Viv li chas grê trox yêz grêk, hax huv ho tsi grêk

Zav nox zos têx zuôr trâul txos xuz thơưx tâu ntâu lênhx nênhs sir zôngv vav chiê siêz, zuôr grêk gri thâuv têx trox yêz txo grêk. Taz sik, qênhz shuôs ntơưv têx ciêz hâur thax tsav TP Lào Cai, phênhv ntâu cxuô zav nox puôr lênhx muôx txơưr txar ntâu; lar heik, grêix buô hâur iz ciêz ntâu đhâu lok no tsar ndê gri, xav kror đruôz đraz txix 10-20 cxênhz đeiv iz cir. Pos Vũ Thị Thu nhoz phường Bắc Lệnh, TP Lào Cai heik:

“Zos pêx xênhv uô liêx têz, khưr uô nox, cur xar cov cxuô zav puôr lênhx grêk gri chiê xênhz huôx, uô uz uô no zôngx ziv đuô”.

Taz viv yêz lox thâux xa têx hax huv nhoz Công ty Net Group iz hlik sir zôngv tas 30 cxênhz ntâu lir trox yêz cxuô zav. Txơưv tiêk hâur 2 jiês cxiv kho nhiv kruôr đhâu, gri trox yêz tưz txo grêk, taz sik taz viv no cux tsi tâu tâu txo grêk gri yêz thâux xa têx hax huv. Zơưv Trương Xuân Hiếu, Giám đốc Công ty Net Group heik pâuz:

“Nhiv no, trox yêz nhiv kruôr grêk mê njik xưz, ntâuk grê tsi tâu tâu tsênhz têx nhiêx txiêx doanh nghiệp yưx zôngv hâur ntu nhiv kruôr đhâu ntơư. Txơưv grêk li co cux tsi tâu taz por têx nhiêx uô hâux lưv, thâux xa hax huv muk lol”.

Têx lênhx hlôngr njêx muôs ntâu doanh nghiệp yêz lox txơưr đuô cux heik, doanh nghiệp tưz tsuv nzir trâu têx trâul pôngz pênhr lok six ntâu thâuv gri trox yêz tsi so tsar ndê siêz txix hâur shôngk shông txos nhiv no, chênhr viv li tsi tâu tâu txo grêk gri têx hax huv, hâux lưv uô uz no li heik sâuv. Iz chas co, gri trox yêz 10 hnuz cxiv kho iz jiês, viv li tưz 2 jiês kho grêk gri, taz sik tsi tâu txâuk chiê doanh nghiệp yêz lox txo grêk gri yêz. Zơưv Nguyễn Quang Thanh, Giám đốc Công ty Taxi Xanh Sa Pa heik:

“Gri trox yêz tsênhv txo grêk li nhiv no zos lok six jông trâu doanh nghiệp. Taz sik iz chas co, zos 10 hnuz cxiv kho gri iz jiês, doanh nghiệp cux njiz phiv liv lok sâuv kho gri yêz huv đros. Tiv iz zos đas cir, kho đuô six hơưv xav gri yêz. Iz zav li cur doanh nghiệp muôx zuôr xar 100 luz yêz, zos muk đas cir, kho đuô li co tsuv tas nhos 5-6 hnuz li uô tâu”.

Trơưk li têx lênhx nênhs nhênhz chơưv kinh tế, chor doanh nghiệp, taz viv tsiv uô, viv muôx moz gênhk huôv xênhz ntêr, trox yêz tsar ndê siêz, uô cxuô zav cux ndê đros. Xar txo grêk gri mak chor doanh nghiệp, taz viv no cux tsuv tiz jông xav tas nro têx nhiêx txiêx, phênhv sir zôngv txơưr đuô, tsi tiêk xav gri trox yêz xưz. Zơưv Nguyễn Thành Luân, Khoa Kinh tế-ju lix, Phân hiệu đại học Thái Nguyên ntơưv Lào Cai phênhz li no:

“Têx ciêz zuôr muôs huv mak phiv liv cxiv kho gri, viv seiz car têx nhiêx txiêx zuôr muôs hax huv, chuôz zênhx uz no cux iz zav li xav nhiêx sê nhiv no lok six lax uô trơưk trâu chor huv co…. Chênhr zos li heik ntơư, seiz car ciêz đrôngs cux iz zav li cơ quan sâu sê tsuv uô jông đuô têx luôs hâux lưv no”.

