Lai Châu sir jos tsik chiê têx cêr muk lok tsik tâu hâur chêix ntux nas chuô

Têx hnuz no, txos thâuv 4, 5 six sơưr nzor yênhx hnuz chor công nhân hâur đôiv sêiz car têx cêr nhoz têx taz viv sêiz car cêr ar ntơưv Lai Châu ho muk qênhz shuôk têx cêr zoz thôngz. Thâuv qênhz yuôx, zos pov muôx ar poz, lok six zôngx ziv muôx ar poz mak têx qơưk co tâu hêik ciês muk trâu chor đôiv muôx mêir nhoz jê tiv zix chiê kriz uô têx tsưr ziv khưx phưx. Tix lâus Lò Văn Thu, công nhân qênhz shuôk cêr Công ty Cổ phần sêi car cêr ar sôr I tỉnh Lai Châu tâu choz sêiz car 35 cêik cêr txox cêr 12. No zos ntu cêr zov chênhr txuôk tsênhv qơư huyện Phong Thổ, txox cêr 4D muk trâu trôngx đriv têz qơưk Ma Lù Thàng; chor yêz muk lok ntâu, viv li cêr tsuv muk lok cov tâu thôngz hâur cxuô six hơưv: “Sơưr nzor cur tưz muk qênhz shuôk cêr sêz puôk muôx kror qơư tưs ar poz, zos muôx mak cxêik đuôz thiêz zos muôx ar poz jêz tsơưs xưz mak khưx phưx ciês cov cêr muk lok tâu. Txơưv zuk nhiv kruôr muk sêiz shuôk lok, taz sik zos pêx xênhv hêik pâuz mak zuk cux tsuv tror kaz muk sêiz shuôk đuô nzir”.

Công ty Cổ phần sêiz car cêr ar sôr I Lai Châu tâu choz sêiz car, kho đuô xar muôx 500 cêik cêr lox, têx cêr muk trâu chor huyện Mường Tè, Phong Thổ thiêz Sìn Hồ; hâur co muôx 3 ntu cêr lox zos 4D, 12 thiêz 4H. No puôr lênhx zos chor ntu cêr txuôk têx thax tsav qơư kinh têr chênhr trâu tsênhv qơư tỉnh Lai Châu thiêz txuôk Lai Châu trâu têx tỉnh txơưr xưk li Lào Cai, Điện Biên… Zơưv Hoàng Tiến Quý, Giám đốc Công ty puz pâuz: hâur chêix ntux nas chuô shông no, đros tsưr ziv zos tsik chiê têx cêr muk lok tsik tâu truz ntêr hnuz, công ty tưz kriz uô tiêr tas nro têx hâux lưv qênhz yuôx chor qơư zôngx ziv muôx ar poz chiê kho đuô, taz por cêr muk lok tâu ngaz tuk. Nhiv no 30 ntâu luz mêir thiêz tas nro chor công nhân hâur taz viv tsênhv tâu chiê sêiz jor ntơưv têx qơư phiv liv, taz por kho đuô tâu ciês têx cêr zos muôx yưv ar xưz poz: “Uô lơưr Sở Zoz thôngz-Vận tải Lai Châu li chox kriê lok kriz uô tsưr ziv phax, tar khưx phưx têx phiv liv muôx yưv, pêz tưz bax cxix cxuô têx mêir, chuôz zênhx chiê sêiz jor ntơưv têx ntu cêr co”.

Tỉnh ntux đriv Lai Châu tâu xav jênhv zos zov chênhr lok côx phax, ngaz tuk nhoz thax tsav Tây Bắc. Tas nro tỉnh nhiv no muôx 1.200 cêik cêr lox, cêr muk trâu cxuô thax tsav qơư hâur tỉnh thiêz xar muôx 3.500 cêik cêr muk trâu têx xar, jêx jok. Tiv zos thax tsav tox trôngz, nxaz tox, cêv kuôk, viv li chêix ntux nas chuô shông tưs thax tsav qơư chor cêr zoz thôngz cux trâus hiêv ntâu. Ciês chêix ntux nas chuô tsêiz no, tas nro tỉnh muôx 1.600 ntâu qơư muôx ar poz, njuôk xav trâus hiêv tas muôx 60 tiv đêiv. Txix tsênhv tsênhz co, bax kriz uô jông hâur chêix ntux nas chuô shông no tâu nganhx zoz thôngz vận tải sir jos kriz uô. Zơưv Nguyễn Văn Hưởng, Phưv Giám đốc Sở Zoz thôngz-Vận tải Lai Châu puz pâuz: “Nhiv no Sở cux tưz chox kriê têx phòng, ban cik txos, chor nênhs thầu muôx tsưr ziv tsênhz mênhx, bax têx mêir, chuôz zênhx, lênhx nênhs đros cxuô zav ntơưv cxuô kror qơư. Thôngx cxix, Sở cux tưz chox kriê têx taz viv cux xưk li nênhs thầu qênhz shuôk cxuô kror qơư zôngx ziv muôx ar poz mak tso nênhs sêiz jor chiê khưx phưx tâu ciês, cov lênhx nênhs thiêz têx yêz muk lok đhâu tâu sêiz tiv zix”.

