Têx tsêr cơưv nhoz tỉnh tox siêz Lai Châu sir jos taz por tsaz yênhx shông cơưv

Kuôk tsênhv qơư xã muôx nhos 1 ceik cêr thiêz zaoz thôngz zôngx ziv muk lok, taz sik jos Hợp 2, xã Dào San ho zos tiv phaz muôx moz Covid-19 huôv xênhz phêv liv. Txos nhiv no, jos tưz muôx 40 ntâu lênhx nênhs trâus moz Covid-19 thiêz yênhx puôk lênhx zos nênhs F1, ntâu ziv chuôz zis tưz tsuv cơư trôngx chiê nhoz tsêr cêv kuôk thiêz kho moz. Viv li, ntâu lênhx mê nhuôs shux xênhz muk cơưv ntơưr tsi tâu, uô zênhr shar ntâu txos tsơưr lươngv cơưv ntơưr. Shux xênhz Dì Thị Nhung nhoz jos Hợp 2, shux xênhz lớp 9A1, tsêr cơưv phổ thôngz mênhx cxưx cxênhx 2 Dào San pheiz kênh:

          “Cur cxơưx tsi tâu muk cơưv ntơưr mak zuôr tsi ndo tas ntâu yênhx tưv thiêz thik tsi tâu muk cơưv cxênhx 3. Khov muôx têx txir nzơưv bộ đội thiêz têx cưk kriê mak nhiv no cur tưz tâu cơưv trực tuyến. Qir thơưx cur nhiv kruôr cơưv mak tsi tâu shưv thiêz tsi txơưx krêz chiê cơưv, taz sik khov muôx têx txir nzơưv bộ đội paz mak nhiv no cur tưz zôngx ziv krêz chiê cơưv ntơưr”.

          Txơưv txov nhêv lok kinh têr, taz sik viv tuz nhuôs li luz nênhx hâur ntu zuôr txos, ntâu ziv chuôz zis nhoz Dào San, Phong Thổ tưz truôx siêz muôs poz cưk, muôs cxur, lok sik txeik nhiêx txiêx chiê zuôr chuôz zênhx trâu mê nhuôs cơưv ntơưr trực tuyến. Taz sik, viv shux xênhz nhoz tox siêz tsơưs tâu zôngv têx chuôz zênhx yiêz, viv li thâuv zôngv cux tsi pâuz zôngv pês tsơưs. Niêv lâuk Shôngx Thị Dẻ nhoz jos Hợp 2, xã Dào San puz pâuz:

          “Cur lok six cxơưx đros qênhx shênhx moz huôv xênhz li nhiv no, mê nhuôs muk cơưv ntơưr tsi tâu, cơưv tsi tâu lơưr tsaz yênhx sâuv lớp. Qênhx shênhx moz hâur jos nhiv no cux muôx ntâu lênhx nênhs trâus moz Covid-19, viv tsôngv box muk nox đêz lok. Taz sik khov muôx têx lênhx bộ đội mak têx mê nhuôs txơưx cơưv krêz mạng chiê cơưv trực tuyến, pâuz tâu têx yênhx tưv cưk kriê kriê sâuv lớp”.

          Lok saz tsêr cơưv, tiv moz Covid-19 huôv xênhz, viv li uô zênhr shar txos cưk kriê thiêz shux xênhz li hâux lưv kriê thiêz cơưv ntơưr. Chiê taz por shông cơưv li tsaz yênhx, têx tsêr cơưv tưz uô ntâu tsưr ziv li choz bài, kriê trực tuyến…đros têx lưx lươngv li bộ đội pênhz phax, công an, dân quân, cán bộ têx jêx jos li paz txưv.

          “Qênhx shênhx moz huôv xênhz phêv liv li no mak tsi pâuz txos thâuv tưs mê nhuôs shux xênhz thiêx tâu tror tuôx trâu tsêr cơưv ntơưr. Viv li hâux lưv cơưv trực tuyến cux tsuv tâu tsưr tsix uô chiê mê nhuôs bax yênhx tưv trâu jiês thik học kỳ. Cux lok six xar njôngr têx lênhx bộ đội zuôr tror sir jos paz cưk kriê uô jông tsaz yênhx shông cơưv no”

          Zênhx pênhz phax Dào San, huyện Phong Thổ (tỉnh Lai Châu) nhiv no tsênhv coar lik thax tsav 3 xã, muôx Dào San, Mù Sang, Tung Qua Lìn đros zuôr xar 30 jêx jos, muôx nhos 14 cxênhz lênhx nênhs.

