Chiê tsôngv box heir nênhs tsơưs, tôn giáo njênhs thiêz uô trơưk

Hâur têx shông đhâu lok no, chor nênhs uô cxâuv chei têz qơưk thiêz chor nênhs lav tâuk lav njênhs luôs lưv tus heik li uz li no....ntơưv jok Thanh khiết, xã Phan Thanh, huyện Bắc Bình, tỉnh Bình Thuận tưz txo grêk tsơưs.

Chiê uô tâu têx li heik co, lưv lươngv vũ trang hâur huyện tsi so sik thôngx siêz, paz max tsôngv box cxuô heir nênhs, tôn giáo ntơưv qơư khưx phưx têx phiv liv hâur luz nênhx niêx hnuz. Iz chas ntơư, hux jos đros Hội đôngx Sư cả Hồi giáo pos Ni uô têx luôs hâux lưv “chức sắc tôn giáo sik đros tsưx phưv truôx tuk thax tsav qơư”, đros thiêz 16 lênhx nênhs cxaz chuôz, zos Sư cả Xích Dự uô thơưx, Sư cả Xích Dự, Chủ tịch Hội đôngx Sư cả Hồi giáo pos Ni tỉnh Bình Thuận heik:

“Sik thôngx siêz, siz hluz siz paz zos kror jông đuô hur si, trơưk li zơưv Hloz Hôx tsi muôx đaz tsi jông bâuv li qơư nhoz truôx tuk, sik thôngx siêz thiêx uô tâu hâux lưv yênhx côngz. Cur muk txos yênhx chuôz zis chiê vênhv tôngv, đros chuôz zis, niêv txir thav kriê têx nhuôs cêr uô nênhx jông, uô trơưk têz qơưk cui tinhv, tsi mnôngs chor nênhs fêv hâuz nziêk li uz li no”.

Côngz trênhx xênhz huôx vênhx huôv-thể dục thể thao tâu Bộ Tư lệnh Quân khu 7, Bộ Chỉ huy quân sự tỉnh Bình Thuận cxiv uô puz trâu Giáo xứ Hoà Vinh nhoz huyện Hàm Thuận Nam, đros thiêz têx nhiêx Quân khu paz tas 500 tsov đeiv nhiv kruôr tâu uô tiêr, choz zôngv uô hâux lưv, xênhz huôx, tsôngv box lok six jông siêz, shir phaz. Côngz trênhx zos qơư chiê tsôngv box sơưr đơưk tuôx siz chuôs njiz, xênhz huôx, nthuôr uô cêr lov jêv. Đhâu ntơư, cxaz nzir tsôngv box giáo dân li cêr njênhs njôngr trâu chor tuz lênhv. Zơưv Nguyễn Văn Hoàng, Quảng xứ, Giáo xứ Hoà Vinh shir phaz heik:

“Muôx qơư trâu têx tuz nhuôs zâu uô si, nênhs lâul uô thể dục, lar heik côngz trênhx lok six muôx liv, no zos jiês tiv 3 chiê lơưr chor công an tuôx uô căn cước công dân ntơưv no. Cê muôx qơư chiê xênhz huôx, thiêz zos chuôz zis tưs muôx hâux lưv lox li: Nox yôngz cok, tsi muôx qơư đar mak cux chiê lơưr kêr tsi zuôr nhiêx txiêx, iz chas ntơư têx đoanx thêv cê muôx qơư cơưv, xênhz huôx”.