Đrâuv uô truôx jông Ban sêiz car phax tar ntux têz ruôr hiêv thiêz zok nriêr chơưv paz cxuô cấp, txix hâur chêix ntux nas chuô txos nhiv no, tỉnh Lai Châu cux tưz tso tơưv ntâu công tênhv, ntâuz ntơưr chox kriê, hêik cxuô cấp, nganhx, thax tsav qơư kriz uô sêi thiêz sir jos uô hâux lưv phax tar ntux nas chuô, taz por trâu têx cêr muk lok tâu thôngz. Đros bax uô jông, Lai Châu tsênhv sir jos cov txo grêk tsơưs tâu tiv zix têx phiv liv muôx yưv tiv ntux nas chuô, đêx ngaz cuôr, tiv zix zos tsik chiê muôx yưv têx cêr muk lok tsik tâu hâur iz ntu ntêr tiv muôx ar poz./.

Khắc Kiên-Lik Thox cxêik nhênhv

Têx lênhx tuz lênhv lâul trâul saz đrav ntêx nhoz Yên Bái uô ntêx nyuôs hâur cxuô luôs hâux lưv

Zơưv Lục Bá Phảnh, nhoz jos 1 Minh Chiềng, xã Minh Lương, huyện Văn Bàn, tỉnh Lào Cai heik. Hâur têx hnuz hâur hli 7 niêx shông,  cux tror ndo txos cêr chiv nhênhv đros chor tuz lênhv uô hâux lưv, sir đas jos tir ntâuk trol châuz tsưx phưv têz qơưk. Thâuv muôx 17 shông, zơưv Phảnh sơưr cêr muk uô tuz lênhv, đros tir ntâuk trol châuz viv têz qơưk, viv pêx xênhv. 6 shông ntâu tir ntâuk trol châuz nhoz qơư tsav trol Tây Nguyên, đros paz têz qơưk Campuchia, zơưv trâul saz tsuv chơưv kho moz thiêz zuôr xar iz shông tov kaz txơưv tâu tso tror lok tsêr thâuv shông 1978.

Txos nhiv no txơưv hnuz nhôngs tưz siêz, đas jos ntâus, taz sik đros tsưr ziv, siêz xar “uô nênhx shir phaz, muôx liv”, tsênhv muôx đas jos mak tsuv khưr uô nox, viv li hâur niêx hnuz, zơưv 2 niêv txir cux tsênhv sir jos uô luôs hâux lưv tu zus buô, tu têx vax tsêr, qơư nhoz cov hur si, đu lus thiêz muôs hax huv phưx vưv tsôngv pêx xênhv sơưr đơưk hâur jok. Zơưv Lục Bá Phảnh heik pâuz: “Cur cux tsênhv cxaz chuôz xênhz huôx chi bộ cxix cxuô, iz chas ntơư muôx ziv chênhv heik trâu côngv thôngx, xã hội. Heik, kriê têx tuz nhuôs cơưv shâuv thiêz uô trơưk Lâul Hôx cêr nênhx jông, uô lơưr Đảng tsưr ziv fuô kriê, têx Nghị quyết...”.

