Uô kôngz nuv muôx nzêik, tax thêir vor, tsưr ziv huôv tsar truôx đrênhk nhoz Lai Châu

Tix lâus Nguyễn Đình Tuyên, nhoz qơư phố 1, thị trấn Tân Uyên, huyện Tân Uyên (Lai Châu) ziv chuôz zis zos iz hâur chor ziv chuôz zis uô ntêx hlo ntơưv thax tsav qơư hâur hlôngr yiêz têx ar têz đaz tuôs tsik jông chiê uô lơưr tsưr ziv muôx nzêik, tax thêir vor công nghệ siêz. Txix thax tsav muôx 4.000 thiêr ndis ar tox nxaz đaz tuôs tsik jông, shông 2021 tix lâus chuôz zis tưz yưv pênhr uô tsêr muôx nzêik, tax thêir vor thiêz hlôngr chiê chos điz. Têx uô tâu txix tsưr ziv uô kôngz nuv công nghệ siêz no tưz sâu tâu siêz đuô ntâu jiês pir li thâuv ntêx, iz shông paz sâu tâu xar muôx 200 triệu đêiv, paz trâu kinh têr chuôz zis truôx tuk đuô. Tix lâus Tuyên hêik:“Cur ziv chuôz zis tưz chos cxuô zav hâur têx tsêr muôx nzêik, tax thêir vor sir zôngv công nghệ siêz. Ziv chuôz zis chor tsoz chos chênhr cux zos chos têx zav điz li: điz txêis đax, điz txêis đơưz thiêz nhiv no pêz tưz chos siv iz cxiê zav điz yiêz cux tâu chôngz nênhs nhiêv zuôr. Kinh têr txix uô nox hâur têx tsêr muôx nzêik, tax thêir vor no mak siez đuô ntâu jiês pir li têx tsưr ziv uô nox cxôngx nzor”.

Zơưv Vũ Hoàng Mạnh, Giám đốc Sêiz car Công ty Cổ phần Yuôx zêx Than Uyên, ntơưv thị trấn Than Uyên puz pâuz: Txix thax tsav yuôx zêx ntâu shông, chor yuôx zêx tưz lâul, tsik jông tas, công ty tưz muôz chos siv Nhật Bản chor điz I Chi 3 hâur têx tsêr muôx nzêik, tax thêir vor. Đhâu oz chiv chos, tưz paz sâu tâu siêz đuô ntâu jiês pir li chos yuôx zêx. Nhiv no công ty cux tưz nhênhz chơưv chiê hlôngr đuô 10.000 ntâu thiêr ndis ar chos yuôx zêx tsik jông chiê chos têx zav jâuz tâuv, ntông nox txir lơưr tsưr ziv uô tsêr muôx nzêik, tax thêir vor thiêz tâu chor cổ đông thôngx ziv đros:“Hâur công ty tsưr ziv uô nox, kinh doanh chor shông đhâu tror lok no tưz muôx tsaz yênhx, siêz xar hlôngr yiêz iz cxiê thax tsav chos yuôx zêx tsik jông chiê chos iz cxiê zav tsoz chos txơưr li ntông nox txir thiêz uô iz cxiê tsưr ziv kôngz nuv công nghệ siêz. Shông nhiv kruôr đhâu pêz cux tưz chos 3.000 thiêr ndis tsêr muôx nzêik tax thêir vor chiê chos chor zav tsoz chos lur hnuz. Lơưr pêz ntâuk gri mak xuz thơưx cux uô tâu jông đuô chor yuôx zêx thiêz qơư muôs cux jông đuô”.

