Ciêz Cốc Lếu trâur lâuk- Luz ciêz đros ntâu chiv nhênhv jông thâuv ntêx

          Tuôx car luz ciêz trâur lâuk, pov lok six shưv jê viv têx txir xiêr, txir hơưk, cxuô zav yuôx njuôz lok six tsư kaz. Thiêz đros co zos têx ziês cuz thaz, cuô tâuv tsuôz chuôk li hu zâuv cxuô lênhx cxuô tul tuôx nox siv têx zav nox kaz nto bê no... sik côngv co zos têx luk hu zâu zuôr hax huv, têx luk sik thav lov jêv thâuv tsôngv pox nhuok tuôx car ciêz tâu sik njiz. Đrâuv têx lênhx nênhs tuôx zuôr muôs hax huv, tsênhv muôx têx lênhx lâuk nênhs tuôx ciêz trâur lâuk chiê sik thav pêv, ndo txos ntu đrav ntêx đros thiêz ntâu chiv nhênhv lok luz ciêz trâur lâuk no. Pos Đỗ Thị Phượng, iz lênhx nênhs muôx ntu nhoz hâur ciêz no ntu tsênhv txov nhêv thâuv ntêx pheiz kênh:

          “Cur lok six jông siêz, thâuv ntêx ntu tsênhv txov nhêv pos muôv muôs hax huv nhoz ciêz Cốc Lếu no. Nhiv no tror ndo txos ntu thâuv co, tiv zix zos njiê pov têx trôngx tos thâuv ntêx tâu piêr kriê ntơưv no mak tsuv zuôr muk jâuv siv, pov jông li zuk tror tis lo trâu ntu hluôk thâuv ntêx”

          Iz cêr shir phaz txơưv tsi lox co zos tror ndo txos ntu đrav ntêx thâuv tuôx ciêz Cốc Lếu tưz chuôk li uô trâu têx lâuk nênhs thâuv ntêx pov “zuk tror tis lok ntu tsênhv hluôk, pov muôx đas jos đuô”. Tsi taz têx lâuk nênhs, mak têx lênhx hluôk nênhs cux nriêr tuôx car ciêz li niêv lâuk Hà Trang, iz lênhx nhuôv nhoz phường Lào Cai shir phaz heik:

          “Cur pov cxuô zav nhoz no puôr lênhx lok six jông chiê cur nriêr pâuz, viv li cur tuôx ciêz Cốc Lếu trâur lâuk no txix ciês pok thâuv sơưr nzor. Cur zuôr tâu 5 las kar kra kruôr, cxur blêx mos muôs ntơưv ciêz chiê chox lok nox siv pov lok six kaz”.

          Txix iz luz ciêz nhoz buôk tul đêx Liêz thâuv ntêx, Cốc Lếu tưz yênhx qơư muôv muôs tsênhv nhoz thax tsav ntus đriv. Thiêz hâur ntu sik côngv đros muôx ntâu kror hlôngr yiêz li nhiv no, tsênhv muôx têx tsiv grê tuôr tsês tâu jông. Ntơưv iz qar muôs yuôx njuôz tưz 3 cxênhx nênhs lok no, zơưv Giang Đình Duyên tsênhv heik kriê trâu tsôngv kruô têx zav yuôx njuôz chax chês li Hà thủ ô, kỷ tử, nhân sâm....

          “Tas nro têx zav yuôx njuôz no tưz muôx txix nzor lok, zos têx zav yuôx muôx tsiv grê mak cxênhx nênhs tov ntêx tsês chiê viv li pêz gra têx xiv huv y học no tuôx heik kriê trâu sđ pâuz lok txux zôngv thiêz tsưr ziv sir zôngv”.

          Tsi taz zos tsôngv box Lào Cai nriêr tuôx car ciêz mak nhoz ciês tov iz tos tul qox Cốc Lếu, kuôk trôngx đriv tsuôk 2-3 truôv muk tơư, qơư piêr muôs no tâu chôngz tsôngv kruô nhoz saz ntus đriv tiv uz lok six nhiêv txos.

          Hâux lưv hôx phưx luz ciêz trâur lâuk thâuv ntêx nhoz buôk tul đêx Liêz nhoz tỉnh Lào Cai lok six muôx ziz njiêz jông. No tsi taz zos iz huôx tôngv vênhx huôv jông, mak tsênhv zos iz tsưr ziv piêr kriê lok hâur pâus muôv muôs, gôngr phênhv huôv tsar yênhx iz Lào Cai bluô nux, vav mênhx li nhiv no. Pos Trần Thị Thùy Dung, Phưv Chủ tịch UB phường Lào Cai puz pâuz:

          “ Jax pêv lok ciêz Cốc Lếu trâur lâuk chênhr zos têx luz fuôx gox thâux hax huv muk lok sâuv têx qar tsav fuôx gox, thôngx cxix cux reik đros iz qơư nto bê tsưr tsix cxênhx nênhs thâuv ntêx li têx huôx tôngv muôv muôs hax huv, txix co gôngr phênhv cxiv tsa Lào Cai bluô nux, vav mênhx li nhiv no”./.

(An Kiên-Txâur Vax cxeik nhênhv)