Côngv jos cxiv tsa jêx jok yiêz nhoz tox siêz Yên Châu-Sơn La

Shông 2020, Chiềng Khoi zos iz hâur huyện Yên Châu li plâuz luz xar uô tiêr cxiv tsa jêx jok yiêz (ntu 2016-2020), đros kinh têr nhoz phênhv chuôz ndê hênhr, chor ziv chuôz zis pluôs tas nro xar tsuôk yuôr xar muôx 13%. Chiê uô tâu li hêik co, xar tưz sir jos uô côngz xưv yax kriê, gra siêz jênhv pâuz, phuôx huiz chor canr bôv, đảng viên thiêz pêx xênhv li uô ntêx hlo hâur kriz uô chor tsaz yênhx. Lơưr co, ntâu ziv chuôz zis tưz muôz ar têz chiê kriz uô cêr, paz đas jos, cxuô zav chiê sik côngv đros cxiv tsa jêx jok yiêz. Li zơưv Lò Văn Thông, nhoz jok Tủm, xar Chiềng Khoi ziv chuôz zis tưz muôz 100 thiêr ndis ar têz chiê kriz uô cêr, đros siêz xar jêx jok zuôr muôx tâu cêr muk lok jông thiêz zôngx ziv đuô. Lơưr zơưv Thông: Tưz tâu côngz jênhv uô tiêr cxiv tsa jêx jok yiêz lơưv mak sơưr đơưk tsuv thôngx siêz tuôr truôx jông têx uô tâu chiê paz trâu sơưr đơưk muôx luz nênhx jông đuô: “Xar tuôr chiê tâu cxiv tsa jêx jok yiêz thiêz sir jos cov uô tiêr tâu cxiv tsa jêx jok yiêz jông, uô ntêx lok ngaz tuk chinhr triv, ngaz tuk xar hôiv tsuv tâu tuôr truôx, tiv zix zos uô jông phax tar têx txiêz nanv xar hôiv, txiêz nanv zax zênhz. Cur zuôr tror hêik pox nhuôs hâur jêx jok, hâur xar huôv tsar kinh têr, paz trâu pêx xênhv muôx tâu luz nênhx yiêz jông đuô”.

Taz sik, lơưr chor luôs hâux lưv cxiv tsa jêx jok yiêz ntu 2021-2025, iz cxiê luôs hâux lưv tâu cui tênhv siêz đuô pir li ntu uô ntêx. Viv li, cux li chor xar tưz cxiv tsa tâu tiêr jêx jok yiêz ntu 2016-2020, txos nhiv no xar Chiềng Khoi cux tsênhv yuôr 3 hâur 19 luôs hâux lưv uô tsik tâu tiêr, tsuv tror tâu sir jos kriz uô chiê tror tâu côngz jênhv uô tiêr cxiv tsa jêx jok yiêz. Pos Lò Thị Phương, Chủ tịch Ủy ban xar Chiềng Khoi puz pâuz: xar tsênhv sir jos cov chuôz ndê chor nênhs cxaz chuôz bảo hiểm y têr txos muôx 91%, ndê phênhv sâu xav lênhx nênhs muôx 45 triệu đêiv hâur shông no thiêz ndê muôx 48 triệu đêiv trâu shông 2025: “Chiê kriz uô tâu chor luôs hâux lưv cxiv tsa jêx jok yiêz jông, xar tror phêiz hâux lưv uô trâu yênhx lênhx canr bôv, công chức sêiz car yênhx kror hâux lưv, luôs hâux lưv uô. Tiv zix chiê tror tâu côngz jênhv zos xar uô tiêr cxiv tsa jêx jok yiêz, xar cux tsênhv muôx tsưr ziv tsênhv tsênhz chiê kriz uô. Tuôr truôx jông têx luôs hâux lưv tưz uô tâu, tror sir jos yax kriê, hêik pêx xênhv, đros Đảng ủy, ủy ban, Ban chox kriê jêx jok yiêz xar sir jos kriz uô têx luôs hâux lưv tsênhv uô tsik tâu tiêr, chiê uô cov tiêr hâur six hơưv tror côngz jênhv uô tiêr zos xar cxiv tsa jêx jok yiêz”.