Chiê pêx xênhv uô bluô nux tâu txix uô kôngz nuv, txix ciês thâuv hâur six cxiv nhiv kruôr đhâu cấp ủy, chinhr quyền huyện Tân Uyên tưz sir jos kriz uô đề anr tror kho đuô nganhx kôngz nuv. Hâur co thax tsav qơư xêir tsov uô kôngz nuv công nghệ siêz tsêr muôx nzêik, tax thêir vor zos têx tsưr ziv uô jông, paz pêx xênhv huôv tsar kinh têr truôx đrênhk, paz trâu pêx xênhv sâuv thax tsav muôx nzir phênhv sâu. Zơưv Nguyễn Thanh Văn, Chủ tịch Ủy ban huyện Tân Uyên, tỉnh Lai Châu puz pâuz:“Huyện tưz tsưr tsix chor đoàn muk ndis shuôk ntơưv faz Nam, faz Bắc chiê sêiz cxuô thax tsav qơư huôv tsar uô tsêr muôx nzêik, tax thêir vor li chak. Đhâu thâuv xav jênhv lơưv huyện tưz kriz uô tsưr ziv xuz thơưx ciês zos tsêr muôx nzêik tax thêir vor 1.000 thiêr ndis chiê kriz uô chos siv thiêz pov uô tâu jông. Thiêz huyện tưz hêik têx taz viv, tiz nênhs sâuv thax tsav huyện muôx kinh têr cxiv tsa uô têx tsêr muôx nzêik, tax thêir vor no. Huyện Tân Uyên nhoz thax tsav thị trấn nhiv no tưz muôx 4 luz tsêr muôx nzêik, tax thêir vor thiêz thax tsav Pắc Ta xar muôx 2 héc ta”.

Têx hax huv kôngz nuv công nghệ siêz uô lơưr tsưr ziv tsêr muôx nzêik, tax thêir vor li: txir lưk suôr zâu, txir lưk suôr socola, điz txêis đax, điz txêis đơưz, cuô txoz lox, hâur co chor điz txêis đax tưz tâu côngz jênhv zos hax huv OCOP hov 3. Txos nhiv no ntâu zav txir tưz tâu muôs hâur chor siêu thị sâuv tas nro têz qơưk, tâu chor nênhs sir zôngv nhiêv zuôr thiêz paz muôx hâux lưv uô cux li muôx nzir phênhv sâu siêz trâu pêx xênhv. No zos kror paz trâu huyện Tân Uyên, cux xưk li ntâu thax tsav qơư nhoz tỉnhLai Châu hu zâuv chor doanh nghiệp tuôx yưv pênhr trâu ntơưv thax tsav qơư, paz muôx tâu têx hax huv kông nuv jông đuô./.

                                                                          Khắc Kiên-Lik Thox cxêik nhênhv

Hlôngr yiêz nhoz thax tsav Điện Biên Phủ zênhz shôngx

Kuôk no 70 shông, hâur Đảng tsưr ziv chox car huv đros, tuz lênhv thiêz tsôngv lax pêx xênhv tưz sir jos tir ntâuk zênhx trol châuz Điện Biên Phủ, uô ntâu luz têz qơưk sâuv ntiêx têz pâuz txos. Ntâuk zênhx tsav trol châuz co, tsưx phưv tâu tiêx tuk Đông Dương. Ntu thâuv têz qơưk tror thax zênhz, Điện Biên Phủ kror cxiê qơư nxor niêz, kơưx kênhk viv trâul trok châuz tso bôngk ntâuk tuô đros trâu têx cêr pôngz siêz trâul moz trâul njax, grêix pôngz, nyar đros.

Thâuv ntu co, đros tsưr ziv “zuôr Tây Bắc uô qơư nhoz” ntâu lênhx canr bôv, chiến sĩ Điện Biên cux tưz sik thôngx siêz muk tok pox niêv, mê nhuôv tuôx nhoz Điện Biên cxiv tsa đuô suôv qơư lơưr tưz sir đas jos, tsưr ziv tir ntâuk trol châuz, tsưx phưv thax tsav qơư. Đros trâu chor tuz lênhv têx sir jos thiêz tas nro tsôngv pêx xênhv cêr sik thôngx siêz, Điện Biên tror sik côngv têk, sir jos cxuz cêr yeiz pluôs. Zơưv Vũ Văn Kiệm, nhoz phường Mường Thanh, TP Điện Biên Phủ, tỉnh Điện Biên tror ndo đuô:“Thâuv co tưz tsi tâu muôx ntâu nênhs nhoz, tsuôk 3, 4 luz tsêr vor vuôk xưz, txix Trôngz A1 muk xar txos ciêz tsênhv qơư tsi muôx iz qơư uô hâux lưv tưs hlo. Điện Biên Phủ tiêx tuk lơưv taz sik tsôngv pêx xênhv cux tsênhv yeiz pluôs, txov nhêv cơưk, lar heik zos tsôngv box heir nênhs tsơưs, iz hnuz nox 2 pluôk xưz tưz tsi tsâu”.

