Cêr sik côngv jông hâur quân dân Việt Nam-Lào nhoz ntus đriv faz Tâ`y têz qơưk

Jos Na Son, nhoz chor jos Na Son, huyện Phôn Thoong, tỉnh Luông Pha Băng, têz qơưk Lào kuôk nhoz kuôk cêr ntus đriv VN-Lào thiêz trôngx đriv têz qơưk Huổi Puốc, tỉnh Điện Biên muôx nhos 10 cei cêr. No zos qơư muôx yênhx châuv ziv chuôz zis nênhs Thái nhoz uô nênhx. Têx shôngk đhâu, têx ziv chuôz zis tsôngv box nhoz no thâuv tưs cux jênhv tâu lưx lưởng bộ đội pênhz phax tỉnh Điện Biên li tsov cưv, co zos Zênhx pênhz phax trôngx đriv Huổi Puốc hâur hâux lưv tsoz phưz, ngaz tul luz nênhx trâu tsôngv box. Têx njiêz luv no nhoz hâur tsaz yênhx "Sik côngv 2 thax tsav qơư nhoz 2 saz ntus đriv" zos Bộ tư lệnh Bộ đội pênhz phax phuôx tôngv.

          Tix lâuk Bun Tha Vi Say Bun Khăm, Phưv tsar jos Na Son pheiz kênh: tsôngv box hâur jos no li luz nênhx tưz jông đuô lok six ntâu thâuv muôx bộ đội, txiv ngaz jêx jos tâu taz por, tsôngv box tso siêz nhoz truôx têz truôx qơư thiêz huôv tsar cêr uô nox. Muôx tâu chêx cuk no zos khov muôx tỉnh Điện Biên li têx chiến sĩ pênhz phax kriê huôv tsar tsêz chos, tu zus…chiê huôv tsar cêr uô nox. "Qiv hơưv no njiv, têx đ/c nhoz Zênhx pênhz phax trôngx đriv Huổi Puốc tưz khơưk muôz trik yo sor, cxơưx trâu mê nhuôk hâur jos muk cơưv ntơưr lơưr tsaz yênhx paz mê nhuôk shux xênhz muk cơưv ntơưr. Khov co cêr sik côngv hâur tsôngv box thiêz bộ đội 2 saz ntus đriv ziv jông đuô, truôx vênhs đuô. Đhâu lưx lươngv pênhz phax 2 têz qơưk li yax mông, tsôngv box hâur jos puôr lênhx jênhv pâuz tsênhz zuk li txơưx jênhv hâur hâux lưv por vêv, tuôr truôx tsưr qênhx ntus đriv, heik kriê nênhs phamv cxâuv. Thor uô tsâus ntâu thiêz phôngv cêr sik côngv jông VN-Lào ziv hnuz ziv jông đuô, tiêv tiêv truôx tul"

          Trung tá Tô Văn Cường, Zênhx tsar Zênhx pênhz phax trôngx đriv têz qơưk Huổi Puốc puz pâuz: txix taz viv đros cấp ủy, chính quyênx tiv ohaz li tsov cưv, jos Na Chén, xã Mưòng Lói, huyện Điện Biên- Việt Nam tưz sik côngv đros jos Na Luông, nhoz chor jos Na Son, huyện Phông Thoong, tỉnh Luông Pha Băng, Lào. Đhâu têx huôx tôngv sik côngv têx jêx jos; txix hâux lưv paz txưv krêz uô têx trâur nuv huôv tsar cêr uô nox li chos blêx têz, tu zus niêv tsiêx cxu, tu zus chêx chôngk… tsôngv box luz nênhx tưz muôx têx hlôngr yiêz tsênhv tsênhz. Đrâuv co, côngz xưv đối ngoại pênhz phax 2 saz cux tâu tsưr tsix yax six, đhâu co, gôngr phênhv tuôr truôx tsưr qênhx txiv ngaz ntus đriv yênhx têz qơưk thiêz yênhx mênhx cxưx. "2 saz tưz yax six sik seiz lax têx tsưr ziv yưr lir, car chêx têx vênhv thix muôx yưv nhoz ntus đriv taz por sei, trơuk 2 têz qơưk li cêr chei; cxiv tsa ntus đriv hôx fênhx, sik hux jos thiêz huôv tsar. Uô tsaz yênhx sik tuôv cêr fôngx zưs têx jêx jos, lok saz zênhx pênhz phax Huổi Puốc cux tưz uô jông côngz xưv yax mông thiêz paz txưv, heik kriê tsôngv box tsưr ziv huôv tsar trâur nuv uô nox. Têx trâur nuv co tưz chox lok chêx cuk jông, gôngr phênhv muôz siêz tsôngv box luz nênhx".