Sir jos uô cov tiêr jêx jok yiêz trâu kaz shông no, txos nhiv no, xar thax tsav III Yên Sơn, huyện Yên Châu tưz uô tâu tiêr 14 hâur 19 luôs hâux lưv. Nhiv no xar tsênhv chox kriê chor jêx jok sir jos uô cov tiêr 5 luôs hâux lưv tsênhv yuôr. Hâur co, tror sir jos uô cov khor jông têx cêr muk lok hâur jêx jok, cêr muk trâu têx liêx têz; sir jos hlôngr yiêz đuô kinh têr, hlôngr yiêz pêx xênhv luz nênhx, txo grêk tsơưs chor ziv chuôz zis pluôs cov yuôr tsơưs đuô 12%, zơưv Đỗ Văn Thiết, Chủ tịch Ủy ban xar Yên Sơn, huyện Yên Châu, tỉnh Sơn La puz pâuz: “Đhâu ntâuk gri lok qênhx shênhx sâuv thax tsav xar, txos kaz shông 2024 pêz zuôr uô cov tâu tiêr cxiv tsa jêx jok yiêz lơưr xar tsưr ziv tưz tso tơưv. Tiv zix pêz lok six sir jos uô tsaz yênhx cxiv tsa jêx jok yiêz no, uô tâu tiêr jêx jok yiêz zuôr paz muôx têx tsưr ziv huôv tsar kinh têr, xar hôiv sâuv thax tsav truôx jông đuô thiêz tưz tax tâu pêx xênhv siêz xar njôngr. Đhâu co, paz trâu pêx xênhv sâuv thax tsav luz nênhx tâu hlôngr yiêz jông đuô”.

Txos nhiv no, đrâuv 4 xar uô tiêr cxiv tsa jêx jok yiêz ntu 2016-2020, huyện Yên Châu tưz muôx 2 xar uô tâu 19 luôs hâux lưv lơưr têx tsưr ziv, luôs hâux lưv cxiv tsa jêx jok yiêz ntu 2021-2025. Xav luz đraz tas nro huyện uô tâu 13 luôs hâux lưv iz xar lơưr chor luôs hâux lưv, tsưr ziv cxiv tsa jêx jok yiêz, tsik yuôr luz xar tưs uô tâu tsơưs đuô 8 luôs hâux lưv. Tror sir jos uô tsaz yênhx cxiv tsa jêx jok yiêz sâuv thax tsav, huyện Yên Châu tsênhv tsêx trung huiz tôngv têx pênhr jos, uô uô cê têx pênhr nhiêx paz trâu chor xar, jêx jok chiê uô cov tiêr chor luôs hâux lưv, tsưr ziv tưz tso tơưv. Zơưv Lê Huy Phong, Phưv Chủ tịch Ủy ban huyện Yên Châu, tỉnh Sơn La puz pâuz: “Tiv iz, zos sir jos uô jông sêiz car thiêz kriz uô cxiv tsa jêx jok yiêz lơưr tsưr ziv hlôngr yiêz jông đuô luz nênhx kinh têr, xar hôiv jêx jok đros trâu hlôngr yiêz đô thị. Huôv tsar kinh têr-xar hôiv lơưr tsưr ziv cxix cxuô, yiêz jông, siz txuôk đros nhoz têx jêx jok, ciêz đrôngs thiêz nhoz cxuô thax tsav. Tror uô đuô nganhx kôngz nuv đros trâu cxiv tsa jêx jok yiêz, huôv tsar kinh têr jêx jok. Paz txo grêk yêiz pluôs truôx đrênhk, tiv zix zos thax tsav tsôngv box mênhx cxưx tsơưs nênhs, tox siêz ntus đriv thiêz gra siêz tsơưr lươngv zoz zux, y têr, tsoz phưz đas jos trâu pêx xênhv. Tuôr tsês chiê thiêz phuôx huiz têx tsiv gri vênhx huôv cxôngx nzor cov truôx đrênhk đros trâu huôv tsar du lịch jêx jok. Chuôz cxaz uô côngz xưv sêiz kaz, ntâuk gri kriz uô chor tsaz yênhx, sir jos uô côngz xưv yax mông lok cxiv tsa jêx jok yiêz thiêz phongz yaox tas nro têz qơưk côngv têk cxiv tsa jêx jok yiêz sâuv thax tsav huyện”./.

Tòng Anh-Lik Thox cxêik nhênhv-Lưu, in đĩa

Cxiv kho, tsưx phưv truôx tuk cêr muk lol-Têx hâux lưv uô jông nhoz Gia Lai

Ntơưv tỉnh Gia Lai, zuôr xar iz shông đhâu, niêx hmo iz paz chor nênhs uô hâux lưv txưv zênhv “cxiv kho cêr” ho siz paz đros cxiv kho têx ntu cêr trâul puôk tsuôx, tsi jông chiê nthuôr uô đêz đar têx hâux lưv jông hâur côngv thôngx.

