Phêv liv hâur hâux lưv bluô nhiêx trâu chor nênhs zôngv tênhv tênhz ntêk cxov chuô naz

Nhiv kruôr đhâu lok no, lưx lươngv Công an xã Gia Phù, huyện Phù Yên, tỉnh Sơn La tưz sâu tsês 2 lênhx nênhs li luz meir tênhv tênhz cxov chuô naz thâuv 2 lênhx nênhs no tsênhv zôngv chiê cxov chuô naz sâuv đras liêx jos Nhọt. Tas nro 2 luz meir no puôr lênhx sâu ntơưr luk saz đrâuv têz qơưk, tsi pâuz qơư tsiv uô, công suất txix 68 cxênhz Oát. Đros công suất no cux uô tuôs tâu lênhx nênhs. Đại úy Ngô Hoàng Hải, Phưv tsar Công an xã Gia Phù heik: “Thâuv muk qênhz yuôx pêz pov 2 lênhx nênhs tsênhv zôngv tênhv tênhz cxov chuô naz. Đhâu co, tuêv côngz xưv cux tưz tir tar thiêz heik tso tsês hâux lưv uô cxâuv no, pêz cux yax mông lok hâux lưv zôngv tênhv cxov chuô naz mak tsi jông zuôr uô zênhr shar txos ar têz, tsoz chos cxuô zav”.

          Niêv lâuk Đinh Thị Luân, nhoz jos Nhọt, xã Gia Phù, huyện Phù Yên, tỉnh Sơn La, hnuz tưs cux sâu zuôr chuô naz jiêz kruôr đhâu co muôs trâu tuz luôv tuôx txix tiêx đras puz pâuz: “Cux zos pov sâuv facebook iz trang sâu zuôr chuô naz. Nus grê zuôr viv li tsôngv box gra tuôx muôs. Sâu zuôr chuô naz kruôr xưz. Lơưr cux tsiv uô tas hur si thiêx chox tuôx muôs. Muôx têx lênhx mak tâu 2,3 las. Muôx têx lênhx tâu 1 cir. Ntâu mak tâu 2 cir. Nhiv no sâu zuôr đros grê zos 700 cxênhz đeiv iz cir”.

          Qênhx shênhx zôngv tênhv tênhz cxov chuô naz tsênhv muôx yưv ntâu. Têx lênhx nênhs no khênhr muk cxov thâuv hmo ntux thiêz muk têx qơư muôx tsơưs lênhx nênhs. Lơưr qênhz yuôx, txos hnuz 15/8, tas nro huyện Phù yên tưz pov muôx 22/27 xã, thị trấn muôx qênhx shênhx zôngv tênhv cxov chuô naz. UB têx xã tưz chox kriê lưx lươngv muôx txơưx jênhv, yax mông, vênhv tôngv tsôngv box, sâu tsês tâu 32 luz meir cxov chuô naz. Taz sik ntâu lênhx nênhs liv zôngv thax tsav đar, tsênhv six fênhx muk cxov chuô naz, uô chính quyênx thiêz tsôngv box têx xã lok six cxơưx trâu têx mênhv chêx kôngz lôngk. Zơưv Trang Xênhv Thox, Chủ tịch UB xã Suối Bâu, huyện Phù Yên, tỉnh Sơn La puz pâuz: “Pox nhuôk nhoz xã Suối Bau tsuôk chos kôngz lôngk sâuv ar têz nxaz. Hâur ntu đhâu cux muôx 1 cxuô tuz luôv têx tỉnh, tiv phaz txơưr gra meir cxov chuô naz tuôx trâu pox nhuôk mak tsi zuôr thêv nhiêx txiêx uô ntêx. Đhâu co muk cxov tâu chuô naz mak muôs trâu têx tuz luôv co”.

          Chor nhiêx txiêx zuôr iz meir cxov chuô naz zuôr yênhx phênhv nux grê zos trâus lưx lươngv muôx txơưx jênhv sâu tsês, mak vênhv thix lox đuô thiêz chênhr zos tênhx qơư, ar têz thiêz chuô naz trâus zênhr shar. Nhiv no, cux tsi tâu muôx chêi xưv bluô chor nênhs zôngv tênhv tênhz cxov chuô naz, viv li lưx lươngv muôx txơưx jênhv li hâux lưv xưv bluô tsuôk zos lav sâu tsês chuôz zênhx thiêz yax kriê tsik uô têx tsik jông uô ruôr hiêv txos tênhx qơư li hêik sâu./.