Hâux lưv “lưv lươngv vũ trang tỉnh thôngx siêz đros cxuô heir nênhs, tôn giáo uô têx nuv jông” tâu Bộ Chỉ huy quân sự tỉnh Bình Thuận fuô uô txix shông 2016, tưz sik đros uô têx nuv tsênhv tsênhz li: Paz cxiv tsa têx côngz trênhx xênhz huôx thể dục thể thao tas xar muôx 6 tyv đeiv trâu tsôngv box; cxiv uô 82 luz tsêr puz trâu têx chuôz zis txov nhêv; muk shuôs muôz huv puz trâu tsôngv box.... Thiêz cux tsi so muk chuôs njiz têx lênhx chức sắc, chức việc, chor txir ndâux txir luk chiê zênhx max đros đơưk têx phiv liv, pâuz tâu tsôngv box tsưr ziv, siêz xar, cux li sik thav, sik đros tsưx phưv truôx qơư nhoz, têz qơưk. Thượng tá Trần Đông Thành, Phưv Chính uỷ Bộ Chỉ huy quân sự tỉnh Bình Thuận heik pâuz:

“Luôs hâux lưv no tưz uô tâu jông hâur tsôngv box luz nênhx. Chor tuz lênhv muk trâu têx qơư tôn giáo, qơư txi côngv tâu tas nro têx lênhx chức sắc, chức việc, chor lâul jok, tsar jok, tsôngv box giáo dân shir phaz lus tok. Đhâu sik thav, heik kriê cux pâuz tâu ntâu lok têx hâux lưv, zuk pâuz nzir tsôngv box tsưr ziv, siêz xar zos li chas. Txix ntơư sik đros kho, đơưk têx phiv liv cov sơưr đơưk muôx cêr thôngx siêz, uô jông hâux lưv tsưx phưv têz qơưk”.

“Chor nênhs lês car uô đreiv hâux lưv jênhvênhv tsuv muôx tsưr ziv xar, kror muôs njiê, poz jêz mnôngs, ndâux heik, têk uô”-Ndo njôngr thiêz uô trơưk Lâul Hôx luk kriê, chor canr bôv, tuz lênhv tỉnh Bình Thuận tror muôx nzir ntâu nuv uô muôx liv paz ntơưv qơư, lar heik zos thâuv tưs cux sik thôngx siêz, đros đreiv tsôngv box heir nênhs tsơưs, tôn giáo, paz tuôr truôx tuz lênhv thiêz pêx xênhv cêr siz thôngx siêz, siz paz, sik đros lês uô têx hâux lưv tsưx phưv têz qơưk./.

VOVTPHCM-Riê Lâux cxeik, nhênhv

Điện Biên huôv tsar qơư ndis uô si, sêiz shuôk têz qơưs txix têx txux chi, vênhx huôv jông

          Nhiv kruôr cxiv uô tâu 10 luz hli, taz sik jos huôv tsar qơư ndis uô si Nà Sự, xã Chà Nưa, huyện Nậm Pồ (Điện Biên) tâu chôngz lênhx kruô pâuz txos. Đros trâu têx qơư ndis uô si cux muôx têx đras liêx jông jav huv đros têx tox trôngz câuv har hâur thax thav pir li cxuô hêir nênhs faz Bắc têx txux chi, vênhx huôv jông cxôngx nzor. Chênhr zos li hêik ntơư, hâur ntu đhâu, tưz muôx chôngz lênhx kruô nhoz cxuô qơư tuôx ndis uô si, sêiz shuôk têz qơưs txos jos Nà Sự. Zơưv Khoàng Văn Van, Bí thư Đảng ủy xã Chà Nưa hêik pâuz:

          (Thâuv nhiv kruôr qir  uô, tsôngv pêx xênhv cux tsik pâuz uô, viv zos tsôngv pêx xênhv iz siv nênhx nhoz thax tsav tox siêz, tsuôk khưr tsêz chos kôngz lôngk, tsik pâuz huôv tsar cxiv uô têx qơư jông jav ndis uô si; taz sik tsôngv px cux pâuz tiêk,  jos Nà Sự nhoz ciês ntơưv ntus cêr lox thiêz tsôngv px sđ cux tsênhv tuôr tâu truôx zuk hêir nênhs têx txux chi, vênhx huôv jông cxôngx nzor)