          Đại úy Đinh Danh Cẩn, chính trị viên Zênhx pênhz phax puz pâuz, moz Covid-19 tsênhv uô zênhr shar lok six ntâu txos tsôngv box li luz nênhx, tiv zix zos shux xênhz têx mênhx cxưx sâuv thax tsav li hâux lưv cơưv ntơưr. Txos nhiv no, têx tsêr cơưv nhoz 3 xã tưz muôx 170 lênhx mê nhuôs shux xênhz trâus moz Covid-19, uô hâux lưv cơưv ntơưr njiz ntâu phêv liv:

          “Uô Bộ tư lệnh Bộ đội pênhz phax li tsaz yênhx “paz mê nhuôs shux xênhz muk cơưv ntơưr”, Đảng ủy Zênhx pênhz phax cux tưz chox kriê Tuêv vênhv tôngv tsôngv box hâur taz viv côngv đros cấp ủy Đảng thiêz chính quyênx tiv phaz; tiv zix zos têx taz viv tsêr cơưv sâuv thax tsav uô tsưr ziv yiêz, yax mông vênhv tôngv mê nhuôs shux xênhz muk cơưv ntơưr. Txix tsưr ziv “muk txos yênhx thax tsav qơư, yênhx ziv chuôz zis, heik yênhx lênhx mê nhuôs shux xênhz” pêz cux đros cưk kriê têx tsêr cơưv kriê mê nhuôs cơưv trực tuyến, chiê uô li chas cov shux xênhz zôngx ziv to tâuz tiv zix”./.

(Khắc Kiên- Txâur Vax cxeik nhênhv)

Txir khơưz đuz siêr tsik ndax chiv, muôs tâu gri, pêx xênhv Mộc Châu shir phaz

  Tix lâus Nguyễn Thanh Khơ, nhoz tiểu khu 3, xar Chiềng Sơn, huyện Mộc Châu ziv chuôz zis muôx 1.000 ntâu tsoz txir khơưz đuz. Têx shông uô ntêx, txir khơưz đuz siêr tsik ndax chiv tsuôk txâuk nox, taz sik shông no thâuv đhâu tsiêz, chuôz zis tưz muôx txir khơưz đuz chiê muôs. Kuôk 14 hnuz, tix lâus Khơ chuôz zis ho muk đê txir iz jiês, iz jiês cux đê tâu muôx 20 cir tror sâur, đros gri muôs tâu muôx 50.000 đêiv iz cir:

“Đhâu thâuv txiêr chês, uô vêv xênhz vax txir ntông tas, pêz cux tsik so luôx đrox cov hur đu, tsik tsuôs yuôx tuô đrox chiê chor ntông huôv tsar jông đuô, paz trâu chor ntông hloz lox, muôx tsơưr lươngv jông. Chiv no têx jâuv zuôr sâu tâu muôx oz pêz tấn txir khơưz đuz siêr nzor”.

Lơưr chor chuôz zis chos txir khơưz đuz ntêr shông nhoz Mộc Châu, chiê muôx tâu txir khơưz đuz siêr nzor mak đros têx kror zov chênhr lok qiv hơưv, đêx ar mak pêx xênhv li hâux lưv tsoz phưz cux zos iz kror lok six zov chênhr. Chiê txir khơưz đuz huôv tsar jông thiêz muôx tsơưr lươngv siêz mak pêx xênhv tsuv zuôv qir hữu cơ pêz jiês hâur shông trâu têx ntu: Đhâu thâuv sâu đê txir tas; uô ntêx thâuv chor ntông zuôr jênhs blôngx chêix ntux no thiêz ntu ntông piz txi txir. Ntâu chuôz zis chos txir khơưz đuz tsênhv txiêr por tsês têx chês mê tsik jông chiê chor ntông nkra thiêz muôx tsơưs caz hmoz ruôr hiêv; thôngx cxix paz trâu chor ntông muôx txir lox đuô, jông gâux đuô. Pir li txir khơưz siêr ndax chiv, txir khơưz siêr tsik ndax chiv zôngx ziv muôs đuô thiêz gri muôs cux siêz đuô oz jiês pir li chor txir khơưz siêr ndax chiv. Viv li, chor chuôz zis muôx ntâu txir khơưz siêr tsik ndax chiv shông no puôr lênhx shir phaz viv sâu tâu ntâu thiêz tâu chor nênhs uô lax luôv tuôx ti gâuk ntơưv vax chiê zuôr. Niêv tix Nguyễn Thị Hoa, nênhs sâu zuôr têx txir khơưz đuz co puz pâuz:

“Txir lox li no mak pêz cux lax zok zuôr, tsik zos tiêk luz vax tưs cux muôx. Txir lox taz sik ho tsik huv li tsưr ziv zuôr, muôx têx vax txir lox taz sik txir ho muôs. Zos chor txir jông mak pêz zuôr ntơưv vax 50.000 đêiv iz cir”.

Đros phênhv sâu txix chor txir siêr ndax chiv thiêz têx hax huv uô txix txir khơưz đuz, txir khơưz đuz siêr tsik ndax chiv cux tưz paz trâu nênhs chos txir khơưz nhoz tox siêz Mộc Châu muôx nzir phênhv sâu cxơưx trâu luz nênhx. No cux tsênhv zos tsưr ziv uô chiê nênhs chos txir khơưz đuz nhênhz chơưv, kriz uô cêv kuôk, tsoz phưz chor txir ntông siêr ndax chiv thiêz tsik ndax chiv chiê paz muôx nzir phênhv sâu siêz trâu cxuô ntu sik txơưr hâur shông./.

(TTTB-Lik Thox cxêik nhênhv)