Đhâu lês uô ntâu luôs hâux lưv lox ntơưv qơư; thâuv so lâul cux tsênhv sir jos đros uô hâux lưv Hội bôv đôiv lâul thiêz Bí thư chi bộ jok ntâu shông. Trơưk li tix lâus Sầm Văn Vĩnh-Tsar jok 1 Minh Chiềng, xã Minh Lương (Văn Bàn), zơưv Lục Bá Phảnh têx cêr uô ntêx nyuôs hâur cxuô luôs hâux lưv zos tsov iêr chi cax trâu cxênhx hluôk cơưv shâuv thiêz uô trơưk. “Jok 1 Minh Chiềng muôx 5 chuôz zis muôx côngz trâu têz qơưk. Txir hloz Lục Bá Phảnh zos iz tus uô ntêx nyuôs hâur cxuô cêr nuv, pêz têx hluôk tsuv cơưv shâuv, uô  trơưk txir hloz lok six ntâu. Muôx têx tus tsi cur tsi pâuz, tsi mênhx cux mul nus, đros txir hloz thav chiê txir hloz kriê”.

Zơưv Trần Xuân Ninh nhoz jok Trung Xuân, xã Võ Lao, huyện Văn Bàn, tỉnh Lào Cai tâu pâuz txos, zos iz hâur têx lênhx uô ntêx nyuôs cơưv shâuv thiêz uô trơưk Lâul Hôx cêr nênhx jông. Zơưv heik pâuz, txix têx shông 1972, đhâu thâuv muk uô tuz lênhv tror lok, zơưv muôx 2 shông cxaz chuôz uô hâux lưv tsưx phưv Tỉnh uỷ Ninh Thuận; đhâu ntơư yêik mul uô hâux lưv ntơưv Công an tỉnh Lào Cai. Uô tuz lênhv tror lok ntơưv qơư hâur têx shông txix 1997 txos shông 2022, zơưv uô Chủ tịch xã, đhâu ntơư uô Bí thư Chi bộ, chi hội tsar bôv đôiv lâul.... Txơưv nhoz kror tưs, uô zav hâux lưv đaz tsi, zơưv thâuv tưs cux sir jos lês uô têx hâux lưv zok muôz, cơưv shâuv thiêz uô trơưk Lâul Hôx cêr nênhx jông, uô ntêx nyuôs hâur cxuô cêr nuv, huôv tsar uô nox uô hâuk chiê têx tuz nhuôs uô lơưr: “Thâuv Lâul Hôx tsênhv uô nênhx nhoz, tưz tiêk cov tuôx tox siêz huôv tsar kinh tế, tuôx no uô li chas zuk pâuz, viv zuk muôx tsưr ziv, tâu cơưv shâuv, yax kriê trâu tsôngv pêx xênhv đros cxiv tsa, siz zâuv huôv tsar uô nox uô hnar”.

Huyện Văn Bàn, tỉnh Lào Cai nhiv no muôx 440 ntâu lênhx nênhs muôx côngz têz qơưk, chor nênhs muôx côngz têz qơưk li nênhs cxênhz jê tâu sơưv nhiêx paz niêx luz hlik. Đhâu qênhz shuôs, phênhv ntâu têx chuôz zis, lênhx nênhs heik sâuv puôr lênhx uô jông trơưk Đảng, têz qơưk chei kriê, uô lơưr cxix cxuô ntơưv qơư têx cui tinhv. Zơưv Nguyễn Ngọc Chiều-Phưv tsar phongx Lox tôngv saz pênhz thiêz xã hội huyện Văn Bàn heik pâuz: “Cxiz uô têx nuv ndo côngz pâux txiêx njis, paz uô tsêr nhoz trâu chor chuôz zis, lênhx nênhs muôx côngz têz qơưk. Lar heik, tsưr tsix têx đoanx, hâur co muôx hâu nov huyện uô thơưx chox chiê muk shuôs, muôz huv puz trâu têx chuôz zis, nênhs muôx côngz têz qơưk hâur thax tsav”.

Uô ntêx nyuôs hâur huôv tsar uô nox uô hâuk, sir jos đros lês uô têx hâux lưv xã hội thiêz muôx côngz đas jos paz trâu cxiv tsa, huôv tsar têz qơưk, têx lênhx tuz lênhv lâul trâul moz, trâul saz thâuv ntu tir ntâuk trol châuz tsưx phưv têz qơưk nhoz Văn Bàn-Lào Cai tsênhv tsênhv zos tsov iêr chi cax, uô ntêx nyuôs trâu cxênhx hluôk nhiv no cơưv shâuv, uô trơưk./.

CTVVOVTB-Riê Lâux cxeik, nhênhv