Njuôk xav, zos gri trox yêz sâuv ntiêx têz tror txo grêk, hâur jiês cxiv kho zuôr txos, trox yêz hâur têz qơưk muôx têx zuôr tror grêk gri. Têx li heik no vav chiê siêz, zuôr uô txo grêk tâu gri cxuô zav hax huv uz no, paz đơưk phiv liv trâu tsôngv pêx xênhv thiêz chor doanh nghiệp./.

(An Kiên-Riê Lâux cxeik, nhênhv)

Xưv lik chor yêz thâux ntâu sâuv txox cêr 70 nhoz Yên Bái: kror hâux lưv uô tsik  pâuz thâuv tưs suôv câuv

Pêx xênhv Yên Bái uô nênhx nhoz trơưk oz saz ntus cêr lox 70 txix ntêr lok no cux tsênhv njiz trâus ntâu kror phiv liv txix chor yêz thâux suôz jêz, khoangr yax muk lok đhâu ntơưv no yênhx hnuz hmo. Chor yêz no phênhv ntâu tâu txuôk nzir đaz yêz chiê thâux cov tâu ntâu đuô. Yêz muk lok ntâu hâur yênhx hnuz tưz uô trâu chor cêr luôv poz jêz ntơưv no tsik jông tas, chor cuô đêx txix sâuv chor yêz ntưk lok hâur cêr yênhx têx caz đêx ntêr, uô zôngx ziv muôx yưv txiêz nanv zoz thôngz lok six siêz. Tix lâus Vương Thanh Dương nhoz jok Đá Chồng, xar Đại Đồng, huyện Yên Bình (Yên Bái) luz tsêr nhoz jê ciês ntơưv ntus cêr, thâuv tưs cux cxơưx trâu chor nhuôv zâu thiêz trâu zuk, viv chor yêz no zuôr uô muôx yưv txiêz nanv thâuv tưs cux pâuz tsik tâu:

“Cêr đaz tuôs li no mak pêx xênhv muk lok njiz ntâu kror cêr txov. Muôx chôngz lênhx nênhs ntos yêz, pêz tsuv paz trâu lơưr lơưv. Ciês cur tuk mê nhuôv cux trâus ntos yêz lor têk tas tiv chor cêr no đaz tuôs hênhr”.

Txox cêr lox 70 ntu đhâu oz huyện Yên Bình thiêz Lục Yên, tỉnh Yên Bái ntêr xar muôx 90 cêik cêr, zos iz ntu cêr muôx ntâu yêz thâux têx suôz jêz thiêz khoangr yax muk lok đhâu. Ntơưv no, iz hnuz cux muôx yênhx puô luz yêz lox xưk li txuôk nzir têx đaz yêz cov thâux tâu ntâu đuô têx suôz jêz co txix qơư uô suôz jêz trơưk txos cêr 70 no chox muk muôs. Pêx xênhv nhoz oz saz ntus cêr mak uô nênhs đros thiêz njiêz pov njôngr chor yêz no muk lok uô têx cêr puôk tsik jông tas, “kho tâu cêr lok ho tror puôk tsuôx tsik jông”, cêr muk lok tsik tâu, muôx yưv txiêz nanv zoz thôngz, gok nhav, pâus ar muk lok njiz ntâu phiv liv.

Đrâuv têx kror tâu pêx xênhv hêik pâuz, muôx chor cơ quan pov chir nros piêr pâuz, lưx lươngv muôx vax huôv tỉnh Yên Bái tưz tso nênhs uô hâux lưv, xưv lik chor yêz thâux ntâu muk lok đhâu sâuv txox cêr lox 70. Taz sik muôx iz kror tsênhv tsênhz, thâuv pov muôx lưx lươngv Cảnh sát zoz thôngz thiêz chor lưx lươngv uô hâux lưv mak chor yêz co đrêk nhoz so ntơưv têx qơư đrêk so tok txos thâuv chor lưx lươngv co tsi uô hâux lưv chiê muk lok tâu đhâu. Đuô li, chor nênhs tsar yêz tsênhv tso nênhs sêiz jor thiêz sir zôngv mạng xar hôiv chiê hêik kriê lok têx qơư muôx chor lưx lươngv Cánh sát zoz thôngz uô hâux lưv. Lok qir tiv thâux ntâu mak iz lênhx nênhs tsar yêz hêik pâuz li no:

