Điện Biên muôz siêz tsơưr lươngv xiv huv OCOP ndar txos muôs tơưv saz đrâuv têz qơưk

Tsoz chos mắc ca huv đros qiv hơưv, ar têz, viv li tâu ntâu tiv phaz, doanh nghiệp nhoz tỉnh Điện Biên tsov cưv yưv pênhr huôv tsar chos; hâur co muôx Công ty cổ phần yưv pênhr huôv tsar Mắc ca thiêz nôngz zuz jôngr nuv Điện Biên. Zơưv Phạm Duy Thành-Giám đốc Công ty puz pâuz: txos nhiv no, công ty li xiv huv macadamia tưz tâu côngz jênhv zos xiv huv OCOP jông. Nhiv kruôr jê ntơưv no, xiv huv no tsênhv tâu xeir zos 1 hâur têx xiv huv công nghiệp nôngx cxênhz jông nhoz tỉnh Điện Biên shông 2023: “Txix thâuv Công ty qir yưv pênhr thiêz tsêz chos mắc ca sâuv thax tsav mak pêz cux nhênhz chơưv xeir têx nôngz huv đros qiv hơưv, ar têz thax tsav Tây bắc. Thâuv tsoz chos hloz lox jông, txir mắc ca tâu tsoz phưz huv đros chiê tsoz chos txi ntâu fâuv txir. Thâuv pêz sâu thiêz tsiv uô cux uô lơưr têx tsưr ziv kriê”.

          Khov tsov cưv tsiv uô, đros tsưr ziv tsi so muôz siêz tsơưr lươngv xiv huv, 3 shông tov ntêx, công ty cổ phần Cà phê Hồng Kỳ Quốc tế nhoz tỉnh Điện Biên li xiv huv hmôngr cà phê Hồng Kỳ HK 13 cux tưz tâu côngz jênhv xiv huv OCOP jông. Zơưv Nguyễn Quốc Tế, giám đốc Công ty puz pâuz, nhiv no taz viv tsênhv uô tiêr ntâuz ntơưr chiê côngz jênhv xiv huv OCOP 4 trâu têx xiv huv cà phê công ty: “Chiê tror muôz siêz tsơưr lươngv xiv huv cux xưk li hlôngr yiêz chuôz cxaz tsôngv kruô li siêz njênhs, pêz li tsưr ziv hâur ntu zuôr txos zos huôv tsar thax tsav chos, tsênhz mênhx zos ntơưv huyện Tuần Giáo thiêz Mường Ảng, chiê hlôngr yiêz nguyên liệu uô li chas chiê xiv huv OCOP muôx thax tsav chos truôx vênhs, yênhx lix luôk hâux lưv sik côngv sâu zuôr thôngz đhâu tsôngv box li HTX đros thiêz doanh nghiệp”.

          Pos Bùi Thị Việt Hà, Tsưr qơư tsiv uô cà phê Hà Chung, huyện Mường Ảng, tỉnh Điện Biên-taz viv muôx xiv huv OCOP tax ploz tsênhr siêz puz pâuz: “Thâuv tâu côngz jênhv zos xiv huv OCOP jông, cà phê hà Chung tưz khav tênhv tâu bê xiv huv sâuv thax tsav tỉnh Điện Biên cux ntơưv têx tỉnh txơưr. Ntu zuôr txos, cà phê Hà Chung zuôr huôv tsar muk niêv ciêz hâur têx tỉnh hâur têz qơưk chiê txix co huôv tsar đêz đar sâuv niêv ciêz, thôngx cxix chuôz cxaz phênhv sâu trâu tiv phaz”

          Tỉnh Điện Biên nhiv no muôx 56 xiv huv OCOP, hâur co muôx 4 xiv huv tax tsơưr lươngv jông.

          Têx shôngk đhâu, têx nganhx, tiv phaz hâur tỉnh tưz chêx chôngk uô ntâu tsưr ziv chiê muôz siêz tsơưr lươngv xiv huv kôngz nuv tsênhv chiê ndar txos muôs tơưv trâu saz đrâuv têz qơưk. Zơưv Vũ Hồng Sơn, Giám đốc Sở công thương tỉnh Điện Biên puz pâuz: “Chiê muôz siêz tsiv gre xiv huv công nghiệp, nôngx cxênhz jông, tiv zix zos têx xiv huv chiê muôs trâu niêv ciêz, pêz lok six xar njôngr têx taz viv doanh nghiệp sâuv thax tsav tỉnh chuôz tsar muôz siêz zuk li tsơưr lươngv tsiv grê xiv huv, uô jông hâux lưv cxiv tsa suôz bê xiv huv, đros têx xiv huv mak tsuv taz por zav nox cux xưk li tax ploz tsênhr tsơưr lươngv chiê muôs tơưv trâu niêv ciêz”

          Tỉnh Điện Biên xav tênhv hâur ntu zuôr txos zuôr huôv tsar xiv huv kôngz nuv lơưr saz tsiv grê chiê tsi so muôz siêz tsơưr lươngv xiv huv, tuôv zênhv têx zoz qơưx muôs tơưv saz đrâuv têz qơưk. Đros co zos sir jos cxiv tsa, huôv tsar bê xiv huv kôngz nuv, yênhx trus chox kinh têr kôngz nuv tiv phaz huôv tsar đuô./.

