Pêx xênhv Sơn La sâu tâu nhiêx tiv khov sir zôngv khoa học kỹ thuật huôv tsar uô nox

         Zơưv Đỗ Mạnh Cường nhoz jok Tân Thảo, xar Mai Sơn, tỉnh Sơn La zos iz hâur chor chuôz zis uô ntêx hlo hlôngr yiêz huôv tsar chos dâu tây công nghệ siêz. Đros muôx 1,2 héc ta ntâu ar têz chos caz tsiz tsik jông, zơưv tưz muôz hlôngr chiê yưv penhr uô 3 luz tsêr tax thêir vor, sir zôngv tsưr ziv zưs đêx cxênhx txuôs, tu lơưr tsưr ziv VietGAP. Khov co, zơưv chuôz zis luz vax dâu tây tưz tsik zos paz muôx tâu tsơưr lươngv siêz mak tsênhv muôx phênhv sâu truôx tâu muôx 1 tiv đêiv ntâu iz shông. Zơưv Đỗ Mạnh Cường hêik pâuz: “Chor dâu tây no zôngx ziv chos taz sik lax tu, tsuv muôx kỹ thuật tu cov jông, đuô thiêz khov trâu ntux paz. Chor dâu tây cux paz muôx tâu kinh têr siêz, pêz sir jos nriêr pâuz, cơưv shâuv chiê uô thiêz tu cov jông xưz”.

           Cux nơưv xar Mai Sơn, niêv tix Nguyễn Thị Bích Hoài nhoz tiểu khu 32, tưz muôx ntâu shông chos chor txir na. Taz sik, tiv uô tsơưs viv li tsênhv sâu tsik tâu siêz. Txix thâuv sir zôngv kỹ thuật uô, ghép chor zuz na Thái tsơưr lươngv, niêv tix chuôz zis chor txir na tưz tsar ndê siêz đuô ntâu jiês.

           Niêv tix Nguyễn Thị Bích Hoài puz pâuz, muôx 2 héc ta ntâu, chiv shông no chuôz zis njuôk xav zuôr sâu tâu muôx 30 ntâu tấn, nhiêx txiêx tâu xar muôx 1 tiv đêiv đhâu xav tas têx côngz đas jos uô, khov co chuôz zis luz nênhx cux tưz truôx tuk đuô lơưv: “Muôx chor zuz na Thái no, pêz cux hlôngr đuô txix muôz ghép trâu chor txir ntông ntơưv thax tsav qơư, lok sik zuôr chor zuz lơưr tưz uô tâu chox lok chos. Chos chor zuz txir na no mak gri muôs siêz, tiv zix oz pêz shông xuz thơưx muôs tâu muôx 100 cxênhz đêiv iz cir; tov kaz no muôx chôngz nênhs kriz đar thax tsav chos viv li gri grêk kik mê njil, taz sik cux  tsênhv truôx tuk; njuôk xav shông no cur chuôz zis zuôr sâu tâu xar muôx 30 tấn txir”.

             Lơưr zơưv Nguyễn Anh Thu, Phưv Chủ tịch Ủy ban xar Mai Sơn, hlôngr đuô chor tsoz chos, sir zôngv khoa học kỹ thuật đros cxiv uô thax tsav chos, huôv tsar tsiv gri tưz paz uô nox tâu jông đuô. Tưz tsik zos paz trâu yênhx puô ziv chuôz zis tơưv đhâu yêiz pluôs, uô bluô nux truôx đrênhk mak tsênhv paz cxiv tsa côngz bê trâu chor kôngz nuv Sơn La ziv hnuz ziv tâu muôs ntâu sâuv têx ciêz đrôngs hâur têz qơưk thiêz muôs muk trâu têx têz qơưk txơưr. Tas nro xar muôx zuôr xar 7.600 ziv chuôz zis, hâur co chor ziv chuôz zis pluôs tsuôk yuôr muôx 1,7% ntâu, ziv chuôz zis zuôr xar pluôs yuôr muôx 1,6%, phênhv sâu xav lênhx nênhs tâu muôx 51 triệu đêiv ntâu iz lênhx nênhs iz shông: “Xar Mai Sơn li uô kôngz nuv muôx ntâu hlôngr yiêz jông, pêx xênhv tưz pâuz sir zôngv khoa học, kỹ thuật lok uô nox; hlôngr đuô chos chor zav tsoz chos muôx tsơưr lươngv kinh têr siêz đuô. Ntâu ziv chuôz zis tưz uô chor txir na siêr tsik ndax chiv, tâu chôngz lênhx nênhs hâur tỉnh thiêz đrâuv tỉnh nhiêv zuôr khov tsơưr lươngv jông thiêz kaz”./.

