Ntâu tsưr ziv jông gra siêz tsix cơ sở Đảng nhoz tox siêz Lào Cai

Jiês cơưv chêx chôngk lok 6 luôs hâux lưv, hâur co heik tơưv têx uô tsi tâu tiêr li: Tso tơưv Nghị quyết nhoz iz cxiê cấp uỷ ntơưv qơư tsi tâu huv đros, uô lơưr Nghị quyết tsi tâu trơưk luôs hâux lưv tso tơưv; Đảng xênhz huôx tsi tâu lơưr cui tinhv, lar heik zos lok sâuv xênhz huôx chuyên đề; seiz car tsi truôx têx lênhx đảng viên muk uô hâux lưv, uô nox đêz…. Sik pheiz kênhx tsưr ziv ntơưv jiês cơưv, zơưv Phạm Đăng Năm, Bí thư Đảng uỷ thị trấn Mường Khương heik pâuz, xar cxiv tsa tsưr tsix cơ sở Đảng hur jông thiêz truôx, xuz thơưx tsuv uô jông trơưk Ban tsưr tsix T.Ư heik kriê sôr 12, gra siêz tsơưr lươngv xênhz huôx hâur têx chi bộ, reik đros phê bình thiêz phê bình hâur đảng.

“Đhâu fuô uô lơưr, têx chi bộ ntơưv qơư xênhz huôx tưz jux juk uô tâu trơưk cui tinhv, uô jông 5 hâux lưv, hâur co sir jos sox seiz njôngr sơưr đơưk têx hâux lưv uô, kror tưs uô tsi tâu, tsi zos, tsuv kho đuô. Txix ntơư, têx lênhx canr bôv đảng viên seiz pov tâu zuk uô jông têx nuv ntơư muôx liv, tso tơưv tsưr ziv cxiv kho, khưx phưx hâur six hơưv zuôr txos chiê uô tâu jông cxuô luôs hâux lưv zok muôz, chiê uô  tsov iêr chi cax trâu tsôngv pêx xênhv ntơưv qơư cơưv shâuv, uô trơưk”.

Jiês cơưv tưz sâu jênhv têx tsưr tsix cơ sở đảng ntơưv qơư thiêz canr bôv, chor cưk kriê hâur Tsêr cơưv Chính trị tỉnh Lào Cai li têx lul heik, thix ziv chiê muôx cêr sik thôngx siêz lok tsưr ziv uô, co zos: Qênhz shuôs, phênhz, cxiv kho tsưr tsix cơ sở Đảng cov truôx jông, reik đros gra siêz cấp uỷ, bí thư chi bộ li txux chi, tsưr ziv chox car lês uô jông têx luôs hâux lưv zok muôz ntơưv qơư thiêz hlôngr yiêz, gra siêz tsơưr lươngv xênhz huôx cấp uỷ txix Đảng uỷ xã txos chi bộ.

Đhâu iz jiês xênhz huôx đảng uỷ, chi bộ cui tinhv hâur niêx hli tsuv cxiv tsa, tso tơưv Nghị quyết, tsaz yênhx, tsưr ziv tsênhv tsênhz, huv đros têx hâux lưv ntơưv qơư; moz siêz yax kriê chính trị, tsưr ziv xar trâu canr bôv, đảng viên; cấp uỷ, têx hloz thênhv siêz sir jos uô luôs hâux lưv qênhz yuôx, seiz kaz tsưr tsix cơ sở đảng thiêz đảng viên. Iz chas ntơư, tsuv tsưv ziv gra siêz tsơưr lươngv têx lênhx đảng viên thôngz đhâu kriê chính trị, tsưr ziv xar, shâuv uô têx nuv jông, gra siêz txux chi; sir jos seiz car đảng viên; zênhx max qênhz shuôs, tsi chiê têx lênhx đảng viên uô cxâuv chei nhoz hâur đảng. Iz chas co, sir jos qênhz yuôx, seiz kaz, tik cêr cxâuv trâu têx lênhx đảng viên uô cxâuv cui tinhv; hâur ntơư seiz hloz txos cấp uỷ, tsưr tsix cơ sở Đảng li chiv chir qênhz yuôx, seiz kaz; uô jông Mặt trận tổ quốc thiêz têx tsưr tsix chính trị-xã hội, tsôngv pêx xênhv li pưs txux đros cxiv tsa, gra siêz tsơưr lươngv tsưr tsix cơ sở Đảng, đảng viên.

Trơưk li zơưv Giàng Quốc Hưng, Bí thư Huyện uỷ Mường Khương, Mường Khương zos iz huyện tox siêz ntus đriv, nhoz thax tsav txov nhêv hâur tỉnh Lào Cai, muôx 66 cxênhz lênhx nênhs, 23 heir nênhs tsơưs uô nênhx nhoz. Đảng bộ huyện muôx 43 tsưr tsix cơ sở Đảng, 3.550 ntâu lênhx đảng viên, txos nhiv no 100% jok muôx chi bộ, chor chi bộ muôx chi uỷ tax tâu 65%; têx lênhx đảng viên tsav 5,3% jênh sôr. Niêx shông, Mường Khương muôx 95% ntâu tsưr tsix cơ sở đảng, 95% lênhx đảng viên uô tiêr hâux lưv zok muôz, 100% tsưr tsix cơ sở đảng uô tâu truôx hâux lưv tso tơưv. Đảng bộ huyện ntâu shông cux tâu Ban Thường vụ Tỉnh Uỷ côngk nhav uô tâu jông cxuô luôs zok muôz. Zơưv Hưng heik:

“Mường Khương moz siêz txos hlôngr yiêz tsưr ziv chox car lơưr gra siêz txơưx jênhv, uô jông trơưk têx cui tinhv, sir jos  cxơưz tiês kiểm điểm phê bình thiêz phê bình; taz por sơưr đơưk muôx cêr sik thôngx siêz; uô jông hâux lưv yax kriê chính trị, yax kriê cxuô lênhx đảng viên cơưv shâuv huôv tsar cêr uô nênhx jông thiêz qênhz yuôx, cxiv kho đuô iz cxiê tsưr ziv tsưr tsix cơ sở đảng hâur huyện cov huv đros”./.

(An Kiên-Riê Lâux cxeik, nhênhv)