Vũ Lợi-Txâur Vax cxeik nhênhv

Yên Bái qênhz yuôx jông têx hax huv muôs hâur ciêz đrôngs kaz shông

Uô lơưr Cục Sêiz car ciêz đrôngs tỉnh Yên Bái tsưr ziv phax tar hax huv tsik jông, hax huv chuôr hâur hli kaz shông 2023, uô ntêx hâur têx hnuz zuôr txos txos Tsiêz thiêz đhâu Tsiêz Têz qơưk Jax shông 2024, têx hnuz no, Đôiv sêiz car ciêz đrôngs sôr 2, thành phố Yên Bái tưz sir jos qênhz yuôx cxuô qơư muôs hax huv hâur thax tsav zuk sêiz car.

Tsênhv njiêz zos qênhz yuôx têx ntâuz ntơưr tso chêi zuôr, muôs hax huv; ntâuz ntơưr hêik pâuz lok têx hax huv, ntơưr lo chiv gri cxuô zav hax huv… đros tsưr ziv zos chiê pov tâu nzor, xưv lik truôx chor nênhs uô cxâuv chêi têz qơưk lok zuôr muôs hax huv, tsik chiê muôx yưv chor tsưr tsix, tiz nênhs liv zôngv thâuv muôx chôngz nênhs zuôr ntâu hax huv hâur ntu zuôr txos tsiêz têz qơưs, tsik chiê têx hax huv tsar ndê gri muôs. Đros co, paz trâu sơưr đơưk pâuz uô truôx jông lơưr chêi têz qơưk lok zuôr muôs hax huv. Zơưv Vũ Thanh Long, Phưv Đôiv trưởng, Đôiv Sêiz car ciêz đrôngs sôr 2, thành phố Yên Bái puz pâuz: “Hâux lưv sêiz car thax tsav tưz tâu phêiz côngz tsênhz mênhx txos yênhx lênhx công chức, txix côngz xưv sêiz car thax tsav mak pov muôx têx kror uô cxâuv. Đrâuv côngz xưv sêiz car thax tsav mak đôiv tsênhv uô hâux lưv yax kriê cêr chêi têz qơưk trâu chor tsưr tsix, tiz nênhs, nênhs sir zôngv tsik paz trâu zuôr muôs têx hax huv chuôr, hax huv tsik jông, pâuz tsik tsênhz qơưk uô, hax huv tsik ngaz tuk vêv xênhz zav nox”.

Lơưr pos Hà Hồng Sâm, tsưr iz qơư muôs hax huv nhoz phường Yên Ninh, thành phố Yên Bái hêik, chor nênhs sir zôngv ziv hnuz ziv tsov cưv ntâu txos tsơưr lươngv têx hax huv, viv li, niêv tix tsik so zuôr têx hax huv muôx suôz bê, pâuz tsênhz qơư uô chox lok muôs… Đuô li, chiê qơư muôs huv tâu chôngz nênhs njênhs zuôr, pâuz txos, niêv tix tsik so sik côngv đros nganhx muôx vax huôv li sêiz car ciêz đrôngs hâur hâux lưv qênhz yuôx hax huv, tiv zix zos chor nênhs zuôr chuôz ndê chôngz lênhx trâu thâuv zar kaz shông, bax trâu jiês Tsiêz…“Thâuv pêz zuôr huv lok mak zuôr công ty têx hax huv, tsuv muôx ntâuz ntơưr cov cxix cxuô. Chor hax huv tâu luôs thâux tuôx mak pêz zênhx tsik zuôr lok muôs hlo”.

Zơưv Trần Hồng Tuấn, Phưv Cục trưởng sêiz car, Cục Sêiz car ciêz đrôngs tỉnh Yên Bái puz pâuz: Đros qênhx shênhx txos thâuv kaz shông, chôngz lênhx nênhs liv zôngv txos muôx chôngz nênhs zuôr chiê muôs nzir têx hax huv tsik jông, lok sik chuôz ndê gri muôs. Cục cux xưv lik truôx jông chor nênhs uô cxâuv zuôr muôs hax huv tsik jông, hax huv chuôr, tsik ngaz tuk vêv xênhz zav nox: “Pêz cux hêik trâu nênhs sir zôngv, hâur jiês kaz shông thâuv zuôr muôs hax huv pov muôx têx hax huv chuôr, iz zav li hax huv tas six hơưv sir zôngv, tsơưr lươngv kik, tsik ngaz tuk mak hu ciês hêik trâu pêz pâuz, pêz zuôr tso tâu  nênhs sik côngv đros thiêz xưv lik ciês”

Hâur jiês uô côngz xưv phax tar hax huv tsik jông, hax huv chuôr, pâuz tsik tsênhz qơư uô hâur jiês Tsiêz Jax shông 2024. Cục Sêiz car ciêz đrôngs Yên Bái cux tsêx trung xav jênhv thax tsav, têx hax huv tsik jông, pâuz tsik tsênhz qơư uô, hax huv chuôr, tsik ngaz tuk trâu lênhx nênhs đas jos. Đros co, sir jos hêik chor tsưr tsix, tiz nênhs zuôr muôs hax huv tror uô lơưr cir jênhv tsik zuôr muôs têx hax huv chuôr, hax huv tsik jông, pâuz tsik tsênhz qơư uô, đros tsưr ziv zos chiê cxuô lênhx nênhs tâu tok Tsiêz shir phaz, lov jêv thiêz ngaz tuk./.

Đinh Tuấn-Lik Thox cxêik nhênhv