            Uô tâu nox txir tsưr ziv chos dâu tây, txir na thiêz ntâu zav ntông nox txir txơưr puz pov têx hlôngr yiêz hâur pêx xênhv Sơn La tsưr ziv uô nox, txix têx tsưr ziv uô nox kuz trâu tsưr ziv uô kôngz nuv công nghệ siêz, kông nuv hax huv…/.

Trấn Long-Lik Thox cxêik nhênhv

Têx phênhv xưv bluô thâuv hâuk chơưr bia cxaz chuôz zaoz thôngz tâu uô txix shông 2025 lơưr Nghị định 168

          Tsôngv…yuô! Nghị định 168/2024/NĐ-CP cui tênhv têx phênhv xưv bluô thâuv hâuk chơưr bia cxaz chuôz zaoz thôngz tâu uô txix shông 2025:

          Phênhv xưv bluô đros tsar yêz ô tô thâuv tưz hâuk chơưr bia

          Lơưr Grê 6 Nghị định 168/2024/NĐ-CP cui tênhv lok xưv bluô, yưx điểm nênhs tsar yêz ô tô li ntơưr tso chei tsar yêz thâuv cxaz chuôz zaoz thôngz cêr ar. Hâur co, phênhv xưv bluô li đrav kaz:

         -Chơưr bia muôx hâur 100ml nyar kis đuô 50mg lok sik kis đuô 0,25mg/iz lir paz mak trâus xưv bluô nhiêx txiêx txix 6 txos 8 tsov đeiv, yưx 6 điểm ntơưr tso chei tsar yêz.

           -Chơưr bia muôx hâur 100ml nyar txix 50-80mg lok sik txix 0,24 txos 0,4mg sâuv iz lir pa mak trâus xưv bluô nhiêx txiêx txix 18-20 tsov đeiv, yưx 10 điểm ntơưr tso chei tsar yêz.

            -Chơưr bia muôx hâur 100ml nyar siêz đuô 80mg lok sik siêz đuô 0,4 iz lir pa mak trâus xưv bluô nhiêx txiêx txix 30 txos 40 tsov đeiv, yưx 12 điểm ntơưr tso chei tsar yêz.

             Phênhv xưv bluônênhs tsar yêz meir thâuv tưz hâuk chơưr bia

          Lơưr grê 6 Nghị định 168/2024/NĐ-CP cui tênhv lok phênhv xưv bluô, yưx điểm ntơưr tso chei tsar yêz đros lênhx nênhs tsar yêz meir thiêz têx zav yêz xưk li yêz meir cxaz chuôz zaoz thôngz cêr ar. Hâur co, phênhv xưv bluô li đrav kaz no:

           -Chơưr bia muôx hâur 100ml nyar kis đuô 50mg lok sik kis đuô 0,25mg hâur iz lir pa mak trâus xưv bluô nhiêx txiêx 2 txos 3 tsov đeiv, yưx 6 điểm ntơưr tso chei tsar yêz.

            -Chơưr bia muôx hâur 100ml nyar txix 50-80mg lok sik txix 0,25mg txos 0,4mg hâur iz lir pa mak trâus xưv bluô txix 4 txos 5 tsov đeiv, yưx 10 điểm ntơưr tso chei tsar yêz.

            -Chơưr bia muôx hâur 100ml nyar siêz đuô 80mg lok sik siêz đuô 0,4mg hâur 1 lir pa mak trâus xưv bluô txix 6 txos 8 tsov đeiv, yưx 12 điểm ntơưr tso chei tsar yêz.

              Phênhv xưv bluô nênhs tsar yêz tuôv thâuv tưz hâuk chơưr bia

          Lơưr grê 9 Nghị định 168/2024/NĐ-CP cui tênhv lok phênhv xưv bluô nênhs tsar yêz tuôv, yêz meir tuôv, nênhs tsar têx zav yêz tuôv txơưr thâuv tưz hâuk chơưr bia cxaz chuôz zaoz thôngz cêr ar. Hâur co, phênhv xưv bluô muôx li đrav kaz:

            -Chơưr bia muôx hâur 100ml nyar kis đuô 50mg lok sik kis đuô 0,25mg hâur iz lir pa mak trâus xưv bluô nhiêx txiêx txix 100-200 cxênhz đeiv.

             -Chơưr bia muôx hâur 100ml nyar txix 50-80mg lok sik txix 0,25 txos 0,4mg hâur iz lir pa mak trâus xưv bluô txix 300-400 cxênhz đeiv.

             -Chơưr bia muôx hâur 100ml nyar siêz đuô 80mg lok sik siêz đuô 0,4mg hâur iz lir pa mak trâus xưv bluô nhiêx txiêx 400-600 cxênhz đeiv./.

Bích Thuỷ- Txâur Vax cxeik nhênhv