          Iz chas Nậm Pồ, ntâu tsênhv qơư txơưr hâur thax tsav tỉnh Điện Biên cux tsênhv taz tov sir jos huôv tsar uô cxuô qơư ndis uô si, sêiz shuôk têz qơưs txuôk đros sđ têx txux chi, vênhx huôv jông. Pir li huyện Tủa Chuôx, muôx têx tox trôngz câuv har jông jav. Ntơư zos qơư trôngz poz jêz Tả Phìn, blêx liêx tơư ntêir, kriz ciêz muôs tsôngv px hâur thax tsav têx hax huv; qơư di tích, kror tsuô…thiêz nhiv no, huyện tsênhv taz tov cxiv uô cxuô zav hax huv du lix, huv đros tsôngv kruô hâur têz qơưs thiêz kruô oz chas têz qơưs siêz nhiêv. Zơưv Vav x Zax, Chủ tịch uỷ ban xã Xá Nhè, huyện Tủa Chùa hêik pâuz:

          (Hâu nov xã cux moz siêz yax kriê tsôngv px hâur thax tsav huyện cux li xã Xá Nhà; lar hêik zos uô trơưk Huyện ủy Tủa Chùa Nghị quyết số 32 chiê huôv tsar-cxiv uô qơư ndis uô si).

          Hâur côngv thôngx muôx 19 hêir nênhs thiêz iz hêir nênhs nhiêk muôx nhiêk txux chi, vênhx huôv jông txơưr tsik siz thôngx thiêz ntơư zos thax tsav qơư zôngx ziv huôv tsar cxiv uô qơư ndis uô si, sêiz shuôk têz qơưs. Hâur ntơư, hêir nênhs poz zos phênhv chôngz nhoz tỉnh Điện Biên, tsênhv tuôr tsês tâu hêir nênhs co li têx txux chi, vênhx huôv jông cxôngx nzor.  Zơưv Nguyễn Minh Phú, Giám đốc Sở Vênhx huôv tỉnh Điện Biên hêik pâuz: Chiê muôx cov cxix cxix cxuô zav hax huv du lix; iz chas hêir nênhs poz ziz têx vênhx huôv, txux chi cxôngx nzor; hâur ntu zuôr txos, ngênhx vênhx huôv tỉnh tsênhv tror sir jos, cxơưz cxiz côngv thôngx hâur thax tsav huôv tsar truôx têx txux chi, vênhx huôv jông. Ntơư zos pêz Hmôngz têx kênhx đros trâu hêir nênhs Hà Nhì chax chêk nox tsiêz; hêir nênhs lok Tsuôk tsiêz ntor đêx…txuôk đros huôv tsar qơư ndis uô si lịch sử cov yênhx iz qơư huôv tsar uô nox nhoz cxuô tsênhv qơư:

        (Tỉnh tưz muôx  Nghị quyết thiêz tso tơưv luôs hâux lưv huôv tsar truôx cxuô hêir nênhs tsơưs têx txux chi, vênhx huôv jông cxôngx nzor txuôk đros huôv tsar cêr uô nox cov tsôngv px muôx luz nênhx truôx tuk, tsâu sor)

          Đros trâu têx qơư di tích hâur ntu tir ntâuk zênhx tros châuz Điện Biên phủ đrav ntêx, uô trâu cxuô luz têz qơưs sâuv ntiêx têz pâuz txos. Luôs hâux lưv cxiv kho têz qơưs truôx tuk txuôk đros huôv tsar truôx cxuô hêir nênhs têx txux chi, vênhx huôv jông cxôngx nzor trâu thax tsav qơư co, zos tsôngv kruô tuôx sêiz shuôk txos Điện Biên Phủ cux zênhx nhoz trơưr tsôngv kruô siêz tsik plox./.

                                     Tsu cxêik nhênhv-Vũ Lợi, CQTT Tây Bắc