngk tiêz, tsôngk yo trâuk gax cxôngx nzor nthuôr uô cêr lov jêv, đhiê pax vuôs huv đros tsôngv kruô siêz nhiêv./.

                            Tsu cxêik nhênhvk- Chẻo Thu VOVTB