VOVTB-Txâur Vax cxeik nhênhv

Tix lâus Jôngr Xênhv Thox txơưx uô kinh têr

Thâuv ntêx, đhâu thâuv zuôr pox niêv cxiv tsa chuôz zis tix lâus Jôngr luz nênhx lok six txov nhêv viv muôx tsơưs liêx têz, tsik muôx chênhz zênhv uô nox. Khov gruôs, sir jos khưr uô nox, tix lâus oz niêv txir iz shông cxênhx tsês mê njil chiê muôx pênhr nhiêx, lơưr co yưv pênhr uô tsêr guôx chiê huôv tsar tu zus tsiêx cxu. Đros co, tix lâus sir jos cơưv shâuv đhâu ntâuz ntơưr, đaix thiêz ndis shuôk têx tsưr ziv uô nox jong hâur huyện chiê cơưv shâuv lok paz trâu zuk chuôz zis têx tsưr ziv uô nox thiêz tu zus.

Tix lâus Jôngr puz pâuz: Xuz thơưx tiv muôx pênhr nhiêx tsơưs, tix lâus tsuôk tu zus tsơưs chiê cxênhx txuôs nhiêx txiêx thiêz chênhz zênhv, lơưr co tix lâus sir jos huôv tsar tu zus. Txos nhiv no, tix lâus ziv chuôz zis tưz muôx tâu qơư nhoz, uô nox lox đar đros muôx 10 qơư tuz zus, xav mak thâuv tưs hâur guôx cux muôx xix 20 txos 30 tuk buô lox zâu, 100 ntâu tuk kêiz ol thiêz 6 tuk tưv. Đrâuv tu zus tix lâus tsênhv  chos nzir tâuz tưs, txir lưk kâuz hmaz thiêz txir lưk jôngr tơưr njuôz chiê muôx nzir phênhv sâu. Txix tsưr ziv uô nox no, iz shông paz muôx tâu phênhv sâu truôx tuk, iz shông xav tas cxuô kror, paz muôx tau phênhv sâu txix 90-100 triệu đêiv. Txos nhiv no, đhâu xar muôx 10 shông, tix lâus ziv chuôz zis tưz muôx tâu phênhv sâu truôx tuk thiêz luz nênhx cux tưz truôx tuk thiêz muôx đuô thâuv ntêx lơưv.

Tưz tsik zos uô ntêx hlo hâur huôv tsar kinh têr ziv chuôz zis, tix lâus Jôngr tsênhv tâu sơưr pâuz txos zos iz lênhx Chi hôiv Phưv Hôiv Nôngx mênhx gruôs thiêz sir jos, uô ntêx hlo. Chiê pêx xênhv thôngx siêz thiêz muôx siêz njênhs, hâur jêx jok têx hâux lưv cxuô, tix lâus tsik so uô truôx jông lơưr tsưr ziv dân chủ, bax jông têx tsênhv njiêz ntơưv chor jiês cơưv, mnôngs pox nhuôs têx ziv chênhv xa txos trâu thênhv siêz pâuz. Viv li, cxuô kror hâux lưv thâuv hêik thiêz kriz uô puôr lênhx tâu pêx xênhv sơưr đơưk thôngx ziv thiêz cxaz chuôz thiêz uô tâu truôx jông. Đhâu co, phuôx huiz tâu jông sik côngv siêz, thôngx ziv hâur pêx xênhv.

Đros sir jos uô jông côngz xưv, uô ntêx hlo hâur cxuô phongz yaox, tiv zix zos sir jos chiê huôv tsar uô nox, tix lâus Jôngr tưz zos yênhx lênhx nênhs trâu tsôngv box Hmôngz nhoz jok Hua Cưởm 2 heik taz thiêz pox nhuôs mênhx cxưx hâur xar Trung Đồng hêik cxuô cơưv shâuv uô trơưk, sir jos huôv tsar uô nox chiê hla đhâu yêiz pluôs thiê uô bluô nux ciês ntơưv qơư nhoz.

Phênhv “Nôngx mênhx zuôr tsuv pâuz hnuz no tsuôk xauk li no xưz. Phênhv no zos Đaix nta suôz Việt Nam nhoz thax tsav faz Bắc uô. Đros muôx Tsênhv qơư cxơưz cxiz uô kôngz Têz qơưk đros paz uô./.

Vàng Lan BS-Lik Thox cxêik nhênhv