          Uô phongz yaox "Sik côngv jông 2 thax tsav qơư nhoz nhoz 2 saz ntus đriv" Việt Nam-Lào têx shôngk đhâu, Bộ chỉ huiz Bộ đội pênhz phax tỉnh Điện Biên tưz tsưr tsix ntâu jiês seiz njuôs moz, muôz yuôx kho moz, khơưk muôz yênhx puôk phênhv huv, pheiz kênh chuôz phax phax tar moz Covid-19 trâu cán bộ, tsôngv box 2 jêx jos nhoz ntus đriv. Têx taz viv nhoz Bộ chỉ huiz Bộ đội pênhz phax tỉnh cux jênhv paz 7 lênhx mê nhuôk shux xênhz têz qơưk Lào muôx luz nênhx txov nhêv, paz mê nhuôk tâu muk cơưv ntơưr cxix cxuô. Đrâuv co zos paz chuôz zênhx cxiv tsa trâu tsôngv box thiêz têx taz viv quân sự, pênhz phax têz qơưk Lào đros chor nhiêx txiêx zos zuôr xar 1 tỷ đeiv…. Đại tá Lê Đức Nghĩa, Phưv chính ủy, Bộ chỉ huy Bộ đội pênhz phax tỉnh Điện Biên puz pâuz: "Hâur ntu zuôr txos, Bộ chỉ huiz Bộ đội pênhz phax tỉnh Điện Biên zuôr tror krêz uô têx huôx tôngv côngz xưv đối ngoại; sik côngv jông đros lưx lươngv por vêv ntus đriv Lào, coar lik truôx tul, por vêv tsưr qênhx ntus đriv têz qơưk. Thôngx cxix, tror tsưr tsix têx huôx tôngv paz tsôngv box nhoz thax tsav 2 ntus đriv muôz siêz luz nênhx chinhz yênhx, chuôz cxaz cêr sik côngv siêz, sik hux jos tas nro thiêz huôv tsar"./.

VOVTB-Txâur Vax cxeik nhênhv

Lênhx nênhs xuz thơưx ciês chox nta đuô Olympia lok tox siêz Sơn La

Hâur jiês thik quý 3 Olympia, nhuôs Bùi Anh Đức, shux xênhz Tsêr cơưv cxênhx pêz Chuyên Sơn La tưz tax tâu giải iz, đros thik tâu muôx 185 điểm, tâu muk thik tưr chung kết shông 2022. Tưz tsik zos paz muôx cêr shir phaz trâu chuôz zis, tsêr cơưv ntơưr, mak tsênhv zos tỉnh Sơn La li kror tso siêz, thâuv Đức zos lênhx nênhs xuz thơưx ciês paz chox nta đuôz tsaz yênhx chung kết Olympia lok trâu ntơưv tỉnh Sơn La. Phêiz kênh lok kror tax tâu giải hâur jiês thik quý 3, Bùi Anh Đức hêik: “Cur pov lok six shir phaz thiêz tso siêz thâuv tax tâu giải hâur jiês thik quý  thiêz chox nta đuôz lok trâu ntơưv zuk tỉnh. Cxaz chuôz jiês thik tưr, cur zênhx chiê trâu zuk luz siêz truôx bo. Cur tsik so thik tưr têx kror zuk zuôr thik tưr tâu siêz xưz. Hok têx kror tsênhv yuôr mak cur cux sir jos uô cov tax tâu điểm siêz tiv zix”.

