Sir jos kriê hâur pâuk ntơưr trâu tsôngv box mênhx cxưx tsơưs nênhs nhoz

Điện Biên

Tsêr cơưv ntơưr hâur jok Nậm Vì, xar Chung Chải, huyện Mường Nhé yênhx hmo puôr lênhx tơưl tênhz pov cêr lus, thâuv chor cưk kriê ntơưr Tsêr cơưv Cxênhx iz sôr 2 Chung Chải sir jos kriê hâur pâuk ntơưr trâu pêx xênhv nhoz ntơưv no. Lớp cơưv no muôx 20 ntâu lênhx nênhs cơưv, zos nênhs txix ntâu hov hnuz nhôngs, tas nro puôr lênhx zos tsôngv box Hmôngz tuôx cơưv.

Zơưv Chang Sa Pao-iz lênhx nênhs cơưv hâur lớp hêik, đhâu ntâu hmo sir jos tuôx cơưv ntơưr, zơưv lok six shir phaz viv nhiv no zơưv tưz pâuz tính têx kror zôngx ziv lơưv:

“Thâuv ntêx zuk nhoz pêv tox siêz mak uô tâu li chak mak tsâuk ntux lok zuk nox li co xưz, nhiv no mak muôx têx qơư muôs huv lơưv, zuk tu zus tâu kêiz, uô tâu blêx mak chox muk muôs, zuk tsuv pâuz njuôk xav, viv li tsuv sir jos cơưv, tsik pâuz ntâu lok têx ntơưr zuk cux sêiz nhênhv tâu”.

Cưk kriê ntơưr Lý Văn Hiệu, kriê ntơưr hâur Tsêr cơưv Cxênhx iz sôr 2 Chung Chải, huyện Mường Nhé puz pâuz: chor nênhs cơưv hâur lớp kriê hâur pâuk ntơưr li sir jos chênhr zos kror paz trâu chor cưk kriê ntơưr sir jos kriê ntơưr đuô. Tsik xav txos hnuz nhôngs thâuv tuôx cơưv ntơưr mak chor nênhs cơưv lok six sir jos cơưv. Txos nhiv no, lớp cơưv tưz cơưv tiêr tsaz yênhx lớp 2 nhoz thênhv 1:

“Tâu Ban giám hiệu choz chiê sêiz car lớp cơưv hâur pâuk ntơưr thâuv tsâuk ntux mak cur cux tsik so sir jos kriê ntơưr trâu chor nênhs cơưv, tsês chiê six hơưv muk kriê ntơưr cov chor nênhs cơưv cơưv tâu jông tiv zix”.

Tưz tsik zos ntơưv Mường Nhé xưz, chor lớp cơưv hâur pâuk ntơưr tưz tâu nganhx Zoz zux tỉnh Điện Biên kriz ntơưv cxuô thax tsav qơư hâur tỉnh. Khov muôx chor cưk kriê ntơưr têx sir jos, chor nênhs cơưv zênhx sưv đros khưr uô liêx têz nhiv no tưz pâuz sâu zuk têx bê, sâu tâu ntơưr, pâuz tính têx kror zôngx ziv lơưv...

Pos Lường Thị Thơm, nhoz jok Huổi Chan 1, xar Mường Pồn, huyện Điện Biên puz pâuz:

“Tâu tuôx cơưv lớp hâur pâuk ntơưr cur lok six shir phaz. Thâuv tưs muk cir têx ntơưr mak cux tsuv niêk têk xưz phiv liv hênhr. Nhiv no tâu cơưv hâur pâuk ntơưr mak jông hênhr, pâuz sâu zuk luz bê lơưv”.

Zơưv Nguyễn Văn Đoạt, Giám đốc Sở Zoz zux tỉnh Điện Biên puz pâuz: khov sir jos uô côngz xưv kriê hâur pâuk ntơưr, viv li chor nênhs hâur hnuz nhôngs pâuz ntơưr nhoz tỉnh tưz chuôz ndê hâur têx shông jê lok no. Txos nhiv no, chor nênhs hâur hnuz nhôngs txix 15-60 shông tâu côngz jênhv pâuz ntơưr nhoz thênhv iz tưz xar muôx 97%; pâuz ntơưr nhoz thênhv 2 zos 88%. Hâur shông 2023, nganhx Zoz zux tỉnh tưz sir jos kriz 50 ntâu lớp đros muôx 1.200 lênhx nênhs cơưv, chiê uô truôx jông hâux lưv kriê cơưv hâur pâuk ntơưr nhoz thênhv oz thiêz chuôz ndê chor nênhs pâuz ntơưr nhoz thênhv 2 hâur hnuz nhôngs txix 15-60 shông:

“Côngz xưv kriê hâur pâuk ntơưr, phổ cập zoz zux tâu tỉnh sir jos kriz uô, tas nro cxuô cấp nganhx, cxiv luôs chinhr triv sir jos đros uô. Nhiv kruôr đhâu, Hôiv đôngx tỉnh cux tsov cưv txos thôngz đhâu Nghị quyết lok paz trâu chor nênhs cxaz chuôz cơưv hâur pâuk ntơưr thiêz huôx tôngv cxiv tsa xar hôiv cơưv ntơưr. Zuôr txos no, Sở Zoz zux cux zuôr tror hêik trâu tỉnh tso tơưv cui tênhv paz têx ntâuz ntơưr trâu nênhs cxaz chuôz cơưv hâur pâuk ntơưr”.

Zơưv Nguyễn Văn Đoạt cux puz pâuz, chiê tror uô tâu jông thiêz gra siêz đuô tsơưr lươngv kriê hâur pâuk ntơưr trâu pêx xênhv, ntu zuôr txos, nganhx zuôr sir jos cov muôx txâuk cưk kriê ntơưr uô hâux lưv kriê hâur pâuk ntơưr nhoz têx xar tox siêz, thax tsav txov nhêv tiv zix; tsưr tsix chor lớp cơưv hâur pâuk ntơưr cov huv six hơưv, qơư cơưv, huv đros trâu tsôngv box li xênhz huôx hâur niêx hnuz, cov zôngx ziv tiv zix trâu chor nênhs cơưv tuôx cơưv ntơưr tâu cxix cxuô thiêz tax tâu tsơưr lươngv siêz./.

Vũ Lợi-Lik Thox cxêik nhênhv