Txos tsâuk ntux, iz paz nênhs uô têx hâux lưv jông li heik sâuv nhoz Gia Lai siz zâuv muk cxiv kho, nzir têx ntu cêr trâul kơưx, puôk tsuôx ntơư. Tix lâus Lê Tuấn Thành, thơưx seiz car chor nênhs uô têx nuv sâuv heik, uô ntêx thâuv zuôr nzir, cxiv kho têx cêr kơưx, trâul puôk tsuôx, lơưr tưz qênhz shuôs thiêz thor hâu nov ntơưv qơư tso chei chiê vênhv tôngv nhiêx txiêx cxiv kho. Têx luôs hâux lưv uô co zos fuô uô trâu thâuv hmo ntux xưz chiê tsi uô tuôr thênhv txos têx yêz muk lol tâus cêr: “Uô hâux lưv muôx liv trâu xã hội chiê nthuôr đêz đar têx nuv uô jông txos trâu cxuô lênhx cxuô tus, lar heik zos chor hluôk nênhs. Fuô uô hâux lưv cxiv kho cêr zos nzir thiêz kho têx ntu cêr trâul kơưx, puôk tsuôx tsi jông ntơư chiê tsôngv pêx xênhv sơưr đơưk zôngx ziv muk lol đuô”.

Thâuv chor nênhs uô têx hâux lưv heik sâuv qir têk uô nuv, tsôngv pêx xênhv tưz jông siêz hlo đros paz, txix chaz xor tênhv tơưk pov cêr, gruk đêx, tso đêx đo suôz jêz, xi măng thiêz paz đêx hâuk, zav nox thâuv lơưr so hâux lưv. Zơưv nguyễn Văn Thuyết, Tsar jok sôr 10, phường Ia Kring heik: “Thax tsav qơư no muôx ntâu ntu trâul kơưx, puôk tsuôx tas, pêx xênhv lok six phiv liv muk lol, hnuz no chor hluôk nênhs tuôx paz pêx xênhv cxiv kho, nzir têx cêr trâul kơưx, puôk tsuôx ntơư, sơưr đơưk lok six shir phaz. Chiê siêz chor hluôk nênhs zuôr tror sir jos paz trâu pêx xênhv chiê sơưr đơưk muk lol tâu zôngx ziv đuô”.

Tsi tiêk cxiv kho cêr nhoz Pleiku, chor  hluôk nênhs uô têx hâux lưv jông siêz tsênhv cxiv kho hur si ntâu txox cêr muk lol nhoz cxuô huyện hâur tỉnh Gia Lai thiêz. Shir phaz viv cêr tâu cxiv kho jông, muk lol truôx tuk, tix lâus Trần Trọng Trung, nhoz xã Ia Yok, huyện Ia Grai heik pâuz: “Cêr trâul kơưx, puôk tsuôx lok six ntâu, muk lol phiv liv cơưk, cux muôx jiês kênh tus tưz trâul ntos li uz li no. Chor hluôk nênhs tuôx paz cxiv kho, tsôngv pêx xênhv sơưr đơưk lok six jông siêz, shir phaz hênhr, lơưr cux tuôx đros paz têx hluôk nênhs uô hur si”.

Tsaz yênhx “cêr muk lol truôx tuk” tâu fuô uô txix hli 9/2023, txos nhiv no tưz nzir, cxiv kho 19 jiês têx cêr muk lol jêx jok, xav hur si ntêr muôx 30 cêik nhoz têx huyện Ia Grai, Đak Đoa thiêz TP Pleiku, tỉnh Gia Lai. Tsaz yênhx tưz hu zâuv yênhx puô lênhx nênhs đros cxaz chuôz. Pos Lê Kiều Thị Minh Thư nhoz xã Tân Sơn, TP Pleiku-zos iz hâur têx lênhx nênhs đros uô têx hâux lưv jông siêz ntơư heik: “Cur thiêz cur tus tuz đros uô hur si, chiê muôx jông cêr trâu sơưr đơưk zôngx ziv muk lol, paz nthuôr uô đêz đar têx nuv jông txos trâu côngv thôngx, cxơưz cxiz sơưr đơưk sik đros paz côngz đas jos cxiv kho thiêz tsưx phưv truôx têx cêr muk lol, thax tsav qơư nhoz”.

Txơưv muôx kênh jiês cxiv kho uô tas lok six lis, taz sik chor hluôk nênhs, têx lênhx uô hâux lưv jông siêz heik sâuv cux puôr lênhx shir phaz lus. Tsaz yênhx “cêr muk lol truôx tuk” tsi tiêk paz cxiv kho jông têx cêr jêx jok, taz por truôx tuk zoz thôngz, tsênhv nthuôr đêz đar têx nuv uô jông txos trâu sơưr đơưk pâuz txos, paz cxiv tsa iz côngv thôngx muôx cêr siz hluz siz paz, sik thôngx siêz./.

VOV4-Riê Lâux cxeik, nhênhv