11 shông cơưv ntơưr, Anh Đức tsik so zos lênhx shux xênhz cơưv ntơưr txơưx. Đức tax tâu 2 huy chương tôngx, 1 huy chương nhiêx, 1 huy chương cuz cấp têz qơưk chor jiês thik Toán, luk Anh đhâu mạng; Giải iz cấp tỉnh thiêz giải pêz shux xênhz cơưv txơưx môn luk Anh cấp têz qơưk shông 2021-2022… Cưk kriê ntơưr Hoàng Thị Hằng Nga, cưk kriê ntơưr tsêr cơưv cxênhx pêz chuyên Sơn La-iz hâur chor nênhs đros đrêiv thiêz paz trâu Anh Đức hâur cơưv ntơưr cux xưk li hâur jiês thik tưr no, phêiz kênh: “Anh Đức zos iz lênhx shux xênhz ciêz, sir jos thiêz gruôs cơưv ntơưr. Đức lok six nhiêv chor nênhs uô ntêx thik tưr tâu Olympia viv li tsik so xar njôngr zuk tâu thik thiêz paz chox tâu nta đuôz thik tưr no lok trâu Sơn La”.

Cux lơưr cưk kriê ntơưr Hằng Nga, tsơưs lênhx nênhs thiêx pâuz tiêk, đros Anh Đức li têx tax tâu co zos iz lênhx shux xênhz hâur chuôz zis muôx luz nênhx txov nhêv li têx sir jos, thâuv mak tas nro niêv thiêz txir puôr lênhx trâus muôx têx zav moz hnhar. Shông 2013, Bùi Anh Đức txir zos zơưv Bùi Thế Hanh pov zuk trâus moz trâuv, kror moz ziv hnuz ziv hnhar. Nhiv no, zơưv Hanh tsênhv nhoz khoz moz hâur tsêr kho moz thiêz tsuv hlêik iz luz trâuv por tsês, luz tsênhv yuôr cux zuôr tsuv tâu hlêik por tsêr tiv kror moz tưz lok six hnhar lơưv. Đức niêv zos pos Trần Thị Hà Giang, trâus moz trưx phax tế bào thiêz tưz tsuv fêik kho đhâu oz jiês chiê muôx tâu đas jos li no. Nhiv no, Bùi Anh Đức tsênhv uô nênhx nhoz ntơưv niêv têik zơưv txir luz tsêr nhoz tiểu khu 6, thị trấn Hát Lót, huyện Mai Sơn (Sơn La).

Pos Trần Thị Hà Giang, Anh Đức niêv hêik pâuz: 17 shông siz zuôr thiêz uô nênhx nhoz uô cê, mak iz đraz ntâu luz nênhx oz niêv txir tsuv uô nênhx đros moz gênhs. Taz sik, kror cêr shir phaz thiêz cxuô kror paz trâu oz niêv txir sir jos hâur luz nênhx zos têx tuz nhuôs ciêz thiêz sir jos cơưv ntơưr. Nhiv no, Bùi Anh Đức tsênhv tsêx trung cơưv shâuv, bax jông tiv zix chiê cxaz chuôz trâu jiês thik chung kết Olympia jiês tiv 22. No cux zos kror chiê paz trâu Đức uô lơưr zuk siêz xar, tiv zix zos yênhx lênhx nênhs paz tâu trâu chuôz zis thiêz uô trâu chuôz zis tso siêz thiêz shir phaz. Anh Đức hêik: “Jê lok no cur chuôz zis tưz njiz trâus têx phiv liv. Cur xar mak uô ntêx cur tsuv sir jos cơưv cov jông, tax tâu ntâu kror jông chiê zos yênhx qơư trâu niêv txir khov vav thiêz tso siêz. Cur zuôr tsêx trung thik tưr, zuôr sir jos tiv zix thâuv txos trâu jiês thik”.

Tsuôk yuôr oz pêz hnuz lơưv xưz, tsaz yênhx chung kết jiês thik tưr Olympia jiês tiv 22 zuôr tâu tsưr tsix. Ủy ban tỉnh Sơn La tsênhv sir jos sik côngv bax cxuô kror tsưr tsix điểm cầu nhoz tỉnh ntơưv Quảng trường Tây Bắc, thành phố Sơn La. Đrâuv têx tsênhv njiêz tso nta đuôz,  nta suôz thôngz tas nro têz qơưk cik txos lênhx shux xênhz Bùi Anh Đức li jiês thik tưr, tsaz yênhx zuôr uô iz cxiê tsaz yênhx nghệ thuật, têx zav uô si chiê paz cxơưz cxiz trâu shux xênhz thik tưr, cux li piêr pâuz txos đuôz lok têx tsiv gri lịch sử, vênhx huôv, zoz zux thiêz huôv tsar kinh têr-xar hôiv ntơưv tỉnh./.

(Lê Hạnh-Lik Thox cxêik nhênhv)