“Trox yêz mak civ, thâux txâuk sâuv yêz xưz mak cux sâu tâu tsik ntâu luôx tưs. Xav mak iz jiês muk lok tsưr yêz tsuôk tâu 100-200 cxênhz đêiv xưz. Doanh nghiệp mak njiz ntâu kror cêr txov, pêz tsar yêz ntiêr xưz. Nhiv no muôx chêi txưr tsik khênhr thâux ntâu mak pêz cux zuôr tsuv uô trơưk xưz. Hok đhok nzir đaz yêz li no mak cux zos chiê thêir cov chor suôz jêz tsik pôngz trâu hâur têx cêr xưz”.

Đros chor nênhs tsar yêz li têx tsưr ziv uô li co, txix kaz hli 3/2022, Ban ngaz tuk zoz thôngz tỉnh Yên Bái tưz yênhx lix đoanx côngz xưv liên nganhx, zos: Văn phòng Thường trực Ban ngaz tuk zoz thôngz, Thanh tra zoz thôngz, Cảnh sát Zoz thôngz, Cảnh sát Cơ động kriz uô qơư chiê qênhz yuôx chor yêz thâux ntâu sâuv txox cêr lox 70. Chor lưx lươngv uô hâux lưv qênhz yuôx, njuôk shuôk tas nro chor yêz ô tô xưk li thâux ntâu, đhok nzir têx đaz yêz. Chiê chuôz cxaz uô hâux lưv sêiz kaz, cux xưk li paz trâu chor lưx lươngv liên nganhx sêiz kaz têx huôx tôngv thiêz muôx tsưr ziv, txâuk cxuô kror chiê xưv lik chor nênhs tsar yêz cxoz txưv uô cxâuv, Văn phòng Ban Ngaz tuk zoz thôngz tỉnh Yên Bái tưz lôngx đhok 2 luz camera ntơưv qơư qênhz yuôx.

Têx hnuz xuz thơưx, tiv pâuz tâu têx tsưr ziv uô no, ntâu luz yêz so tsik thâux suôz jêz muk lok, viv li qênhx shênhx thâux suôz jêz thiêz poz jêz muk lok đhâu sâuv txox cêr lox 70 cux grêk tsơưs ntâu. Iz  cxiê luz yêz cux six thâux muk lok, taz sik uô truôx jông lơưr chêi thâux hax huv. Taz sik, no cux tsuôk zos thâux đruôz hnuz thiêz tsuôk zos hâur iz ntu lur xưz, đhâu co ho tror thâux ntâu thiêz muk lok xưk li kuz. Chôngz lênhx nênhs tsar yêz cux six thâux muk lok đhâu trạm. Thượng tá Nguyễn Quang  Hưng, Phưv Trưởng phòng Cảnh sát zoz thôngz, Công an tỉnh Yên Bái puz pâuz:

“Tsik chiê muôx luz yêz tưs muk đhâu trạm, zos pov muôx luz yêz tưs muk đhâu trạm uô cxâuv mak pêz zuôr xưv lik truôx jông”.

Đros têx sir jos chiê tir tar chor yêz thâux ntâu no muk lok sâuv txox cêr lox 70, đhâu 3 luz hli uô hâux lưv, lơưr xor mông txix Văn phòng Ban ngaz tuk zoz thôngz tỉnh Yên Bái, chor lưx lươngv liên nganhx tưz qênhz yuôx xar muôx 220 luz yêz, xưv lik 41 luz yêz, đros chor nhiêx xưv bluô xar muôx 300 triệu đêiv; paz trâu zoz thôngz sâuv ntu cêr no jux juk tâu ngaz tuk. Taz sik, kror uô tâu truôx lok tsik tâu truôx mak zos sêz chor nênhs tsar yêz, tsưr yêz thiêz tsưr doanh nghiệp puk uô trơưk jông xưz. Viv txơưv chor lưx lươngv muôx vax huôv sir jos uô hâux lưv qênhz yuôx, taz sik chor nênhs tsar yêz cux nriêr cêr jav thiêz nhiêx cêr muk mak hâux lưv no tsik pâuz txos thâuv tưs thiêx zuôr suôv câuv thiêz phax tar tâu jông./.

(Đinh Tuấn-Lik thox cxêik nhênhv)