70 shông, đhâu tir ntâuk zênhx trol châuz Điện Biên Phủ, Đảng bộ, hâu nov thiêz tsôngv pêx xênhv cxuô heir nênhs tỉnh Điện Biên thâuv tưs tưz ndo njôngr lok chor lâul, têx tuz lênhv côngz đas jos tir ntâuk trol châuz tsưx phưv têz qơưk, gra siêz chênhz yênhx Điện Biên Phủ zênhz shôngx hâur huôv tsar kinh tế, sik thôngx siêz, khưx phưx têx tsi jông đhâu têz qơưk thax zênhz.

Txix iz qơư nxor hnho viv trâul trol châuz tso bôngk ntâuk tuô ruôr hiêv, Điện Biên nhiv no tưz hlôngr yiêz lok six ntâu, iz TP huôv tsar jông jav thiêz sik côngv đros luôs 2 chas thax tsav hâur tas nro têz qơưk siz tư huôv tsar. Ntâu côngz trênhx lox tâu uô tiêr, muôz lok sir zôngv li: Yar yêz za Điện Biên Phủ txuôk đros 2 thax tsav kinh tế lox hâur têz qơưk zos TP Hà Nội thiêz TP HCM. Lar heik, tsưr ziv txos shông 2025, tỉnh zuôr cxiz hlôngr yiêz tas nro, sir jos huôv tsar kinh tế xã hội, hu zâuv pênhr jos cxiv tsa têx côngz trênhx thiêz ciêz đrôngs cov huôv tsar truôx jông. Têx hlôngr yiêz co tsi tiêk uô tsôngv kruô, ciês chênhr lênhx nênhs Điện Biên cux pov huôv tsar tâu jông. Zơưv Lò Văn Diên, nhoz phường Him Lam, TP Điện Biên Phủ heik:“Cur pov têx côngz trênhx kror tưs cux huôv tsar jông, lar heik zos chor shông jê lok no, chênhr viv li tsôngv pêx xênhv lok six shir phaz lok TP têx hlôngr yiêz, jông jav co. Cur thiêz tsôngv pêx xênhv cux xar sir jos chiê paz cxiv tsa thax tsav qơư ziv hnuz ziv huôv tsar đuô”.

Shông no, tỉnh Điện Biên zuôr chiv nhênhv 70 shông ntâuk zênhx trol châuz Điện Biên Phủ thiêz tsưr tsix têz qơưk shông ju lix-Điện Biên 2024, tỉnh tưz bax tsưr ziv thiêz vav chiê siêz uô tâu têx luôs hâux lưv jông lok huôv tsar kinh tế xã hội hâur thax tsav Tây Bắc ntu zuôr txos. Zơưv Lê Thành Đô, Chủ tịch Ủy ban tỉnh Điện Biên heik pâuz:“Canr bôv, công chức, viên chức, lưv lươngv vũ trang, tsôngv pêx xênhv cxuô heir nênhs thiêz côngv thôngx doanh nghiệp hâur tỉnh Điện Biên tsênhv sir jos uô lơưr jông têx cêr chax chês Điện Biên Phủ zênhz shôngx, cxơưz tiês hlôngr yiêz, xar tsưr ziv, krêz uô têx muôx jông ntơưv qơư chiê huôv tsar kinh tế xã hội thiêz taz por côx phax-txiv ngaz hâur thax tsav. Txix co uô jông cxuô luôs hâux lưv hơưv tok chiv nhênhv 70 shông ntâuk zênhx trol châuz Điện Biên Phủ”.

70 shông, đhâu tir ntâuk zênhx trol châuz, uô ntâu luz têz qơưk sâuv ntiêx têz pâuz txos thiêz muôx liv, gra cêr tsâu sor, shir phaz cxiz tas nro sơưr đơưk muôx cêr sik thôngx siêz, Đảng bộ thiêz tsôngv pêx xênhv cxuô heir nênhs nhoz suôv qơư no tưz thiêz tsênhv cxơưz Điện Biên yênhx qơư chi cax lok huôv tsar, hlôngr yiêz nhoz Tây Bắc./.

Vũ Lợi-Riê Lâux cxeik, nhênhv